| | | | ᠵᠣᠬᠢᠶᠠᠭᠴᠢ᠄ ᠰᠡᠴᠡᠨᠨᠢᠩᠪᠤ | | | ᠠᠯᠢ ᠨᠢᠭᠡᠨ ᠡᠳᠦᠷ ᠥᠪᠡᠷ ᠢᠶᠠᠨ ᠴᠤ ᠨᠢᠭᠡ ᠪᠠᠭᠰᠢ ᠪᠣᠯᠴᠢᠬᠠᠭᠠᠳ ᠣᠯᠠᠨ ᠱᠠᠪᠢ ᠲᠠᠢ ᠪᠣᠯᠣᠨᠠ ᠭᠡᠵᠦ | ᠶᠣᠰᠣᠲᠠᠢ ᠠᠷᠪᠠᠨ ᠵᠡᠭᠦᠳᠦᠨ ᠳᠤ ᠴᠤ ᠪᠠᠶᠢᠭᠠ ᠦᠭᠡᠢ᠃ ᠪᠢ ᠪᠣᠯ ᠨᠢᠭᠡᠨ ᠪᠠᠭᠰᠢ ᠬᠥᠮᠥᠨ᠂ ᠲᠡᠷᠡ ᠮᠥᠷᠲᠡᠭᠡᠨ | ᠮᠤᠨᠳᠠᠭ ᠪᠠᠶᠠᠨ ᠪᠠᠭᠰᠢ᠂ ᠡᠷᠡ ᠶᠢᠨ ᠬᠡᠶᠢᠮᠣᠷᠢ ᠪᠠᠷ ᠣᠭᠰᠢᠭᠰᠠᠨ ᠭᠡᠷ ᠳᠦᠭᠦᠷᠡᠩ ᠬᠦᠦᠴᠦᠦᠯ ᠲᠠᠢ᠂ ᠤᠶᠠᠨ | ᠵᠥᠭᠡᠯᠡᠨ ᠠᠭᠠᠰᠢ ᠲᠠᠢ ᠤᠬᠠᠭᠠᠯᠢᠭ ᠣᠯᠠᠨ ᠬᠡᠦᠬᠡᠨᠴᠦᠳ ᠲᠠᠢ᠃ | | | ᠪᠠᠭᠰᠢ ᠬᠥᠮᠥᠨ ᠬᠠᠶᠢᠷᠠ ᠶᠢᠨ ᠪᠦᠷᠢᠯᠸᠠ ᠪᠠᠶᠢᠬᠤ ᠶᠣᠰᠣᠲᠠᠢ ᠭᠡᠵᠦ ᠪᠢ ᠦᠷᠭᠦᠯᠵᠢ ᠰᠡᠳᠬᠢᠯ ᠳᠤ ᠪᠠᠨ | ᠪᠤᠳᠤᠳᠠᠭ᠃ ᠶᠠᠭ ᠡᠶᠢᠮᠦ ᠠᠴᠠ ᠪᠢ ᠠᠩᠬᠠ ᠰᠤᠷᠤᠭᠴᠢ ᠲᠠᠢ ᠪᠠᠨ ᠤᠴᠠᠷᠠᠬᠤ ᠳᠤ ᠲᠡᠳᠡ ᠨᠠᠷ ᠢ ᠪᠦᠷ | ᠥᠪᠡᠷ ᠤᠨ ᠢᠶᠠᠨ ᠬᠡᠦᠬᠡᠳ ᠰᠢᠭ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ ᠪᠠᠨ ᠲᠡᠪᠡᠷᠢᠵᠦ ᠠᠪᠤᠭᠰᠠᠨ ᠶᠤᠮ᠃ ᠠᠵᠢᠯ ᠳᠤ | ᠭᠠᠷᠤᠭᠠᠳ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠣᠯᠤᠭᠰᠠᠨ ᠠᠩᠬᠠᠨ ᠤ ᠭᠠᠷᠠᠭ ᠪᠢᠯᠡ᠃ ᠡᠳᠦᠷ ᠢᠶᠠᠷ ᠬᠡᠦᠬᠡᠳ ᠤᠳ ᠤᠨ | ᠳᠤᠮᠳᠠ ᠡᠨᠡ ᠲᠡᠷᠡ ᠭᠡᠳ ᠭᠦᠶᠦᠵᠦ ᠨᠢᠰᠦᠭᠡᠳ ᠦᠳᠡᠰᠢ ᠪᠣᠯᠬᠤ ᠪᠠᠷ ᠨᠢ ᠪᠦᠷ ᠶᠠᠳᠠᠷᠠᠭᠠᠳ ᠨᠢᠭᠡ ᠶᠠᠭᠤᠮᠠ | ᠪᠣᠯᠴᠢᠬᠠᠳᠠᠭ᠃ ᠲᠡᠷᠡ ᠦᠶᠡ ᠳᠤ ᠡᠵᠢ ᠳᠤ ᠪᠠᠨ ᠤᠲᠠᠰᠤ ᠠᠪᠤᠭᠠᠳ ᠨᠢᠭᠡ ᠡᠳᠦᠷ ᠤᠨ ᠢᠶᠠᠨ ᠶᠠᠭᠠᠷᠠᠤ ᠪᠠᠨ | ᠲᠣᠭᠠᠴᠢᠬᠤ ᠳᠤ᠂ ᠡᠵᠢ ᠮᠢᠨᠢ᠄ ︽ᠲᠠᠶᠢᠪᠤᠩ ᠪᠠᠢ᠂ ᠬᠡᠦᠬᠡᠨ ᠠ᠋᠂ ᠬᠥᠯ ᠭᠠᠷ ᠢᠶᠠᠨ ᠤᠬᠢᠶᠠᠭᠠᠳ ᠰᠠᠶᠢᠬᠠᠨ ᠠᠮᠠᠷᠠᠭᠠᠳ | ᠠᠪ᠂ ᠮᠠᠷᠭᠠᠰᠢ ᠰᠠᠶᠢᠬᠠᠨ ᠪᠣᠯᠴᠢᠬᠠᠨᠠ︾ ᠭᠡᠳ ᠲᠠᠶᠢᠳᠬᠤᠷᠠᠭᠤᠯᠵᠤ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡᠷᠢᠯ ᠤᠨ ᠲᠡᠭᠷᠢ | ᠡᠵᠢ ᠶᠢᠨ ᠢᠶᠠᠨ ᠬᠡᠯᠡᠭᠰᠡᠨ ᠢᠶᠠᠷ ᠰᠠᠶᠢᠬᠠᠨ ᠠᠮᠠᠷᠠᠭᠠᠳ ᠳᠠᠷᠠᠭᠠ ᠡᠳᠦᠷ ᠤᠨ ᠬᠢᠨᠢ ᠥᠷᠯᠥᠭᠡ ᠡᠷᠲᠡ | ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠬᠡᠦᠬᠡᠳ ᠢᠶᠠᠨ ᠲᠤᠰᠬᠤ ᠪᠠᠷ ᠣᠴᠢᠬᠤ ᠳᠤ᠂ ᠨᠠᠷᠠᠨ ᠰᠠᠷᠠᠨ ᠰᠢᠭ ᠭᠡᠷᠡᠯᠲᠦᠭᠰᠡᠨ | ᠬᠡᠦᠬᠡᠳ ᠤᠳ ᠮᠢᠨᠢ ︽ᠪᠠᠭᠰᠢ ᠠ᠋᠂ ᠥᠷᠯᠥᠭᠡ ᠰᠠᠶᠢᠨ︕︾ ᠭᠡᠳ ᠮᠢᠨᠤ ᠥᠭᠡᠳᠡ ᠠᠴᠠ ᠬᠦᠷᠦᠭᠡᠳ ᠢᠷᠡᠬᠦ ᠪᠠᠷ | ᠤᠷᠢᠳᠤ ᠡᠳᠦᠷ ᠤᠨ ᠪᠠᠶᠢᠳᠠᠭ ᠶᠠᠳᠠᠷᠠᠭᠠ ᠵᠦᠳᠡᠷᠡᠭᠡ ᠪᠦᠷ ᠣᠷᠣ ᠦᠭᠡᠢ ᠠᠯᠠᠭᠠ ᠪᠣᠯᠴᠢᠬᠠᠭᠰᠠᠨ᠃ | | | ᠶᠠᠭ ᠯᠠ ᠡᠵᠢ ᠶᠢᠨ ᠮᠢᠨᠢ ᠢᠰᠢᠭᠡ ᠬᠤᠷᠠᠭᠠ ᠶᠢᠨ ᠢᠶᠠᠨ ᠮᠠᠶᠢᠯᠠᠯᠳᠤᠬᠤ ᠳᠠᠭᠤᠨ᠂ ᠬᠥᠷᠥᠪᠡᠵᠢᠬᠦ ᠶᠢ ᠨᠢ | ᠬᠠᠷᠠᠭᠠᠳ ᠪᠠᠶᠠᠰᠳᠠᠭ ᠲᠠᠢ ᠠᠳᠠᠯᠢ ᠪᠢ ᠴᠤ ᠶᠠᠭ ᠡᠨᠡ ᠬᠥᠭᠡᠷᠦᠬᠦᠨ ᠬᠡᠦᠬᠡᠳ ᠤᠳ ᠢᠶᠠᠨ ᠬᠠᠷᠠᠬᠤ ᠪᠠᠷ ᠴᠤᠭ | ᠬᠡᠶᠢᠮᠣᠷᠢ ᠮᠢᠨᠢ ᠪᠠᠳᠠᠷᠠᠵᠤ᠂ ᠤᠯᠠᠮ ᠵᠣᠷᠢᠭᠲᠠᠢ᠂ ᠨᠠᠷᠠᠯᠠᠭ ᠪᠣᠯᠳᠠᠭ᠃ | | | ᠬᠡᠦᠬᠡᠳ ᠭᠡᠵᠦ ᠡᠷᠴᠢ ᠡᠷᠴᠢᠮ ᠨᠢ ᠮᠤᠨᠳᠠᠭ᠂ ᠦᠨᠡᠬᠡᠷ ᠪᠠᠭ᠋ᠠᠷᠬᠠᠵᠤ ᠬᠠᠶᠢᠷᠠᠯᠠᠬᠤ ᠠᠴᠠ ᠥᠭᠡᠷᠡ ᠠᠷᠭᠠ | ᠦᠭᠡᠢ ᠬᠥᠭᠡᠷᠦᠬᠦᠨ ᠠᠮᠢᠲᠠᠳ᠃ ᠮᠢᠨᠤ ᠬᠡᠦᠬᠡᠳ ᠤᠳ ᠦᠷᠭᠦᠯᠵᠢ ᠨᠠᠳᠠ ᠠᠴᠠ ︽ᠪᠠᠭᠰᠢ ᠠ᠋᠂ ᠲᠠᠨ ᠤ ᠬᠡᠦᠬᠡᠳ | ᠬᠦᠦ ᠶᠤᠮ ᠤᠤ︖ ᠬᠡᠦᠬᠡᠨ ᠶᠤᠮ ᠤᠤ︖︾ ᠭᠡᠵᠦ ᠠᠰᠠᠭᠤᠳᠠᠭ᠃ ᠲᠡᠷᠡ ᠦᠶᠡ ᠳᠤᠨᠢ ᠪᠢ᠄ ︽ᠪᠠᠭᠰᠢ ᠳᠤᠨᠢ | ᠬᠡᠦᠬᠡᠨ ᠴᠤ ᠪᠠᠶᠢᠨᠠ᠂ ᠬᠦᠦ ᠴᠤ ᠪᠠᠶᠢᠨᠠ᠂ ᠪᠠᠶᠢᠬᠤ ᠪᠠᠶᠢᠬᠤ ᠳᠤ ᠪᠠᠨ ᠪᠦᠷ ᠭᠤᠴᠢᠭᠠᠳ ᠬᠦᠦ ᠬᠡᠦᠬᠡᠨ ᠲᠠᠢ ᠰᠢᠤ︕ | ︾ ᠭᠡᠵᠦ ᠣᠮᠤᠭ ᠪᠠᠷᠳᠠᠮ ᠬᠠᠷᠢᠭᠤᠯᠬᠤ ᠳᠤ᠂ ᠮᠢᠨᠤ ᠬᠡᠦᠬᠡᠳ ᠤᠳ ︽ᠪᠢᠰᠢ ᠠ᠋᠂ ᠪᠠᠭᠰᠢ ᠠ᠋᠂ ᠲᠠᠨ ᠤ ᠭᠡᠷ ᠲᠤ | ᠪᠠᠶᠢᠭᠠ ᠬᠡᠦᠬᠡᠳ ᠢ ᠲᠠᠨᠢ ᠬᠡᠯᠡᠵᠦ ᠪᠠᠶᠢᠨᠠ︾ ᠭᠡᠬᠦ ᠶᠤᠮ ᠪᠢᠯᠡ᠃ ᠤᠰᠤᠨ ᠤ ᠰᠢᠪᠠᠭᠤ ᠰᠢᠭ ᠱᠤᠯᠤᠭᠠᠨᠠᠳᠠᠭ | ᠬᠡᠦᠬᠡᠳ ᠤᠳ ᠳᠠᠩᠳᠠ ᠪᠠᠨ ᠤᠷᠮᠠ ᠵᠣᠷᠢᠭ ᠬᠠᠶᠢᠷᠠᠯᠠᠳᠠᠭ᠃ | | | ᠳᠡᠭᠡᠷᠡ ᠬᠤᠭᠤᠴᠠᠭᠠ ᠮᠠᠨ ᠤ ᠠᠩᠭᠢ ᠶᠢᠨ ᠮᠠᠯᠢᠺᠠ ᠭᠡᠰᠡᠨ ᠨᠡᠷᠡ ᠲᠠᠢ ᠬᠥᠭᠡᠷᠦᠬᠦᠨ ᠥᠬᠢᠨ ᠠᠪᠤ ᠡᠵᠢ ᠶᠢᠨ | ᠬᠢᠨᠢ ᠠᠵᠢᠯ ᠠᠯᠪᠠ ᠶᠢᠨ ᠤᠴᠢᠷ ᠠᠴᠠ ᠪᠣᠯᠵᠤ ᠠᠷᠭᠠ ᠦᠭᠡᠢ ᠪᠠᠶᠢᠳᠠᠯ ᠤᠨ ᠳᠣᠣᠷᠠ ᠰᠤᠷᠭᠠᠭᠤᠯᠢ ᠰᠢᠯᠵᠢᠬᠦ ᠪᠠᠷ | ᠪᠣᠯᠪᠠ᠃ ᠪᠢ ᠡᠨᠡ ᠴᠢᠮᠡᠭᠡ ᠶᠢ ᠤᠷᠢᠳᠤ ᠡᠳᠦᠷ ᠨᠢ ᠡᠵᠢ ᠶᠢᠨ ᠬᠢᠨᠢ ᠶᠠᠷᠢᠶᠠᠨ ᠠᠴᠠ ᠰᠣᠨᠣᠰᠤᠭᠰᠠᠨ ᠠᠴᠠ ᠬᠤᠶᠢᠰᠢ | ᠰᠡᠳᠬᠢᠯ ᠨᠢᠭᠡ ᠯᠠ ᠣᠨᠳᠣᠣ ᠪᠠᠶᠢᠭᠰᠠᠨ ᠶᠤᠮ ᠪᠢᠯᠡ᠃ ᠶᠠᠭ ᠶᠠᠪᠤᠬᠤ ᠲᠡᠷᠡ ᠥᠷᠯᠥᠭᠡ ᠪᠢ ᠮᠠᠯᠢᠺᠠ ᠬᠡᠦᠬᠡᠨ ᠢᠶᠠᠨ | ᠬᠠᠵᠠᠭᠤ ᠳᠤ ᠪᠠᠨ ᠳᠠᠭᠤᠳᠠᠵᠤ ᠠᠪᠴᠢᠷᠠᠭᠠᠳ ᠬᠤᠶᠠᠷ ᠦᠭᠡ ᠵᠠᠬᠢᠵᠤ ᠰᠣᠯᠢᠶᠠ ᠭᠡᠰᠡᠨ ᠴᠢᠨᠢ ᠨᠢᠳᠦ ᠪᠠᠨ | ᠤᠯᠠᠶᠢᠯᠭᠠᠨ ᠬᠠᠵᠠᠭᠤ ᠳᠤ ᠮᠢᠨᠢ ᠵᠣᠭᠰᠣᠭᠰᠠᠨ ᠬᠥᠭᠡᠷᠦᠬᠦᠨ ᠬᠠᠷᠠᠴᠠ ᠶᠢ ᠨᠢ ᠬᠠᠷᠠᠭᠠᠳ ᠬᠥᠭᠡᠷᠦᠬᠦᠶᠢᠯᠡᠬᠦ ᠲᠠᠢ᠂ | ᠰᠠᠯᠵᠤ ᠶᠠᠳᠠᠬᠤ ᠲᠠᠢ᠂ ᠲᠡᠷᠡ ᠳᠣᠣᠷᠠ ᠪᠠᠨ ᠮᠢᠨᠤ ᠬᠤᠭᠤᠯᠠᠢ ᠵᠠᠩᠭᠢᠷᠠᠵᠤ ᠤᠬᠢᠯᠠᠬᠤ ᠰᠢᠬᠠᠮ ᠪᠣᠯᠣᠯᠠ᠃ ᠬᠡᠵᠢᠶᠡ ᠴᠤ | ᠬᠥᠮᠥᠨ ᠤ ᠡᠮᠦᠨᠡ ᠨᠢᠯᠪᠤᠰᠤ ᠤᠨᠠᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢ ᠬᠢᠴᠢᠶᠡᠨ ᠥᠪᠡᠷ ᠢ ᠪᠠᠨ ᠬᠠᠲᠠᠭᠤᠬᠠᠨ ᠱᠠᠭᠠᠷᠳᠠᠳᠠᠭ | ᠪᠢ ᠪᠤᠰᠢᠭᠤᠬᠠᠨ ᠮᠠᠯᠢᠺᠠ ᠠᠴᠠ ᠪᠠᠨ ᠪᠤᠷᠤᠭᠤᠯᠠᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠯᠠ᠃ ᠠᠷᠭᠠ ᠦᠭᠡᠢ ᠰᠠᠶᠢᠬᠠᠨ ᠳᠠᠰᠤᠭᠰᠠᠨ | ᠶᠤᠮ ᠳ᠋ᠠ ᠁ | | | ᠲᠡᠷᠡ ᠭᠱᠠᠨ ᠢ ᠪᠢ ᠡᠭᠦᠷᠢᠳᠡ ᠮᠠᠷᠲᠠᠬᠤ ᠦᠭᠡᠢ︕ ᠶᠠᠭ ᠯᠠ ᠵᠢᠷᠦᠬᠡ ᠶᠢ ᠮᠢᠨᠢ ᠵᠡᠭᠦᠦ ᠪᠠᠷ ᠰᠢᠪᠡᠵᠦ ᠪᠠᠶᠢᠭᠠ | ᠠᠳᠠᠯᠢ ᠡᠪᠡᠳᠴᠦ ᠪᠠᠶᠢᠪᠠ᠃ | | | ᠮᠠᠯᠢᠺᠠ ᠪᠣᠯ ᠮᠢᠨᠤ ᠠᠩᠬᠠᠨ ᠤ ᠰᠤᠷᠤᠭᠴᠢ᠂ ᠮᠥᠨ ᠴᠦ ᠮᠢᠨᠤ ᠬᠠᠶᠢᠷᠠᠲᠠᠢ ᠬᠡᠦᠬᠡᠨ ᠶᠤᠮ ᠰᠢᠤ︕ ᠲᠡᠷᠡ ᠵᠢᠯ | ᠪᠢ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠤᠯᠬᠤ ᠳᠤ ᠬᠠᠮᠤᠭ ᠤᠨ ᠤᠷᠢᠳ ᠢᠶᠠᠷ ᠬᠠᠵᠠᠭᠤ ᠳᠤ ᠮᠢᠨᠢ ᠬᠦᠷᠴᠦ ᠢᠷᠡᠭᠰᠡᠨ ᠮᠢᠨᠤ | ᠠᠩᠬᠠᠨ ᠤ ᠱᠠᠪᠢ ᠶᠤᠮ᠃ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠮᠠᠯᠢᠺᠠ ᠬᠡᠦᠬᠡᠨ ᠢᠶᠠᠨ ᠳᠠᠭᠠᠭᠤᠯᠤᠭᠠᠳ ᠶᠠᠪᠤᠬᠤ ᠳᠤ | ᠪᠤᠰᠤᠳ ᠪᠠᠭᠰᠢ ᠨᠠᠷ ︽ᠬᠡᠦᠬᠡᠨ ᠴᠢᠨᠢ ᠶᠤᠮ ᠤᠤ︖ ᠴᠢᠮᠠ ᠲᠠᠢ ᠶᠠᠭᠠᠬᠢᠭᠰᠠᠨ ᠠᠳᠠᠯᠢ ᠪᠤᠢ︕︾ ᠭᠡᠳ ᠪᠦᠷ | ᠡᠡ᠊ᠨᠳᠡᠭᠦᠷᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ | | | ᠮᠠᠯᠢᠺᠠ ᠮᠢᠨᠢ ᠬᠥᠮᠥᠨ ᠲᠦᠮᠡᠨ ᠤ ᠳᠤᠮᠳᠠ ᠣᠷᠣᠶᠢᠯᠠᠵᠤ ᠶᠠᠪᠤᠭᠠᠷᠠᠢ︕ ᠰᠣᠳᠣᠨ ᠰᠤᠷᠤᠭᠠᠷᠠᠢ︕ ᠭᠡᠵᠦ | ᠪᠠᠭᠰᠢ ᠨᠢ ᠬᠠᠮᠤᠭ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢᠷᠦᠭᠡᠯ ᠢᠶᠠᠨ ᠵᠥᠩᠨᠡᠶᠡ︕ | | | ᠪᠠᠶᠢᠳᠠᠰᠤ ᠰᠦᠷᠦᠭ ᠰᠣᠯᠢᠳᠠᠭ ᠰᠢᠭ ᠬᠡᠦᠬᠡᠳ ᠤᠳ ᠰᠣᠯᠢᠭᠳᠠᠭᠠᠳ ᠶᠠᠪᠤᠬᠤ ᠳᠤ᠂ ᠬᠠᠮᠤᠭ ᠡᠷᠴᠢ ᠴᠢᠳᠠᠯ ᠢ | ᠨᠢ ᠬᠤᠷᠤᠶᠢᠯᠠᠵᠤ᠂ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠯ ᠢᠶᠠᠨ ᠤᠭᠲᠤᠨ᠂ ᠰᠢᠨᠡ ᠰᠤᠷᠤᠭᠴᠢᠳ ᠲᠠᠢ ᠪᠠᠨ ᠠᠭᠤᠯᠵᠠᠵᠤ ᠵᠢᠷᠭᠠᠵᠤ | ᠠᠮᠢᠳᠤᠷᠠᠳᠠᠭ ᠶᠤᠮ ᠠ᠋᠃ | |