| | | | ᠮᠣᠷᠢᠲᠠᠨ ᠦᠨᠳᠦᠰᠦᠲᠡᠨ ᠮᠣᠩᠭᠤᠯᠴᠤᠳ ᠲᠤ ᠥᠨᠢᠷ ᠪᠠᠶᠠᠯᠢᠭ ᠠᠳᠤᠭᠤᠨ ᠰᠣᠶᠣᠯ ᠲᠠᠢ ᠪᠠᠶᠢᠳᠠᠭ᠃ ᠲᠡᠷᠡ | ᠨᠢ ᠨᠡᠷᠡᠶᠢᠳᠦᠯ᠂ ᠥᠩᠭᠡ ᠵᠢᠰᠦᠮ᠂ ᠨᠠᠰᠤ ᠰᠢᠲᠦ᠂ ᠠᠯᠬᠤᠳᠠᠯ ᠭᠢᠰᠬᠢᠳᠡᠯ ᠠᠴᠠ ᠠᠪᠤᠭᠠᠳ ᠡᠳᠦᠷ ᠲᠤᠳᠤᠮ ᠤᠨ | ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ᠂ ᠠᠷᠠᠴᠢᠯᠠᠵᠤ ᠳᠣᠳᠣᠮᠳᠠᠬᠤ ᠵᠢᠴᠢ ᠣᠨᠴᠠᠭᠠᠢ ᠴᠠᠭ ᠦᠶᠡ ᠶᠢᠨ ᠵᠠᠩ ᠦᠢᠯᠡ᠂ ᠴᠡᠭᠡᠷ ᠶᠣᠰᠣ | ᠵᠡᠷᠭᠡ ᠪᠠᠶᠠᠯᠢᠭ ᠠᠭᠤᠯᠬᠤᠨ ᠲᠠᠢ ᠪᠠᠶᠢᠳᠠᠭ᠃ ᠠᠳᠤᠭᠤ ᠶᠢ ᠥᠩᠭᠡ ᠵᠢᠰᠦᠮ ᠢᠶᠠᠷ ᠨᠢ ᠢᠯᠭᠠᠨ ᠨᠡᠷᠡᠯᠡᠬᠦ ᠳᠤ | ᠭᠤᠣᠯᠳᠠᠭᠤ ᠦᠰᠦ ᠰᠣᠷ ᠤᠨ ᠬᠢᠨᠢ ᠥᠩᠭᠡ ᠶᠢ ᠦᠨᠳᠦᠰᠦᠯᠡᠳᠡᠭ᠃ ᠠᠳᠤᠭᠤᠨ ᠤ ᠥᠩᠭᠡ ᠵᠢᠰᠦᠮ ᠵᠠᠭᠤ | ᠮᠢᠩᠭᠠ ᠪᠠᠷ ᠲᠣᠭᠠᠯᠠᠭᠳᠠᠬᠤ ᠪᠣᠯᠪᠠᠴᠤ ᠦᠰᠦ ᠰᠣᠷ ᠤᠨ ᠬᠢᠨᠢ ᠦᠨᠳᠦᠰᠦᠨ ᠥᠩᠭᠡ ᠶᠢ ᠦᠨᠳᠦᠰᠦᠯᠡᠭᠡᠳ ᠳᠠᠩ | ᠵᠢᠰᠦᠮ ᠪᠠ ᠳᠠᠪᠬᠤᠷ ᠵᠢᠰᠦᠮ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠨᠠ᠃ ᠲᠠᠩ ᠵᠢᠰᠦᠮ ᠳᠤ ᠬᠠᠷᠠ᠂ ᠬᠡᠭᠡᠷ᠂ ᠬᠦᠷᠡᠩ᠂ ᠬᠤᠸᠠ᠂ | ᠵᠡᠭᠡᠷᠳᠡ᠂ ᠰᠠᠭᠠᠷᠠᠯ᠂ ᠰᠢᠷᠭᠠ ᠵᠡᠷᠭᠡ ᠪᠣᠢ᠃ ᠳᠠᠪᠬᠤᠷ ᠵᠢᠰᠦᠮ ᠭᠡᠪᠡᠯ ᠠᠳᠤᠭᠤᠨ ᠤ ᠦᠰᠦ ᠰᠣᠷ ᠨᠢ ᠬᠤᠶᠠᠷ ᠪᠤᠶᠤ | ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢ ᠥᠩᠭᠡ ᠨᠡᠶᠢᠯᠡᠯᠳᠦᠭᠰᠡᠨ ᠢ ᠬᠡᠯᠡᠨᠡ᠂ ᠳᠠᠪᠬᠤᠷ ᠵᠢᠰᠦᠮ ᠳᠤ ᠬᠠᠯᠢᠭᠤᠨ᠂ ᠪᠣᠷᠣ᠂ ᠪᠤᠭᠤᠷᠤᠯ᠂ | ᠠᠯᠠᠭ ᠴᠣᠬᠤᠷ᠂ ᠬᠠᠯᠲᠠᠷ ᠵᠡᠷᠭᠡ ᠪᠠᠶᠢᠳᠠᠭ᠃ ᠳᠠᠪᠬᠤᠷ ᠵᠢᠰᠦᠮ ᠨᠢ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢ ᠥᠩᠭᠡ ᠨᠡᠶᠢᠯᠡᠯᠳᠦᠭᠰᠡᠨ | ᠪᠣᠯᠬᠤᠷ ᠭᠤᠣᠯ ᠪᠣᠯᠬᠤ ᠦᠰᠦ᠂ ᠰᠣᠷ ᠤᠨ ᠬᠢᠨᠢ ᠥᠩᠭᠡ ᠶᠢ ᠬᠤᠯᠢᠯᠳᠤᠭᠰᠠᠨ ᠥᠩᠭᠡ ᠪᠠᠷ ᠨᠢ ᠲᠣᠳᠣᠳᠬᠠᠨ | ᠨᠡᠷᠡᠯᠡᠬᠦ ᠲᠤᠯᠠ ᠳᠠᠪᠬᠤᠷ ᠵᠢᠰᠦᠮ ᠤᠨ ᠨᠡᠷᠡᠶᠢᠳᠦᠯ ᠲᠤᠩ ᠣᠯᠠᠨ ᠪᠣᠯᠬᠤ ᠪᠥᠭᠡᠳ ᠨᠠᠷᠢᠨ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ | | | | | ᠵᠢᠱᠢᠶᠡᠯᠡᠪᠡᠯ᠄ ᠬᠡᠭᠡᠷ ᠵᠢᠰᠦᠮ ᠤᠨ ᠮᠣᠷᠢ ᠶᠢ ᠲᠡᠭᠦᠨ ᠤ ᠬᠤᠯᠢᠯᠳᠤᠭᠰᠠᠨ ᠦᠰᠦ ᠰᠣᠷ ᠢᠶᠠᠷ ᠨᠢ | ᠲᠣᠳᠣᠳᠬᠠᠬᠤ ᠳᠤ ᠬᠠᠷᠠ ᠬᠡᠭᠡᠷ᠂ ᠬᠠᠯᠲᠠᠷ ᠬᠡᠭᠡᠷ᠂ ᠤᠯᠠᠭᠠᠨ ᠬᠡᠭᠡᠷ᠂ ᠭᠡᠬᠦ ᠁ ᠰᠠᠭᠠᠷᠠᠯ ᠮᠣᠷᠢ ᠶᠢ ᠴᠠᠭᠠ | ᠰᠠᠭᠠᠷᠠᠯ᠂ ᠴᠢᠯᠪᠠᠩ ᠰᠠᠭᠠᠷᠠᠯ᠂ ᠤᠯᠠᠭᠠᠨ ᠰᠠᠭᠠᠷᠠᠯ᠂ ᠬᠥᠬᠡ ᠰᠠᠭᠠᠷᠠᠯ᠂ ᠬᠠᠯᠢᠭᠤᠨ ᠰᠠᠭᠠᠷᠠᠯ ᠭᠡᠬᠦ ᠮᠡᠲᠦᠴᠢᠯᠡᠨ ᠨᠠᠷᠢᠨ | ᠢᠯᠭᠠᠵᠤ ᠪᠣᠯᠣᠨᠠ᠃ ᠮᠣᠷᠢᠨ ᠳᠤ ᠪᠠᠭ᠋ᠠᠲᠠᠢ ᠮᠣᠩᠭᠤᠯᠴᠤᠳ ᠰᠠᠶᠢᠨ ᠮᠠᠭᠤ ᠮᠣᠷᠢ ᠶᠢ ᠠᠯᠬᠤᠳᠠᠯ ᠭᠢᠰᠬᠢᠳᠡᠯ ᠢᠶᠠᠷ ᠨᠢ | ᠰᠢᠨᠵᠢᠨ ᠮᠡᠳᠡᠳᠡᠭ᠃ ᠮᠣᠷᠢᠨ ᠤ ᠶᠠᠪᠤᠳᠠᠯ ᠢ ᠶᠡᠷᠦᠩᠬᠡᠢ ᠳᠤ ᠪᠠᠨ ᠤᠷᠠᠨ ᠶᠠᠪᠤᠳᠠᠯ᠂ ᠡᠩ ᠤᠨ ᠶᠠᠪᠤᠳᠠᠯ ᠭᠡᠵᠦ ᠬᠤᠶᠠᠷ | ᠬᠤᠪᠢᠶᠠᠳᠠᠭ᠃ ᠡᠭᠦᠨ ᠳᠤ ᠤᠷᠠᠨ ᠶᠠᠪᠤᠳᠠᠯ ᠳᠤ ᠵᠢᠷᠤᠭᠠ᠂ ᠰᠠᠶᠢᠪᠤᠷ᠂ ᠬᠤᠸᠠᠷ ᠬᠠᠲᠠᠷᠢᠶᠠ ᠪᠠᠭᠲᠠᠵᠤ᠂ ᠡᠩ ᠤᠨ | ᠶᠠᠪᠤᠳᠠᠯ ᠳᠤ ᠱᠣᠭᠰᠢᠶᠠ᠂ ᠬᠠᠲᠠᠷᠢᠶᠠ᠂ ᠳᠠᠪᠬᠢᠶᠠ᠂ ᠠᠯᠬᠤᠭᠠ᠂ ᠰᠡᠭᠡᠯᠭᠡ ᠵᠡᠷᠭᠡ ᠪᠣᠢ᠃ ᠵᠢᠷᠤᠭᠠ ᠪᠣᠯ ᠮᠣᠷᠢᠨ ᠤ | ᠬᠠᠮᠤᠭ ᠤᠨ ᠰᠠᠶᠢᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠡᠶᠢᠨᠬᠦ ᠵᠢᠷᠤᠭᠠ ᠮᠣᠷᠢᠨ ᠤ ᠲᠤᠰᠬᠠᠢ ᠤᠷᠤᠯᠳᠤᠭᠠᠨ ᠪᠠᠷᠤᠭ ᠤᠷᠤᠯᠳᠤᠭᠠᠨ | ᠪᠦᠷᠢ ᠳᠤ ᠪᠠᠶᠢᠳᠠᠭ ᠶᠤᠮ᠃ ᠵᠢᠷᠤᠭᠠ ᠮᠣᠷᠢᠨ ᠤ ᠥᠷᠥᠭᠡᠯ ᠬᠤᠶᠠᠷ ᠬᠥᠯ ᠨᠢ ᠵᠡᠷᠭᠡ ᠪᠠᠷ ᠲᠤᠰᠬᠤ ᠲᠤᠯᠠ ᠨᠢᠭᠡ | ᠠᠯᠬᠤᠮ ᠳᠤ ᠬᠤᠶᠠᠷ ᠲᠤᠭᠤᠷᠠᠢ ᠶᠢᠨ ᠳᠠᠭᠤᠨ ᠭᠠᠷᠬᠤ ᠪᠥᠭᠡᠳ ᠠᠯᠬᠤᠮ ᠪᠦᠷᠢ ᠶᠢᠨ ᠵᠠᠢ ᠪᠣᠯᠣᠨ ᠲᠤᠰᠤᠯᠲᠠ ᠨᠢ | ᠵᠢᠭᠳᠡ ᠰᠣᠨᠣᠰᠳᠠᠵᠤ᠂ ᠮᠣᠷᠢᠨ ᠤ ᠨᠢᠷᠤᠭᠤ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠭᠠ ᠬᠥᠳᠡᠯᠬᠦ ᠠᠴᠠ ᠪᠢᠰᠢ᠂ ᠳᠡᠭᠡᠭᠰᠢ ᠳᠣᠭᠤᠭᠰᠢ | ᠳᠡᠮᠡᠢ ᠬᠥᠳᠡᠯᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠵᠢᠷᠤᠭᠠ ᠶᠠᠪᠤᠳᠠᠯ ᠨᠢ ᠮᠣᠷᠢᠨ ᠳᠦᠷᠪᠡᠨ ᠮᠥᠴᠢ ᠪᠣᠯᠣᠨ ᠲᠤᠭᠤᠷᠠᠢ ᠰᠢᠭᠢᠷᠡ ᠶᠢ | ᠴᠢᠭᠢᠷᠠᠭᠵᠢᠭᠤᠯᠳᠠᠭ᠃ ᠠᠳᠤᠭᠤ ᠶᠢ ᠨᠠᠰᠤ ᠰᠢᠲᠤ ᠪᠠᠷ ᠨᠢ ᠢᠯᠭᠠᠵᠤ ᠨᠡᠷᠡᠯᠡᠵᠤ ᠪᠣᠯᠳᠠᠭ᠃ ᠨᠢᠭᠡ ᠨᠠᠰᠤᠨ ᠤ ᠬᠢ ᠶᠢ | ᠤᠨᠠᠭᠠ᠂ ᠬᠤᠶᠠᠷ ᠨᠠᠰᠤᠨ ᠤ ᠬᠢ ᠶᠢ ᠳᠠᠭᠠ᠂ ᠭᠤᠷᠪᠠᠨ ᠨᠠᠰᠤᠨ ᠳᠤ ᠪᠠᠨ ᠡᠭᠦᠳᠡᠨ ᠰᠢᠳᠦ ᠨᠢ ᠬᠤᠶᠠᠷ | ᠬᠠᠯᠪᠠᠭᠠ ᠲᠠᠢ ᠪᠣᠯᠪᠠᠯ ᠰᠢᠳᠦᠯᠡᠩ ᠭᠡᠵᠦ᠂ ᠳᠦᠷᠪᠡᠨ ᠨᠠᠰᠤᠨ ᠳᠤ ᠪᠠᠨ ᠳᠦᠷᠪᠡᠨ ᠬᠠᠯᠪᠠᠭᠠ ᠲᠠᠢ ᠪᠣᠯᠪᠠᠯ | ᠬᠢᠵᠠᠭᠠᠯᠠᠩ ᠭᠡᠵᠦ᠂ ᠲᠠᠪᠤᠨ ᠨᠠᠰᠤᠨ ᠳᠤ ᠪᠠᠨ ᠵᠢᠷᠭᠤᠭᠠᠨ ᠬᠠᠯᠪᠠᠭᠠ ᠲᠠᠢ ᠪᠣᠯᠪᠠᠯ ᠰᠣᠶᠣᠭᠠᠯᠠᠩ ᠭᠡᠵᠦ᠂ ᠵᠢᠷᠭᠤᠭᠠᠨ | ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠶᠢ ᠶᠡᠷᠦᠩᠬᠡᠢ ᠳᠤ ᠨᠢ ᠪᠦᠳᠦᠭᠦᠨ ᠮᠣᠷᠢ ᠭᠡᠳᠡᠭ᠃ ᠬᠦᠢᠰᠦ ᠢᠯᠭᠠᠯ ᠢᠶᠠᠷ ᠨᠢ᠂ ᠠᠵᠢᠷᠭᠠ᠂ | ᠠᠭᠲᠠ᠂ ᠭᠡᠭᠦᠦ ᠭᠡᠵᠦ ᠨᠡᠷᠡᠯᠡᠭᠡᠳ᠂ ᠳᠣᠲᠣᠷᠠ ᠨᠢ ᠪᠠᠰᠠ ᠨᠠᠷᠢᠨ ᠢᠯᠭᠠᠳᠠᠭ᠃ ᠠᠵᠢᠷᠭᠠ ᠭᠡᠪᠡᠯ ᠳᠦᠷᠪᠡᠨ ᠨᠠᠰᠤᠨ | ᠠᠴᠠ ᠳᠡᠭᠡᠭᠰᠢᠬᠢ ᠦᠷᠡ ᠶᠢᠨ ᠮᠣᠷᠢ ᠶᠢᠨ ᠶᠡᠷᠦᠩᠬᠡᠢ ᠨᠡᠷᠡᠶᠢᠳᠦᠯ᠂ ᠠᠭᠲᠠ ᠭᠡᠪᠡᠯ ᠳᠦᠷᠪᠡᠨ ᠨᠠᠰᠤᠨ ᠠᠴᠠ | ᠳᠡᠭᠡᠭᠰᠢᠬᠢ ᠠᠭᠲᠠᠯᠠᠭᠰᠠᠨ ᠮᠣᠷᠢᠨ ᠤ ᠶᠡᠷᠦᠩᠬᠡᠢ ᠨᠡᠷᠡ᠂ ᠭᠡᠭᠦᠦ ᠭᠡᠪᠡᠯ ᠲᠠᠪᠤᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ | ᠦᠷᠡᠵᠢᠯ ᠤᠨ ᠮᠣᠷᠢ ᠶᠢ ᠵᠢᠭᠠᠳᠠᠭ᠃ ᠦᠷᠢᠶᠡ ᠭᠡᠪᠡᠯ ᠭᠤᠷᠪᠠ ᠠᠴᠠ ᠳᠦᠷᠪᠡᠨ ᠨᠠᠰᠤᠨ ᠤ ᠠᠭᠲᠠᠯᠠᠭᠠᠳᠤᠢ ᠮᠣᠷᠢ ᠶᠢ | ᠵᠢᠭᠠᠵᠤ᠂ ᠪᠠᠶᠢᠳᠠᠰᠤ ᠭᠡᠪᠡᠯ ᠭᠤᠷᠪᠠ ᠠᠴᠠ ᠲᠠᠪᠤᠨ ᠨᠠᠰᠤᠨ ᠤ ᠡᠮᠡ ᠬᠦᠢᠰᠦ ᠲᠠᠢ ᠮᠣᠷᠢ ᠶᠢ ᠬᠡᠯᠡᠳᠡᠭ᠃ | ᠮᠣᠩᠭᠤᠯᠴᠤᠳ ᠤᠨ ᠮᠣᠷᠢ ᠲᠠᠢ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ ᠪᠤᠶᠤ ᠴᠡᠭᠡᠷ ᠶᠣᠰᠣ ᠣᠯᠠᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ | ᠤᠷᠭᠠᠯᠠᠬᠤ᠂ ᠰᠡᠲᠡᠷᠯᠡᠬᠦ᠂ ᠲᠠᠮᠠᠭᠠᠯᠠᠬᠤ᠂ ᠴᠠᠭᠠᠯᠠᠬᠤ᠂ ᠭᠡᠭᠦᠦ ᠰᠠᠭᠠᠬᠤ ᠦᠶᠡ ᠶᠢᠨ ᠭᠡᠭᠦᠦ ᠶᠢᠨ ᠦᠷᠡᠰ ᠤᠨ ᠨᠠᠶᠢᠷ | ᠴᠢᠭᠳᠠ ᠶᠢᠨ ᠨᠠᠶᠢᠷ ︵ᠵᠡᠯᠡ ᠶᠢᠨ ᠨᠠᠶᠢᠷ︶ ᠭᠡᠬᠦ ᠮᠡᠲᠦ᠃ ᠶᠠᠮᠠᠷ ᠨᠢᠭᠡᠨ ᠵᠠᠩ ᠦᠢᠯᠡ ᠶᠠᠪᠤᠭᠳᠠᠬᠤ ᠳᠤ ᠪᠦᠷ ᠵᠣᠬᠢᠬᠤ | ᠵᠢᠷᠤᠮ ᠭᠤᠷᠢᠮ ᠲᠠᠢ ᠪᠥᠭᠡᠳ ᠠᠶᠢᠯ ᠠᠶᠢᠮᠠᠭ ᠢᠶᠠᠷ ᠢᠶᠠᠨ ᠬᠠᠮᠲᠤ ᠳᠤ ᠪᠠᠨ ᠣᠷᠣᠯᠴᠠᠳᠠᠭ᠃ ᠶᠠᠭᠤᠨ ᠤ ᠤᠷᠢᠳ | ᠮᠣᠷᠢᠨ ᠤ ᠲᠣᠯᠣᠭᠠᠢ ᠶᠢ ᠲᠠᠰᠢᠭᠤᠷᠳᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ︽ᠮᠠᠭᠤ ᠠᠳᠤᠭᠤ︾ ᠭᠡᠵᠦ ᠳᠠᠭᠤᠳᠠᠬᠤ ᠠᠴᠠ | ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ᠪᠤᠷᠤᠭᠤ ᠬᠠᠷᠠᠵᠤ ᠣᠨᠣᠵᠤ ᠪᠣᠯᠬᠤ ᠦᠭᠡᠢ᠃ ᠮᠣᠷᠢ ᠶᠢ ᠤᠶᠠᠬᠤ ᠳᠤ ᠪᠠᠨ ᠵᠠᠩᠭᠢᠳᠴᠤ | ᠤᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠪᠠᠰᠠ ᠭᠡᠷ ᠬᠤᠷᠤᠭᠠ ᠶᠢᠨ ᠡᠭᠦᠳᠡᠨ ᠠᠴᠠ ᠤᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ | ᠬᠦᠵᠦᠭᠦᠪᠴᠢᠯᠡᠨ ᠬᠥᠲᠥᠯᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠣᠨᠤᠭᠠ ᠶᠢ ᠴᠠᠳᠬᠤᠯᠠᠩ ᠦᠶᠡ ᠳᠤ ᠨᠢ ᠳᠠᠪᠬᠢᠭᠤᠯᠵᠤ | ᠭᠦᠶᠦᠯᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ᠳᠠᠪᠬᠢᠭᠤᠯᠵᠤ ᠢᠷᠡᠭᠡᠳ ᠭᠡᠨᠡᠳᠲᠡ ᠵᠣᠭᠰᠤᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠮᠣᠷᠢᠨ ᠳᠤ ᠮᠣᠷᠳᠠᠬᠤ ᠳᠤ ᠪᠠᠨ ᠰᠢᠷᠦᠭᠦᠨ ᠮᠣᠷᠳᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ᠬᠥᠯᠥᠰᠦ ᠲᠠᠢ ᠦᠶᠡ ᠳᠤ ᠡᠮᠡᠭᠡᠯ | ᠲᠣᠬᠤᠮ ᠠᠪᠬᠤ ᠪᠤᠶᠤ ᠤᠰᠤᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢᠲᠠᠢ ᠬᠥᠮᠥᠰ ᠴᠤᠪᠤᠵᠤ ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ | ᠡᠳᠡᠭᠡᠷ ᠴᠡᠭᠡᠷ ᠶᠣᠰᠣ ᠨᠢ ᠭᠤᠣᠯᠳᠠᠭᠤ ᠮᠣᠷᠢ ᠣᠨᠣᠭᠠᠨ ᠳᠤ ᠠᠷᠬᠠᠭ ᠭᠡᠮ ᠲᠣᠭᠲᠠᠬᠤ ᠠᠴᠠ ᠨᠢ ᠬᠢᠴᠢᠶᠡᠭᠰᠡᠨ ᠪᠠ | ᠮᠣᠩᠭᠤᠯ ᠬᠥᠮᠥᠨ ᠮᠣᠷᠢ ᠶᠢ ︽ᠲᠡᠭᠷᠢ ᠶᠢᠨ ᠤᠨᠠᠭᠠ︾ ᠬᠡᠮᠡᠨ ᠰᠢᠳᠤᠨ ᠬᠠᠶᠢᠷᠠᠯᠠᠳᠠᠭ ᠲᠠᠢ ᠬᠤᠯᠪᠤᠭᠠ ᠲᠠᠢ ᠶᠤᠮ᠃ | ᠪᠠᠶᠠᠨ ᠨᠠᠭᠤᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ︽ᠳᠡᠯᠭᠡᠷ ᠬᠠᠩᠭᠠᠢ︾ ᠪᠤᠯᠤᠩ ᠠᠴᠠ ᠪᠠᠭᠤᠯᠭᠠᠪᠠ |