| | -- ︽ᠮᠣᠷᠢᠨ ᠬᠤᠩᠬᠤᠨ ᠤ ᠵᠢᠷᠭᠠᠯᠠᠩᠲᠤ ᠡᠭᠡᠰᠢᠭ︾ ᠬᠡᠮᠡᠬᠦ ᠪᠥᠵᠢᠭ ᠤᠨ ᠰᠣᠨᠢᠷᠬᠠᠯ ᠳᠤ | | 2023 ᠣᠨ ᠤ 10 ᠰᠠᠷᠠ ᠶᠢᠨ 28 ᠤ ᠡᠳᠦᠷ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠲᠤᠮᠳᠠᠳᠤ | ᠤᠯᠤᠰ ᠤᠨ ᠪᠥᠵᠢᠭ ᠤᠨ ︽ᠯᠢᠩᠬᠤᠠ ᠱᠠᠩᠨᠠᠯ︾ ᠤᠨ ᠡᠴᠦᠰ ᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ ᠵᠢᠨᠠᠨ | ᠬᠤᠳᠠ ᠳᠤ ᠦᠪᠡᠳᠡᠭᠰᠢ ᠶᠡᠭᠡ ᠪᠠᠷ ᠥᠨᠳᠥᠷᠯᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠤᠳᠠᠭᠠᠨ ᠤ ᠰᠢᠯᠭᠠᠷᠠᠭᠤᠯᠤᠯᠲᠠ ᠳᠤ ᠥᠪᠥᠷ | ᠮᠣᠩᠭᠤᠯ ᠤᠨ ᠪᠥᠵᠢᠭᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠠᠴᠠ ᠰᠣᠩᠭᠤᠨ ᠳᠡᠪᠰᠢᠭᠦᠯᠦᠭᠰᠡᠨ ︽ᠮᠣᠷᠢᠨ ᠬᠤᠩᠬᠤᠨ ᠤ | ᠵᠢᠷᠭᠠᠯᠠᠩᠲᠤ ᠡᠭᠡᠰᠢᠭ︾ ᠬᠡᠮᠡᠬᠦ ᠪᠦᠲᠦᠭᠡᠯ 98.89 ᠬᠤᠪᠢ ᠪᠠᠷ ᠲᠡᠷᠢᠭᠦᠯᠡᠯᠡ᠃ ᠡᠭᠦᠨ ᠤ ᠬᠠᠮᠲᠤ ᠥᠪᠥᠷ | ᠮᠣᠩᠭᠤᠯ ᠤᠨ ᠪᠥᠵᠢᠭᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠠᠴᠠ ᠰᠣᠩᠭᠤᠨ ᠳᠡᠪᠰᠢᠭᠦᠯᠦᠭᠰᠡᠨ ︽ᠭᠡᠷᠡᠯ ᠳᠤ ᠠᠭᠤᠰᠬᠤᠢ︾᠂ | ︽ᠮᠥᠩᠬᠡ ᠶᠢᠨ ᠨᠠᠷᠠ︾᠂ ︽ᠥᠯᠥᠭᠡᠢ ᠨᠤᠲᠤᠭ ᠤᠨ ᠤᠳᠤᠨ ᠤ ᠰᠡᠭᠦᠳᠡᠷ︾ ᠵᠡᠷᠭᠡ ᠭᠤᠷᠪᠠᠨ ᠪᠦᠲᠦᠭᠡᠯ ᠨᠢ ᠰᠢᠯᠢᠳᠡᠭ | ᠪᠦᠲᠦᠭᠡᠯ ᠢᠶᠠᠷ ᠲᠣᠳᠣᠷᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠪᠣᠯ ᠮᠠᠨ ᠤ ᠥᠪᠥᠷ ᠮᠣᠩᠭᠤᠯ ᠣᠷᠣᠨ ᠤ ᠤᠷᠠᠯᠢᠭ ᠰᠣᠶᠣᠯ ᠳᠤ | ᠥᠩᠭᠡ ᠭᠡᠷᠡᠯ ᠠᠪᠴᠢᠷᠠᠭᠰᠠᠨ ᠪᠠᠶᠠᠷᠲᠤ ᠶᠠᠪᠤᠳᠠᠯ ᠪᠤᠯᠬᠤ ᠪᠥᠭᠡᠳ ᠦᠨᠳᠦᠰᠦᠲᠡᠨ ᠤ ᠪᠥᠵᠢᠭ ᠤᠨ ᠠᠰᠤᠷᠤ ᠶᠡᠭᠡ | ᠬᠥᠭᠵᠢᠯᠲᠡ ᠶᠢ ᠳᠣᠬᠢᠶᠠᠯᠠᠭᠰᠠᠨ ᠴᠢᠬᠤᠯᠠ ᠬᠡᠷᠡᠭ ᠶᠠᠪᠤᠳᠠᠯ ᠪᠣᠯᠣᠨᠠ᠃ | | ᠪᠥᠵᠢᠭ ᠪᠣᠯ ᠤᠯᠤᠰ ᠦᠨᠳᠦᠰᠦᠲᠡᠨ ᠤ ᠰᠣᠶᠣᠯ ᠤᠨ ᠴᠢᠬᠤᠯᠠ ᠨᠢᠭᠡ ᠭᠡᠯᠪᠡᠷᠢ ᠪᠤᠯᠬᠤ ᠶᠤᠮ᠃ ᠠᠯᠤᠰ | ᠲᠡᠷᠲᠡᠭᠡ ᠭᠦᠢ ᠨᠢᠭᠡᠳᠦᠯ ᠤᠨ ᠦᠶᠡ ᠳᠤ᠂ ᠪᠥᠵᠢᠭ ᠨᠢ ᠬᠥᠮᠥᠰ ᠤᠨ ᠭᠦᠳᠡᠯᠮᠦᠷᠢ ᠲᠡᠮᠡᠴᠡᠯ᠂ ᠠᠵᠤ ᠠᠮᠢᠳᠤᠷᠠᠯ ᠤᠨ | ᠳᠤᠮᠳᠠ᠂ ᠲᠡᠳᠡᠨ ᠤ ᠦᠵᠡᠯ ᠪᠤᠳᠤᠯ᠂ ᠰᠦᠰᠦᠭ ᠪᠢᠰᠢᠷᠡᠯ᠂ ᠵᠠᠩ ᠦᠢᠯᠡ ᠲᠠᠢ ᠤᠶᠠᠯᠳᠤᠨ ᠪᠤᠢ ᠪᠣᠯᠤᠭᠰᠠᠨ ᠪᠥᠭᠡᠳ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠲᠡᠦᠬᠡᠨ ᠶᠠᠪᠤᠴᠠ ᠶᠢ ᠲᠠᠭᠠᠵᠤ ᠥᠭᠡᠷᠡᠴᠢᠯᠡᠭᠳᠡᠨ ᠰᠢᠨᠡᠴᠢᠯᠡᠭᠳᠡᠭᠰᠡᠭᠡᠷ ᠢᠷᠡᠵᠠᠢ᠃ | ︽ᠮᠣᠷᠢᠨ ᠬᠤᠩᠬᠤᠨ ᠤ ᠵᠢᠷᠭᠠᠯᠠᠩᠲᠤ ᠡᠭᠡᠰᠢᠭ︾ ᠪᠣᠯ ᠳᠠᠷᠤᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠠᠵᠤ ᠠᠮᠢᠳᠤᠷᠠᠯ ᠲᠠᠢ | ᠨᠢᠭᠲᠠ ᠤᠶᠠᠯᠳᠤᠨ ᠪᠦᠲᠦᠭᠡᠭᠳᠡᠭᠰᠡᠨ ᠰᠣᠶᠣᠯ ᠤᠨ ᠠᠭᠤᠯᠤᠭᠳᠠᠴᠠ ᠲᠠᠢ ᠪᠥᠵᠢᠭ ᠪᠤᠯᠬᠤ ᠶᠤᠮ᠃ ᠲᠤᠰ ᠪᠥᠵᠢᠭ | ᠤᠨ ᠲᠣᠪᠣᠶᠢᠮᠠ ᠣᠨᠴᠠᠯᠢᠭ ᠪᠣᠯᠵᠤ ᠪᠠᠶᠢᠭᠠ ᠮᠣᠷᠢᠨ ᠬᠤᠩᠬᠤᠨ ᠤ ᠴᠣᠬᠢᠯᠭᠠ ᠨᠢ ᠳᠠᠷᠤᠢ ᠮᠠᠯᠴᠢᠨ ᠠᠷᠠᠳ ᠤᠨ | ᠠᠮᠢᠳᠤᠷᠠᠯ ᠤᠨ ᠠᠶᠢᠵᠠᠮ᠂ ᠰᠡᠳᠬᠢᠯᠭᠡᠨ ᠤ ᠬᠦᠴᠦᠯᠡᠴᠡ ᠪᠣᠯᠵᠤ᠂ ᠠᠵᠤ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ᠂ ᠬᠥᠮᠥᠨ ᠪᠠ ᠮᠣᠷᠢ | ᠬᠠᠮᠲᠤ ᠪᠠᠷ ᠪᠠᠶᠠᠰᠤᠨ ᠪᠠᠶᠢᠭᠠ ᠣᠷᠴᠢᠨ ᠠᠬᠤᠢ ᠶᠢ ᠪᠡᠯᠭᠡᠳᠡᠭᠰᠡᠨ ᠪᠠᠶᠢᠨᠠ᠃ | | ᠪᠥᠵᠢᠭ ᠨᠢ ᠠᠵᠤ ᠠᠮᠢᠳᠤᠷᠠᠯ ᠲᠠᠢ ᠨᠢᠭᠲᠠ ᠤᠶᠠᠯᠳᠤᠭᠠ ᠲᠠᠢ ᠤᠷᠠᠯᠢᠭ ᠤᠨ ᠭᠡᠯᠪᠡᠷᠢ ᠪᠣᠯᠤᠭᠰᠠᠨ ᠬᠤᠪᠢ | ᠳᠤ᠂ ᠪᠥᠵᠢᠭ ᠢ ᠵᠣᠬᠢᠶᠠᠨ ᠪᠦᠲᠦᠭᠡᠭᠰᠡᠳ ᠤᠨ ᠠᠮᠢᠳᠤᠷᠠᠯ ᠤᠨ ᠣᠷᠴᠢᠨ᠂ ᠰᠡᠳᠬᠢᠯ ᠤᠨ ᠬᠠᠨᠳᠤᠯᠭᠠ ᠲᠠᠢ ᠰᠠᠯᠤᠰᠢ | ᠦᠭᠡᠢ ᠬᠠᠷᠢᠴᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠲᠤᠰ ᠪᠥᠵᠢᠭ ᠨᠢ ᠳᠠᠷᠤᠢ ᠠᠷᠠᠳ ᠤᠯᠠᠨ ᠤ ᠳᠤᠮᠳᠠ ᠥᠷᠭᠡᠨ ᠢᠶᠠᠷ | ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠪᠠᠶᠢᠭᠠᠯᠢᠯᠢᠭ ᠬᠡᠪ ᠨᠠᠮᠪᠠ ᠪᠣᠯᠣᠨ ᠦᠨᠳᠦᠰᠦᠲᠡᠨ ᠤ ᠬᠡᠪ ᠳᠦᠷᠢ᠂ ᠣᠷᠣᠨᠨᠤᠲᠤᠭ ᠤᠨ | ᠬᠡᠪ ᠨᠠᠮᠪᠠ ᠶᠢ ᠭᠠᠶᠢᠬᠠᠭᠤᠯᠵᠤ᠂ ᠥᠪᠡᠷ ᠤᠨ ᠭᠡᠬᠦ ᠣᠨᠴᠠᠯᠢᠭ ᠲᠠᠢ ᠪᠣᠯᠤᠭᠰᠠᠨ ᠢᠶᠠᠷ ᠵᠶ᠋ᠠᠨᠦᠵᠡᠭᠴᠢᠳ ᠤᠨ | ᠬᠦᠷᠢᠶᠡᠯᠡᠯ ᠢ ᠣᠯᠵᠤ᠂ ᠨᠢᠭᠡᠨ ᠰᠣᠳᠣᠨ ᠪᠥᠵᠢᠭ ᠪᠣᠯᠵᠤ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠣᠨᠴᠠᠭᠠᠶᠢᠯᠠᠨ᠂ ᠲᠤᠰ ᠪᠥᠵᠢᠭ ᠲᠤ | ᠭᠠᠵᠠᠷ ᠣᠷᠣᠨ ᠤ ᠣᠨᠴᠠᠯᠢᠭ ᠪᠦᠬᠦᠢ ᠠᠷᠠᠳ ᠤᠨ ᠳᠠᠭᠤᠤ ᠶᠢ ᠤᠷᠠᠯᠢᠭ ᠢᠶᠠᠷ ᠠᠰᠢᠭᠯᠠᠵᠤ᠂ ᠠᠷᠠᠳ ᠤᠨ ᠳᠠᠭᠤᠤ | ᠶᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠥᠵᠢᠭ ᠤᠨ ᠦᠨᠳᠦᠰᠦᠨ ᠴᠣᠬᠢᠯᠭᠠ ᠪᠠ ᠠᠶᠢᠵᠠᠮ ᠢ ᠵᠣᠬᠢᠴᠠᠭᠤᠯᠵᠤ᠂ ᠦᠨᠳᠦᠰᠦᠨ ᠭᠦᠭ | ᠠᠶᠠᠰ ᠢᠶᠠᠨ ᠲᠣᠭᠲᠠᠭᠠᠵᠤ ᠴᠢᠳᠠᠭᠰᠠᠨ ᠨᠢ ᠭᠠᠶᠢᠬᠠᠯᠲᠠᠢ᠃ ᠲᠡᠦᠬᠡᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠳᠠᠭᠤᠯᠠᠬᠤ ᠶᠢᠨ | ᠳᠠᠭᠠᠤ ᠪᠥᠵᠢᠭᠯᠡᠬᠦ ᠨᠢ ᠮᠣᠩᠭᠤᠯᠴᠤᠳ ᠤᠨ ᠪᠥᠵᠢᠭ ᠤᠨ ᠨᠢᠭᠡᠨ ᠤᠯᠠᠮᠵᠢᠯᠠᠯ ᠪᠠᠶᠢᠭᠠ ᠶᠤᠮ᠃ 1266 ᠣᠨ ᠳᠤ | ᠪᠢᠴᠢᠭᠳᠡᠭᠰᠡᠨ ︽ᠨᠠᠢᠮᠠᠨ ᠭᠡᠷ ᠤᠨ ᠴᠠᠭ ᠤᠨ ᠲᠠᠭᠢᠯᠭᠠ ᠶᠢᠨ ᠪᠢᠴᠢᠭ︾ ᠭᠡᠳᠡᠭ ᠨᠣᠮ ᠤᠨ ᠪᠥᠵᠢᠭᠯᠡᠯ ᠤᠨ ᠵᠦᠢᠯ ᠳᠤ᠂ | ︽ᠲᠠᠭᠤᠨ ᠤ ᠠᠶᠠ ᠪᠠᠷ ᠪᠥᠵᠢᠭᠯᠡᠵᠦ ᠪᠠᠶᠢᠯᠠ︾ ᠬᠡᠮᠡᠭᠰᠡᠨ ᠲᠡᠮᠳᠡᠭᠯᠡᠯ ᠪᠠᠶᠢᠳᠠᠭ᠃ ᠳᠠᠷᠤᠢ ᠳᠠᠭᠤᠤ ᠲᠠᠢ ᠪᠥᠵᠢᠭ ᠪᠣᠯ | ᠨᠢᠭᠡ ᠵᠦᠢᠯ ᠤᠨ ᠡᠷᠲᠡᠨ ᠠᠴᠠ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠦᠨᠳᠦᠰᠦᠨ ᠬᠡᠪ ᠵᠠᠩᠰᠢᠯ ᠪᠤᠯᠬᠤ ᠶᠤᠮ᠃ ᠲᠡᠷᠡᠴᠢᠯᠡᠨ ᠳᠠᠭᠤᠤ | ᠲᠠᠢ ᠪᠥᠵᠢᠭ ᠨᠢ ᠭᠠᠭᠴᠠ ᠣᠷᠳᠣᠨ ᠤ ᠶᠣᠰᠣᠯᠠᠯ ᠳᠤ ᠬᠠᠷᠠᠭᠳᠠᠬᠤ ᠲᠡᠳᠦᠢ ᠦᠭᠡᠢ᠂ ᠠᠷᠠᠳ ᠤᠯᠠᠨ ᠤ ᠳᠤᠮᠳᠠ ᠴᠤ | ᠥᠷᠭᠡᠨ ᠢᠶᠠᠷ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠲᠡᠭᠦᠨ ᠤ ᠤᠴᠢᠷ ᠢ ᠬᠡᠯᠡᠪᠡᠯ᠂ ᠦᠭᠡ ᠭᠡᠯᠡ ᠪᠠᠷ ᠢᠯᠡᠳᠬᠡᠳᠡᠭ | ᠳᠠᠭᠤᠤ ᠤᠷᠠᠯᠢᠭ ᠨᠢ ᠬᠥᠮᠥᠰ ᠤᠨ ᠠᠮᠢᠳᠤᠷᠠᠯ ᠳᠤᠮᠳᠠᠬᠢ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠢᠯᠡᠳᠬᠡᠬᠦ ᠠᠷᠭᠠ ᠪᠤᠯᠬᠤ | ᠪᠥᠭᠡᠳ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠨ ᠪᠡᠯᠭᠡᠯᠡᠬᠦ ᠪᠤᠶᠤ ᠭᠤᠨᠢᠭ ᠤᠶᠢᠳᠬᠠᠷ ᠢᠶᠠᠨ ᠢᠯᠡᠳᠬᠡᠬᠦ ᠶᠢᠨ ᠠᠯᠢᠨ ᠳᠤᠨᠢ ᠴᠦ | ᠲᠤᠲᠠᠭᠳᠠᠵᠤ ᠦᠯᠤ ᠪᠤᠯᠳᠠᠭ᠃ ᠲᠡᠶᠢᠮᠦ ᠠᠴᠠ ᠡᠷᠲᠡᠨ ᠠᠴᠠ ᠠᠪᠤᠭᠠᠳ ᠠᠷᠠᠳ ᠤᠨ ᠲᠠᠭᠤᠨ ᠤ ᠷᠢᠳᠢ ᠰᠢᠳᠢ ᠨᠢ | ᠪᠡᠶᠡᠯᠡᠭᠡ᠂ ᠪᠥᠵᠢᠭ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ᠂ ᠴᠢᠨᠠᠭᠰᠢᠯᠠᠪᠠᠯ ᠰᠦᠭ ᠰᠦᠨᠡᠰᠦ ᠨᠢ ᠪᠣᠯᠣᠭᠰᠠᠭᠠᠷ ᠢᠷᠡᠭᠰᠡᠨ | ᠶᠤᠮ᠃ ︽ᠮᠣᠷᠢᠨ ᠬᠤᠩᠬᠤᠨ ᠤ ᠵᠢᠷᠭᠠᠯᠠᠩᠲᠤ ᠡᠭᠡᠰᠢᠭ︾ ᠭᠡᠬᠦ ᠪᠥᠵᠢᠭ ᠲᠤ ᠮᠥᠨ ᠡᠨᠡ ᠬᠦ ᠶᠣᠰᠣ ᠵᠢᠷᠤᠮ ᠢ | ᠤᠬᠠᠭᠠᠷᠠᠵᠤ᠂ ︽ᠥᠨᠳᠥᠷ ᠬᠥᠬᠡ ᠮᠣᠷᠢ︾᠂ ︽ᠠᠳᠤᠭᠤᠬᠠᠢ ᠵᠤᠯᠠ︾ ᠵᠡᠷᠭᠡ ᠠᠷᠠᠳ ᠤᠨ ᠳᠠᠭᠤᠤ ᠶᠢ ᠠᠰᠢᠭᠯᠠᠵᠤ | ᠴᠢᠳᠠᠭᠰᠠᠨ ᠠᠴᠠ ᠲᠤᠰ ᠪᠥᠵᠢᠭ ᠨᠢ ᠮᠠᠰᠢ ᠠᠮᠠᠷᠬᠠᠨ ᠠᠮᠢᠯᠠᠨ ᠪᠦᠲᠦᠵᠦ᠂ ᠰᠦᠭ ᠰᠦᠨᠡᠰᠦ ᠲᠠᠢ ᠪᠣᠯᠵᠤ | ᠴᠢᠳᠠᠭᠰᠠᠨ ᠶᠤᠮ᠃ ︽ᠥᠨᠳᠥᠷ ᠬᠥᠬᠡ ᠮᠣᠷᠢ ᠪᠠᠶᠢᠨᠠ ᠭᠦᠢ/ ᠣᠭᠲᠠᠷᠭᠤᠢ ᠱᠤᠤᠭᠢᠮᠠ ᠵᠢᠷᠤᠭᠠ ᠳ᠋ᠠ/ ᠦᠶᠡ ᠪᠠᠭᠠ | ᠶᠢᠨ ᠪᠤᠳᠤᠯ ᠪᠠᠶᠢᠨᠠ ᠰᠢᠦ / ᠦᠭᠡ ᠳᠡᠭᠡᠨ ᠭᠦᠷᠦᠨᠡ ᠭᠡᠳᠡᠭ ᠶᠠᠮᠠᠷ ᠰᠠᠶᠢᠬᠠᠨ ᠪᠤᠢ︾᠂ ︽ᠠᠳᠤᠭᠤᠬᠠᠢ ᠵᠤᠯᠠ ᠶᠢᠨ | ᠠᠭᠲᠠ ᠳᠤᠨᠢ / ᠠᠷᠪᠠᠨ ᠭᠤᠷᠪᠠᠨ ᠰᠢᠷᠭᠠ ᠪᠠᠶᠢᠨᠠ / ᠠᠯᠢ ᠰᠢᠷᠭᠠ ᠶᠢ ᠤᠨᠤᠶᠠ ᠳ᠋ᠣᠣ / ᠠᠪᠤ ᠶᠢᠨ ᠰᠢᠷᠭᠠ ᠶᠢ | ᠤᠨᠤᠶᠠ ᠳ᠋ᠣᠣ︾ ᠵᠡᠷᠭᠡ ᠳᠠᠭᠤᠤ ᠶᠢᠨ ᠦᠭᠡ ᠨᠢ ᠪᠥᠵᠢᠭ ᠤᠨ ᠬᠥᠳᠡᠯᠭᠡᠭᠡᠨ ᠲᠠᠢ ᠪᠠᠨ ᠬᠤᠣᠰᠯᠠᠭᠠᠳ ᠦᠵᠡᠭᠴᠢ | ᠶᠢᠨ ᠨᠢᠳᠦ ᠴᠢᠬᠢ ᠶᠢ ᠬᠠᠮᠲᠤ ᠳᠤᠨᠢ ᠪᠠᠶᠠᠰᠬᠠᠵᠤ᠂ ᠦᠨᠡᠬᠡᠷ ᠨᠢᠭᠡᠨ ᠴᠠᠭ ᠤᠨ ᠪᠠᠶᠠᠰᠤᠯ ᠢ ᠲᠦᠷᠦᠭᠦᠯᠦᠨᠠ᠃ | | ᠲᠤᠰ ᠪᠥᠵᠢᠭ ᠢ ᠬᠡᠷᠪᠡ ᠨᠠᠷᠢᠨ ᠠᠵᠢᠭᠯᠠᠬᠤ ᠳᠤ ᠭᠦᠷᠪᠡᠯ᠂ ᠲᠠᠶᠢᠰᠠᠨ ᠤ ᠵᠢᠷᠤᠭᠯᠠᠯ ᠤᠨ ᠬᠤᠪᠢᠷᠠᠯᠲᠠ ᠨᠢ | ᠠᠶᠢᠵᠠᠮ ᠴᠣᠬᠢᠯᠭᠠ ᠶᠢᠨ ᠴᠢᠩᠭᠠ ᠰᠤᠯᠠ ᠲᠠᠢ ᠪᠠᠨ ᠪᠠᠷᠢᠯᠳᠤᠨ᠂ ᠭᠤᠣᠯᠳᠠᠭᠤ ᠴᠣᠬᠢᠯᠭᠠ ᠪᠠᠷ ᠢᠯᠡᠷᠡᠵᠦ ᠪᠠᠶᠢᠬᠤ | ᠶᠢ ᠮᠡᠳᠡᠵᠤ ᠪᠣᠯᠣᠨᠠ᠃ ᠪᠥᠵᠢᠭ ᠤᠨ ᠬᠥᠳᠡᠯᠭᠡᠭᠡᠨ ᠤ ᠭᠡᠮᠨᠡᠯ ᠨᠢ ᠴᠣᠬᠢᠯᠭᠠ ᠶᠢᠨ ᠬᠤᠪᠢᠷᠠᠯᠲᠠ ᠳᠤ ᠰᠠᠭᠤᠷᠢᠯᠠᠵᠤ᠂ | ᠪᠥᠵᠢᠭ ᠤᠨ ᠭᠡᠬᠦ ᠳᠣᠲᠣᠭᠠᠳᠤ ᠰᠡᠳᠬᠢᠯᠭᠡᠨ ᠤ ᠲᠣᠭᠲᠠᠴᠠ ᠶᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠶᠢᠳᠠᠭ᠃ ᠬᠡᠷᠪᠡ ᠨᠢᠭᠡ | ᠪᠥᠵᠢᠭ ᠨᠢ ᠳᠣᠲᠣᠭᠠᠳᠤᠬᠢ ᠰᠡᠳᠬᠢᠯᠭᠡᠨ ᠤ ᠡᠵᠡᠮᠰᠢᠯ ᠲᠣᠭᠲᠠᠴᠠ ᠪᠠᠶᠢᠬᠤ ᠦᠭᠡᠢ ᠪᠣᠯ ᠮᠡᠷᠭᠡᠵᠢᠯ ᠤᠨ ᠬᠢᠷᠢ | ᠲᠦᠪᠰᠢᠨ ᠨᠢ ᠬᠡᠳᠦᠢ ᠥᠨᠳᠥᠷ ᠪᠣᠯᠤᠭᠰᠠᠨ ᠴᠦ ᠤᠷᠠᠯᠢᠭ ᠪᠣᠯᠵᠤ ᠤᠯᠠᠨ ᠲᠦᠮᠡᠨ ᠤ ᠬᠦᠷᠢᠶᠡᠯᠡᠯ ᠪᠣᠯᠣᠨ | ᠦᠨᠡᠯᠡᠯᠲᠡ ᠶᠢ ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠲᠤᠰ ᠪᠥᠵᠢᠭ ᠤᠨ ᠬᠡᠪ ᠨᠠᠮᠪᠠ᠂ ᠭᠡᠯᠪᠡᠷᠢ᠂ ᠬᠥᠳᠡᠯᠭᠡᠭᠡᠨ ᠤ ᠪᠦᠭᠦ | ᠴᠣᠭᠴᠠ ᠨᠢ ᠰᠡᠳᠬᠢᠯᠭᠡᠨ ᠤ ᠳᠣᠲᠣᠭᠠᠳᠤ ᠲᠣᠭᠲᠠᠴᠠ ᠪᠠᠷ ᠰᠠᠭᠤᠷᠢᠯᠠᠭᠰᠠᠨ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠲᠤᠰ | ᠪᠥᠵᠢᠭ ᠤᠨ ᠤᠳᠤᠷᠢᠳᠤᠭᠠᠴᠢ ᠵᠢᠴᠢ ᠲᠣᠭᠯᠠᠭᠴᠢᠳ ᠨᠢᠭᠡ ᠪᠦᠷᠢ ᠪᠦᠭᠦᠨ ᠢᠶᠠᠷ ᠢᠶᠠᠨ ᠡᠶᠢᠮᠦ ᠶᠡᠭᠡ ᠠᠮᠵᠢᠯᠲᠠ ᠳᠤ | ᠬᠦᠷᠴᠦ ᠴᠢᠳᠠᠭᠰᠠᠨ ᠨᠢ ᠲᠡᠷᠨ ᠴᠢᠭ ᠢᠶᠠᠷ ᠳᠣᠲᠣᠭᠠᠳᠤ ᠰᠡᠳᠬᠢᠯᠭᠡᠨ ᠤ ᠲᠣᠭᠲᠠᠴᠠ ᠪᠤᠶᠤ ᠬᠠᠯᠠᠭᠤᠨ ᠬᠠᠶᠢᠷᠠ ᠶᠢᠨ | ᠬᠦᠴᠦᠨ ᠳᠤ ᠲᠦᠰᠢᠭᠰᠡᠨ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨᠠ᠃ ᠰᠢᠯᠢᠳᠡᠭ ᠰᠠᠶᠢᠬᠠᠨ ᠰᠣᠶᠣᠯ ᠤᠷᠠᠯᠢᠭ ᠪᠣᠯ ᠴᠠᠭ ᠦᠶᠡ | ᠳᠡᠭᠡᠨ ᠦᠢᠯᠡᠴᠢᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠴᠠᠭ ᠦᠶᠡ ᠪᠠᠨ ᠲᠠᠪᠠᠨ ᠭᠠᠷᠬᠤ ᠷᠢᠳᠢ ᠰᠢᠳᠢ ᠲᠠᠢ ᠪᠠᠶᠢᠳᠠᠭ᠃ | ᠤᠷᠠᠯᠢᠭ ᠮᠥᠩᠬᠡ ᠪᠠᠶᠢᠳᠠᠭ ᠤᠨ ᠤᠴᠢᠷ ᠡᠨᠡ᠃ ᠨᠡᠶᠢᠭᠡᠮ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠥᠭᠵᠢᠵᠦ᠂ ᠴᠠᠭ ᠡᠷᠢᠨ | ᠤᠷᠤᠭᠰᠢᠯᠠᠨ ᠲᠠᠪᠰᠢᠵᠤ ᠪᠠᠶᠢᠭᠠ ᠥᠨᠥᠳᠥᠷ ᠦᠨᠳᠦᠰᠦᠲᠡᠨ ᠤ ᠭᠡᠬᠦ ᠣᠨᠴᠠᠯᠢᠭ᠂ ᠢᠷᠭᠡᠨ ᠤ ᠭᠡᠬᠦ ᠰᠣᠶᠣᠯ ᠢᠳᠡᠭ | ᠢᠳᠡᠭ ᠢᠶᠠᠷ ᠤᠪᠠᠶᠢᠯᠠᠭᠳᠠᠬᠤ ᠦᠭᠡᠢ ᠪᠣᠯᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠣᠣᠷᠠ ᠲᠤᠰ ᠪᠥᠵᠢᠭ ᠵᠣᠬᠢᠶᠠᠭᠳᠠᠨ ᠭᠠᠷᠴᠤ᠂ | ᠮᠥᠨ ᠲᠠᠶᠢᠰᠠᠨ ᠳᠡᠭᠡᠷᠡ ᠢᠯᠡᠷᠡᠵᠦ ᠭᠠᠷᠤᠭᠰᠠᠨ ᠨᠢ ᠶᠠᠭ ᠯᠡ ᠭᠠᠩᠳᠠᠭᠰᠠᠨ ᠭᠠᠵᠠᠷ ᠲᠤ ᠬᠤᠷᠠ ᠲᠤᠨᠳᠠᠰᠤ | ᠪᠠᠭᠤᠭᠰᠠᠨ ᠰᠢᠭ᠋ ᠪᠢᠳᠡ ᠪᠦᠭᠦᠨ ᠤ ᠰᠡᠳᠬᠢᠯ ᠢ ᠤᠮᠳᠠᠯᠠᠵᠤ᠂ ᠪᠠᠰᠠ ᠶᠠᠭᠤ ᠨᠢᠭᠡ ᠶᠢ ᠪᠣᠳᠣᠭᠤᠯᠵᠤ ᠪᠠᠶᠢᠨᠠ᠃ | | ᠲᠤᠰ ᠪᠥᠵᠢᠭ ᠤᠨ ᠲᠠᠶᠢᠰᠠᠨ ᠤ ᠵᠠᠰᠠᠯ᠂ ᠲᠠᠶᠢᠰᠠᠨ ᠤ ᠠᠷᠤ ᠦᠵᠡᠮᠵᠢ᠂ ᠳ᠋ᠧᠩ ᠤᠨ ᠭᠡᠷᠡᠯᠲᠦᠭᠦᠯᠭᠡ᠂ | ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠲᠠᠯᠠ ᠪᠠᠷ ᠬᠡᠯᠡᠬᠦ ᠳᠤ ᠪᠥᠵᠢᠭ ᠡᠬᠢᠯᠡᠮᠡᠭᠴᠡ ᠪᠠᠨ ᠬᠥᠮᠥᠰ ᠲᠤ ᠲᠠᠭᠠᠯᠠᠮᠵᠢᠲᠠᠢ ᠪᠥᠭᠡᠳ | ᠭᠤᠸᠠ ᠰᠠᠶᠢᠬᠠᠨ ᠲᠥᠷᠥᠭᠳᠡᠯ ᠥᠭᠭᠦᠨᠡ᠃ ᠳ᠋ᠧᠩ ᠤᠨ ᠭᠡᠷᠡᠯᠲᠦᠭᠦᠯᠭᠡ ᠲᠣᠬᠢᠷᠠᠭᠤᠯᠤᠯᠲᠠ ᠬᠤᠪᠴᠠᠰᠤᠨ ᠤ ᠥᠩᠭᠡ | ᠴᠣᠭᠴᠠ ᠶᠢᠨ ᠲᠥᠰᠥᠪᠯᠡᠯᠲᠡ ᠨᠢ ᠨᠢᠭᠡᠨ ᠪᠦᠬᠦᠯᠢ ᠴᠣᠭᠴᠠ ᠪᠣᠯᠵᠤ ᠴᠢᠳᠠᠭᠰᠠᠨ ᠪᠥᠭᠡᠳ ᠪᠣᠷᠣᠭᠵᠢᠭᠤᠨ᠂ | ᠪᠠᠰᠠᠴᠤ ᠲᠤᠩ ᠶᠡᠭᠡ ᠰᠦᠷ ᠵᠢᠪᠬᠤᠭᠠᠲᠠᠢ ᠬᠠᠷᠠᠭᠳᠠᠨᠠ᠃ ᠪᠥᠵᠢᠭ ᠤᠨ ᠡᠭᠢᠯᠡᠯᠲᠡ ᠨᠢ ᠬᠥᠳᠡᠭᠡ ᠶᠢᠨ ᠥᠷᠭᠡᠨ | ᠠᠭᠤᠳᠠᠮ ᠲᠠᠯᠠ ᠨᠤᠲᠤᠭ ᠤᠨ ᠠᠬᠤᠢ ᠪᠠᠶᠢᠳᠠᠯ᠂ ᠬᠥᠬᠡ ᠠᠭᠤᠯᠠ᠂ ᠨᠣᠭᠤᠭᠠᠨ ᠲᠠᠯᠠ᠂ ᠲᠤᠩᠭᠠᠯᠠᠭ ᠭᠤᠷᠤᠬᠠ ᠶᠢ | ᠡᠷᠬᠡ ᠦᠭᠡᠢ ᠰᠠᠨᠠᠭᠳᠠᠭᠤᠯᠤᠨᠠ᠃ ᠬᠤᠪᠴᠠᠰᠤᠨ ᠤ ᠲᠣᠬᠢᠷᠠᠭᠤᠯᠤᠯᠲᠠ ᠶᠢᠨ ᠲᠠᠯᠠ ᠪᠠᠷ ᠶᠠᠷᠢᠬᠤ ᠳᠤ ᠡᠷᠡᠭᠲᠡᠢ | ᠪᠥᠵᠢᠭᠴᠢᠳ ᠲᠡᠭᠡᠨ ᠰᠢᠷᠠ ᠥᠩᠭᠡ ᠶᠢᠨ ᠲᠡᠷᠯᠢᠭ ᠲᠣᠬᠢᠷᠠᠭᠤᠯᠤᠭᠰᠠᠨ ᠨᠢ ᠮᠥᠨ ᠪᠡᠯᠭᠡᠳᠡᠯ ᠤᠨ ᠤᠳᠬᠠ ᠲᠠᠢ᠃ | ᠳᠠᠷᠤᠢ ᠮᠣᠩᠭᠤᠯ ᠡᠷᠡᠭᠲᠡᠶᠢᠴᠦᠳ ᠤᠨ ᠰᠢᠨᠲᠠᠷᠠᠰᠢ ᠦᠭᠡᠢ ᠵᠣᠷᠢᠭ ᠰᠦᠯᠳᠡ ᠪᠠ ᠶᠡᠬᠡᠮᠰᠦᠭ ᠡᠷᠡᠯᠬᠡᠭ ᠳᠦᠷᠢ | ᠪᠠᠶᠢᠳᠠᠯ ᠢ ᠢᠯᠡᠷᠡᠭᠦᠯᠵᠦ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠡᠮᠡᠭᠲᠡᠢ ᠪᠥᠵᠢᠭᠴᠢᠳ ᠤᠨ ᠬᠤᠪᠴᠠᠰᠤ ᠶᠢ ᠴᠡᠩᠬᠡᠷ ᠬᠥᠬᠡ ᠥᠩᠭᠡ | ᠪᠠᠷ ᠲᠣᠬᠢᠷᠠᠭᠤᠯᠤᠭᠰᠠᠨ ᠨᠢ ᠤᠯᠠᠮᠵᠢᠯᠠᠯ ᠲᠠᠢ ᠬᠤᠯᠪᠤᠭᠠ ᠲᠠᠢ᠃ ᠮᠣᠩᠭᠤᠯ ᠡᠮᠡᠭᠲᠡᠶᠢᠴᠦᠳᠪᠣᠯ ᠨᠣᠭᠤᠭᠠᠨ ᠥᠩᠭᠡ | ᠪᠤᠶᠤ ᠬᠥᠬᠡ ᠴᠡᠩᠬᠡᠷ ᠥᠩᠭᠡ ᠶᠢ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ ᠬᠡᠷᠡᠭᠯᠡᠳᠡᠭ ᠤᠯᠠᠮᠵᠢᠯᠠᠯ ᠲᠠᠢ᠃ ᠡᠭᠦᠨ ᠳᠤ ᠬᠥᠬᠡ | ᠥᠩᠭᠡ ᠨᠢ ᠨᠠᠮᠤᠭᠤᠬᠠᠨ᠂ ᠤᠶᠠᠬᠠᠨ᠂ ᠠᠰᠪᠤᠷᠢ ᠴᠠᠭᠠᠪᠤᠷᠢ ᠵᠠᠩ ᠠᠭᠠᠯᠢ ᠶᠢ ᠢᠯᠡᠳᠬᠡᠬᠦ ᠪᠥᠭᠡᠳ ᠪᠠᠰᠠ ᠳᠡᠭᠵᠢᠨ | ᠴᠣᠪᠣᠭᠤᠯᠢᠭ ᠦᠵᠡᠰᠭᠦᠯᠡᠩ ᠰᠠᠶᠢᠬᠠᠨ ᠪᠠᠶᠢᠭᠠᠯᠢᠯᠢᠭ ᠴᠢᠨᠠᠷ ᠢ ᠬᠠᠷᠠᠭᠤᠯᠳᠠᠭ᠃ ᠲᠡᠷᠡᠴᠢᠯᠡᠨ ᠡᠳᠡᠭᠡᠷ ᠬᠤᠪᠴᠠᠰᠤ | ᠵᠠᠰᠠᠯ ᠨᠢ ᠮᠣᠷᠢᠨ ᠤ ᠬᠥᠩᠭᠡᠨ ᠴᠣᠪᠣᠭᠤᠯᠢᠭ ᠪᠠᠶᠢᠳᠠᠯ ᠪᠠ ᠪᠥᠵᠢᠭ ᠤᠨ ᠭᠡᠮᠨᠡᠯ ᠲᠠᠢ ᠪᠠᠨ ᠮᠠᠰᠢ ᠲᠣᠬᠢᠷᠠᠭᠰᠠᠨ | ᠪᠠᠶᠢᠨᠠ᠃ ᠮᠣᠷᠢᠨ ᠤ ᠮᠤᠨᠳᠠᠭᠠ ᠶᠢ ᠲᠥᠯᠥᠭᠡᠯᠡᠭᠰᠡᠨ ᠰᠡᠪᠡᠯᠵᠡᠭᠦᠷ ᠤᠨᠵᠢᠯᠭᠠ᠂ ᠵᠢᠴᠢ ᠬᠠᠨᠴᠤᠢ ᠨᠢᠳᠤᠷᠭᠠ ᠳᠤ | ᠲᠣᠬᠢᠷᠠᠭᠤᠯᠤᠭᠰᠠᠨ ᠬᠤᠩᠬᠤ ᠵᠡᠷᠭᠡ ᠮᠡᠷᠭᠡᠵᠢᠯ ᠤᠨ ᠬᠥᠮᠥᠨ ᠳᠤ ᠯᠡ ᠰᠠᠶ᠋ᠢ ᠠᠩᠬᠠᠷᠤᠭᠳᠠᠬᠤ ᠬᠤᠪᠴᠠᠰᠤᠨ ᠤ | ᠲᠥᠰᠥᠪᠯᠡᠯ᠂ ᠲᠣᠬᠢᠷᠠᠭᠤᠯᠤᠯᠲᠠ ᠨᠢ ᠪᠥᠵᠢᠭ ᠲᠡᠭᠡᠨ ᠲᠣᠬᠢᠷᠠᠮᠵᠢᠲᠠᠢ ᠪᠣᠯᠤᠭᠰᠠᠨ ᠪᠥᠭᠡᠳ ᠰᠦᠷ ᠭᠢᠯᠪᠠᠭᠠ | ᠨᠡᠮᠡᠷᠢᠯᠡᠭᠰᠡᠨ ᠶᠤᠮ᠃ ᠡᠶᠢᠮᠦᠷᠬᠦᠦ ᠵᠠᠰᠠᠯ ᠴᠢᠮᠡᠭᠯᠡᠯ ᠨᠢ ᠲᠥᠪ ᠪᠣᠷᠣᠭᠵᠢᠭᠤᠨ ᠪᠣᠯᠵᠤ ᠴᠢᠳᠠᠭᠰᠠᠨ ᠪᠥᠭᠡᠳ | ᠪᠥᠵᠢᠭᠴᠢᠳ ᠲᠤ ᠬᠦᠨᠳᠦᠷᠡᠯ ᠳᠠᠷᠤᠭᠠᠰᠤ ᠪᠤᠯᠬᠤ ᠪᠠᠷ ᠦᠭᠡᠢ ᠴᠡᠪᠡᠷ ᠲᠣᠳᠣ ᠬᠥᠩᠭᠡᠨ ᠱᠠᠯᠠᠮᠠᠭᠠᠢ ᠪᠥᠵᠢᠭ ᠤᠨ | ᠬᠥᠳᠡᠯᠭᠡᠭᠡᠨ ᠳᠡᠭᠡᠨ ᠲᠣᠬᠢᠷᠠᠵᠤ᠂ ᠲᠠᠭᠠᠯᠠᠮᠵᠢᠲᠠᠢ ᠪᠥᠭᠡᠳ ᠭᠤᠶᠤ ᠰᠠᠶᠢᠬᠠᠨ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | | ᠲᠤᠰ ᠪᠥᠵᠢᠭ ᠢ ᠶᠡᠷᠦᠩᠬᠡᠢ ᠳᠤᠨᠢ ᠠᠪᠴᠤ ᠬᠡᠯᠡᠬᠦ᠂ ᠮᠣᠩᠭᠤᠯ ᠬᠥᠮᠥᠨ ᠪᠠ ᠮᠣᠷᠢᠨ ᠤ ᠪᠠᠷᠢᠯᠳᠤᠯᠭᠠ ᠶᠢ | ᠢᠯᠡᠳᠬᠡᠭᠰᠡᠨ ᠶᠤᠮ᠃ ᠮᠣᠩᠭᠤᠯ ᠬᠥᠮᠥᠨ ᠬᠢᠭᠡᠳ ᠮᠣᠩᠭᠤᠯ ᠮᠣᠷᠢᠨ ᠤ ᠬᠠᠷᠢᠴᠠᠭᠠ ᠪᠣᠯ ᠮᠣᠩᠭᠤᠯ ᠰᠣᠶᠣᠯ | ᠤᠷᠠᠯᠢᠭ ᠤᠨ ᠮᠥᠩᠬᠡ ᠶᠢᠨ ᠰᠡᠳᠦᠪ᠃ ᠭᠡᠪᠡᠴᠦ ᠡᠨᠡ ᠬᠦ ᠬᠠᠷᠢᠴᠠᠭᠠ ᠶᠢ ᠦᠨᠡᠨ ᠬᠦ ᠪᠥᠵᠢᠭ ᠤᠨ ᠭᠡᠯᠪᠡᠷᠢ ᠪᠠᠷ | ᠠᠮᠢᠳᠤ ᠪᠣᠳᠠᠲᠠᠢ ᠢᠯᠡᠳᠬᠡᠬᠦ ᠳᠤ ᠲᠤᠩ ᠬᠦᠴᠢᠷ ᠲᠠᠢ᠃ ᠭᠡᠬᠦ ᠳᠤ ᠲᠤᠰ ᠪᠥᠵᠢᠭ ᠨᠢ ᠥᠩᠭᠡᠷᠡᠭᠰᠡᠨ ᠤ ᠮᠣᠷᠢᠨ | ᠪᠥᠵᠢᠭ ᠤᠨ ᠲᠡᠷᠡ ᠬᠦ ᠪᠠᠷᠢᠮᠵᠢᠶᠠᠲᠤ ᠳᠦᠷᠰᠦᠯᠡᠯ᠂ ᠬᠥᠮᠥᠨ ᠪᠣᠯᠣᠨ ᠮᠣᠷᠢᠨ ᠤ ᠬᠤᠭᠤᠷᠤᠨᠳᠤᠭᠢ ᠬᠠᠷᠢᠴᠠᠭᠠ ᠶᠢ | ᠡᠵᠡᠨ ᠪᠠ ᠤᠨᠤᠯᠭᠠ ᠬᠡᠷᠡᠭᠯᠡᠭᠡᠨ ᠤ ᠪᠠᠭᠠᠵᠢ ᠶᠢᠨ ᠬᠠᠷᠢᠴᠠᠭᠠ ᠪᠠᠷ ᠳᠦᠷᠰᠦᠯᠡᠨ ᠦᠵᠡᠭᠦᠯᠳᠡᠭ ᠬᠡᠪ ᠵᠠᠭᠪᠤᠷ ᠠᠴᠠ | ᠵᠠᠶᠢᠯᠠᠰᠬᠢᠨ᠂ ᠴᠣ ᠰᠢᠨᠡ ᠬᠠᠷᠢᠴᠠᠭᠠ᠂ ᠴᠣ ᠰᠢᠨᠡ ᠭᠡᠯᠪᠡᠷᠢ ᠮᠠᠶ᠋ᠢᠭ ᠲᠠᠢ ᠪᠣᠯᠤᠭᠰᠠᠨ ᠨᠢ ᠴᠠᠭ ᠦᠶᠡ ᠶᠢᠨ | ᠲᠠᠪᠰᠢᠯᠲᠠ ᠬᠥᠭᠵᠢᠯᠲᠡ ᠶᠢᠨ ᠵᠣᠷᠢᠭ ᠰᠠᠨᠠᠭᠠ ᠲᠠᠢ ᠶᠠᠭ ᠵᠣᠬᠢᠴᠠᠯᠳᠤᠵᠤ ᠴᠢᠳᠠᠭᠰᠠᠨ ᠭᠡᠵᠦ ᠭᠡᠯᠡᠯᠳᠡᠢ᠃ ᠠᠭᠲᠠ | ᠮᠣᠷᠢ ᠨᠢ ᠮᠣᠩᠭᠤᠯᠴᠤᠳ ᠤᠨ ᠲᠠᠶᠢᠴᠢᠨ ᠬᠠᠨᠢ᠂ ᠥᠷᠭᠡᠨ ᠠᠭᠤᠳᠠᠮ ᠮᠣᠩᠭᠤᠯ ᠤᠨ ᠥᠨᠳᠦᠷᠯᠢᠭ ᠳᠡᠭᠡᠷᠡ | ᠠᠮᠢᠳᠤᠷᠠᠨ ᠣᠷᠣᠰᠢᠵᠤ ᠢᠷᠡᠭᠰᠡᠨ ᠤᠬᠠᠭᠠᠨᠲᠤ ᠠᠮᠢᠲᠠᠨ ᠤ ᠨᠢᠭᠡ ᠶᠤᠮ᠃ ᠤᠷᠳᠤ ᠤᠳᠠᠭᠠᠨ ᠲᠡᠦᠬᠡᠨ ᠠᠶᠠᠨ ᠤ | ᠶᠠᠪᠤᠴᠠ ᠳᠤ ᠠᠭᠲᠠ ᠮᠣᠷᠢ ᠨᠢ ᠮᠣᠩᠭᠤᠯᠴᠤᠳ ᠤᠨ ᠰᠡᠳᠬᠢᠯ ᠤᠨ ᠬᠢᠨᠢ ᠬᠡᠶᠢᠮᠣᠷᠢ ᠰᠦᠯᠳᠡ᠂ ᠰᠠᠶᠢᠨ ᠰᠠᠶᠢᠬᠠᠨ ᠤ | ᠪᠡᠯᠭᠡᠳᠡᠯ ᠪᠣᠯᠣᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠪᠠᠰᠠ ᠠᠭᠲᠠ ᠮᠣᠷᠢ ᠨᠢ ᠮᠣᠩᠭᠤᠯᠴᠤᠳ ᠤᠨ ᠲᠡᠦᠬᠡᠨ ᠳᠤ ᠪᠠᠯᠠᠷᠠᠰᠢ | ᠦᠭᠡᠢ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠳᠡᠯᠡᠬᠡᠢ ᠳ᠋ᠠᠬᠢᠨ ᠤ ᠬᠢᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠢ ︽ᠮᠣᠷᠢᠲᠠᠨ | ᠦᠨᠳᠦᠰᠦᠲᠡᠨ︾ ᠭᠡᠳᠡᠭ᠃ ᠬᠦᠴᠢᠷ ᠪᠡᠷᠭᠡᠲᠦ ᠴᠠᠭ ᠦᠶᠡ ᠳᠤ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠮᠣᠷᠢ ᠨᠢ ᠡᠵᠡᠨ ᠢᠶᠠᠨ | ᠠᠪᠤᠷᠠᠭᠰᠠᠨ᠂ ᠠᠭᠲᠠ ᠭᠦᠯᠦᠭ ᠨᠢ ᠠᠯᠤᠰ ᠬᠤᠯᠠ ᠬᠠᠷᠢ ᠶᠢᠨ ᠭᠠᠵᠠᠷ ᠠᠴᠠ ᠨᠤᠲᠤᠭ ᠢᠶᠠᠨ ᠰᠠᠨᠠᠵᠤ ᠡᠷᠢᠭᠡᠳ | ᠢᠷᠡᠳᠡᠭ ᠦᠯᠢᠭᠡᠷ ᠲᠤᠮᠤᠭ ᠴᠤ ᠠᠷᠪᠢᠨ ᠪᠤᠢ᠃ | | | ᠨᠤᠲᠤᠭ ᠢᠶᠠᠨ ᠰᠠᠨᠠᠵᠤ | ᠨᠢᠯᠪᠤᠰᠤᠨ ᠳᠠᠭᠠᠨ ᠳᠡᠪᠲᠦᠲᠡᠯᠡ ᠢᠨᠴᠠᠭᠠᠨᠠ | ᠮᠢᠨᠤ ᠮᠣᠩᠭᠤᠯ ᠮᠣᠷᠢ ᠬᠠᠷᠢ ᠭᠠᠵᠠᠷ ᠲᠤ ᠁ | | | ᠭᠡᠬᠦ ᠮᠡᠲᠦ ᠶᠢᠨ ᠬᠥᠮᠥᠨ᠂ ᠮᠣᠷᠢᠨ ᠤ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢ ᠪᠢᠴᠢᠭᠰᠡᠨ ᠰᠢᠯᠦᠭ ᠤᠨ ᠮᠥᠷ ᠪᠠᠳᠠᠭ ᠴᠤ | ᠤᠯᠠᠨ᠃ ᠲᠠᠶᠢᠮᠦ ᠠᠴᠠ ᠮᠣᠷᠢ ᠬᠥᠮᠥᠨ ᠬᠤᠶᠠᠷ ᠤᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠪᠠᠷ ᠭᠤᠣᠯ ᠳᠦᠷᠰᠦᠯᠡᠭᠳᠡᠬᠦᠨ ᠪᠤᠯᠭᠠᠵᠤ᠂ | ᠮᠣᠷᠢ ᠶᠢ ᠰᠠᠶᠢᠨ ᠰᠠᠶᠢᠬᠠᠨ ᠤ ᠪᠡᠯᠭᠡᠳᠡᠯ ᠲᠡᠮᠳᠡᠭ ᠢᠶᠠᠷ ᠢᠯᠡᠳᠬᠡᠭᠰᠡᠨ ᠨᠢ ᠲᠤᠰ ᠪᠥᠵᠢᠭ ᠤᠨ ᠰᠢᠨᠡ ᠨᠢᠭᠡᠨ | ᠠᠮᠵᠢᠯᠲᠠ ᠪᠣᠯᠣᠨᠠ᠃ | | ᠪᠥᠵᠢᠭ ᠤᠨ ᠡᠭᠢᠯᠡᠯᠲᠡ ᠳᠤ ᠪᠥᠵᠢᠭᠴᠢᠳ ᠭᠠᠩᠭᠠᠩ ᠲᠡᠪᠰᠡᠯᠭᠡ ᠭᠦᠲᠡᠯᠪᠦᠷᠢ ᠭᠡᠮᠨᠡᠯ ᠲᠠᠢ ᠪᠠᠷ | ᠦᠵᠡᠭᠴᠢᠳ ᠤᠨ ᠡᠮᠦᠨᠡ ᠢᠯᠡᠷᠡᠨ᠂ ᠲᠠᠶᠢᠰᠠ ᠶᠢ ᠡᠵᠡᠮᠳᠡᠨ ᠬᠥᠭᠵᠢᠭᠡᠵᠦ᠂ ᠲᠠᠷᠠᠭᠠ ᠨᠢ ᠪᠥᠵᠢᠭ ᠤᠨ ᠭᠦᠳᠡᠯᠪᠦᠷᠢ | ᠵᠢᠨᠠᠶᠢᠵᠠᠮᠲᠤ ᠪᠡᠶᠡᠯᠡᠯ ᠳᠤ ᠭᠠᠭᠴᠠ ᠡᠷᠡᠭᠲᠡᠢ ᠭᠠᠷᠴᠤ ᠢᠷᠡᠨ᠂ ᠢᠷᠠᠭᠤ ᠭᠤᠶᠢᠳᠠ ᠬᠥᠳᠡᠯᠭᠡᠭᠡᠨ ᠢᠶᠠᠷ ︽ᠪᠢ | ᠠᠳᠤᠭᠤᠴᠢᠨ ᠬᠥᠮᠥᠨ︾ ᠬᠡᠮᠡᠭᠰᠡᠨ ᠡᠵᠡᠨ ᠬᠥᠮᠥᠨ ᠤ ᠡᠷᠬᠢᠮᠰᠦᠭ ᠣᠪᠣᠷ ᠢᠶᠠᠷ ᠬᠤᠶᠠᠷ ᠭᠠᠷ ᠢᠶᠠᠨ ᠡᠷᠭᠦᠨ ᠠᠮᠠ | ᠳᠦᠭᠦᠷᠡᠩ ᠠᠳᠤᠭᠤᠳ ᠢᠶᠠᠨ ᠳᠠᠭᠤᠳᠠᠨ ᠪᠥᠵᠢᠭᠯᠡᠵᠦ᠂ ᠲᠦᠷ ᠲᠦᠷ ᠬᠡᠮᠡᠨ ᠠᠶᠠᠯᠭᠤᠳᠠᠬᠤ ᠨᠢ ᠮᠣᠷᠢ ᠬᠥᠮᠥᠨ | ᠬᠤᠶᠠᠷ ᠨᠡᠪᠲᠡᠷᠡᠯᠴᠡᠬᠦ ᠤᠨᠴᠠᠭᠠᠢ ᠬᠠᠷᠢᠯᠴᠠᠭᠠ ᠬᠤᠯᠪᠤᠭᠠ ᠶᠢ ᠢᠯᠡᠳᠬᠡᠭᠰᠡᠨ ᠪᠥᠭᠡᠳ ᠪᠠᠰᠠ ᠬᠠᠶᠢᠷᠠ ᠰᠡᠳᠬᠢᠯ ᠤᠨ | ᠬᠢᠨᠢ ᠢᠯᠡᠳᠬᠡᠯ ᠳᠦᠷᠰᠦᠯᠡᠯ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠪᠥᠵᠢᠭᠯᠡᠯ ᠤᠨ ᠳᠤᠮᠳᠠ ᠭᠦᠳᠡᠯᠪᠦᠷᠢ ᠨᠢ ᠬᠥᠩᠭᠡᠨ | ᠴᠣᠪᠣᠭᠤᠯᠢᠭ ᠮᠥᠷᠲᠡᠭᠡᠨ ᠪᠥᠵᠢᠭ ᠤᠨ ᠭᠤᠣᠯ ᠬᠥᠳᠡᠯᠭᠡᠭᠡᠨ ᠨᠢ ᠳᠠᠯᠤ ᠮᠥᠷᠥᠨ ᠤ ᠬᠥᠳᠡᠯᠭᠡᠭᠡᠨ᠂ ᠮᠥᠷᠥ ᠳᠠᠯᠤᠨ | ᠤ ᠰᠠᠬᠰᠤᠯᠵᠡᠨ ᠰᠡᠪᠭᠡᠯᠵᠡᠭᠦ᠂ ᠭᠠᠷ ᠭᠠᠷ ᠢᠶᠠᠨ ᠰᠤᠯᠪᠢᠴᠠᠨ ᠡᠷᠭᠢᠯᠳᠦᠬᠦ ᠪᠠᠷ ᠠᠮᠢᠰᠬᠤᠯ ᠤᠨ ᠬᠦᠴᠦᠯᠡᠴᠡ᠂ ᠵᠢᠴᠢ | ᠪᠥᠵᠢᠭ ᠤᠨ ᠲᠦᠪᠰᠢᠨ ᠢ ᠥᠨᠳᠥᠷᠵᠢᠭᠦᠯᠦᠨ᠂ ᠰᠠᠶᠢᠪᠤᠷ ᠵᠢᠷᠤᠭᠠᠯᠢᠭ ᠬᠥᠩᠭᠡᠨ ᠪᠥᠵᠢᠭᠯᠡᠯ ᠤᠨ ᠳᠤᠮᠳᠠ ᠮᠣᠷᠢ | ᠢᠨᠴᠠᠭᠠᠵᠤ᠂ ᠮᠣᠷᠢᠨ ᠤ ᠰᠦᠷ ᠵᠢᠪᠬᠤᠭᠠᠲᠤ ᠠᠯᠬᠤᠴᠠ᠂ ᠬᠤᠶᠢᠰᠢ ᠤᠷᠤᠭᠰᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠤᠯᠠᠨ ᠵᠦᠭ | ᠴᠢᠭᠯᠡᠯ ᠤᠨ ᠲᠡᠶᠢᠰᠢ ᠲᠠᠶᠢᠰᠠᠨ ᠤ ᠵᠢᠷᠤᠭᠯᠠᠯ ᠤᠨ ᠬᠤᠪᠢᠷᠠᠯᠲᠠ ᠶᠢ ᠲᠠᠭᠠᠨ ᠪᠥᠵᠢᠭᠯᠡᠬᠦ ᠳᠤ ︽ᠵᠢᠷᠤᠭᠠ ᠵᠢᠷᠤᠭᠠ | ᠵᠢᠷᠤᠭᠠ ᠵᠢᠷᠤᠭᠠ︾ ᠬᠡᠮᠡᠨ ᠲᠠᠭᠢᠨ ᠳᠠᠪᠲᠠᠨ ᠦᠭᠡ ᠬᠠᠪᠰᠤᠷᠭᠠᠨ ᠪᠥᠵᠢᠭ ᠤᠨ ᠬᠥᠳᠡᠯᠭᠡᠭᠡᠨ ᠳᠡᠭᠡᠨ | ᠵᠣᠬᠢᠴᠠᠭᠤᠯᠤᠭᠰᠠᠨ ᠨᠢ ᠮᠠᠰᠢ ᠭᠤᠶᠤ ᠪᠣᠯᠵᠤ᠂ ᠪᠥᠵᠢᠭ ᠤᠨ ᠬᠢᠷᠢ ᠭᠡᠮ ᠢ ᠥᠨᠳᠥᠷ ᠲᠦᠪᠰᠢᠨ ᠳᠤ ᠬᠦᠷᠭᠡᠭᠰᠡᠨ | ᠪᠠᠶᠢᠨᠠ᠃ | | ᠪᠦᠭᠦᠶᠢᠯᠨ ᠪᠥᠵᠢᠭ ᠤᠨ ᠠᠶᠠᠯᠭᠤ᠂ ᠬᠥᠭᠵᠢᠮ ᠤᠨ ᠵᠣᠬᠢᠴᠠᠭᠤᠯᠤᠯᠲᠠ ᠪᠣᠯᠣᠨ ᠪᠥᠵᠢᠭ ᠢ ᠨᠠᠶᠢᠷᠠᠭᠤᠯᠤᠨ | ᠤᠳᠤᠷᠢᠳᠤᠭᠠᠭᠰᠠᠨ ᠲᠠᠯᠠ ᠠᠴᠠ ᠠᠪᠴᠤ ᠬᠡᠯᠡᠬᠦ ᠳᠤ ᠮᠡᠷᠭᠡᠵᠢᠯ ᠤᠨ ᠪᠤᠳᠤᠯᠢᠶᠠᠨᠲᠤ ᠲᠦᠪᠰᠢᠨ ᠠᠴᠠ ᠵᠠᠶᠢᠯᠠᠰᠬᠢᠵᠦ᠂ | ᠭᠡᠳᠡᠷᠭᠦ ᠪᠠᠨ ᠬᠠᠷᠢᠨ ᠠᠮᠢᠳᠤᠷᠠᠯ ᠠᠬᠤᠢ ᠶᠢᠨ ᠰᠣᠳᠣᠨ ᠲᠡᠮᠳᠡᠭ ᠢᠶᠠᠷ ᠮᠠᠰᠢ ᠭᠤᠶᠢᠳᠠ ᠰᠡᠪᠡᠭᠦᠨ ᠪᠥᠵᠢᠭᠯᠡᠯ ᠤᠨ | ᠬᠥᠳᠡᠯᠭᠡᠭᠡᠨ ᠤ ᠦᠭᠡ ᠭᠡᠯᠡ ᠶᠢ ᠪᠦᠲᠦᠭᠡᠵᠦ ᠦᠵᠡᠭᠴᠢᠳ ᠲᠤ ᠦᠵᠡᠭᠦᠯᠵᠦ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ | ︽ᠬᠡᠳᠦᠢ ᠦᠨᠳᠦᠰᠦᠲᠡᠨ ᠤ ᠬᠢ ᠪᠣᠯ ᠲᠡᠳᠦᠢ ᠳᠡᠯᠡᠬᠡᠢ ᠶᠢᠨ ᠪᠤᠯᠳᠠᠭ︾ ᠬᠡᠮᠡᠬᠦ ᠦᠭᠡ ᠶᠢ ᠡᠷᠬᠡ ᠦᠭᠡᠢ | ᠪᠤᠳᠤᠬᠳᠠᠭᠤᠯᠤᠨᠠ᠃ | | ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠶᠢᠨ ᠫᠢᠩ ︽ᠮᠣᠩᠭᠤᠯ ᠮᠣᠷᠢᠨ ᠤ ᠵᠣᠷᠢᠭ ᠰᠠᠨᠠᠭᠠ︾ ᠬᠡᠮᠡᠬᠦ ᠦᠭᠡ ᠶᠢ | ᠳᠤᠷᠠᠳᠤᠭᠰᠠᠨ ᠪᠠᠶᠢᠳᠠᠭ᠃ ᠮᠠᠨ ᠤ ᠴᠠᠭ ᠡᠷᠢᠨ ᠪᠣᠯ ᠮᠣᠷᠢᠨ ᠤ ᠳᠠᠪᠬᠢᠭᠠ ᠮᠡᠲᠦ ᠪᠠᠷ ᠲᠦᠷᠭᠡᠨ ᠬᠥᠭᠵᠢᠵᠦ᠂ ᠪᠠᠰᠠ | ᠲᠦᠪᠰᠢᠨ ᠬᠥᠭᠵᠢᠵᠦ ᠪᠠᠶᠢᠭᠠ ᠴᠠᠭ ᠦᠶᠡ ᠶᠤᠮ᠃ ᠤᠷᠠᠯᠢᠭ ᠰᠣᠶᠣᠯ ᠨᠢ ᠶᠡᠷᠦ ᠠᠴᠠ ᠡᠷᠢᠨ ᠴᠠᠭ ᠤᠨ ᠵᠣᠷᠢᠭ | ᠰᠠᠨᠠᠭᠠᠨ ᠤ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠵᠤ ᠪᠥᠵᠢᠭ ᠳᠠᠭᠤᠤ ᠨᠢ ᠴᠠᠭ ᠦᠶᠡ ᠪᠠᠨ ᠢᠯᠡᠳᠬᠡᠨ᠂ ᠦᠶᠡ ᠦᠶᠡ ᠶᠢᠨ ᠬᠥᠮᠥᠰ | ᠢ ᠵᠣᠷᠢᠭᠵᠢᠭᠤᠯᠤᠨ᠂ ᠪᠠᠰᠠ ᠴᠠᠭ ᠦᠶᠡ ᠶᠢᠨ ᠢᠶᠠᠨ ᠳᠦᠷᠢ ᠲᠥᠷᠬᠦ ᠨᠢ ᠪᠣᠯᠣᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ | | ᠡᠯᠡ ᠦᠨᠳᠦᠰᠦᠲᠡᠨ ᠥᠪᠡᠷ ᠤᠨ ᠦᠨᠳᠦᠰᠦᠲᠡᠨ ᠤ ᠪᠠᠨ ᠥᠪ ᠰᠣᠶᠣᠯ ᠢ ᠠᠭᠤᠳᠠᠯᠤᠨ ᠵᠠᠯᠭᠠᠮᠵᠢᠯᠠᠨ | ᠬᠠᠳᠠᠭᠠᠯᠠᠵᠤ ᠠᠪᠬᠤ ᠶᠢ ᠨᠠᠮ ᠲᠦᠷᠦ ᠠᠴᠠ ᠤᠳᠠᠭᠠ ᠲᠠᠷᠠᠭᠠ ᠪᠠᠷ ᠵᠢᠭᠠᠪᠤᠷᠢᠯᠠᠨ ᠱᠠᠭᠠᠷᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ | ᠲᠤᠰ ᠪᠥᠵᠢᠭ ᠨᠢ ᠶᠠᠭ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠶᠢᠨ ᠫᠢᠩ ᠤᠨ ᠴᠢᠬᠤᠯᠠ ᠵᠢᠭᠠᠪᠤᠷᠢ ᠪᠠ ᠴᠣᠬᠤᠯᠠᠪᠤᠷᠢ ᠶᠢ ᠪᠥᠵᠢᠭ | ᠢᠶᠠᠷ ᠢᠯᠡᠷᠡᠭᠦᠯᠦᠭᠰᠡᠨ ᠪᠥᠭᠡᠳ ᠦᠨᠳᠦᠰᠦᠲᠡᠨ ᠤ ᠥᠪ ᠰᠣᠶᠣᠯ ᠢᠶᠠᠨ ᠠᠭᠤᠳᠠᠯᠤᠨ ᠭᠠᠷᠭᠠᠵᠤ ᠤᠯᠠᠨ ᠲᠦᠮᠡᠨ᠂ | ᠨᠡᠶᠢᠭᠡᠮ ᠳᠠᠶᠠᠭᠠᠷ ᠲᠤ ᠦᠵᠡᠭᠦᠯᠵᠦ ᠴᠢᠳᠠᠭᠰᠠᠨ ᠪᠠᠶᠢᠨᠠ᠃ ᠲᠤᠰ ᠪᠥᠵᠢᠭ ᠤᠨ ᠲᠡᠭᠦᠰᠬᠡᠯ ᠳᠤ ᠤᠯᠠᠨ | ᠪᠥᠵᠢᠭᠴᠢᠳ ᠰᠡᠪᠡᠯᠵᠡᠨ ᠰᠡᠪᠡᠷᠡᠳᠡᠭ ᠨᠠᠮᠪᠠᠯᠢᠭ ᠪᠥᠵᠢᠭ ᠤᠨ ᠬᠥᠳᠡᠯᠭᠡᠭᠡᠨ ᠬᠢᠬᠦ ᠳᠤ᠂ ᠳᠤᠮᠳᠠ ᠠᠴᠠ ᠨᠢ ᠭᠠᠭᠴᠠ | ᠡᠷᠡᠭᠲᠡᠢ ᠰᠤᠭᠤᠷᠠᠨ ᠵᠣᠭᠰᠣᠵᠤ ᠮᠠᠯᠠᠭᠠᠢ ᠪᠠᠨ ᠠᠪᠴᠤ ᠬᠥᠯᠥᠰᠦ ᠪᠠᠨ ᠠᠷᠴᠢᠬᠤ ᠪᠥᠵᠢᠭ ᠤᠨ ᠦᠭᠡ ᠭᠡᠯᠡ | ᠲᠣᠬᠢᠷᠠᠭᠤᠯᠤᠭᠰᠠᠨ᠂ ᠵᠢᠴᠢ ᠬᠥᠰᠡᠷᠡ ᠵᠠᠪᠢᠯᠠᠨ ᠰᠠᠭᠤᠵᠤ ᠴᠢᠩᠭᠠ ᠪᠥᠭᠡᠳ ᠤᠶᠠᠩᠭᠠᠯᠢᠭ ᠢᠰᠭᠢᠷᠴᠤ ᠪᠠᠶᠢᠭᠠ ᠪᠠᠷ | ᠲᠡᠭᠦᠰᠬᠡᠭᠰᠡᠨ ᠵᠡᠷᠭᠡ ᠨᠢ ᠠᠮᠢᠳᠤᠷᠠᠯ ᠤᠨ ᠲᠣᠷᠭᠠᠨ ᠬᠥᠷᠥᠰᠥᠨ ᠠᠴᠠ ᠠᠮᠢᠯᠠᠯ ᠤᠨ ᠪᠥᠵᠢᠭ ᠪᠦᠲᠦᠵᠦ ᠠᠮᠤᠭᠤᠯᠠᠩ | ᠲᠠᠶᠢᠪᠤᠩ ᠲᠠᠯᠠ ᠨᠤᠲᠤᠭ ᠬᠠᠶᠢᠷᠠ ᠪᠠᠷ ᠪᠢᠯᠬᠠᠵᠤ ᠠᠪᠤ ᠶᠢᠨ ᠰᠢᠷᠭᠠ ᠮᠣᠷᠢ ᠲᠠᠢ ᠠᠳᠤᠭᠤᠴᠢᠨ ᠵᠠᠯᠠᠭᠤᠰ | ᠦᠵᠡᠭᠳᠡᠭᠰᠡᠭᠡᠷ ᠦᠵᠡᠭᠳᠡᠭᠰᠡᠭᠡᠷ ᠁ ᠣᠭᠲᠠᠷᠭᠤᠢ ᠱᠤᠤᠭᠢᠮᠠ ᠵᠢᠷᠤᠭᠠ ᠶᠢᠨ ᠵᠢᠷᠤᠭᠠ ᠰᠣᠨᠣᠰᠳᠠᠭᠰᠠᠭᠠᠷ᠂ | ᠰᠣᠨᠣᠰᠳᠠᠭᠰᠠᠭᠠᠷ ᠁ ᠪᠠᠶᠢᠭᠠ ᠳᠠᠭᠤᠰᠤᠰᠢ ᠦᠭᠡᠢ ᠰᠠᠨᠠᠭᠠ᠂ ᠠᠷᠢᠯᠤᠰᠢ ᠦᠭᠡᠢ ᠳᠦᠷᠢ ᠵᠢᠷᠤᠭ ᠢ | ᠦᠵᠡᠭᠴᠢᠳ ᠤᠨ ᠰᠡᠳᠬᠢᠯ ᠳᠤ ᠰᠡᠶᠢᠯᠪᠦᠷᠢᠯᠡᠵᠦ ᠴᠢᠳᠠᠭᠰᠠᠨ ᠭᠡᠵᠦ ᠦᠵᠡᠯᠲᠡᠢ᠃ | | | | ᠠᠮᠢᠳᠤᠷᠠᠯ ᠤᠨ ᠲᠣᠷᠭᠠᠨ ᠬᠥᠷᠥᠰᠥᠨ ᠠᠴᠠ | ᠠᠮᠢᠯᠠᠨ ᠪᠦᠲᠦᠭᠰᠡᠨ ᠪᠦᠷᠢᠯᠸᠠ ᠶᠤ᠋ | ᠠᠯᠢ ᠡᠷᠲᠡᠨ ᠠᠴᠠ ᠮᠠᠷᠲᠠᠭᠳᠠᠭᠰᠠᠨ ᠢᠶᠠᠨ | ᠠᠭᠤᠳᠠᠯᠤᠨ ᠦᠵᠡᠭᠦᠯᠦᠭᠰᠡᠨ ᠭᠠᠶᠢᠬᠠᠮᠰᠢᠭ ᠶᠤ᠋ | ᠮᠢᠩᠭᠠᠨ ᠮᠢᠩᠭᠠᠨ ᠬᠠᠷᠠᠭᠠᠨ ᠤ ᠮᠡᠯᠮᠡᠢ ᠳᠤ | ᠮᠥᠩᠬᠡ ᠳᠤᠷᠠᠰᠤᠭᠳᠠᠬᠤ ᠦᠵᠡᠰᠭᠦᠯᠡᠩ ᠶᠤ᠋ | ᠪᠠᠶᠢᠭᠠᠯᠢᠯᠢᠭ ᠰᠣᠶᠣᠯ ᠤᠨ ᠢᠶᠠᠨ ᠷᠢᠳᠢ ᠰᠢᠳᠢ ᠳᠤ | ᠪᠠᠳᠮᠠ ᠯᠢᠩᠬᠤᠠ ᠰᠢᠭ᠋ ᠳᠡᠯᠭᠡᠷᠡᠭᠡ ᠶᠤ᠋︕ |