| ᠰᠢᠨᠡ ᠣᠨ ᠤ ᠠᠮᠤᠷ ᠠᠮᠤᠭᠤᠯᠠᠩ ᠳᠤ ᠶᠠᠭᠠᠬᠢᠨ ᠲᠡᠭᠦᠰ ᠦᠵᠡᠰᠭᠦᠯᠡᠩ ᠢ ᠪᠦᠲᠦᠭᠡᠬᠦ | ᠰᠢᠵᠢᠷ ᠲᠤᠶᠠᠭᠠ ᠮᠡᠲᠦ ᠡᠬᠡ ᠣᠷᠣᠨ ᠤ ᠪᠠᠨ ᠭᠠᠶᠢᠬᠠᠮᠰᠢᠭ ᠢ ᠶᠠᠭᠠᠬᠢᠨ ᠮᠡᠳᠡᠷᠡᠬᠦ | ᠬᠠᠳᠠ ᠴᠢᠯᠠᠭᠤ ᠮᠡᠲᠦ ᠤᠷᠭᠤᠨ ᠶᠠᠭᠠᠬᠢᠨ ᠥᠩᠭᠡ ᠭᠡᠷᠡᠯ ᠰᠠᠴᠤᠷᠠᠬᠤ | ᠬᠠᠷᠠᠴᠠᠨ ᠠᠴᠠ ᠨᠢ ᠴᠡᠴᠡᠭᠯᠡᠬᠦ ᠪᠦᠭᠦᠨ ᠳᠡᠭᠡᠨ ᠶᠠᠭᠠᠬᠢᠨ ᠡᠷᠬᠢᠮᠰᠦᠭ ᠣᠷᠣᠰᠢᠬᠤ | ᠬᠡᠨ ᠤ ᠲᠥᠯᠥᠭᠡ ᠶᠠᠩᠵᠤᠯᠠᠬᠰᠠᠠᠨ ᠥᠴᠥᠭᠡᠳᠦᠷ ᠢ ᠶᠠᠭᠠᠬᠢᠨ ᠪᠤᠴᠠᠭᠠᠬᠤ | ᠰᠠᠶᠢᠬᠠᠨ ᠪᠥᠭᠡᠲᠡᠯᠡ ᠡᠩᠬᠦᠷᠡᠢ ᠵᠠᠯᠠᠭᠤ ᠨᠠᠰᠤ ᠪᠠᠨ ᠴᠡᠴᠡᠭ ᠢᠶᠠᠷ ᠶᠠᠭᠠᠬᠢᠨ ᠲᠥᠰᠥᠭᠡᠯᠡᠬᠦ | ᠰᠠᠶᠢᠬᠠᠨ ᠶᠠᠪᠤᠭᠰᠠᠨ ᠡᠨᠡ ᠪᠡᠶᠡ ᠤᠶᠤᠨ ᠰᠠᠨᠠᠭᠠᠨ ᠳᠠᠭᠠᠨ ᠶᠠᠭᠠᠬᠢᠨ ᠪᠠᠶᠠᠰᠬᠤ | ᠠᠮᠢᠳᠤᠷᠠᠯ ᠭᠡᠳᠡᠭ ᠳᠥᠯᠭᠡᠬᠡᠨ ᠤᠷᠤᠰᠬᠠᠯ ᠲᠠᠢ ᠮᠥᠷᠡᠨ ᠢ ᠶᠠᠭᠠᠬᠢᠨ ᠰᠡᠯᠢᠬᠦ | ᠭᠦᠨ ᠰᠥᠨᠢ ᠰᠠᠷᠠᠨ ᠤ ᠬᠡᠴᠡ ᠲᠠᠢ ᠬᠤᠨᠳᠠᠭᠠᠨ ᠠᠴᠠ ᠮᠥᠷᠥᠭᠡᠳᠦᠯ ᠢᠶᠠᠨ ᠶᠠᠭᠠᠬᠢᠨ ᠶᠡᠭᠦᠯᠡᠬᠦ | ᠭᠦᠨᠳᠦᠭᠦᠷᠢ ᠶᠡᠭᠡ ᠲᠠᠢ ᠰᠡᠳᠬᠢᠯ ᠳᠡᠭᠡᠨ ᠶᠠᠭᠠᠬᠢᠨ ᠠᠷᠢᠬᠢ ᠮᠡᠲᠦ ᠰᠣᠭᠲᠣᠬᠤ | ᠠᠮᠤᠷ ᠠᠮᠤᠭᠤᠯᠠᠩ ᠢᠶᠠᠷ ᠤᠷᠭᠤᠵᠣ ᠪᠤᠢ ᠡᠬᠡ ᠣᠷᠣᠨ ᠤ ᠪᠠᠨ ᠰᠢᠨᠡ ᠦᠷ ᠢᠶᠠᠷ | ᠨᠤᠲᠤᠭ ᠢᠶᠠᠨ ᠰᠠᠨᠠᠬᠤ᠂ ᠨᠤᠲᠤᠭ ᠢᠶᠠᠨ ᠵᠣᠷᠢᠬᠤ ᠳᠤ ᠶᠠᠭᠠᠬᠢᠨ ᠰᠡᠳᠬᠢᠯ ᠬᠥᠪᠬᠢᠬᠦ | ᠮᠥᠩᠭᠦᠨ ᠰᠢᠭᠢᠳᠬᠡᠭᠡᠷᠢ ᠲᠠᠢ ᠭᠦᠨ ᠣᠭᠲᠠᠷᠭᠤᠢ ᠶᠢᠨ ᠴᠡᠭᠡᠨ ᠭᠡᠷᠡᠯ ᠳᠤ | ᠮᠢᠨᠤ ᠯᠡ ᠬᠠᠶᠢᠷᠠᠲᠠᠢ ᠮᠣᠩᠭᠤᠯ ᠣᠷᠣᠨ ᠤ ᠪᠠᠨ ᠥᠩᠭᠡ ᠶᠢ ᠶᠠᠭᠠᠬᠢᠨ ᠪᠤᠳᠤᠭᠯᠠᠬᠤ | ᠮᠣᠷᠢᠨ ᠤ ᠲᠤᠷᠭᠢᠬᠤ ᠴᠢᠮᠡᠭᠡ ᠬᠠᠶᠠ ᠨᠠᠭᠠᠰᠢᠯᠠᠨ ᠬᠠᠶᠠ ᠴᠠᠭᠠᠰᠢᠯᠠᠬᠤ | ᠮᠥᠩᠬᠡ ᠶᠢᠨ ᠶᠤᠮ ᠰᠢᠭ ᠦᠯᠢᠭᠡᠷ ᠤᠳ ᠢ ᠶᠠᠭᠠᠬᠢᠨ ᠡᠮᠰᠡᠭᠯᠡᠨ ᠲᠤᠭᠤᠷᠪᠢᠬᠤ | ᠭᠡᠵᠢᠭᠡ ᠶᠢ ᠠᠯᠳᠠᠷᠠᠭᠠᠬᠤ ᠰᠠᠯᠬᠢᠨ ᠳᠤᠮᠳᠠᠭᠤᠷ ᠲᠤᠭᠤᠴᠢᠨ ᠶᠠᠪᠤᠬᠤᠢ ᠳᠤ | ᠠᠯᠠᠭ ᠲᠤᠩᠭᠠ ︽ᠠᠳ᠂ ᠠᠳ︾ ᠬᠡᠮᠡᠨ ᠪᠠᠭᠠ ᠨᠠᠰᠤ ᠶᠢ ᠠᠨᠢᠷᠲᠠᠭᠤᠯᠬᠤ | ᠵᠦᠯᠭᠡᠨ ᠳᠡᠭᠡᠷᠡ ᠨᠢᠳᠦ ᠪᠠᠨ ᠠᠨᠢᠨ ᠰᠡᠳᠬᠢᠯ ᠢᠶᠠᠨ ᠴᠢᠩᠨᠠᠨ ᠬᠡᠪᠲᠡᠬᠦᠢ ᠳᠤ | ᠡᠵᠢ ᠶᠢᠨ ᠮᠢᠨᠢ ᠵᠥᠭᠡᠯᠡᠨ ᠠᠮᠢᠰᠬᠤᠭᠠ ᠬᠠᠴᠠᠷ ᠢ ᠦᠨᠦᠰᠦᠨ ᠡᠩᠬᠦᠷᠡᠶᠢᠯᠡᠬᠦ | | | ᠱᠠᠨᠵᠠᠨ ᠤ ᠠᠶᠠᠯᠭᠤ ᠮᠡᠲᠦ ᠨᠤᠲᠤᠭ ᠤᠨ ᠰᠠᠯᠬᠢᠨ ᠳᠤ ᠭᠠᠷᠬᠤᠢ | ᠰᠢᠪᠠᠭᠤᠳ ᠨᠡᠭᠦᠭᠰᠡᠭᠡᠷ ᠢᠷᠡᠵᠦ ᠪᠠᠶᠢᠬᠤ ᠶᠢ ᠬᠠᠷᠠᠵᠤ ᠳᠣᠭᠳᠣᠯᠬᠤᠢ | ᠰᠢᠨᠡ ᠣᠨ ᠳᠡᠯᠭᠡᠷᠡᠭᠰᠡᠭᠡᠷ ᠪᠠᠶᠢᠭᠠ ᠶᠢ ᠪᠠᠭ᠋ᠠᠷᠬᠠᠵᠤ ᠵᠢᠰᠦ ᠪᠠᠨ ᠴᠢᠮᠡᠬᠦᠢ | ᠠᠶᠢᠰᠤᠢ ᠴᠠᠭ ᠤᠨ ᠭᠠᠵᠠᠷ ᠤᠰᠤᠨ ᠤᠶᠠᠩᠭᠠ ᠬᠥᠭᠵᠢᠮ ᠳᠤ ᠠᠷᠢᠭᠤᠰᠬᠤᠢ |