| ᠵᠣᠬᠢᠶᠠᠭᠴᠢ ᠄ ᠮ᠊ ·ᠴᠢᠩᠪᠠᠲᠤ | | | | ᠰᠢᠨᠡ ᠣᠨ ᠢᠶᠠᠨ - | ᠰᠢᠵᠢᠷ ᠨᠠᠷᠠᠨ ᠤ ᠠᠯᠲᠠᠨ ᠰᠠᠴᠤᠷᠠᠭ ᠳᠡᠭᠡᠷᠡ ᠰᠠᠮᠪᠠᠢ ᠬᠠᠲᠠᠬ ᠤᠨ ᠨᠠᠮᠢᠷᠠᠭᠠᠨ ᠲᠠᠢ ᠤᠭᠲᠤᠶᠠ | ᠰᠢᠨᠡ ᠶᠢᠨ ᠪᠡᠯᠭᠡᠳᠡᠯ ᠮᠥᠩᠭᠦᠨ ᠠᠶᠠᠭᠠᠨ ᠳᠤ ᠠᠷᠠᠵᠠ ᠶᠢᠨ ᠮᠠᠯᠮᠠᠯᠵᠡᠭᠡᠨ ᠲᠠᠢ ᠤᠭᠲᠤᠶᠠ | ᠰᠢᠯᠢᠳᠡᠭ ᠠᠮᠵᠢᠯᠲᠠ ᠪᠠᠨ ᠪᠠᠶᠠᠷᠯᠠᠨ ᠪᠡᠯᠭᠡᠯᠡᠬᠦ ᠬᠠᠩᠭᠢᠨᠠᠮᠠ ᠡᠭᠡᠰᠢᠭ ᠲᠠᠢ ᠤᠭᠲᠤᠶᠠ | ᠰᠢᠨᠲᠠᠷᠠᠰᠢ ᠦᠭᠡᠢ ᠣᠮᠤᠭ ᠡᠷᠴᠢᠯᠡᠬᠦ ᠬᠦᠰᠡᠯ ᠢᠲᠡᠭᠡᠯ ᠤᠨ ᠤᠶᠠᠩᠭᠠ ᠲᠠᠢ ᠤᠭᠲᠤᠶᠠ | | ᠰᠢᠨᠡ ᠣᠨ ᠢᠶᠠᠨ - | ᠭᠡᠭᠡᠨ ᠲᠣᠷᠣᠨᠠ ᠶᠢᠨ ᠠᠭᠤᠳᠠᠮ ᠨᠤᠲᠤᠭ ᠲᠤ ᠬᠠᠰ ᠤᠨ ᠴᠠᠰᠤᠨ ᠤ ᠴᠠᠶᠢᠯᠵᠠᠭᠠ ᠲᠠᠢ ᠤᠭᠲᠤᠶᠠ | ᠬᠡᠭᠡᠮᠰᠦᠭ ᠡᠬᠡ ᠣᠷᠣᠨ ᠤ ᠥᠷᠥᠴᠡᠨ ᠳᠤ ᠬᠠᠶᠢᠷᠠ ᠶᠢᠨ ᠤᠶᠠᠩᠭᠠᠨ ᠲᠠᠯᠠᠯᠭᠠ ᠲᠠᠢ ᠤᠭᠲᠤᠶᠠ | ᠬᠡᠷᠡᠯᠳᠦ ᠣᠷᠴᠢᠯᠠᠩ ᠳᠤ ᠡᠩᠬᠡ ᠳᠠᠭᠤᠷᠢᠰᠬᠤ ᠠᠮᠵᠢᠯᠲᠠ ᠶᠢᠨ ᠳᠠᠭᠤᠯᠠᠯ ᠲᠠᠢ ᠤᠭᠲᠤᠶᠠ | ᠬᠡᠵᠢᠶᠡ ᠡᠭᠦᠷᠢᠳᠡ ᠠᠮᠤᠭᠤᠯᠠᠩ ᠣᠷᠣᠰᠢᠬᠤ ᠠᠰᠢᠳᠠ ᠶᠢᠨ ᠵᠠᠶᠠᠭᠠᠨ ᠤ ᠠᠶᠢᠵᠠᠮ ᠲᠠᠢ ᠤᠭᠲᠤᠶᠠ | | ᠰᠢᠨᠡ ᠣᠨ ᠢᠶᠠᠨ - | ᠤᠬᠠᠭᠠᠨᠲᠤ ᠪᠤᠭᠤᠷᠤᠯ ᠨᠠᠰᠤᠲᠠᠳ ᠤᠨ ᠢᠷᠦᠭᠡᠯ ᠳᠤ ᠠᠵᠠ ᠵᠢᠷᠭᠠᠯ ᠤᠨ ᠪᠡᠯᠭᠡᠰᠢᠶᠡᠯ ᠲᠠᠢ ᠤᠭᠲᠤᠶᠠ | ᠣᠷᠲᠣ ᠶᠢᠨ ᠳᠠᠭᠤᠤ ᠶᠢᠨ ᠤᠷᠠᠨ ᠠᠶᠢᠵᠠᠮ ᠳᠤ ᠠᠷᠢᠭᠤᠨ ᠬᠦᠰᠡᠯ ᠤᠨ ᠲᠤᠶᠠᠭᠠ ᠲᠠᠢ ᠤᠭᠲᠤᠶᠠ | ᠤᠴᠠᠷᠠᠯ ᠤᠨ ᠰᠠᠶᠢᠬᠠᠨ ᠨᠠᠶᠢᠵᠢ ᠶᠢᠨ ᠰᠡᠳᠬᠢᠯ ᠳᠤ ᠴᠤᠬ ᠵᠢᠪᠬᠤᠭᠠ ᠲᠡᠭᠦᠰ ᠲᠡᠭᠦᠯᠳᠡᠷ ᠤᠭᠲᠤᠶᠠ | ᠤᠳᠤᠮ ᠰᠤᠳᠤᠷ ᠤᠨ ᠪᠠᠲᠤ ᠣᠷᠣᠰᠢᠬᠤ ᠰᠤᠷᠭᠠᠯ ᠳᠤ ᠣᠶᠣᠨ ᠪᠢᠯᠢᠭ ᠤᠨ ᠢᠯᠴᠢ ᠭᠡᠷᠡᠯ ᠲᠠᠢ ᠤᠭᠲᠤᠶᠠ | | ᠰᠢᠨᠡ ᠣᠨ ᠢᠶᠠᠨ - | ᠣᠨ ᠵᠠᠭᠤᠨ ᠤ ᠠᠷᠠᠨᠵᠠᠯ ᠭᠦᠯᠦᠭ ᠤᠨ ᠮᠤᠨᠳᠠᠭᠠᠨ ᠳᠤ ᠬᠥᠭᠡᠮᠡᠢ ᠶᠢᠨ ᠤᠶᠠᠬᠠᠨ ᠢᠰᠭᠡᠷᠦᠭᠡ ᠲᠠᠢ ᠤᠭᠲᠤᠶᠠ | ᠣᠷᠴᠢᠬᠤ ᠴᠠᠭ ᠤᠨ ᠠᠯᠳᠠᠩᠬᠠᠨ ᠬᠠᠷᠭᠤᠢ ᠳᠤ ᠭᠦᠷ ᠨᠠᠶᠢᠷ ᠤᠨ ᠢᠷᠠᠭᠤ ᠴᠢᠪᠬᠠᠳᠠᠰᠤ ᠲᠠᠢ ᠤᠭᠲᠤᠶᠠ | ᠦᠢᠯᠡᠰ ᠤᠨ ᠰᠠᠶᠢᠬᠠᠨ ᠬᠦᠰᠡᠯ ᠤᠨ ᠥᠨᠳᠥᠷ ᠲᠤ ᠬᠥᠭᠵᠢᠯ ᠴᠡᠴᠡᠭᠯᠡᠯ ᠤᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠤᠭᠲᠤᠶᠠ | ᠤᠷᠤᠭᠰᠢᠯᠠᠨ ᠲᠠᠪᠰᠢᠬᠤ ᠬᠥᠭᠵᠢᠯ ᠤᠨ ᠠᠶᠠᠨ ᠳᠤ ᠬᠥᠮᠥᠨ ᠠᠷᠠᠳ ᠤᠨ ᠪᠠᠶᠠᠷ ᠵᠢᠷᠭᠠᠯ ᠲᠠᠢ ᠤᠭᠲᠤᠶᠠ | |