| | ᠬᠠᠭᠳᠠ ᠬᠥᠬᠡᠷᠡᠨ ᠬᠠᠶᠢᠯ ᠤᠨ ᠤᠰᠤᠨ ᠮᠡᠯᠮᠡᠷᠡᠵᠦ᠂ ᠶᠡᠭᠡ ᠲᠦᠷᠭᠡᠨ ᠭᠤᠣᠯ ᠳᠤ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ | ᠴᠤᠭᠯᠠᠷᠠᠨ ᠠᠮᠢᠯᠠᠯ ᠡᠰᠡᠨᠢᠯ ᠢ ᠬᠥᠭᠵᠢᠮᠳᠡᠨᠡ᠃ ᠴᠠᠭ ᠤᠯᠠᠷᠢᠯ ᠢ ᠰᠢᠨᠵᠢᠨ᠂ ᠵᠢᠯ ᠤᠨ ᠥᠩᠭᠡ ᠣᠨ ᠤ ᠰᠢᠨᠵᠢ ᠶᠢ | ᠰᠤᠪᠢᠵᠤ ᠰᠠᠭᠤᠳᠠᠭ ᠠᠬᠠᠮᠠᠳ ᠤᠨ ︽ᠡᠨᠡ ᠵᠢᠯ ᠤᠭᠲᠤᠮᠵᠢ ᠡᠷᠲᠡ ᠪᠠᠶᠢᠬᠤ ᠳ᠋ᠠ︾ ᠭᠡᠰᠡᠨ ᠵᠣᠭᠤᠭ ᠲᠠᠷᠢᠬᠢᠨ ᠳᠤ | ᠭᠢᠯᠠᠰᠬᠢᠨ ᠪᠠᠭᠤᠵᠤ᠂ ᠦᠷᠡᠵᠢᠯ ᠲᠥᠯᠵᠢᠯ ᠲᠠᠢ ᠬᠠᠪᠤᠷ ᠴᠠᠭ ᠬᠠᠶᠠᠭᠠᠨ ᠳᠤ ᠪᠠᠭᠤᠭᠰᠠᠨ ᠢ ᠡᠷᠬᠡ ᠦᠭᠡᠢ ᠮᠡᠳᠡᠷᠡᠨ᠂ | ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠤ ᠠᠶᠠᠲᠠᠶᠢᠬᠠᠨ ᠰᠣᠨᠣᠰᠳᠠᠬᠤ ᠤᠰᠤᠨ ᠤ ᠴᠢᠮᠡᠭᠡ ᠰᠢᠪᠠᠭᠤᠳ ᠤᠨ ᠭᠠᠩᠭᠠᠨᠠᠭᠠᠨ ᠢ | ᠴᠢᠩᠨᠠᠨ ᠪᠠᠭ᠋ᠠᠨ ᠵᠠᠭᠤᠷᠠ ᠰᠠᠭᠤᠯᠠ᠃ | | | | | | ᠠᠶᠠᠨ ᠤ ᠴᠢᠯᠡᠭᠡ ᠪᠠᠨ ᠲᠠᠶᠢᠯᠤᠭᠰᠠᠨ ᠳᠡᠪᠳᠡᠷᠢᠯ | | | | | | ᠤᠰᠤᠨ ᠳᠤ ᠱᠤᠩᠪᠠᠭ᠋ᠤ ᠶᠢᠨ ᠵᠢᠷᠭᠠᠯ | | | | | | ᠥᠭᠶᠥᠭᠡ ᠪᠤᠯᠢᠶᠠᠯᠳᠤᠭᠰᠠᠨ ᠲᠡᠮᠡᠴᠡᠭᠡᠨ | | | | | | ᠲᠤᠩᠭᠠᠯᠠᠭ ᠨᠠᠭᠤᠷ ᠲᠤ ᠴᠤᠭᠯᠠᠷᠠᠭᠰᠠᠨ ︵ᠦᠢᠮᠡᠭᠡᠨ︶ | | | | | | ᠬᠠᠪᠤᠷ ᠤᠨ ᠤᠰᠤᠨ ᠤ ᠠᠶᠢᠵᠠᠮ | | | ᠬᠥᠬᠡ ᠳᠡᠭᠡᠯᠡᠢ᠂ ᠪᠣᠷᠣ ᠭᠠᠯᠠᠭᠤ᠂ ᠬᠤᠨ᠂ ᠴᠠᠬᠤᠯᠠᠢ᠂ ᠠᠩᠭᠢᠷ᠂ ᠠᠯᠠᠭ ᠨᠤᠭᠤᠰᠤ᠂ ᠬᠠᠯᠵᠠᠨ ᠬᠠᠷᠤᠤᠨᠠ ᠁ | ᠭᠠᠩᠭᠠᠷ ᠭᠤᠩᠭᠤᠷ ᠳᠤᠤᠭᠠᠷᠤᠨ᠂ ᠢᠳᠡᠰᠢ ᠡᠷᠢᠨ ᠡᠷᠬᠡ ᠲᠠᠪᠠᠲᠠᠢ ᠲᠡᠪᠳᠡᠷᠢᠯᠳᠦᠨᠡ᠃ ᠭᠤᠣᠯ ᠤᠨ ᠭᠦᠪᠡᠭᠡ ᠪᠠᠷ | ᠬᠤᠳᠠ ᠶᠢᠨ ᠠᠷᠠᠳ ᠰᠡᠯᠡᠭᠦᠴᠡᠨ ᠵᠤᠭᠠᠯᠠᠵᠤ᠂ ᠲᠡᠭᠦᠨ ᠤ ᠴᠠᠭᠠᠨᠠ ᠥᠨᠳᠥᠷ ᠰᠦᠷᠯᠢᠭ ᠠᠰᠠᠷ ᠲᠠᠭᠲᠤ ᠰᠡᠬᠦᠶᠢᠨ | ᠰᠦᠨᠳᠡᠷᠯᠡᠵᠦ᠂ ᠬᠥᠮᠥᠨ ᠪᠠᠶᠢᠭᠠᠯᠢ ᠵᠢᠭᠦᠷᠲᠡᠨ ᠤᠷᠭᠤᠮᠠᠯ ᠤᠨ ᠡᠶᠡ ᠵᠣᠬᠢᠴᠠᠩᠭᠤᠢ ᠳᠦᠷᠢ ᠵᠢᠷᠤᠭ ᠬᠤᠪᠢ ᠶᠢᠨ | ᠭᠠᠳᠠᠨᠠ ᠡᠭᠡᠯᠢᠲᠡᠢ ᠬᠠᠷᠠᠭᠳᠠᠨᠠ᠃ ᠭᠦᠭᠡᠬᠤᠳᠠ ᠶᠢᠨ ᠶᠡᠭᠡ ᠲᠦᠷᠭᠡᠨ ᠭᠤᠣᠯ ᠳᠠᠭᠠᠤ ᠤᠯᠠᠨ ᠦᠢᠯᠡᠳᠪᠦᠷᠢ | ᠪᠠᠶᠢᠳᠠᠭ ᠪᠤᠯᠪᠠᠴᠤ ᠠᠮᠢ ᠠᠬᠤᠢ ᠶᠢᠨ ᠬᠠᠮᠠᠭᠠᠯᠠᠯᠲᠠ ᠪᠣᠯᠣᠨ ᠠᠵᠤ ᠠᠬᠤᠢ ᠶᠢᠨ ᠬᠥᠭᠵᠢᠭᠦᠯᠦᠯᠲᠡ ᠶᠢ | ᠵᠣᠬᠢᠴᠠᠭᠤᠯᠤᠨ ᠬᠥᠭᠵᠢᠭᠦᠯᠦᠭᠰᠡᠨ ᠠᠴᠠ ᠭᠦᠭᠡᠬᠤᠳᠠ ᠶᠢᠨ ᠡᠷᠭᠢᠨ ᠲᠣᠭᠤᠷᠢᠨ ᠤ ᠠᠮᠢ ᠠᠬᠤᠢ ᠤᠯᠠᠮ ᠠᠴᠠ | ᠰᠠᠶᠢᠵᠢᠷᠠᠵᠤ᠂ ᠥᠩᠭᠡ ᠦᠵᠡᠮᠵᠢ ᠤᠯᠠᠮ ᠪᠠᠶᠠᠯᠢᠭᠵᠢᠵᠤ᠂ ᠬᠤᠳᠠ ᠶᠢᠨ ᠠᠷᠠᠳ ᠬᠢᠭᠡᠳ ᠵᠢᠭᠤᠯᠴᠢᠯᠠᠬᠰᠠᠳ ᠤᠨ | ᠲᠣᠭᠤᠷᠢᠨ ᠵᠤᠭᠠᠯᠠᠬᠤ ᠳᠤ ᠲᠠᠭᠠᠯᠠᠮᠵᠢᠲᠠᠢ ᠣᠷᠴᠢᠨ ᠨᠥᠬᠦᠴᠡᠯ ᠢ ᠡᠭᠦᠳᠴᠦ ᠥᠭᠭᠦᠭᠰᠡᠨ ᠢᠶᠠᠷ ᠦᠯᠦ ᠪᠠᠷᠠᠮ ᠠᠭᠠᠷ | ᠤᠰᠤᠨ ᠤ ᠶᠠᠰᠤ ᠴᠢᠨᠠᠷ ᠢ ᠤᠯᠠᠮ ᠰᠠᠶᠢᠵᠢᠷᠠᠭᠤᠯᠤᠨ᠂ ᠣᠳᠣᠬᠢᠴᠢᠯᠠᠭᠰᠠᠨ ᠭᠦᠭᠡᠬᠤᠳᠠ ᠶᠢᠨ ᠨᠡᠷᠡ ᠠᠯᠳᠠᠷᠰᠢᠯ ᠢ | ᠤᠯᠠᠮ ᠮᠠᠨᠳᠤᠭᠤᠯᠵᠠᠢ᠃ ᠲᠡᠷᠡ ᠰᠠᠶᠢᠬᠠᠨ ᠦᠵᠡᠮᠵᠢ ᠳᠤᠨᠢ ᠬᠥᠮᠥᠨ᠂ ᠰᠢᠪᠠᠭᠤ ᠵᠡᠷᠭᠡ ᠪᠠᠷ ᠲᠠᠲᠠᠭᠳᠠᠨ | ᠰᠣᠭᠲᠣᠭᠤᠷᠠᠭᠰᠠᠨ ᠨᠢ ᠬᠠᠪᠤᠷ ᠤᠨ ᠡᠳᠦᠷ ᠤᠨ ᠨᠢᠭᠡᠨ ᠭᠤᠶᠢᠳᠠ ᠵᠢᠷᠤᠭ ᠪᠣᠯᠪᠠ᠃ | | | ᠲᠡᠷᠡ ᠬᠤᠯᠠ᠂ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠮᠢᠨᠳᠠᠰᠤᠨ ᠴᠠᠭᠠᠨ ᠡᠭᠦᠯᠡ ᠭᠦᠪᠦᠯᠵᠡᠨ ᠰᠡᠮᠡᠷᠡᠵᠦ᠂ ᠰᠠᠯᠬᠢᠨ ᠤ | ᠠᠶᠠ ᠪᠠᠷ ᠰᠡᠮ ᠰᠡᠮᠭᠡᠨ ᠨᠡᠭᠦᠳᠡᠯᠯᠡᠨᠡ᠃ ᠬᠡᠵᠢᠶᠡ ᠴᠤ ᠦᠯᠦ ᠬᠤᠪᠢᠷᠠᠬᠤ ᠬᠥᠮᠥᠨ ᠤ ᠰᠠᠶᠢᠬᠠᠨ ᠠᠷᠠᠨᠰᠢᠨ ᠮᠡᠲᠦ | ᠬᠥᠬᠡ ᠣᠭᠲᠠᠷᠭᠤᠢ ᠴᠡᠯᠡᠶᠢᠨ ᠴᠡᠯᠡᠶᠢᠵᠦ᠂ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ᠂ ᠨᠠᠭᠠᠰᠢ ᠴᠠᠭᠠᠰᠢ ᠨᠢᠰᠤᠨ ᠪᠠᠭᠤᠬᠤ ᠨᠢᠰᠬᠡᠯ᠂ | ᠬᠤᠨ ᠴᠠᠭᠠᠨ ᠡᠭᠦᠯᠡ ᠲᠠᠢ ᠨᠡᠶᠢᠯᠡᠭᠡᠳ ᠰᠡᠳᠬᠢᠯ ᠠᠷᠢᠭᠤᠰᠬᠠᠨ ᠪᠠᠶᠢᠯᠠ᠃ ᠵᠠᠰᠠᠮᠠᠯ ᠵᠠᠮ ᠢᠶᠠᠷ ᠡᠯᠳᠡᠪ ᠮᠠᠰᠢᠨ | ᠵᠢᠷᠢᠯᠵᠡᠲᠡᠯᠡ ᠳᠠᠪᠬᠢᠨ᠂ ᠬᠦᠰᠡᠯ ᠤᠨ ᠭᠠᠵᠠᠷ ᠢᠶᠠᠨ ᠵᠣᠷᠢᠨᠠ᠃ ᠬᠠᠪᠤᠷ ᠤᠨ ᠨᠠᠷᠠᠨ ᠠᠭᠤᠯᠠ ᠶᠢᠨ ᠲᠣᠯᠣᠭᠠᠢ | ᠰᠢᠭᠦᠷᠦᠨ ᠰᠢᠩᠭᠡᠬᠦ ᠳᠤ ᠶᠡᠭᠡ ᠲᠦᠷᠭᠡᠨ ᠭᠤᠣᠯ ᠳᠤ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠰᠣᠯᠣᠩᠭᠠ ᠲᠠᠲᠠᠭᠤᠯᠤᠨ ᠪᠠᠭᠤᠨᠠ᠃ | ᠬᠡᠨ ᠨᠢᠭᠡᠨ ᠲᠠᠢ ᠠᠭᠤᠯᠵᠠᠵᠤ ᠤᠴᠠᠷᠠᠮᠠᠷ ᠴᠤ ᠶᠤᠮ ᠰᠢᠭ᠋ ᠪᠤᠳᠤᠯ ᠣᠷᠣᠭᠰᠠᠨ ᠬᠠᠪᠤᠷ ᠤᠨ ᠰᠠᠶᠢᠬᠠᠨ ᠡᠳᠦᠷ | ᠮᠠᠷᠭᠠᠰᠢ᠂ ᠨᠥᠭᠦᠭᠡᠳᠦᠷ᠂ ᠲᠡᠭᠦᠨ ᠠᠴᠠ ᠴᠠᠭᠠᠰᠢ ᠤᠯᠠᠨ ᠲᠣᠬᠢᠶᠠᠨᠠ᠃ ᠬᠠᠪᠤᠷ ᠬᠠᠪᠤᠷ ᠢᠶᠠᠷ ᠢᠷᠡᠳᠡᠭ ᠨᠡᠭᠦᠳᠡᠯ ᠤᠨ | ᠰᠢᠪᠠᠭᠤᠳ ᠦᠷᠡᠵᠢᠨᠡ᠂ ᠨᠡᠭᠦᠨᠡ᠃ ᠠᠮᠢ ᠠᠬᠤᠢ ᠶᠢᠨ ᠰᠠᠶᠢᠵᠢᠷᠠᠯᠲᠠ ᠶᠢ ᠮᠠᠭᠲᠠᠨ ᠳᠠᠭᠤᠯᠠᠨ ᠨᠡᠭᠦᠨᠡ᠃ | | | | | | ᠬᠤᠨ ᠤ ᠤᠶᠠᠬᠠᠨ ᠨᠤᠷᠭᠢᠶᠠ | | | | | | ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠭᠰᠠᠨ ᠤᠬᠢᠶᠠᠯ | | | | | | ᠤᠨᠠᠬᠤ ᠨᠠᠷᠠᠨ ᠢ ᠤᠭᠲᠤᠭᠰᠠᠨ ᠨᠡᠭᠦᠳᠡᠯ | | | | | | ᠶᠡᠭᠡ ᠲᠦᠷᠭᠡᠨ ᠭᠤᠣᠯ ᠤᠨ ᠳᠤᠤᠯᠢᠶᠠᠨ |