| ᠨᠠᠳᠠ ᠶᠢ ᠶᠢᠰᠦ ᠭᠡᠳᠡᠭ ᠶᠤᠮ | ᠨᠠᠷᠠ ᠨᠠᠳᠠ ᠶᠢ ᠬᠠᠶᠠᠭᠠᠳ ᠶᠠᠪᠤᠭᠰᠠᠨ ᠪᠣᠯᠬᠤᠷ | ᠨᠠᠮᠠᠶᠢ ᠡᠪᠦᠯ ᠤᠨ ᠵᠢᠭᠡ ᠭᠡᠳᠡᠭ | ᠡᠪᠦᠯ ᠤᠨ ᠵᠢᠰᠦ ᠶᠢ ᠳᠠᠭᠤᠷᠢᠶᠠᠵᠤ ᠲᠦᠷᠦᠭᠰᠡᠨ ᠪᠣᠯᠬᠤᠷ | ᠡᠵᠢ ᠨᠠᠳᠠ ᠶᠢ ᠶᠢᠰᠦ ᠭᠡᠵᠡᠢ | ᠠᠷᠪᠠ ᠲᠣᠭᠠᠨ ᠤ ᠠᠬᠠ ᠨᠢ ᠪᠢᠰᠢ | ᠠᠷᠠᠰᠤᠨ ᠲᠡᠪᠡᠯ ᠤᠨ ᠬᠠᠨᠴᠤᠢ ᠨᠢ ᠶᠤᠮ | ᠴᠣᠩᠬᠤᠨ ᠰᠢᠯ ᠳᠡᠭᠡᠷᠡ ᠴᠡᠴᠡᠭ ᠵᠢᠷᠤᠵᠤ ᠥᠨᠵᠢᠭᠰᠡᠨ ᠢ ᠨᠢ | ᠴᠣᠬᠤᠷ ᠨᠠᠷᠠ ᠳᠣᠭᠤᠭᠢᠯᠠᠨᠠ | ᠱᠠᠩᠬᠤᠨ ᠲᠡᠯ ᠳᠡᠭᠡᠷᠡ ᠴᠠᠰᠤ ᠪᠤᠲᠡᠷᠠᠭᠠᠵᠤ ᠨᠣᠴᠣᠭᠰᠠᠨ ᠢ ᠨᠢ | ᠢᠳᠡᠷ ᠡᠪᠦᠯ ᠪᠢᠰᠢᠷᠡᠨᠡ | ᠴᠠᠰᠤ ᠵᠠᠯᠭᠢᠭᠰᠠᠨ ᠡᠪᠡᠰᠦᠨ ᠤ ᠦᠨᠳᠦᠰᠦ ᠨᠢ ᠥᠯᠴᠢᠷ ᠪᠣᠯᠬᠤᠷ | ᠴᠠᠭᠠᠨ ᠰᠦ ᠶᠢᠨ ᠢᠳᠡ ᠲᠠᠢ ᠶᠤᠮ ᠭᠡᠨᠡ ᠯᠠᠢ | ᠣᠮᠤᠭ ᠢᠶᠠᠨ ᠭᠠᠶᠢᠬᠠᠭᠤᠯᠤᠭᠰᠠᠨ ᠠᠷᠤ ᠭᠠᠵᠠᠷ ᠤᠨ ᠡᠪᠦᠯ ᠨᠢ | ᠣᠷᠴᠢᠯᠠᠩ ᠳᠤ ᠶᠢᠰᠦ ᠶᠢᠨ ᠲᠠᠮᠠᠭᠠ ᠲᠠᠢ ᠭᠡᠳᠡᠭ | ᠬᠤᠰᠤᠨ ᠤ ᠨᠠᠮᠠᠭᠠᠨ ᠳᠤ ᠰᠠᠭᠰᠤᠷᠭᠠ ᠬᠤᠩᠭᠤᠷᠯᠠᠳᠠᠭ ᠨᠢ | ᠬᠤᠩᠭᠢᠷᠠᠳ ᠥᠬᠢᠳ ᠤᠨ ᠴᠢᠬᠢᠨ ᠤ ᠡᠭᠡᠮᠦᠭ ᠰᠢᠭ ᠦᠵᠡᠰᠬᠦᠯᠡᠩᠲᠡᠢ | ᠬᠠᠪᠤᠷ ᠠᠴᠠ ᠡᠮᠦᠨᠡ ᠬᠠᠪᠤᠷ ᠲᠤ ᠳᠤᠷᠠᠯᠠᠭᠰᠠᠨ | ᠶᠢᠰᠦᠨ ᠲᠡᠭᠷᠢ ᠶᠢᠨ ᠶᠢᠰᠦ | ᠨᠠᠶᠢᠷᠠᠭ ᠠᠴᠠ ᠡᠮᠦᠨᠡ ᠨᠠᠶᠢᠷᠠᠭ ᠠᠮᠰᠠᠭᠰᠠᠨ | ᠨᠠᠢᠮᠠᠨ ᠭᠠᠷᠠᠭ ᠤᠨ ᠶᠢᠰᠦ | ᠶᠢᠰᠦ ᠬᠡᠮᠡᠭᠴᠢ | ᠠᠳᠤᠭᠤᠨ ᠠᠴᠠ ᠢᠷᠡᠭᠰᠡᠨ ᠠᠪᠤ ᠶᠢᠨ ᠠᠮᠰᠠᠳᠠᠭ | ᠠᠶᠠᠭᠠ ᠲᠠᠢ ᠬᠦᠢᠲᠡᠨ ᠲᠠᠷᠠᠰᠤ | ᠶᠢᠰᠦ ᠬᠡᠮᠡᠭᠴᠢ | ᠠᠷᠭᠠᠯ ᠲᠡᠭᠦᠭᠰᠡᠨ ᠡᠵᠢ ᠶᠢᠨ ᠵᠠᠯᠭᠢᠯᠠᠳᠠᠭ | ᠠᠭᠠᠭ ᠲᠠᠢ ᠬᠥᠬᠡ ᠴᠠᠢ | ᠶᠢᠰᠦ ᠶᠢ | ᠮᠥᠭᠡᠷᠦᠦ ᠬᠠᠳᠠᠨ ᠳᠤ ᠭᠥᠷᠥᠭᠡᠰᠦ ᠶᠢᠨ ᠡᠪᠡᠷ ᠳᠡᠭᠡᠷᠡ ᠡᠯᠭᠦᠭᠡᠳ ᠵᠥᠭᠡᠯᠡᠯᠡᠳᠡᠭ | ᠮᠦᠭᠦᠨ ᠭᠡᠷ ᠲᠤ ᠠᠷᠭᠠᠯ ᠪᠤᠯᠭᠠᠵᠤ ᠰᠢᠲᠠᠭᠠᠭᠠᠳ ᠪᠦᠯᠢᠶᠡᠴᠡᠭᠡᠳᠡᠭ | ᠶᠢᠰᠦ ᠶᠢ | ᠬᠥᠬᠡ ᠡᠪᠦᠭᠡᠳ ᠴᠠᠭᠠᠨ ᠰᠠᠷᠠ ᠶᠢᠨ ᠢᠷᠦᠭᠡᠯ ᠪᠤᠯᠭᠠᠵᠤ ᠤᠩᠰᠢᠳᠠᠭ | ᠬᠡᠦᠬᠡᠳ ᠪᠠᠭᠠᠴᠤᠳ ᠴᠠᠭᠠᠰᠤᠨ ᠫᠤᠤᠵᠢᠩ ᠰᠢᠭ᠋ ᠲᠠᠯᠪᠢᠵᠤ ᠪᠠᠶᠠᠰᠳᠠᠭ | ᠶᠢᠰᠦ ᠬᠡᠮᠡᠨᠡ | ᠭᠤᠣᠯ ᠤᠨ ᠴᠦᠩ ᠲᠦᠷᠢᠭᠰᠡᠨ ᠭᠠᠵᠠᠷ ᠤᠨ ᠪᠦᠯᠢᠶᠡᠨ ᠠᠮᠢᠰᠬᠤᠭᠠ | ᠭᠤᠷᠤᠬᠠ ᠶᠢᠨ ᠬᠠᠯᠢᠶᠠ ᠦᠷᠭᠦᠭᠰᠡᠨ ᠬᠠᠶᠢᠯ ᠤᠨ ᠨᠠᠮᠬᠠᠨ ᠬᠥᠭᠵᠢᠮ | ᠶᠢᠰᠦ ᠬᠡᠮᠡᠨᠡ | ᠪᠣᠷᠤᠭ ᠡᠪᠡᠰᠦᠨ ᠤ ᠤᠷᠤᠭᠤᠯ ᠳᠡᠭᠡᠷᠡ ᠳᠦᠷᠭᠢᠭᠰᠡᠨ | ᠪᠤᠳᠤᠭ ᠤᠨ ᠬᠥᠬᠡ ᠥᠩᠭᠡ | ᠲᠤᠷᠤᠭ ᠮᠣᠳᠣᠨ ᠤ ᠮᠥᠴᠢᠷ ᠳᠡᠭᠡᠷᠡ ᠭᠥᠯᠥᠭᠡᠯᠡᠭᠰᠡᠨ | ᠪᠢᠯᠵᠤᠤᠬᠠᠢ ᠶᠢᠨ ᠪᠣᠷᠣ ᠨᠢᠳᠦ | ᠨᠠᠳᠠ ᠶᠢ ᠶᠢᠰᠦ ᠭᠡᠳᠡᠭ ᠶᠤᠮ | ᠶᠢᠰᠦ - | ᠠᠯᠳᠠᠨ ᠬᠠᠷᠭᠠᠨᠠ ᠶᠢᠨ ᠬᠠᠪᠤᠷ ᠤᠨ ᠵᠡᠭᠦᠳᠦ | ᠠᠶᠠᠯᠭᠤᠲᠤ ᠬᠠᠪᠤᠷ ᠤᠨ ᠠᠩᠬᠠᠨ ᠤ ᠳᠤᠷᠠᠯᠠᠯ |