| | ᠲᠤᠯᠮᠠ ᠲᠦᠷᠦᠭᠦᠦ ᠬᠤᠶᠠᠷ ᠡᠳᠦᠷ ᠬᠠᠨᠢᠶᠠᠵᠤ ᠨᠠᠶᠢᠲᠠᠭᠠᠯᠭᠠᠭᠠᠳ ᠪᠠᠶᠢᠬᠤᠯᠠᠷ ᠡᠮᠨᠡᠯᠭᠡ ᠳᠤ ᠬᠦᠷᠴᠦ | ᠪᠡᠶᠡ ᠪᠠᠨ ᠪᠠᠶᠢᠴᠠᠭᠠᠯᠭᠠᠵᠤ ᠦᠵᠡᠪᠡ᠃ ᠡᠩ ᠤᠨ ᠬᠢᠮᠤᠷᠠᠭᠠ ᠪᠣᠯᠬᠤᠷ ᠡᠮ ᠲᠠᠩ ᠤᠤᠭᠤᠵᠤ ᠰᠠᠶᠢᠨ ᠠᠮᠠᠷᠠᠭᠰᠠᠨ | ᠴᠢᠨᠢ ᠥᠨᠥ ᠥᠷᠯᠥᠭᠡ ᠪᠤᠰᠬᠤ ᠳᠤ ᠵᠦᠭᠡᠷᠬᠡᠨ ᠰᠢᠭ ᠪᠣᠯᠵᠤ ᠪᠡᠶᠡ ᠰᠡᠳᠬᠢᠯ ᠨᠢ ᠲᠤᠩ ᠠᠶᠠᠲᠠᠢ ᠪᠠᠶᠢᠯᠠ᠃ | ᠡᠷᠲᠡ ᠶᠢᠨ ᠴᠠᠢ ᠪᠠᠨ ᠤᠤᠭᠤᠮᠠᠭᠴᠠ ᠦᠰᠦ ᠵᠠᠰᠠᠬᠤ ᠭᠠᠵᠠᠷ ᠢᠶᠠᠨ ᠣᠴᠢᠨᠠ ᠭᠡᠬᠦ ᠪᠠᠷ ︽ᠵᠠ᠂ ᠶᠠᠭᠠᠬᠢᠬᠤᠪ᠂ | ᠬᠥᠮᠥᠨ ᠳᠤᠷᠠ ᠲᠠᠢ ᠵᠦᠢᠯ ᠢᠶᠠᠨ ᠬᠢᠬᠦ ᠳᠤ ᠯᠨ ᠤᠷᠮᠠ ᠵᠣᠷᠢᠭ ᠨᠢ ᠬᠥᠭᠵᠢᠵᠦ᠂ ᠪᠠᠶᠠᠷ ᠪᠠᠶᠠᠰᠤᠯ ᠢᠶᠠᠨ ᠡᠳ᠋ᠯᠡᠳᠡᠭ | ᠪᠠᠶᠢᠯᠭᠦᠢ︾ ᠭᠡᠵᠦ ᠪᠤᠳᠤᠬᠰᠠᠨ ᠨᠥᠬᠦᠷ ᠲᠠᠯᠠᠢ ᠨᠢ ᠠᠵᠢᠯᠯᠠᠬᠤ ᠪᠠᠷ ᠶᠠᠪᠤᠬᠤ ᠵᠠᠮ ᠳᠠᠭᠠᠨ ᠪᠦᠰᠡᠭᠦᠢ ᠪᠠᠨ ᠦᠰᠦ | ᠵᠠᠰᠠᠬᠤ ᠭᠡᠷ ᠤᠨ ᠬᠢᠨᠢ ᠡᠭᠦᠳᠡᠨ ᠳᠤ ᠬᠦᠷᠭᠡᠵᠦ ᠥᠭᠭᠦᠭᠡᠳ᠄ | | | - ᠪᠢᠲᠡᠭᠡᠢ ᠵᠦᠳᠡᠷᠡᠴᠢᠬᠡ ᠳ᠋ᠠ︕ ᠪᠡᠶᠡ ᠴᠢᠨᠢ ᠬᠠᠪᠤ ᠦᠭᠡᠢ ᠪᠣᠯ ᠴᠢᠮᠡᠭᠡ ᠪᠣᠯ ᠠ᠋ ᠭᠡᠵᠦ ᠲᠣᠮᠣ ᠮᠡᠰᠡ | ᠵᠠᠰᠠᠯ ᠬᠢᠭᠡᠳ ᠰᠠᠶ᠋ᠢᠬᠠᠨ ᠨᠢᠭᠡ ᠵᠢᠯ ᠤᠨ ᠨᠢᠭᠤᠷ ᠢᠶᠠᠨ ᠦᠵᠡᠵᠦ ᠪᠠᠶᠢᠭᠠ ᠪᠦᠰᠡᠭᠦᠢ ᠳᠡᠭᠡᠨ ᠰᠠᠨᠠᠭᠠ ᠪᠣᠯᠵᠤ | ᠬᠠᠯᠠᠮᠵᠢᠯᠠᠨ ᠬᠡᠯᠡᠭᠡᠳ ᠪᠠᠶᠢᠭᠤᠯᠭᠠ ᠵᠦᠭ ᠢᠶᠠᠨ ᠶᠠᠪᠤᠯᠠ᠃ ᠠᠮᠢᠳᠤᠷᠠᠯ ᠶᠠᠮᠠᠷ ᠰᠠᠶᠢᠬᠠᠨ ᠪᠤᠢ ᠭᠡᠵᠦ ᠲᠤᠯᠮᠠ | ᠪᠤᠳᠤᠬᠤ ᠪᠠᠷ ᠪᠦᠰᠡᠭᠦᠢ ᠬᠥᠮᠥᠨ ᠳᠤ ᠯᠨ ᠪᠠᠶᠢᠳᠠᠭ ᠥᠷᠥᠪᠴᠢᠬᠡᠨ ᠰᠡᠳᠬᠢᠯ ᠨᠢ ᠤᠶᠠᠷᠠᠯ ᠲᠠᠯᠠᠷᠬᠠᠯ ᠢᠶᠠᠷ | ᠳᠣᠭᠳᠣᠯᠤᠨᠠ᠃ ᠡᠷᠲᠡ ᠶᠢᠨ ᠴᠡᠪᠡᠷ ᠠᠭᠠᠷ ᠢ ᠴᠡᠭᠡᠵᠢ ᠪᠠᠨ ᠣᠩᠭᠤᠶᠢᠲᠠᠯᠠ ᠠᠮᠢᠰᠬᠤᠵᠤ᠂ ᠡᠨᠡ ᠲᠡᠷᠨ ᠪᠠᠨ | ᠵᠦᠯᠭᠦᠵᠦ ᠠᠷᠴᠢᠬᠤ ᠶᠢᠨ ᠳᠠᠭᠠᠤ ᠲᠤᠯᠮᠠ ᠳᠡᠭᠦᠦ ᠳᠡᠭᠡᠨ ᠤᠲᠠᠰᠤ ᠵᠠᠯᠭᠠᠯᠠ᠃ ᠡᠪᠡᠳᠴᠢᠨ ᠠᠷᠬᠠᠭ ᠠᠴᠠ ᠪᠠᠨ | ᠰᠠᠯᠤᠭᠰᠠᠨ ᠳᠡᠭᠦᠦ ᠶᠢᠨ ᠢᠶᠠᠨ ︽ᠡᠭᠡᠴᠢ ᠠ᠋᠂ ᠰᠠᠶᠢᠨ ᠤᠤ︖ ᠁︾ ᠭᠡᠬᠦ ᠡᠷᠡᠭᠦᠯ ᠲᠣᠳᠣ ᠲᠠᠭᠤ ᠶᠢ | ᠰᠣᠨᠣᠰᠤᠭᠰᠠᠨ ᠲᠡᠭᠦᠨ ᠳᠤ ᠶᠢᠷᠲᠢᠨᠴᠦ ᠶᠢᠨ ᠶᠠᠭᠤ ᠪᠦᠭᠦᠨ ᠬᠠᠶᠢᠷᠠᠯᠠᠯᠲᠠᠢ ᠰᠠᠨᠠᠭᠳᠠᠬᠤ ᠨᠢ︕ | | | ︽ᠬᠥᠮᠥᠨ ᠤ ᠰᠠᠶᠢᠬᠠᠨ ᠰᠡᠳᠬᠢᠯ ᠢ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠭᠡᠵᠦ | | | ᠬᠦᠵᠢ ᠳᠡᠯᠡᠬᠡᠢ ᠳᠤ ᠪᠢ ᠬᠦᠰᠡᠯ ᠢᠶᠠᠨ ᠰᠢᠩᠭᠡᠭᠡᠵᠦ ᠳᠠᠭᠤᠯᠠᠮᠠᠷ ᠪᠠᠶᠢᠨᠠ ᠁︾ | | | ᠡᠩᠬᠡᠵᠤᠯᠠ ᠶᠢᠨ ᠳᠠᠭᠤᠯᠠᠭᠰᠠᠨ ︽ᠬᠥᠮᠥᠨ ᠤ ᠰᠠᠶᠢᠬᠠᠨ ᠰᠡᠳᠬᠢᠯ︾ ᠳᠠᠭᠤᠤ ᠲᠤᠯᠮᠠ ᠶᠢᠨ ᠳᠣᠭᠳᠣᠯᠤᠯ ᠲᠠᠢ | ᠬᠠᠮᠲᠤ ᠦᠷᠦᠭᠡ ᠠᠴᠠ ᠭᠠᠳᠠᠭᠰᠢ ᠲᠡᠯᠡᠷᠡᠨ ᠬᠠᠩᠭᠢᠨᠠᠵᠤ ᠵᠡᠭᠡᠯᠢ ᠶᠢᠨ ᠥᠷᠯᠥᠭᠡ ᠶᠢ ᠤᠶᠠᠩᠭᠠ ᠪᠠᠷ ᠴᠢᠮᠡᠬᠦ ᠠᠵᠢ᠃ | | | ᠁ | | | ᠳᠡᠭᠦᠦ ᠴᠢᠭᠢᠷᠠᠭ ᠨᠢ ᠡᠭᠡᠴᠢ ᠠᠴᠠ ᠪᠠᠨ ᠤᠷᠢᠲᠠ ᠬᠤᠷᠢᠮ ᠬᠢᠵᠦ ᠠᠶᠢᠯ ᠡᠷᠦᠭᠡ ᠪᠣᠯᠤᠭᠰᠠᠨ ᠶᠤᠮ᠃ ᠨᠢᠭᠡ | ᠭᠡᠷ ᠤᠨ ᠭᠤᠷᠪᠠᠨ ᠦᠶᠡ ᠶᠢᠨ ᠪᠠᠶᠠᠷ ᠵᠢᠷᠭᠠᠯ ᠲᠠᠢ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠠᠮᠢᠳᠤᠷᠠᠯ ᠨᠢ ᠴᠢᠭᠢᠷᠠᠭ ᠤᠨ ︽ᠰᠢᠭᠡᠰᠦᠨ | ᠬᠤᠣᠷᠳᠠᠯ︾ ᠤᠨ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠢᠶᠠᠷ ᠵᠣᠪᠠᠭᠤᠷᠢ ᠲᠠᠷᠴᠢᠯᠠᠭᠠᠯ ᠤᠨ ᠳᠤᠮᠳᠠ ᠥᠩᠭᠡᠷᠡᠭᠡᠬᠦ | ᠪᠣᠯᠤᠭᠰᠠᠨ ᠢ ᠶᠠᠭᠤ ᠬᠡᠯᠡᠬᠦᠪ᠃ ᠨᠢᠭᠡ ᠤᠳᠠᠭᠠ ᠲᠤᠯᠮᠠ ᠶᠢᠨ ᠲᠠᠪᠤᠨ ᠨᠠᠰᠤᠲᠠᠢ ᠬᠦᠦ ᠲᠣᠯᠢ ᠨᠢ ᠵᠢᠭᠠᠬᠠᠨ | ᠬᠠᠯᠠᠭᠤᠷᠠᠵᠤ ᠮᠠᠷ ᠰᠠᠷ ᠬᠠᠨᠢᠶᠠᠯᠭᠠᠭᠠᠳ ᠪᠠᠶᠢᠬᠤ ᠪᠠᠷ ᠨᠢ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠳᠤ ᠭᠦᠷᠪᠡ᠃ ᠲᠡᠭᠡᠭᠡᠳ | ᠬᠦᠦ ᠪᠠᠨ ᠪᠠᠶᠢᠴᠠᠭᠠᠯᠭᠠᠵᠤ ᠦᠵᠡᠭᠡᠳ ᠤᠨᠴᠠᠭᠠᠢ ᠪᠠᠶᠢᠳᠠᠯ ᠦᠭᠡᠢ ᠪᠣᠯᠬᠤᠷ ᠡᠮᠴᠢ ᠶᠢᠨ ᠥᠭᠭᠦᠭᠰᠡᠨ ᠦᠷᠪᠢᠰᠦᠯ ᠢ | ᠳᠠᠷᠤᠬᠤ ᠡᠮ ᠪᠣᠯᠣᠨ ᠲᠠᠭᠰᠢᠭᠤᠷ ᠤᠨ ᠡᠮ ᠢ ᠠᠪᠤᠭᠠᠳ᠂ ᠭᠤᠷᠪᠠᠳᠤᠭᠠᠷ ᠳᠠᠪᠬᠤᠷᠯᠢᠭ ᠲᠤ ᠴᠢᠰᠤᠨ ᠠᠷᠢᠭᠤᠳᠬᠠᠯ | ᠬᠢᠵᠦ ᠪᠠᠶᠢᠭᠠ ᠳᠡᠭᠦᠦ ᠪᠠᠨ ᠣᠷᠣᠵᠤ ᠦᠵᠡᠪᠡ᠃ ᠨᠠᠭᠠᠴᠤ ᠶᠢᠨ ᠢᠶᠠᠨ ᠡᠪᠡᠷᠰᠢᠶᠡᠯ ᠲᠠᠢ ᠪᠠᠶᠢᠳᠠᠯ ᠢ ᠠᠩᠬᠠ | ᠬᠠᠷᠠᠭᠰᠠᠨ ᠲᠣᠯᠢ ᠶᠢᠨ ᠪᠢᠴᠢᠬᠠᠨ ᠴᠡᠭᠡᠵᠢᠨ ᠳᠤᠨᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠭᠠᠶᠢᠬᠠᠰᠢᠷᠠᠯ ᠰᠣᠴᠢᠯ | ᠡᠷᠭᠢᠯᠳᠦᠵᠡᠢ᠃ ᠶᠡᠷᠦᠳᠡᠭᠡᠨ ᠨᠠᠭᠠᠴᠤ ᠪᠠᠨ ᠦᠵᠡᠭᠰᠡᠭᠡᠷ ︽ᠨᠠᠳᠠ ᠮᠣᠷᠢ ᠤᠨᠤᠬᠤ ᠶᠢ ᠵᠢᠭᠠᠵᠤ ᠥᠭ︾ ᠭᠡᠵᠦ ᠡᠷᠬᠡᠯᠡᠨ | ᠨᠠᠭᠠᠯᠢᠩᠬᠠᠶᠢᠳᠠᠳᠠᠭ ᠲᠣᠯᠢ ᠬᠦᠦ ᠡᠬᠡ ᠶᠢᠨ ᠢᠶᠠᠨ ᠬᠤᠷᠮᠣᠢ ᠠᠴᠠ ᠨᠢᠭᠡᠮᠦᠰᠦᠨ ᠵᠢᠭᠤᠷᠠᠯᠳᠤᠭᠠᠳ ᠰᠠᠯᠬᠤ ᠦᠭᠡᠢ | ᠪᠣᠯᠪᠠ᠃ ᠬᠦᠦ ᠶᠢᠨ ᠢᠶᠠᠨ ᠤᠷᠮᠠ ᠦᠭᠡᠢ ᠳᠦᠷᠢ ᠪᠣᠯᠣᠨ ᠡᠪᠡᠳᠴᠢᠨ ᠤ ᠲᠠᠷᠴᠢᠯᠠᠭᠠᠯ ᠳᠤ ᠵᠣᠪᠠᠵᠤ ᠤᠳᠠᠭᠰᠠᠨ | ᠳᠡᠭᠦᠦ ᠪᠠᠨ ᠬᠠᠷᠠᠭᠰᠠᠨ ᠲᠤᠯᠮᠠ ᠶᠢᠨ ᠬᠠᠮᠠᠷ ᠤᠨ ᠦᠵᠦᠭᠦᠷ ᠱᠠᠷᠬᠢᠷᠠᠵᠤ᠂ ᠡᠮᠨᠡᠯᠭᠡ ᠶᠢᠨ ᠲᠠᠰᠤᠯᠭᠠ ᠠᠴᠠ | ᠱᠠᠯᠠᠪᠬᠠᠨ ᠭᠠᠷᠤᠭᠠᠳ ︽ᠮᠢᠨᠤ ᠬᠦᠦ ᠤᠬᠠᠭᠠᠨ ᠲᠠᠢ᠂ ᠨᠠᠭᠠᠴᠤ ᠨᠢ ᠵᠦᠭᠡᠷ ᠰᠢᠤ᠂ ᠡᠵᠢ ᠳᠤᠨᠢ ᠨᠠᠭᠠᠴᠤ ᠶᠢ ᠨᠢ | ᠡᠳᠡᠭᠡᠭᠡᠬᠦ ᠡᠮ ᠪᠠᠶᠢᠭᠠ ᠰᠢᠤ︾ ᠭᠡᠵᠦ ᠬᠦᠦ ᠶᠢᠨ ᠢᠶᠠᠨ ᠴᠢᠬᠢᠨ ᠳᠤ ᠰᠡᠮᠭᠡᠨ ᠬᠡᠯᠡᠵᠦ ᠡᠯᠢᠭᠡᠨ ᠳᠡᠭᠡᠨ ᠴᠢᠩᠭᠠᠬᠠᠨ | ᠲᠡᠪᠡᠷᠢᠪᠡ᠃ ᠳᠡᠭᠦᠦ ᠶᠢᠨ ᠢᠶᠠᠨ ᠠᠩᠬᠠ ᠡᠬᠢᠯᠡᠵᠦ ᠡᠪᠡᠳᠴᠢᠨ ᠣᠯᠣᠭᠰᠠᠨ ᠠᠴᠠ ᠤᠳᠤ ᠭᠤᠷᠪᠠ ᠬᠤᠨᠤᠭ ᠲᠤ ᠨᠢᠭᠡ | ᠤᠳᠠᠭᠠ ᠴᠢᠰᠤᠨ ᠠᠷᠢᠭᠤᠳᠬᠠᠯ ᠬᠢᠵᠦ ᠠᠮᠢ ᠨᠠᠰᠤ ᠪᠠᠨ ᠦᠷᠭᠦᠯᠵᠢᠯᠡᠭᠦᠯᠬᠦ ᠪᠤᠯᠳᠠᠯᠠᠭᠢ ᠡᠨᠡ ᠬᠡᠳᠦᠨ ᠵᠢᠯ ᠳᠤ | ᠲᠤᠯᠮᠠ ᠨᠢᠭᠡ ᠡᠳᠦᠷ ᠴᠦ ᠰᠠᠨᠠᠭᠠ ᠠᠮᠤᠷ ᠶᠠᠪᠤᠵᠤ ᠴᠢᠳᠠᠭᠠ ᠦᠭᠡᠢ᠃ ᠠᠪᠤ ᠡᠵᠢ ᠨᠢ ᠪᠡᠶᠡ ᠮᠠᠭᠤᠲᠠᠢ ᠳᠡᠭᠡᠷᠡ ᠪᠠᠨ | ᠨᠠᠰᠤ ᠠᠬᠢᠭᠰᠠᠨ ᠪᠣᠯᠬᠤᠷ ᠳᠡᠭᠦᠦ ᠪᠠᠨ ᠠᠪᠤᠷᠠᠬᠤ ᠨᠢ ᠲᠡᠭᠦᠨ ᠤ ᠪᠡᠶᠡ ᠳᠤ ᠯᠨ ᠪᠠᠶᠢᠬᠤ ᠶᠢ ᠲᠤᠯᠮᠠ ᠮᠡᠳᠡᠵᠦ | ᠪᠠᠶᠢᠭᠰᠠᠨ ᠴᠦ ᠬᠦᠦ ᠨᠢ ᠬᠥᠬᠦ ᠠᠴᠠ ᠪᠠᠨ ᠵᠦᠳᠡᠭᠦᠦ ᠰᠠᠯᠵᠤ ᠪᠠᠶᠢᠭᠠ ᠵᠢᠭᠠᠬᠠᠨ ᠠᠮᠢᠳᠠᠨ ᠪᠠᠶᠢᠬᠤ ᠳᠤ ᠯᠨ | ᠥᠪᠡᠷ ᠤᠨ ᠪᠤᠳᠤᠯ ᠢᠶᠠᠨ ᠶᠠᠷᠢᠵᠤ ᠳᠡᠶᠢᠯᠦᠭᠡ ᠦᠭᠡᠢ ᠥᠨᠥᠳᠥᠷ ᠲᠤ ᠲᠤᠯᠵᠠᠢ᠃ | | | ᠲᠤᠯᠮᠠ ᠬᠦᠦ ᠲᠠᠢ ᠪᠠᠨ ᠡᠮᠨᠡᠯᠭᠡ ᠠᠴᠠ ᠪᠤᠴᠠᠵᠤ ᠢᠷᠡᠬᠦ ᠳᠤ ᠬᠠᠳᠠᠮ ᠡᠵᠢ ᠨᠢ ᠦᠳᠡ ᠶᠢᠨ ᠬᠤᠭᠤᠯᠨ ᠪᠠᠨ | ᠪᠡᠯᠡᠬᠡᠨ ᠪᠣᠯᠭᠠᠭᠠᠳ ᠬᠦᠯᠢᠶᠡᠵᠦ ᠪᠠᠶᠢᠯᠠ᠃ ᠨᠠᠭᠠᠴᠤ ᠪᠠᠨ ᠦᠵᠡᠭᠡᠳ ᠲᠠᠭᠤ ᠦᠭᠡᠢ ᠪᠡᠭᠲᠡᠷᠡᠯ ᠲᠠᠢ ᠢᠷᠡᠭᠰᠡᠨ | ᠪᠢᠴᠢᠬᠠᠨ ᠲᠣᠯᠢ ᠡᠮᠡᠭᠡ ᠪᠠᠨ ᠦᠵᠡᠮᠡᠭᠴᠡ ᠲᠡᠰᠬᠡᠯ ᠦᠭᠡᠢ ᠤᠭᠢᠯᠠᠴᠢᠬᠠᠪᠠ᠃ | | | ᠣᠮᠪᠣᠯᠣ ᠬᠦᠦ ᠪᠠᠨ ᠦᠭᠦᠭᠡᠷᠳᠦᠨ ᠲᠡᠪᠡᠷᠢᠭᠡᠳ ᠦᠨᠦᠰᠴᠦ ᠲᠠᠭᠠᠯᠠᠭᠰᠠᠨ ᠪᠠᠯᠭᠠᠷ ᠨᠠᠰᠤᠲᠠᠨ ︽ᠮᠢᠨᠤ | ᠣᠮᠪᠣᠯᠣ ᠵᠦᠭᠡᠷ ᠪᠢᠵᠡ ᠳ᠋ᠧ᠂ ᠬᠠᠯᠠᠭᠤᠨ ᠨᠢ ᠪᠠᠭᠤᠷᠠᠴᠢᠬᠠᠵᠠᠢ᠂ ᠶᠠᠭᠠᠬᠢᠪᠠ᠂ ᠡᠮᠴᠢ ᠵᠢᠭᠠᠬᠠᠨ ᠪᠥᠭᠰᠡᠨ ᠳᠡᠭᠡᠷᠡ ᠨᠢ | ᠵᠡᠭᠦᠦ ᠲᠠᠷᠢᠴᠢᠬᠠᠪᠠᠤ︖ ᠦ ᠬᠥᠭᠡᠷᠦᠬᠦᠢ ᠮᠢᠨᠢ᠂ ᠬᠠᠮᠢᠭᠠ ᠨᠢ ᠡᠪᠡᠳᠴᠦ ᠪᠠᠶᠢᠨᠠ᠂ ᠡᠮᠡᠭᠡ ᠨᠢ ᠦᠵᠡᠶᠡ︾ ᠯᠨ ᠭᠡᠳ | ᠠᠷᠭᠠᠳᠠᠨᠠ᠃ | | | ᠬᠤᠭᠤᠯᠨ ᠢᠳᠡᠬᠦ ᠵᠠᠭᠤᠷᠠ ᠲᠤᠯᠮᠠ ᠡᠮᠨᠡᠯᠭᠡ ᠳᠤ ᠣᠴᠢᠭᠰᠠᠨ ᠪᠠᠶᠢᠳᠠᠯ ᠢᠶᠠᠨ ᠬᠠᠳᠠᠮ ᠡᠵᠢ ᠳᠡᠭᠡᠨ ᠠᠯᠭᠤᠷ | ᠶᠠᠷᠢᠬᠤ ᠳᠤ ᠪᠢᠴᠢᠬᠠᠨ ᠲᠣᠯᠢ ᠴᠦ ᠵᠠᠪᠰᠠᠷᠳᠠᠨ ︽ᠡᠮᠡᠭᠡ ᠠ᠋᠂ ᠨᠠᠭᠠᠴᠤ ᠶᠢ ᠡᠳᠡᠭᠡᠭᠡᠬᠦ ᠡᠮ ᠡᠵᠢ ᠳᠤ ᠪᠠᠶᠢᠬᠤ ᠶᠤᠮ | ᠭᠡᠨᠡ︾ ᠭᠡᠵᠦ ᠱᠤᠯᠤᠭᠠᠨᠠᠨᠠ᠃ | | | ᠪᠠᠯᠭᠠᠷ ᠨᠠᠰᠤᠲᠠᠨ ᠲᠠᠭᠤ ᠦᠭᠡᠢ ᠴᠠᠢ ᠪᠠᠨ ᠣᠭᠤᠴᠢᠯᠠᠨ ᠰᠠᠭᠤᠭᠰᠠᠨ ᠢᠶᠠᠨ ᠤᠷᠳᠤ ᠰᠠᠨᠠᠭᠠ ᠠᠯᠳᠠᠵᠤ | ︽ᠲᠤᠯᠮᠠ ᠠ᠋᠂ ᠬᠡᠦᠬᠡᠨ ᠮᠢᠨᠢ᠂ ᠡᠵᠢ ᠨᠢ ᠴᠢᠮᠠ ᠶᠢ ᠶᠠᠭᠤ ᠪᠤᠳᠤᠭᠠᠳ ᠬᠡᠯᠡᠵᠦ ᠲᠡᠶᠢᠯᠭᠦ ᠦᠭᠡᠢ ᠲᠦᠪᠡᠭᠳᠡᠵᠦ | ᠪᠠᠶᠢᠬᠤ ᠶᠢ ᠴᠢᠨᠢ ᠮᠡᠳᠡᠨᠡ ᠠ᠋᠂ ᠡᠮᠦᠨᠡ ᠬᠤᠶᠠᠷ ᠵᠢᠯ ᠬᠦᠦ ᠴᠢᠨᠢ ᠵᠢᠭᠠᠬᠠᠨ ᠠᠮᠢᠳᠠᠨ ᠬᠥᠭᠡᠷᠦᠬᠦᠢ ᠯᠨ ᠭᠡᠵᠦ | ᠪᠤᠳᠤᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠦᠨᠡᠨ ᠳᠡᠭᠡᠨ ᠡᠵᠢ ᠨᠢ ᠴᠦ ᠴᠢᠮᠠ ᠲᠠᠢ ᠠᠳᠠᠯᠢᠬᠠᠨ ᠰᠠᠨᠠᠭᠠ ᠵᠣᠪᠠᠭᠠᠳ ᠢᠷᠡᠭᠰᠡᠨ | ᠰᠢᠤ᠃ ᠤᠳᠤ ᠪᠢ ᠠᠵᠢᠯ ᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠴᠢᠬᠠᠭᠰᠠᠨ ᠴᠢᠨᠢ ᠲᠣᠯᠢ ᠪᠠᠨ ᠬᠠᠷᠠᠭᠠᠯᠵᠠᠭᠠᠳ ᠲᠠᠨᠤᠰ ᠤᠨ | ᠭᠤᠷᠪᠠᠨ ᠡᠷᠢᠨ ᠤ ᠪᠤᠳᠠᠭᠠ ᠶᠢ ᠬᠢᠬᠦ ᠳᠤ ᠠᠵᠢᠭ ᠦᠭᠡᠢ᠃ ᠲᠡᠶᠢᠮᠦ ᠠᠴᠠ ᠣᠷᠣᠢ ᠲᠠᠯᠠᠢ ᠴᠢᠨᠢ ᠠᠵᠢᠯ ᠠᠴᠠ ᠪᠠᠨ | ᠪᠠᠭᠤᠭᠠᠳ ᠢᠷᠡᠬᠦ ᠪᠠᠷ ᠬᠤᠶᠠᠭᠤᠯᠠ ᠳᠡᠭᠦᠦ ᠶᠢᠨ ᠢᠶᠠᠨ ᠤᠴᠢᠷ ᠢ ᠶᠠᠭᠠᠬᠢᠬᠤ ᠪᠠᠨ ᠵᠥᠪᠳᠡᠵᠦ ᠦᠵᠡ ᠳ᠋ᠧ᠂ ᠠᠪᠤ | ᠡᠵᠢ ᠠᠴᠠ ᠪᠠᠨ ᠦᠬᠡᠷ ᠤᠨ ᠬᠤᠶᠠᠷ ᠡᠪᠡᠷ ᠰᠢᠭ ᠡᠭᠡᠴᠢ ᠳᠡᠭᠦᠦ᠂ ᠲᠦᠷᠦᠯ ᠲᠦᠷᠦᠯ ᠳᠤ ᠲᠦᠷᠦᠭᠰᠡᠨ ᠪᠣᠯᠣᠨᠠ | ᠤᠤ ᠭᠡᠳᠡᠭ ᠦᠭᠡ ᠪᠠᠶᠢᠳᠠᠭ ᠦᠭᠡᠢ ᠤᠤ᠂ ᠤᠳᠤ ᠶᠢᠨ ᠡᠮᠨᠡᠯᠭᠡ ᠶᠢᠨ ᠮᠡᠷᠭᠡᠵᠢᠯ ᠰᠠᠶᠢᠨ ᠪᠠᠶᠢᠬᠤ ᠳᠤ ᠶᠠᠭᠠᠬᠢᠪᠠᠴᠤ | ᠵᠦᠭᠡᠷ ᠪᠠᠶᠢᠬᠠ ᠠ᠋︾ ᠭᠡᠵᠦ ᠰᠠᠨᠠᠭᠠᠰᠢᠷᠠᠨ ᠬᠡᠯᠡᠭᠰᠡᠨ ᠴᠦ ᠰᠡᠳᠬᠢᠯ ᠬᠦᠨᠳᠦ ᠪᠠᠶᠢᠬᠤ ᠨᠢ ᠢᠯᠡᠭᠡᠨ᠃ | | | ᠲᠤᠯᠮᠠ ᠬᠠᠳᠠᠮ ᠡᠵᠢ ᠶᠢᠨ ᠢᠶᠠᠨ ᠶᠠᠷᠢᠬᠤ ᠶᠢ ᠰᠣᠨᠣᠰᠤᠭᠠᠳ ︽ᠡᠵᠢ ᠠ᠋ ᠁︾ ᠭᠡᠳ ᠶᠠᠭᠤ ᠴᠦ | ᠬᠡᠯᠡᠵᠦ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠨᠢᠯᠪᠤᠰᠤ ᠨᠢ ᠮᠡᠯᠡᠰᠬᠢᠨ ᠤᠷᠤᠰᠴᠢᠬᠠᠯᠠ᠃ | | | ᠁ | | | ᠲᠤᠯᠮᠠ ᠳᠡᠭᠦᠦ ᠲᠠᠢ ᠪᠠᠨ ᠪᠡᠭᠡᠵᠢᠩ ᠤᠨ ᠶᠡᠭᠡ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠳᠤ ᠬᠦᠷᠴᠦ᠂ ᠪᠦᠭᠦᠶᠢᠯᠨ | ᠪᠠᠶᠢᠴᠠᠭᠠᠯᠲᠠ ᠶᠢ ᠳᠠᠮᠵᠢᠭᠠᠳ ᠬᠤᠶᠠᠭᠤᠯᠠ ᠶᠢᠨ ᠪᠡᠶᠡ ᠶᠢᠨ ᠪᠠᠶᠢᠳᠠᠯ ᠪᠦᠷ ᠰᠠᠶᠢᠬᠠᠨ ᠵᠣᠬᠢᠴᠠᠭᠰᠠᠨ ᠪᠣᠯᠬᠤᠷ | ᠵᠣᠬᠢᠬᠤ ᠬᠤᠭᠤᠴᠠᠭᠠᠨ ᠤ ᠬᠢᠨᠠᠯᠲᠠ ᠪᠠᠶᠢᠴᠠᠭᠠᠯᠲᠠ ᠶᠢ ᠥᠩᠭᠡᠷᠡᠭᠡᠭᠡᠳ ᠪᠥᠭᠡᠷᠡ ᠰᠢᠯᠵᠢᠭᠦᠯᠬᠦ ᠮᠡᠰᠡ ᠵᠠᠰᠠᠯ ᠬᠢᠵᠦ᠂ | ᠲᠤᠯᠮᠠ ᠳᠡᠭᠦᠦ ᠳᠡᠭᠡᠨ ᠪᠥᠭᠡᠷᠡ ᠪᠠᠨ ᠰᠢᠯᠵᠢᠭᠦᠯᠵᠦ ᠥᠭᠭᠦᠭᠰᠡᠨ ᠪᠥᠭᠡᠳ ᠡᠭᠡᠴᠢ ᠳᠡᠭᠦᠦ ᠬᠤᠶᠠᠭᠤᠯᠠ ᠶᠢᠨ | ᠪᠡᠶᠡ ᠶᠢᠨ ᠡᠳᠡᠭᠡᠷᠡᠯᠲᠡ ᠶᠢᠨ ᠪᠠᠶᠢᠳᠠᠯ ᠴᠦ ᠲᠤᠩ ᠰᠠᠶᠢᠨ ᠪᠠᠶᠢᠯᠠ᠃ ᠤᠳᠤ ᠲᠤᠯᠮᠠ ᠶᠢᠨ ᠪᠡᠶᠡ ᠨᠢ ᠪᠦᠷᠢᠮᠦᠰᠦᠨ | ᠡᠷᠡᠭᠦᠯᠵᠢᠵᠦ᠂ ᠵᠢᠯ ᠢᠯᠡᠭᠦᠦ ᠡᠭᠦᠳᠡ ᠪᠠᠨ ᠬᠠᠭᠠᠭᠰᠠᠨ ᠦᠰᠦ ᠵᠠᠰᠠᠬᠤ ᠭᠠᠵᠠᠷ ᠲᠠᠭᠠᠨ ᠢᠷᠡᠵᠦ ᠠᠵᠢᠯ ᠢᠶᠠᠨ | ᠡᠬᠢᠯᠡᠭᠦᠯᠵᠦ ᠪᠠᠶᠢᠭᠠ ᠨᠢ ᠡᠨᠡ ᠪᠢᠯᠡ᠃ | | | ︽ᠶᠠᠮᠠᠷ ᠰᠠᠶᠢᠬᠠᠨ ᠬᠥᠮᠥᠰ ᠢ ᠪᠤᠷᠬᠠᠨ ᠨᠠᠳᠠ ᠳᠤ ᠢᠯᠡᠭᠡᠭᠰᠡᠨ ᠢ | | | ᠢᠯᠠᠭᠤᠨ ᠰᠠᠷᠠᠨ ᠤ ᠳᠣᠣᠷᠠ ᠦᠭᠡ ᠪᠠᠷ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ᠂ | | | ᠦᠭᠡ ᠪᠠᠷ ᠬᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠁︾ | | | ᠳᠠᠭᠤᠤ ᠶᠢᠨ ᠰᠠᠶᠢᠬᠠᠨ᠂ ᠲᠤᠯᠮᠠ ᠶᠢᠨ ᠮᠡᠷᠭᠡᠵᠢᠯ ᠳᠤ ᠲᠠᠲᠠᠭᠳᠠᠭᠰᠠᠨ ᠦᠰᠦ ᠵᠠᠰᠠᠭᠤᠯᠤᠭᠴᠢ ᠨᠠᠷ | ᠢᠷᠡᠭᠰᠡᠭᠡᠷ᠂ ᠪᠤᠴᠠᠭᠰᠠᠭᠠᠷ ᠁ | | |