| | 2023 ᠣᠨ ᠤ ᠲᠤᠷᠰᠢ ︽ᠠᠯᠳᠠᠨ ᠵᠤᠤᠵᠠᠢ︾ᠲᠤᠰᠬᠠᠢ ᠬᠡᠪᠯᠡᠯ ᠨᠠᠮ ᠤᠨ ᠬᠤᠷᠢᠳᠤᠭᠠᠷ ᠶᠡᠭᠡ ᠬᠤᠷᠠᠯ ᠤᠨ | ᠢᠯᠡᠳᠬᠡᠯ ᠳᠤ ᠳᠤᠷᠠᠳᠤᠭᠰᠠᠨ ︽ᠰᠣᠶᠣᠯ ᠤᠨ ᠢᠲᠡᠭᠡᠯ ᠢᠶᠠᠨ ᠨᠡᠮᠡᠭᠳᠡᠭᠦᠯᠵᠦ᠂ ᠪᠦᠭᠦ ᠦᠨᠳᠦᠰᠦᠲᠡᠨ ᠤ ᠰᠣᠶᠣᠯ ᠤᠨ | ᠰᠢᠨᠡ ᠶᠢ ᠡᠭᠦᠳᠬᠦ ᠪᠠ ᠡᠭᠦᠳᠦᠨ ᠪᠦᠲᠦᠭᠡᠬᠦ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠢ ᠬᠥᠭᠵᠢᠭᠡᠵᠦ᠂ ᠲᠤᠮᠳᠠᠳᠤ ᠶᠢᠨ | ᠦᠨᠳᠦᠰᠦᠲᠡᠨ ᠤ ᠠᠭᠤᠤ ᠶᠡᠭᠡ ᠰᠡᠷᠭᠦᠨ ᠮᠠᠨᠳᠤᠯᠳᠠ ᠶᠢ ᠪᠡᠶᠡᠯᠡᠭᠦᠯᠬᠦ ᠬᠦᠴᠦᠨ ᠢ ᠴᠢᠩᠭᠠᠷᠠᠭᠤᠯᠤᠨᠠ︾ ᠭᠡᠬᠦ | ᠴᠢᠬᠤᠯᠠ ᠵᠢᠭᠠᠪᠤᠷᠢ ᠶᠢᠨ ᠲᠣᠭᠤᠷᠢᠨ ᠳᠤ᠂ ᠤᠩᠰᠢᠭᠴᠢᠳ ᠲᠠᠭᠠᠨ ᠲᠠᠭᠠᠰᠢᠶᠠᠭᠳᠠᠭᠰᠠᠨ᠂ ᠤᠳᠬᠠ ᠤᠷᠠᠯᠢᠭ ᠤᠨ | ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠶᠢ ᠬᠥᠲᠥᠯᠥᠨ ᠳᠠᠭᠠᠭᠤᠯᠤᠭᠰᠠᠨ ᠤᠯᠠᠨ ᠰᠠᠶᠢᠬᠠᠨ ᠰᠢᠭᠦᠮᠵᠢ ᠶᠢ ᠨᠡᠶᠢᠲᠡᠯᠡᠪᠡ᠃ ᠬᠥᠮᠥᠰ ᠤᠨ | ᠤᠶᠤᠨ ᠰᠠᠨᠠᠭᠠ ᠶᠢ ᠬᠥᠲᠥᠯᠥᠨ ᠳᠠᠭᠠᠭᠤᠯᠵᠤ᠂ ᠨᠡᠶᠢᠭᠡᠮ ᠤᠨ ᠢᠳᠡᠪᠬᠢ ᠡᠨᠧᠷᠭᠢ ᠶᠢ ᠪᠦᠷᠢᠯᠳᠦᠭᠦᠯᠬᠦ ᠪᠣᠯ ᠰᠢᠨᠡ | ᠴᠠᠭᠠ ᠦᠶᠡ ᠶᠢᠨ ᠵᠠᠭᠤᠴᠢᠯᠠᠭᠤᠷ ᠤᠨ ᠵᠠᠶᠢᠯᠠᠭᠤᠯᠵᠤ ᠪᠣᠯᠣᠰᠢ ᠦᠭᠡᠢ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠣᠯᠣᠨᠠ᠃ | | | | | | | ᠤᠳᠬᠠ ᠤᠷᠠᠯᠢᠭ ᠤᠨ ᠰᠢᠭᠦᠮᠵᠢ | | | ᠪᠢᠳᠡ︽ᠨᠠᠢᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠯᠸ ᠰᠢᠶᠦ᠋ᠨ ᠨᠡᠷᠡᠮᠵᠢᠳᠤ ᠤᠳᠬᠠ ᠵᠣᠬᠢᠶᠠᠯ ᠤᠨ ᠱᠠᠩᠨᠠᠯ︾ᠭᠥᠷᠳᠡᠭᠰᠡᠨ | ᠳᠡᠭᠡᠳᠦ ᠮᠣᠩᠭᠤᠯ ᠤᠨ ᠵᠠᠯᠠᠭᠤ ᠵᠣᠬᠢᠶᠠᠯᠴᠢ ᠰᠤᠨᠤᠮᠴᠡᠷᠡᠩ ᠤᠨ︽ᠡᠭᠡᠷᠡᠮᠡ ᠲᠠᠯᠠ ᠳᠤ︾ ᠲᠤᠭᠤᠵᠢ ᠶᠢ ᠦᠨᠡᠯᠡᠭᠰᠡᠨ | ᠪᠦᠲᠦᠭᠡᠯ︽ᠲᠦᠭᠰᠢᠭᠦᠷᠢ ᠪᠠᠷᠲᠠᠭᠠᠲᠤ ᠲᠥᠯᠥᠪᠰᠢᠯ ᠤᠨ ᠣᠲᠣᠷ︾ ᠭᠡᠬᠦ ᠰᠢᠭᠦᠮᠵᠢ ᠶᠢᠨ ᠵᠣᠬᠢᠶᠠᠯ ᠢᠶᠠᠷ ᠰᠢᠨᠡ | ᠣᠨ ᠤ ᠬᠠᠭᠤᠳᠠᠰᠤ ᠪᠠᠨ ᠰᠡᠬᠦᠵᠦ᠂ ︽ᠰᠠᠬᠢᠨ ᠪᠠᠷᠠᠯᠠᠯ ᠬᠢᠭᠡᠳ ᠦᠨᠡᠨᠴᠢ ᠬᠠᠶᠢᠷᠠ ᠶᠢᠨ ᠮᠥᠩᠬᠡ ᠨᠣᠭᠤᠭᠠᠨ ︿ | ᠠᠮᠠᠷᠠᠭ ᠮᠣᠳᠣ﹀︾᠂︽ᠢᠲᠡᠭᠡᠯ ᠪᠢᠰᠢᠷᠡᠯ ᠬᠢᠭᠡᠳ ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ ᠥᠨᠢᠳᠡ ᠶᠢᠨ ᠪᠠᠷᠢᠮᠲᠠᠯᠠᠯ︾ | ᠵᠡᠷᠭᠡ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠰᠢᠭᠦᠮᠵᠢ ᠳᠤ᠂ ᠮᠠᠨ ᠤ ᠣᠷᠣᠨ ᠤ ᠺᠢᠨᠣ᠋ ᠲᠧᠯᠸᠢᠰ ᠵᠦᠴᠦᠭᠡ ᠶᠢᠨ ᠦᠢᠯᠡᠰ ᠤᠨ | ᠣᠯᠣᠭᠰᠠᠨ ᠠᠮᠵᠢᠯᠲᠠ ᠪᠦᠳᠤᠮᠵᠢ ᠳᠤ ᠦᠨᠡᠯᠡᠯᠲᠡ ᠬᠢᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠵᠠᠯᠠᠭᠤ ᠲᠣᠭᠯᠠᠭᠴᠢᠳ ᠤᠨ ᠢᠶᠠᠨ | ᠤᠷᠠᠯᠢᠭ ᠤᠨ ᠥᠨᠳᠥᠷ ᠠᠮᠵᠢᠯᠲᠠ ᠶᠢ ᠵᠦᠩᠨᠡᠪᠡ； ᠥᠪᠥᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ ᠠᠴᠠ ᠬᠡᠪᠯᠡᠭᠦᠯᠦᠨ ᠲᠠᠷᠬᠠᠭᠠᠭᠰᠠᠨ ︽ᠠ᠊·ᠡᠷᠳᠡᠨᠢᠪᠠᠶᠠᠷ ᠤᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠤᠨ ᠴᠢᠭᠤᠯᠭᠠᠨ︾ | ᠤᠩᠰᠢᠭᠴᠢᠳ ᠲᠠᠢ ᠪᠠᠨ ᠵᠣᠯᠭᠠᠬᠤ ᠭᠱᠠᠨ ᠳᠤ ︽ᠡᠷᠳᠡᠮ ᠨᠣᠮ ᠤᠨ ᠬᠦᠴᠦᠨ ᠳᠤᠷ ᠠᠯᠳᠠᠷ ᠨᠢ ᠭᠡᠷᠡᠯᠳᠦᠭᠰᠡᠨ | ᠡᠷᠳᠡᠨᠢ ᠶᠢᠨ ᠴᠢᠭᠤᠯᠭᠠᠨ︾ ᠭᠦᠨᠴᠡ ᠮᠡᠳᠡᠭᠡᠯᠡᠯ ᠨᠡᠶᠢᠲᠡᠯᠡᠵᠦ᠂ ᠳᠠᠯᠠᠶᠢᠭᠴᠢ ᠪᠣᠯᠤᠭᠰᠠᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ | ᠴᠤᠷ ᠤᠨ ᠭᠠᠭᠴᠠ ᠴᠠᠩ ᠵᠢᠶᠠᠩ ᠡᠷᠳᠡᠮᠲᠡᠨ ᠠ᠊ · ᠡᠷᠳᠡᠨᠢᠪᠠᠶᠠᠷ ᠤᠨ ᠮᠣᠩᠭᠤᠯ ᠲᠥᠪᠡᠳ ᠬᠤᠶᠠᠷ ᠰᠤᠳᠤᠯᠭᠠᠨ ᠢ | ᠰᠤᠨᠳᠠᠯᠠᠭᠰᠠᠨ ᠬᠠᠲᠠᠭᠤᠬᠠᠨ ᠠᠵᠢᠯ ᠳᠤ ᠴᠥᠬᠦᠷᠡᠯ ᠦᠭᠡᠢ ᠵᠢᠳᠬᠦᠵᠦ᠂ ᠡᠷᠳᠡᠮᠲᠡᠨ ᠰᠤᠳᠤᠯᠭᠠᠲᠠᠨ ᠢ ᠤᠯᠠᠨ | ᠬᠥᠮᠥᠵᠢᠭᠦᠯᠦᠭᠰᠡᠨ ᠨᠢᠭᠡ ᠨᠠᠰᠤᠨ ᠤ ᠰᠤᠳᠤᠯᠭᠠᠨ ᠰᠢᠨᠵᠢᠯᠡᠭᠡᠨ ᠤ ᠲᠠᠯᠠᠰᠲᠤ᠂ ᠠᠮᠵᠢᠯᠲᠠ ᠪᠦᠳᠤᠮᠵᠢ ᠶᠢᠨ ᠬᠢᠨ | ᠲᠤᠬᠠᠢ ᠦᠨᠠᠯᠠᠵᠠᠢ； ︽ᠠᠮᠠᠨ ᠤᠯᠠᠮᠵᠢᠯᠠᠯ ᠪᠠ ᠳᠠᠭᠤᠤ ᠬᠥᠭᠵᠢᠮ ᠤᠨ ᠲᠣᠬᠯᠠᠯᠲᠠ ︱ ᠰᠢᠨᠵᠢᠯᠡᠭᠡᠨ | ᠠᠯᠤᠰᠯᠠᠭᠰᠠᠨ ᠶᠠᠷᠢᠯᠴᠠᠭᠠ︾ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠵᠢᠴᠢ ᠤᠯᠤᠰ ᠤᠨ | ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠠᠭᠤᠷᠢ ᠮᠥᠩᠭᠦ ᠶᠢᠨ ᠬᠠᠯᠠᠮᠰᠢᠯ ᠪᠤᠰᠤ ᠤᠯᠠᠮᠵᠢᠯᠠᠯ ᠠᠯᠳᠠᠭᠰᠠᠨ ᠡᠷᠳᠡᠮ | ᠰᠢᠨᠵᠢᠯᠡᠭᠡ ᠶᠢᠨ ᠪᠦᠯᠭᠦᠮ ᠤᠨ ᠲᠥᠷᠥᠯ ᠵᠦᠢᠯ ︽ᠬᠤᠷᠴᠢᠨ ᠲᠤᠤᠯᠢ ᠶᠢᠨ ᠳ᠋ᠢᠵᠢᠲ᠋ᠧᠯᠴᠢᠯᠡᠭᠰᠠᠨ ᠡᠮᠭᠢᠯᠡᠯᠳᠡ ᠵᠢᠴᠢ | ᠠᠮᠢᠳᠤ ᠪᠠᠷ ᠤᠯᠠᠮᠵᠢᠯᠠᠬᠤ ᠲᠣᠭᠲᠠᠴᠠ ᠶᠢᠨ ᠰᠤᠳᠤᠯᠭᠠᠨ︾ ᠤ ᠰᠡᠳᠦᠪ ᠪᠠᠲᠤᠯᠠᠭᠤᠯᠬᠤ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠶᠢᠨ | ᠬᠤᠷᠠᠯ ᠬᠤᠷᠠᠯᠳᠤᠭᠰᠠᠨ ᠲᠠᠰᠢᠷᠠᠮ ᠢᠶᠠᠷ᠂ ︽ᠮᠠᠩᠭᠤᠰ ᠤᠨ ᠦᠯᠢᠭᠡᠷ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠨᠠ ᠁︾ ᠭᠦᠨᠴᠡ | ᠮᠡᠳᠡᠭᠡᠯᠡᠯ ᠨᠡᠶᠢᠲᠡᠯᠡᠵᠦ᠂ ᠬᠤᠷᠴᠢᠨ ᠲᠤᠤᠯᠢ ᠶᠢᠨ ᠥᠷᠨᠢᠯ ᠬᠥᠭᠵᠢᠯᠲᠡ᠂ ᠤᠷᠠᠯᠢᠭ ᠤᠨ ᠷᠢᠳᠢ ᠰᠢᠳᠢ᠂ ᠤᠯᠠᠮᠵᠢᠯᠠᠯ | ᠵᠠᠯᠭᠠᠮᠵᠢᠯᠠᠯ ᠤᠨ ᠲᠤᠬᠠᠢ ᠪᠦᠭᠦ ᠲᠠᠯᠠ ᠠᠴᠠ ᠲᠠᠶᠢᠯᠪᠤᠷᠢᠯᠠᠯᠲᠠ ᠬᠢᠵᠡᠢ᠃ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠬᠦᠷᠢᠶᠡᠨ ᠳᠤ | ᠳᠣᠩᠰᠣᠯᠤᠯᠲᠠ ᠪᠣᠯᠤᠭᠰᠠᠨ ︽ᠬᠦᠢᠰᠦ︾ ᠺᠢᠨᠣ᠋ ᠶᠢᠨ ᠤᠷᠠᠯᠢᠭ ᠤᠨ ᠠᠮᠵᠢᠯᠲᠠ ᠶᠢ ᠦᠨᠡᠯᠡᠭᠰᠡᠨ︽ᠠᠮᠢ ᠨᠠᠰᠤᠨ ᠤ | ᠮᠣᠳᠣ ᠮᠥᠩᠬᠡ ᠴᠡᠯᠭᠡᠷᠡᠨᠡ︾᠂ ᠠᠯᠳᠠᠷᠲᠤ ᠵᠢᠷᠤᠭᠴᠢᠨ ᠴᠤᠭ ᠤᠨ ᠤᠷᠠᠨ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ᠢ | ᠦᠨᠡᠯᠡᠭᠰᠡᠨ︽ᠤᠷᠠᠨ ᠵᠢᠷᠤᠭ ᠤᠨ ᠶᠢᠷᠲᠢᠨᠴᠦ ᠳᠠᠬᠢ ᠭᠤᠸᠠ ᠰᠠᠶᠢᠬᠠᠨ ᠤ ᠵᠢᠷᠤᠭᠯᠠᠯ︾᠂ ᠬᠤᠸᠠ ᠪᠢᠶᠣᠣ ᠱᠠᠩᠨᠠᠯ | ᠭᠥᠷᠳᠡᠭᠰᠡᠨ︽ᠴᠠᠭᠳᠠᠭᠠ ᠪᠤᠶᠠᠨ︾ ᠪᠠ ︽ᠰᠠᠬᠢᠨ ᠪᠠᠷᠠᠯᠠᠭᠰᠠᠨ ᠠᠮᠠᠷᠠᠭ ᠮᠣᠳᠣ︾ ᠺᠢᠨᠣ᠋ ᠶᠢ ᠦᠨᠡᠯᠡᠭᠰᠡᠨ︽ᠰᠠᠬᠢᠨ | ᠪᠠᠷᠠᠯᠠᠯ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠢᠲᠡᠭᠡᠯ ᠪᠢᠰᠢᠷᠡᠯ︾᠂ ︽ᠳ᠋ᠠᠯᠢ ᠶᠢᠨ ᠤᠯᠠᠨ ᠤᠯᠤᠰ ᠤᠨ ᠭᠡᠷᠡᠯ ᠵᠢᠷᠤᠭ ᠤᠨ | ᠴᠤᠭᠯᠠᠭᠠᠨ︾ ᠳᠤ ᠱᠠᠩᠨᠠᠯ ᠭᠥᠷᠳᠡᠭᠰᠡᠨ ᠠᠯᠳᠠᠷᠲᠤ ᠭᠡᠷᠡᠯ ᠵᠢᠷᠤᠭᠴᠢᠨ ᠠᠶᠠᠨ ᠤ ᠭᠡᠷᠡᠯ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ︽ | ᠪᠤᠷᠢᠶᠠᠳ ᠬᠥᠮᠥᠨ︾ ᠢ ᠦᠨᠡᠯᠡᠭᠰᠡᠨ ︽ᠨᠡᠶᠢᠭᠡᠮ ᠤᠨ ᠤᠬᠠᠭᠠᠨ᠂ ᠬᠥᠮᠥᠨ ᠵᠦᠢ᠂ ᠵᠠᠩ ᠦᠢᠯᠡ ᠶᠢᠨ ᠤᠬᠠᠭᠠᠨ ᠤ | ᠬᠠᠷᠠᠭᠠᠰᠤ ᠠᠴᠠ ᠨᠡᠭᠦᠳᠡᠯᠴᠢᠨ ᠮᠣᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠤᠨ ᠣᠳᠣᠬᠢ ᠪᠠᠶᠢᠳᠠᠯ ᠪᠠ ᠬᠤᠪᠢ ᠵᠠᠶᠠᠭᠠ ᠳᠤ | ᠠᠩᠬᠠᠷᠤᠯ ᠢᠶᠠᠨ ᠬᠠᠨᠳᠤᠭᠤᠯᠤᠭᠰᠠᠨ ᠰᠣᠳᠣᠨ ᠪᠦᠲᠦᠭᠡᠯ︾᠂ ︽ᠲᠠᠯᠠ ᠨᠤᠲᠤᠭ ᠲᠠᠬᠢ ᠦᠨᠡᠨ ᠤ ᠮᠥᠷᠳᠡᠯ︾ ᠺᠢᠨᠣ᠋ ᠶᠢ | ᠦᠨᠡᠯᠡᠭᠰᠡᠨ︽ᠤᠯᠠᠮᠵᠢᠯᠠᠯ ᠢ ᠡᠪᠳᠡᠵᠦ ᠰᠢᠨᠡ ᠶᠢ ᠡᠭᠦᠳᠦᠭᠰᠡᠨ ᠡᠭᠡᠳᠡᠷᠡᠭᠡᠨᠲᠦ ᠵᠦᠴᠦᠭᠡ︾᠂ ᠬᠠ᠊ · ᠪᠠᠲᠤᠵᠢᠷᠭᠠᠯ ᠤᠨ | ᠨᠠᠶᠢᠷᠠᠭᠤᠯᠤᠯ ᠤᠨ ᠲᠡᠭᠦᠪᠦᠷᠢ︽ᠨᠢᠴᠦᠭᠦᠨ ᠬᠥᠯ ᠤᠨ ᠵᠢᠷᠭᠠᠯᠠᠩ︾ ᠢ ᠦᠨᠡᠯᠡᠭᠰᠡᠨ︽ᠬᠥᠮᠥᠨ ᠤ ᠣᠷᠣᠰᠢᠬᠤᠢ ᠶᠢᠨ | ᠬᠠᠷᠢᠴᠠᠭᠠ ᠪᠤᠶᠤ ᠭᠤᠸᠠ ᠰᠠᠶᠢᠬᠠᠨ ᠤ ᠲᠥᠰᠥᠭᠡᠯᠡᠯ︾᠂ ᠥᠪᠥᠷ ᠮᠣᠩᠭᠤᠯ ᠤᠨ ᠤᠷᠠᠯᠢᠭ ᠵᠦᠴᠦᠭᠡ ᠶᠢᠨ | ᠬᠦᠷᠢᠶᠡᠯᠡᠩ ᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠼᠢᠷᠺᠳᠤ ᠵᠦᠴᠦᠭᠡ ︽ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ︾ ᠢ | ᠦᠨᠡᠯᠡᠭᠰᠡᠨ︽ᠢᠲᠡᠭᠡᠯ ᠤᠨ ᠳᠤᠮᠳᠠᠬᠢ ᠰᠠᠶᠢᠨ ᠰᠠᠶᠢᠬᠠᠨ︾ ᠵᠡᠷᠭᠡ ᠤᠷᠠᠨ ᠨᠠᠷᠢᠨ ᠤᠬᠠᠭᠠᠯᠠᠨ ᠲᠥᠰᠥᠪᠯᠡᠵᠦ᠂ | ᠨᠡᠶᠢᠲᠡᠯᠡᠭᠰᠡᠨ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠤᠨ ᠰᠢᠭᠦᠮᠵᠢ ᠶᠢᠨ ᠪᠦᠲᠦᠭᠡᠯ ᠤᠳ ᠤᠩᠰᠢᠬᠴᠢ ᠲᠠ ᠨᠠᠷ ᠲᠠᠭᠠᠨ ᠤᠶᠤᠨ ᠤ | ᠬᠦᠷᠲᠡᠭᠡᠯ ᠪᠣᠯᠵᠤ᠂ ᠥᠩᠭᠡᠷᠡᠨ ᠣᠲᠣᠭᠰᠠᠨ 2023 ᠣᠨ ᠤ ᠳᠤᠷᠠᠳᠬᠠᠯᠲᠤ ᠡᠳᠦᠷ ᠤᠳ ᠲᠠᠢ ᠬᠠᠮᠲᠤ | ᠪᠠᠶᠢᠯᠴᠠᠭᠰᠠᠨ ᠭᠡᠳᠡᠭ ᠲᠤ ᠢᠲᠡᠭᠡᠵᠦ ᠪᠠᠶᠢᠨᠠ᠃ | | | | | | | ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠤᠨ ᠲᠠᠶᠢᠯᠤᠮᠵᠢ | | | ᠤᠷᠠᠨ ᠵᠣᠬᠢᠶᠠᠯ ᠤᠨ ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠨᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠶᠤᠨ ᠤ ᠬᠦᠨᠡᠰᠦ ᠪᠣᠯᠵᠤ᠂ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠶᠤᠨ ᠰᠠᠨᠠᠭᠠᠨ ᠤ ᠰᠦᠭ ᠰᠦᠨᠡᠰᠦ ᠶᠢ ᠬᠥᠲᠥᠯᠥᠨ ᠳᠠᠭᠠᠭᠤᠯᠵᠤ ᠪᠠᠶᠢᠳᠠᠭ᠃ 2023 | ᠣᠨ ᠳᠤ ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ︽ᠨᠣᠪᠧᠯ ᠤᠨ ᠱᠠᠩᠨᠠᠯᠲᠤ ᠤᠷᠠᠨ ᠵᠣᠬᠢᠶᠠᠯ ᠤᠨ ᠲᠠᠶᠢᠯᠤᠮᠵᠢ︾ | ᠪᠤᠯᠤᠩ ᠨᠡᠭᠡᠭᠡᠵᠦ᠂ ︽ᠨᠣᠪᠧᠯ ᠤᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠱᠠᠩᠨᠠᠯ ᠤᠨ ᠤᠤᠭᠠᠨ ᠪᠦᠲᠦᠭᠡᠯ - ᠬᠤᠨ ᠭᠠᠯᠠᠭᠤ︾᠂ | ︽ᠨᠢᠭᠡᠨ ᠵᠦᠢᠯ ᠤᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠠᠮᠢ ᠨᠠᠰᠤᠨ ᠤ ᠮᠠᠭᠲᠠᠭᠤ︾᠂ ︽ᠨᠤᠲᠤᠭ ᠤᠨ ᠳᠤᠷᠠᠰᠤᠮᠵᠢ ᠶᠢᠨ | ᠠᠭᠤᠤ ᠪᠦᠲᠦᠭᠡᠯ - ᠬᠡᠷᠡᠯᠳᠦ ᠴᠠᠮᠠᠬᠠᠭ ᠤᠨ ᠮᠠᠨᠠᠭᠠᠴᠢᠨ︾᠂︽ᠰᠢᠨᠡ ᠡᠷᠡᠨ ᠤ ᠰᠣᠩᠭᠤᠳᠠᠭ ᠦᠵᠡᠯ ᠤᠨ ᠤᠷᠳᠤ | ᠨᠠᠶᠢᠷᠠᠭᠯᠠᠯ - ᠰᠠ ᠳ᠋ᠠᠨ ᠤ ᠮᠠᠭᠲᠠᠭᠤ︾᠂︽ᠬᠠᠴᠢᠨ ᠭᠠᠶᠢᠬᠠᠯᠲᠠᠢ ᠭᠤᠶᠤ ᠰᠠᠶᠢᠬᠠᠨ ᠬᠡᠦᠬᠡᠳ ᠤᠨ ᠦᠯᠢᠭᠡᠷ ᠤᠨ | ᠶᠢᠷᠲᠢᠨᠴᠦ ᠳᠠᠬᠢ ᠠᠯᠢᠶᠠ ᠬᠡᠦᠬᠡᠳ - ᠵᠢᠮᠦ᠋︾ ᠵᠡᠷᠭᠡ 5 ᠰᠢᠷᠢᠰ ᠮᠡᠳᠡᠭᠡᠯᠡᠯ ᠢᠶᠠᠷ ᠨᠣᠪᠧᠯ ᠤᠨ ᠤᠳᠬᠠ | ᠵᠣᠬᠢᠶᠠᠯ ᠤᠨ ᠱᠠᠩᠨᠠᠯᠲᠤ ᠪᠦᠲᠦᠭᠡᠯ ᠢ ᠲᠠᠨᠢᠯᠴᠠᠭᠤᠯᠤᠨ᠂ ᠲᠦᠭᠦᠮ ᠲᠠᠶᠢᠯᠪᠤᠷᠢ ᠪᠠ ᠣᠬᠤᠷ ᠰᠢᠭᠦᠮᠵᠢ ᠲᠠᠢ ᠪᠠᠷ | ᠥᠷᠭᠡᠨ ᠤᠯᠠᠨ ᠤᠩᠰᠢᠭᠴᠢᠳ ᠲᠠᠭᠠᠨ ᠬᠦᠷᠭᠡᠭᠰᠡᠨ ᠶᠤᠮ᠃ | | | ᠨᠣᠪᠧᠯ ᠤᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠱᠠᠩᠨᠠᠯᠲᠤ ᠪᠦᠲᠦᠭᠡᠯ ᠪᠣᠯ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠷᠠᠨ | ᠵᠣᠬᠢᠶᠠᠯ ᠤᠨ ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠪᠣᠯᠣᠨᠠ᠃ ᠪᠢᠳᠠ ᠤᠷᠠᠨ ᠵᠣᠬᠢᠶᠠᠯ ᠤᠨ ᠬᠥᠭᠵᠢᠯᠲᠡ ᠶᠢ | ᠠᠬᠢᠭᠤᠯᠤᠨ᠂ ᠥᠨᠢᠳᠡ ᠣᠷᠣᠰᠢᠬᠤ ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠲᠤᠭᠤᠷᠪᠢᠶᠠ ᠭᠡᠪᠡᠯ ᠡᠷᠬᠡᠪᠰᠢ ᠰᠣᠩᠭᠤᠳᠠᠭ | ᠪᠦᠲᠦᠭᠡᠯ ᠢ ᠤᠩᠰᠢᠨ ᠰᠣᠨᠢᠷᠬᠠᠵᠤ᠂ ᠡᠳᠡᠭᠡᠷ ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠢ ᠰᠤᠳᠤᠯᠬᠤ ᠬᠡᠷᠡᠭᠲᠡᠢ᠃ ᠡᠳᠡᠭᠡᠷ | ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠬᠦᠰᠡᠬᠦᠶᠢᠴᠢ ᠦᠵᠡᠯ᠂ ᠰᠢᠭᠦᠮᠵᠢᠯᠡᠯᠲᠦ ᠠᠬᠤᠶᠢᠴᠢ ᠦᠵᠡᠯ᠂ ᠰᠢᠳᠢᠯᠢᠭ ᠠᠬᠤᠶᠢᠴᠢ ᠦᠵᠡᠯ᠂ | ᠷᠣᠮᠠᠨᠲ᠋ᠢᠭ ᠦᠵᠡᠯ᠂ ᠣᠳᠣᠬᠢᠴᠢ ᠦᠵᠡᠯ᠂ ᠬᠤᠵᠢᠭᠤ ᠣᠳᠣᠬᠢᠴᠢ ᠦᠵᠡᠯ ᠁ ᠵᠡᠷᠭᠡ ᠤᠷᠠᠨ ᠵᠣᠬᠢᠶᠠᠯ ᠤᠨ | ᠪᠢᠴᠢᠯᠭᠡ ᠶᠢᠨ ᠭᠡᠯᠪᠡᠷᠢ ᠶᠢᠨ ᠡᠭᠦᠳᠦᠭᠴᠢ ᠪᠤᠯᠬᠤ ᠤᠴᠢᠷ ᠠᠴᠠ ᠡᠳᠡᠭᠡᠷ ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠶᠠᠮᠠᠷᠬᠠᠨ ᠶᠡᠭᠡ | ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠶᠢ ᠲᠠ ᠨᠠᠷ ᠣᠶᠢᠯᠠᠭᠠᠵᠤ ᠪᠣᠯᠣᠨᠠ᠃ ᠪᠢᠳᠠ ᠦᠷᠭᠦᠯᠵᠢᠯᠡᠨ ᠡᠳᠡᠭᠡᠷ ᠰᠣᠩᠭᠤᠳᠠᠭ | ᠪᠦᠲᠦᠭᠡᠯ ᠤᠨ ᠲᠤᠬᠠᠢ ᠲᠠᠶᠢᠯᠤᠮᠵᠢ ᠬᠢᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠠᠨ ᠤ ᠤᠯᠤᠰ ᠤᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠤᠷᠭᠢᠯ | ᠪᠣᠯᠤᠭᠰᠠᠨ︽ᠮᠣᠣ ᠳ᠋ᠦᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠱᠠᠩᠨᠠᠯᠲᠤ ᠪᠦᠲᠦᠭᠡᠯ︾ ᠢ ᠴᠦ ᠲᠠᠨᠢᠯᠴᠠᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠬᠤ | ᠪᠠᠷ ᠲᠥᠰᠥᠪᠯᠡᠵᠦ ᠪᠤᠢ᠃ | | | | | | ᠨᠣᠮ ᠤᠨ ᠵᠣᠭᠤᠭ | | | ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ᠤᠨ 2023 ᠣᠨ ᠤ ᠮᠡᠳᠡᠭᠡᠯᠡᠯ ᠤᠨ ᠪᠠᠰᠠ ᠨᠢᠭᠡᠨ ᠭᠢᠯᠡᠰ ᠴᠡᠭ | ᠪᠣᠯ︽ᠨᠣᠮ ᠤᠨ ᠵᠣᠭᠤᠭ︾ ᠲᠤᠰᠬᠠᠢ ᠪᠤᠯᠤᠩ ᠪᠤᠯᠬᠤ ᠶᠤᠮ᠃ ︽ᠨᠣᠮ ᠤᠨ ᠵᠣᠭᠤᠭ︾ ᠲᠤᠰᠬᠠᠢ ᠪᠤᠯᠤᠩ ᠳᠤ ᠨᠣᠮ | ᠲᠠᠢ ᠨᠥᠬᠦᠷᠯᠡᠨ᠂ ᠨᠣᠮ ᠤᠩᠰᠢᠵᠤ᠂ ᠨᠣᠮ ᠴᠤᠭᠯᠠᠭᠤᠯᠤᠨ᠂ ᠠᠮᠢᠳᠤᠷᠠᠯ ᠦᠢᠯᠡᠰ ᠤᠨ ᠢᠶᠠᠨ ᠳᠦᠭᠦᠷᠡᠩ ᠭᠠᠨᠵᠤᠭᠠ | ᠰᠢᠭᠦᠷᠦᠭᠰᠡᠨ ᠬᠥᠮᠥᠰ ᠤᠨ ᠨᠣᠮ ᠤᠩᠰᠢᠭᠰᠠᠨ ᠲᠥᠷᠥᠭᠳᠡᠯ᠂ ᠨᠣᠮ ᠤᠩᠰᠢᠬᠤ ᠶᠢᠨ ᠤᠴᠢᠷ ᠤᠳᠬᠠ ᠵᠡᠷᠭᠡ ᠶᠢ | ᠤᠩᠰᠢᠬᠴᠢ ᠤᠯᠠᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠬᠤ ᠶᠢ ᠵᠣᠷᠢᠭᠰᠠᠨ ᠶᠤᠮ᠃ | | | ︽ᠪᠢᠴᠢᠭ ᠢ ᠲᠦᠮᠡᠨ ᠪᠣᠳᠢ ᠤᠩᠰᠢᠪᠠᠰᠤ ᠪᠢᠷ ᠤᠨ ᠦᠵᠦᠭᠦᠷ ᠲᠦᠷ ᠰᠢᠳᠢ ᠣᠷᠣᠰᠢᠮᠤᠢ︾᠃ ᠡᠷᠲᠡᠨ ᠤ | ᠬᠥᠮᠥᠰ ᠠᠴᠠ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠭᠦᠷᠳᠡᠯᠡ ᠨᠣᠮ ᠤᠩᠰᠢᠬᠤ ᠶᠢᠨ ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠦᠢᠯᠡᠰ ᠲᠤ | ᠦᠵᠡᠭᠦᠯᠭᠦ ᠠᠴᠢ ᠲᠤᠰᠠ ᠶᠢᠨ ᠲᠤᠬᠠᠢ ᠥᠭᠦᠯᠡᠨ ᠶᠠᠷᠢᠭᠰᠠᠨ ᠢ ᠲᠣᠭᠠᠯᠠᠬᠤᠶᠠ ᠪᠡᠷᠬᠡ᠃ ᠡᠷᠲᠡᠨ ᠠᠴᠠ ᠡᠳᠦᠭᠡ | ᠭᠦᠷᠳᠡᠯᠡ ᠨᠣᠮ ᠤᠩᠰᠢᠭᠠ ᠦᠭᠡᠢ ᠪᠠᠷ ᠮᠡᠳᠡᠯᠭᠡ ᠤᠬᠠᠭᠠᠨ ᠨᠡᠮᠡᠭᠳᠡᠵᠦ ᠦᠢᠯᠡᠰ ᠤᠨ ᠦᠵᠦᠭᠦᠷ ᠰᠠᠷᠢᠳᠠᠭ ᠲᠤ | ᠭᠦᠷᠦᠭᠰᠡᠨ ᠬᠥᠮᠥᠨ ᠪᠠᠶᠢᠬᠤ ᠦᠭᠡᠢ᠃ ᠨᠣᠮ ᠤᠨ ᠰᠢᠳᠢ ᠬᠦᠴᠦᠨ ᠭᠡᠵᠦ ᠡᠨᠡ᠃ ᠰᠢᠨᠡ ᠴᠠᠭ ᠦᠶᠡ ᠳᠤ ᠰᠢᠨᠡ | ᠮᠡᠳᠡᠭᠡᠯᠡᠯ ᠤᠨ ᠵᠠᠭᠤᠴᠢᠯᠠᠭᠤᠷ ᠣᠯᠠᠰᠢᠷᠠᠭᠰᠠᠨ ᠪᠤᠶᠤ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠭᠡᠯᠪᠡᠷᠢ ᠳᠤ ᠶᠡᠬᠡᠬᠡᠨ | ᠬᠤᠪᠢᠷᠠᠯᠲᠠ ᠭᠠᠷᠤᠭᠰᠠᠨ ᠠᠴᠠ ᠨᠣᠮ ᠤᠩᠰᠢᠬᠤ ᠬᠥᠮᠥᠨ ᠶᠡᠭᠡ ᠪᠠᠷ ᠴᠥᠭᠡᠷᠡᠪᠡ᠃ ᠨᠣᠮ ᠤᠩᠰᠢᠬᠤ ᠦᠭᠡᠢ ᠪᠠᠷ | ᠨᠡᠶᠢᠭᠡᠮ ᠬᠥᠭᠵᠢᠨᠡ ᠭᠡᠵᠢ ᠤᠤ︖ᠲᠡᠶᠢᠮᠦ ᠪᠢᠰᠢ ᠪᠠᠶᠢᠬᠠ︕ ᠪᠦᠭᠦ ᠨᠡᠶᠢᠭᠡᠮ ᠢᠶᠠᠷ ᠢᠶᠠᠨ ᠨᠣᠮ ᠤᠩᠰᠢᠬᠤ ᠶᠢ | ᠤᠷᠠᠶᠢᠯᠠᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠡᠭᠦᠨ ᠤ ᠭᠡᠷᠡᠴᠢ᠃ | | | | | | ︽ᠲᠠᠩ ᠲᠤᠤ ᠶᠢᠨ ︿ᠨᠣᠮ ᠤᠨ ᠵᠣᠭᠤᠭ﹀ ᠤᠨ ᠲᠤᠬᠠᠢ ᠵᠣᠭᠤᠭ︾᠂︽ᠦᠯᠢᠭᠡᠷ ᠤᠨ ᠭᠤᠸᠠ ᠦᠨᠡᠨ ᠬᠦ | ᠳᠣᠭᠳᠣᠯᠤᠯ ᠳᠡᠭᠡᠷᠡ ᠮᠡᠨᠳᠦᠯᠡᠳᠡᠭ︾᠂ ︽ᠨᠣᠮ - ᠮᠢᠨᠤ ᠠᠮᠢ ᠨᠠᠰᠤᠨ ᠤ ᠬᠠᠨᠢ︾᠂ ︽ᠨᠣᠮ - ᠪᠢᠴᠢᠭ ᠲᠠᠢ | ︿ᠨᠣᠴᠣᠯᠳᠤᠭᠰᠠᠨ﹀75 ᠵᠢᠯ︾᠂︽ᠤᠩᠰᠢᠯᠭᠠ ᠪᠤᠶᠤ ᠡᠨᠡ ᠲᠡᠷᠡ︾᠂ ︽ᠨᠣᠮ ᠢᠶᠠᠷ ᠪᠠᠶᠠᠨ ᠠᠪᠠᠰᠤ ᠰᠡᠳᠬᠢᠯ ᠪᠠᠶᠠᠨ︾᠂ | ︽ᠴᠠᠭᠯᠠᠰᠢ ᠦᠭᠡᠢ ᠨᠣᠮ ᠤᠨ ᠰᠢᠳᠢ ᠪᠠᠷ ᠴᠢᠨᠠᠳᠤ ᠡᠷᠭᠢ ᠳᠤᠷ ᠰᠡᠯᠢᠨ ᠬᠦᠷᠦᠶᠦ︾ ᠭᠡᠬᠦ ᠵᠡᠷᠭᠡ ᠪᠦᠲᠦᠭᠡᠯ ᠢ | ᠨᠡᠶᠢᠲᠡᠯᠡᠭᠰᠡᠨ ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ᠤᠨ︽ᠨᠣᠮ ᠤᠨ ᠵᠣᠭᠤᠭ︾ ᠲᠠ ᠨᠠᠷ ᠢᠶᠠᠨ ᠨᠣᠮ ᠤᠩᠰᠢᠭᠠᠴᠢ︕ | ᠭᠡᠵᠦ ᠤᠷᠠᠶᠢᠯᠠᠵᠤ ᠪᠠᠶᠢᠨᠠ᠃ 2024 ᠣᠨ ᠳᠤ ︽ᠨᠣᠮ ᠤᠨ ᠵᠣᠭᠤᠭ︾ ᠦᠷᠭᠦᠯᠵᠢᠯᠡᠨᠡ᠃ ᠪᠢᠳᠠ ᠬᠠᠮᠲᠤ ᠪᠠᠷ | ᠨᠣᠮ ᠤᠩᠰᠢᠵᠠᠭᠠᠶᠠ︕ | | | ᠭᠡᠭᠡᠨ ᠳᠤᠷᠠᠳᠬᠠᠯ | | | 2023 ᠣᠨ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ᠤᠨ ᠮᠡᠳᠡᠭᠡᠯᠡᠯ ᠤᠨ ᠨᠢᠭᠡᠨ ᠭᠤᠣᠯ ᠪᠤᠯᠬᠤ ᠠᠭᠤᠯᠭᠠ | ᠪᠣᠯ ᠭᠡᠭᠡᠨ ᠳᠤᠷᠠᠳᠬᠠᠯ ᠪᠠᠶᠢᠭᠠ᠃ ᠮᠥᠩᠬᠡ ᠪᠤᠰᠤ ᠬᠤᠷᠸᠠ ᠳᠤ ᠬᠥᠮᠥᠨ ᠮᠥᠩᠬᠡᠷᠡᠬᠦ ᠦᠭᠡᠢ ᠴᠦ ᠠᠯᠳᠠᠷ ᠭᠠᠪᠢᠶᠠ | ᠪᠠᠷ ᠢᠶᠠᠨ ᠣᠯᠠᠨᠠ ᠲᠠᠨᠢᠭᠳᠠᠭᠰᠠᠨ ᠵᠢᠳᠬᠦᠯ ᠤᠨ ᠰᠦᠮᠪᠤᠷ ᠠᠭᠤᠯᠠ ᠪᠣᠯᠤᠭᠰᠠᠨ ᠠᠬᠠᠮᠠᠳ ᠤᠷᠠᠯᠢᠭᠴᠢᠳ ᠮᠢᠨᠢ | ᠬᠥᠮᠥᠨ ᠤ ᠬᠤᠷᠸᠠ ᠶᠢᠨ ᠮᠥᠩᠬᠡ ᠪᠤᠰᠤ ᠶᠢ ᠦᠵᠡᠭᠦᠯᠵᠦ᠂ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠰᠤᠪᠤᠷᠠᠨ ᠬᠠᠯᠢᠭᠰᠠᠭᠠᠷ | ᠪᠠᠶᠢᠨᠠ᠃ ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ᠲᠡᠳᠡᠨ ᠢᠶᠠᠨ ᠡᠮᠭᠡᠨᠢᠨ ᠳᠤᠷᠠᠰᠬᠠᠵᠤ᠂ ᠭᠡᠭᠡᠨ ᠳᠤᠷᠠᠳᠬᠠᠯ | ᠬᠥᠪᠥᠷᠡᠭᠦᠯᠦᠨ ᠪᠠᠶᠢᠨᠠ᠃ ︽ᠴᠠᠰᠤᠨ ᠳᠡᠭᠡᠷᠡ ᠮᠥᠷ ᠲᠠᠢ᠂ ᠴᠠᠭᠠᠰᠤᠨ ᠳᠡᠭᠡᠷᠡ ᠨᠡᠷᠡ ᠲᠠᠢ︾ ᠮᠥᠩᠬᠡᠷᠡᠭᠡᠰᠡᠢ ᠥᠪ | ᠰᠣᠶᠣᠯ ᠤᠨ ᠵᠢᠳᠬᠦᠯᠲᠡᠳ ᠮᠢᠨᠢ᠃ | | | ︽ᠲᠠᠯᠠ ᠨᠤᠲᠤᠭ ᠲᠤ ᠬᠠᠪᠤᠷ ᠢᠷᠡᠯᠠ︾᠂ ︽ᠤᠯᠠᠭᠠᠨ ᠵᠠᠮ︾᠂ ︽ᠲᠠᠯᠠ ᠶᠢᠨ ᠮᠠᠨᠠᠨ︾᠂︽ᠭᠠᠳᠠ | ᠮᠠᠶᠢᠷᠠᠨ ᠤ ᠲᠤᠮᠤᠭ︾ ᠵᠡᠷᠭᠡ ᠠᠯᠢ ᠤᠯᠠᠨ ᠤᠷᠠᠨ ᠪᠦᠲᠦᠭᠡᠯ ᠢᠶᠠᠷ ᠢᠶᠠᠨ ᠤᠡᠭᠰᠢᠬᠴᠢ ᠲᠦᠮᠡᠨ ᠤ ᠪᠠᠨ | ᠰᠡᠳᠬᠢᠯ ᠳᠤ ᠬᠤᠨᠣᠭᠰᠢᠵᠤ ᠴᠢᠳᠠᠭᠰᠠᠨ ᠮᠠᠨ ᠤ ᠣᠷᠣᠨ ᠤ ᠤᠳᠬᠠ ᠵᠣᠬᠢᠶᠠᠯ ᠤᠨ ᠡᠲᠡᠭᠡᠳ ᠤᠨ ᠬᠢᠨ ᠤ ᠨᠢᠭᠡᠨ | ᠦᠶᠡ ᠶᠢᠨ ᠬᠤᠰᠢᠭᠤᠴᠢ᠂ ᠲᠠᠯᠠ ᠨᠤᠲᠤᠭ ᠤᠨ ᠤᠳᠬᠠ ᠵᠣᠬᠢᠶᠠᠯ ᠤᠨ ᠰᠠᠭᠤᠷᠢᠯᠠᠭᠴᠢ ᠶᠢᠨ ᠨᠢᠭᠡᠨ ᠪᠣᠯᠤᠭᠰᠠᠨ | ᠵᠠᠯᠭᠠᠭᠦᠤ 2023 ᠣᠨ ᠤ 3 ᠰᠠᠷᠠ ᠶᠢᠨ 3 ᠤ ᠡᠳᠦᠷ ᠡᠪᠡᠳᠴᠢᠨ ᠤ ᠬᠠᠷᠠᠭᠠ ᠪᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠭᠠᠰᠢᠭᠤᠨ | ᠴᠢᠮᠡᠭᠡ ᠤᠯᠠᠮᠵᠢᠯᠠᠭᠳᠠᠬᠤ ᠳᠤ ᠤᠡᠭᠰᠢᠬᠴᠢ ᠲᠦᠮᠡᠨ ᠪᠣᠯᠣᠨ ᠤᠷᠠᠨ ᠪᠦᠲᠦᠭᠡᠯ ᠢᠶᠠᠷ ᠲᠠᠨᠢᠯᠴᠠᠭᠰᠠᠨ ᠤᠯᠠᠨ ᠨᠠᠶᠢᠵᠠ | ᠨᠥᠬᠦᠳ ᠨᠢ ᠨᠢᠳᠦ ᠴᠢᠬᠢ ᠪᠠᠨ ᠢᠲᠡᠭᠡᠵᠦ ᠶᠠᠳᠠᠨ᠂ ᠤᠢ ᠭᠠᠰᠢᠭᠤ ᠶᠢᠨ ᠭᠦᠪ ᠲᠤ ᠤᠨᠠᠭᠰᠠᠨ ᠪᠠᠶᠢᠯᠠ᠃︽ᠠᠯᠳᠠᠨ | ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ︽ᠬᠠᠪᠤᠷ ᠤᠨ ᠡᠷᠢᠯ︾ ᠳᠤᠷᠠᠰᠤᠮᠵᠢ ᠵᠣᠬᠢᠶᠠᠯ ᠨᠡᠶᠢᠲᠡᠯᠡᠵᠦ᠂ ᠠᠯᠳᠠᠷᠲᠤ ᠵᠣᠬᠢᠶᠠᠯᠴᠢ | ᠵᠠᠯᠭᠠᠭᠦᠤ ᠶᠢ ᠲᠤᠷᠠᠰᠬᠠᠨ᠂ ᠭᠠᠪᠢᠶᠠ ᠠᠯᠳᠠᠷ ᠢ ᠨᠢ ᠦᠨᠡᠯᠡᠪᠡ᠃ | | | 2023 ᠣᠨ ᠤ 2 ᠰᠠᠷᠠ ᠶᠢᠨ 12 ᠤᠨ ᠡᠳᠦᠷ᠂ ᠪᠠᠷᠠᠭᠤᠨ ᠬᠤᠶᠢᠲᠤ ᠶᠢᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ᠂ ᠠᠯᠳᠠᠷᠲᠤ ᠬᠡᠯᠡᠨ ᠤ ᠡᠷᠳᠡᠮᠲᠡᠨ ᠴᠣᠶᠢᠳᠠᠨᠳᠠᠷ ᠪᠠᠭᠰᠢ ᠶᠢᠨ ᠲᠠᠭᠠᠯᠠᠯ ᠲᠡᠭᠦᠰᠪᠡ᠃ | ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ︽ᠦᠢᠯᠡᠰ ᠢᠶᠠᠷ ᠢᠶᠠᠨ ᠮᠥᠩᠬᠡᠷᠡᠭᠰᠡᠨ ᠡᠵᠡᠨᠡ ᠨᠤᠲᠤᠭ ᠤᠨ ᠤᠤᠭᠠᠨ | ᠫᠷᠤᠹᠧᠰᠰᠤᠷ︾ ᠳᠤᠷᠠᠰᠤᠮᠵᠢ ᠵᠣᠬᠢᠶᠠᠯ ᠨᠡᠶᠢᠲᠡᠯᠡᠨ᠂ ᠴᠣᠶᠢᠳᠠᠨᠳᠠᠷ ᠪᠠᠭᠰᠢ ᠶᠢ ᠮᠥᠷᠥᠭᠡᠳᠦᠨ ᠳᠤᠷᠠᠰᠬᠠᠭᠰᠠᠨ | ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠬᠡᠪᠡ᠃ | | | 2023 ᠣᠨ ᠤ 11 ᠰᠠᠷᠠ ᠶᠢᠨ 28 ᠤ ᠡᠳᠦᠷ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠠᠩᠭᠢᠨᠠᠮᠠ ᠬᠤᠭᠤᠯᠠᠢ | ᠶᠢᠨ ᠠᠯᠳᠠᠷᠲᠤ ᠳᠠᠭᠤᠴᠢᠨ᠂ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠲᠣᠭᠯᠠᠭᠴᠢ ᠳᠡᠳᠮᠠ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ | ᠪᠠᠷᠠᠭᠰᠠᠨ ᠭᠡᠬᠦ ᠭᠠᠰᠢᠭᠤᠨ ᠴᠢᠮᠡᠭᠡ ᠬᠥᠮᠥᠨ ᠤᠯᠠᠨ ᠤ ᠵᠢᠷᠦᠬᠡ ᠵᠦᠰᠦᠨ ᠡᠮᠵᠡᠭᠯᠡᠭᠦᠯᠵᠦ ᠲᠤᠭᠤᠯᠳᠠᠪᠠ᠃︽ᠠᠯᠳᠠᠨ | ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ︽ᠳᠠᠭᠤᠴᠢᠨ ᠤ ᠠᠯᠳᠠᠷ ᠢ ᠲᠡᠭᠷᠢ ᠶᠢᠨ ᠰᠠᠯᠬᠢ ᠠᠷᠴᠢᠬᠤ ᠦᠭᠡᠢ︾ ᠳᠤᠷᠠᠰᠤᠮᠵᠢ | ᠵᠣᠬᠢᠶᠠᠯ ᠨᠡᠶᠢᠲᠡᠯᠡᠵᠦ᠂ ᠠᠯᠳᠠᠷᠲᠤ ᠳᠠᠭᠤᠴᠢᠨ᠂ ᠰᠤᠷᠭᠠᠨ ᠬᠥᠮᠦᠵᠢᠯ ᠤᠨ ᠵᠢᠳᠬᠦᠯᠲᠡᠨ ᠳᠡᠳᠮᠠ ᠪᠠᠭᠰᠢ ᠪᠠᠨ | ᠳᠤᠷᠠᠳᠬᠠᠪᠠ᠃ ᠳᠤᠷᠠᠳᠬᠠᠯ ᠰᠠᠶᠢᠬᠠᠨ᠂ ᠳᠤᠷᠠᠳᠬᠠᠯ ᠰᠡᠳᠬᠢᠯ ᠡᠮᠵᠡᠭᠯᠡᠭᠦᠯᠦᠨᠡ᠃ ︽ᠲᠡᠭᠷᠢ ᠶᠢᠨ ᠰᠠᠯᠬᠢ︾ ᠶᠢ | ᠰᠣᠨᠣᠰᠴᠤ ᠥᠩᠭᠡᠷᠡᠭᠰᠡᠨ ᠦᠭᠡᠢ ᠮᠣᠩᠭᠤᠯ ᠬᠥᠮᠥᠨ ᠬᠤᠪᠣᠷ᠃ ︽ᠦᠵᠡᠰᠬᠦᠯᠡᠩᠲᠦ ᠰᠠᠶᠢᠬᠠᠨ ᠮᠢᠨᠤ ᠨᠤᠲᠤᠭ︾ | ᠥᠩᠭᠡᠲᠦ ᠣᠷᠴᠢᠯᠠᠩ ᠳᠤ ᠤᠶᠠᠩᠭᠠᠷᠠᠭᠰᠠᠭᠠᠷ᠃ ︽ᠠᠪᠤ ᠡᠵᠢ ᠶᠢᠨ ᠨᠤᠲᠤᠭ ᠤᠰᠤᠨ︾ ᠠᠭᠤᠳᠠᠮ ᠲᠠᠯᠠ ᠶᠢ | ᠰᠠᠨᠠᠭᠳᠠᠭᠤᠯᠵᠤ᠂ ︽ᠪᠤᠶᠠᠨᠲᠠᠢ ᠪᠤᠭᠤᠷᠤᠯ ᠡᠵᠢ︾ ᠮᠣᠩᠭᠤᠯ ᠭᠡᠷ ᠤᠨ ᠢᠶᠠᠨ ᠡᠮᠦᠨᠡ ᠰᠠᠴᠤᠯᠢ ᠪᠠᠨ ᠡᠷᠭᠦᠨ | ᠵᠣᠭᠰᠣᠭᠰᠠᠭᠠᠷ᠃ | | | | ᠥᠨᠢᠳᠡ ᠶᠢᠨ ᠪᠠᠷᠢᠮᠲᠠᠯᠠᠯ | | | | 2023 ᠣᠨ ᠳᠤ᠂ ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ᠮᠠᠨ ᠤ ᠣᠷᠣᠨ ᠤ ᠤᠳᠬᠠ ᠤᠷᠠᠯᠢᠭ ᠤᠨ | ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ᠂ ᠱᠠᠩᠨᠠᠯᠲᠤ ᠪᠦᠲᠦᠭᠡᠯ᠂ ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠢ ᠦᠨᠡᠯᠡᠨ ᠰᠢᠭᠦᠮᠵᠢᠯᠡᠬᠦ᠂ ᠲᠤᠰᠬᠠᠢ | ᠮᠡᠷᠭᠡᠵᠢᠯᠲᠡᠨ ᠢᠶᠠᠷ ᠦᠨᠡᠯᠡᠯᠲᠡ ᠬᠢᠯᠭᠡᠬᠦ ᠲᠤᠬᠠᠢ ᠤᠬᠠᠭᠠᠯᠠᠯ ᠲᠥᠰᠥᠪᠯᠡᠯ ᠬᠢᠵᠦ᠂ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠤᠳᠬᠠ | ᠤᠷᠠᠯᠢᠭ ᠤᠨ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠶᠢᠨ ᠦᠢᠯᠡᠳᠦᠯᠭᠡ ᠪᠣᠯᠣᠨ ᠤᠳᠤ ᠦᠶᠡ ᠶᠢᠨ ᠠᠷᠠᠳ ᠤᠯᠠᠨ ᠤ ᠭᠤᠸᠠ | ᠲᠠᠭᠠᠰᠢᠶᠠᠯ ᠵᠢᠴᠢ ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠤᠨ ᠲᠤᠬᠠᠢ ᠴᠥᠬᠦᠷᠡᠰᠢ ᠦᠭᠡᠢ ᠬᠥᠭᠡᠭᠡᠴᠡᠯᠳᠦᠯ ᠲᠠᠢ | ᠤᠶᠠᠯᠳᠤᠭᠤᠯᠵᠤ᠂ ᠤᠷᠠᠨ ᠵᠣᠬᠢᠶᠠᠯ ᠤᠨ ᠰᠢᠭᠦᠮᠵᠢ᠂ ᠺᠢᠨᠣ᠋ ᠶᠢᠨ ᠰᠢᠭᠦᠮᠵᠢ᠂ ᠤᠷᠠᠨ ᠵᠢᠷᠤᠭ ᠤᠨ ᠰᠢᠭᠦᠮᠵᠢ᠂ | ᠠᠷᠠᠳ ᠤᠨ ᠤᠷᠠᠯᠢᠭ ᠤᠨ ᠰᠢᠭᠦᠮᠵᠢ᠂ ᠭᠡᠷᠡᠯ ᠵᠢᠷᠤᠭ ᠤᠨ ᠰᠢᠭᠦᠮᠵᠢ᠂ ᠼᠢᠷᠺ ᠤᠨ ᠰᠢᠭᠦᠮᠵᠢ᠂ ᠶᠠᠷᠢᠶᠠᠲᠤ ᠵᠦᠴᠦᠭᠡ | ᠶᠢᠨ ᠰᠢᠭᠦᠮᠵᠢ ᠵᠡᠷᠭᠡ ᠶᠢ ᠪᠠᠭᠲᠠᠭᠠᠭᠰᠠᠨ ᠤᠳᠬᠠ ᠤᠷᠠᠯᠢᠭ ᠤᠨ ᠤᠨᠤᠯ ᠰᠢᠭᠦᠮᠵᠢ ᠶᠢᠨ ᠵᠣᠬᠢᠶᠠᠯ ᠢ ᠨᠡᠶᠢᠲᠡᠯᠡᠨ᠂ | ᠤᠳᠬᠠ ᠤᠷᠠᠯᠢᠭ ᠤᠨ ᠬᠥᠭᠵᠢᠯᠲᠡ ᠶᠢ ᠬᠥᠲᠥᠯᠥᠨ ᠳᠠᠭᠠᠭᠤᠯᠤᠭᠰᠠᠨ ᠪᠥᠭᠡᠳ ︽ᠨᠣᠪᠧᠯ ᠤᠨ ᠱᠠᠩᠨᠠᠯᠲᠤ ᠤᠷᠠᠨ | ᠵᠣᠬᠢᠶᠠᠯ ᠤᠨ ᠲᠠᠶᠢᠯᠤᠮᠵᠢ︾᠂︽ᠲᠢᠲᠢᠮ ᠦᠭᠡ︾᠂ ︽ᠨᠣᠮ ᠤᠨ ᠵᠣᠭᠤᠭ︾ ᠵᠡᠷᠭᠡ ᠰᠢᠨᠡ ᠪᠤᠯᠤᠩ ᠨᠡᠭᠡᠭᠡᠵᠦ᠂ | ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠢ ᠲᠠᠶᠢᠯᠪᠤᠷᠢᠯᠠᠨ ᠲᠠᠨᠢᠯᠴᠠᠭᠤᠯᠬᠤ᠂ ᠨᠡᠶᠢᠭᠡᠮ ᠤᠨ ᠵᠥᠪ ᠦᠷᠳᠡᠭ ᠤᠨ ᠦᠵᠡᠯᠲᠡ ᠶᠢ | ᠤᠬᠠᠭᠤᠯᠤᠨ᠂ ᠨᠣᠮ ᠤᠩᠰᠢᠵᠤ ᠮᠡᠳᠡᠯᠭᠡ ᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠶᠢ ᠤᠷᠢᠶᠠᠯᠠᠭᠰᠠᠨ ᠪᠠᠶᠢᠨᠠ᠃ | | | ᠴᠠᠭ ᠦᠶᠡ ᠶᠢᠨ ᠤᠷᠤᠰᠬᠠᠯ ᠤᠨ ᠡᠮᠦᠨᠡ ᠡᠩᠨᠡᠭᠡᠨ ᠳᠤ ᠵᠣᠭᠰᠣᠵᠤ᠂ ᠦᠵᠡᠯ ᠰᠠᠨᠠᠭᠠ ᠨᠢ ᠭᠦᠨ ᠭᠦᠨᠵᠡᠭᠡᠢ᠂ | ᠬᠡᠪ ᠨᠠᠮᠪᠠ ᠨᠢ ᠴᠡᠪᠡᠷ ᠪᠣᠷᠣᠭᠵᠢᠭᠤᠨ᠂ ᠳᠣᠷᠪᠢᠯᠢᠭ ᠰᠢᠯᠢᠳᠡᠭ ᠰᠢᠭᠦᠮᠵᠢ ᠶᠢᠨ ᠪᠦᠲᠦᠭᠡᠯ ᠢ ᠨᠡᠶᠢᠲᠡᠯᠡᠵᠦ᠂ ᠤᠳᠬᠠ | ᠤᠷᠠᠯᠢᠭ ᠤᠨ ᠬᠥᠭᠵᠢᠯᠲᠡ ᠶᠢ ᠳᠠᠶᠢᠴᠢᠯᠠᠬᠤ᠂ ᠤᠳᠬᠠ ᠤᠷᠠᠯᠢᠭ ᠤᠨ ᠬᠥᠭᠵᠢᠯᠲᠡ ᠳᠤ ᠤᠨᠤᠯ ᠤᠨ ᠲᠤᠯᠭᠠᠭᠤᠷᠢᠯᠠᠯ | ᠬᠠᠩᠭᠠᠬᠤ᠂ ᠤᠳᠬᠠ ᠤᠷᠠᠯᠢᠭ ᠤᠨ ᠠᠷᠠᠳ ᠲᠦᠮᠡᠨ ᠤ ᠭᠤᠸᠠ ᠰᠠᠶᠢᠬᠠᠨ ᠤ ᠦᠵᠡᠯᠲᠡ ᠪᠠ ᠦᠷᠳᠡᠭ ᠤᠨ | ᠦᠵᠡᠯᠲᠡ ᠳᠤ ᠰᠢᠮᠡ ᠲᠡᠵᠢᠭᠡᠯ ᠬᠦᠷᠲᠡᠭᠡᠬᠦ᠂ ᠠᠷᠠᠳ ᠲᠦᠮᠡᠨ ᠤ ᠤᠶᠤᠨ ᠤ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠭᠵᠢᠭᠤᠯᠬᠤ ᠳᠤ | ᠦᠢᠯᠡᠴᠢᠯᠡᠬᠦ ᠪᠣᠯ ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ᠤᠨ ᠥᠨᠢᠳᠡ ᠶᠢᠨ ᠪᠠᠷᠢᠮᠲᠠᠯᠠᠯ ᠪᠤᠯᠬᠤ ᠶᠤᠮ᠃ | | | ᠲᠢᠲᠢᠮ ᠦᠭᠡ | | | | ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ ᠠᠴᠠ ᠰᠤᠷᠪᠤᠯᠵᠢᠯᠠᠬᠴᠢ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠬᠦᠴᠦᠨ ᠢᠶᠠᠨ | ᠲᠥᠪᠯᠡᠷᠡᠭᠦᠯᠦᠨ᠂ ᠨᠠᠷᠢᠯᠢᠭ ᠤᠬᠠᠭᠠᠯᠠᠨ ᠲᠥᠰᠥᠪᠯᠡᠬᠦ ᠪᠠᠷ ᠲᠠᠮᠵᠢᠵᠤ 2023ᠣᠨ ᠳᠤ ︽ᠲᠢᠲᠢᠮ ᠦᠭᠡ︾ ᠪᠤᠯᠤᠩ | ᠨᠡᠭᠡᠭᠡᠯᠡ᠃ | | | ︽ᠲᠢᠲᠢᠮ ᠦᠭᠡ︾ ᠳᠤ ᠮᠡᠷᠭᠡᠳ ᠤᠨ ᠰᠤᠷᠭᠠᠯ ᠠᠴᠠ ᠡᠰᠢᠯᠡᠭᠰᠡᠨ ︽ᠡᠴᠢᠭᠡ ᠡᠬᠡ ᠶᠢᠨ ᠡᠨᠡᠷᠢᠯ ᠬᠠᠶᠢᠷᠠ︾ | ᠂︽ᠭᠠᠭᠴᠠᠭᠠᠷᠳᠠᠯ ᠤᠨ ᠤᠳᠬᠠ ᠠᠭᠤᠯᠭᠠ︾ ᠪᠤᠢ᠃ ︽ᠲᠢᠲᠢᠮ ᠦᠭᠡ︾ ᠳᠤ ᠬᠠᠶᠢᠷᠠ ᠬᠠᠷᠢᠭᠤᠴᠠᠯᠭᠠ᠂ ᠠᠵᠢᠯ | ᠦᠢᠯᠡᠰ᠂ ᠠᠯᠳᠠᠭᠠ ᠤᠨᠤᠭᠠ᠂ ᠠᠬᠢᠯᠲᠠ ᠲᠠᠪᠰᠢᠯᠳᠠ ᠶᠢᠨ ᠲᠤᠬᠠᠢ ᠵᠥᠪ ᠢᠳᠡᠪᠬᠢ ᠥᠭᠦᠯᠡᠮᠵᠢ ᠪᠤᠢ᠃ ︽ᠲᠢᠲᠢᠮ | ᠦᠭᠡ︾ ᠳᠤ ᠨᠡᠶᠢᠭᠡᠮ ᠤᠨ ᠲᠤᠬᠠᠢ ᠦᠵᠡᠯᠲᠡ ᠲᠠᠨᠢᠯᠲᠠ᠂ ᠬᠥᠮᠥᠨ ᠤ ᠬᠠᠷᠢᠴᠠᠭᠠᠨ ᠤ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ | ᠲᠥᠷᠥᠭᠳᠡᠯ᠂ ᠡᠰᠢ ᠶᠣᠰᠣᠨ ᠡᠳ᠋ ᠮᠥᠩᠭᠦ ᠶᠢᠨ ᠲᠤᠬᠠᠢ ᠤᠴᠢᠷᠯᠠᠯ ᠰᠢᠭᠦᠮᠵᠢᠯᠡᠯ ᠪᠤᠢ᠃ | | | ᠤᠬᠠᠭᠠᠷᠠᠵᠤ ᠠᠮᠢᠳᠤᠷᠠᠬᠤ ᠬᠤᠷᠸᠠ ᠰᠠᠶᠢᠬᠠᠨ ᠶᠤᠮ ᠠ᠋᠃ ︽ᠲᠢᠲᠢᠮ ᠦᠭᠡ︾ ᠪᠠᠨ ᠤᠩᠰᠢᠵᠤ᠂ | ᠠᠮᠢᠳᠤᠷᠠᠯ ᠳᠠᠭᠠᠨ ᠢᠳᠡᠪᠬᠢ ᠬᠦᠴᠦᠨ ᠬᠤᠷᠠᠮᠳᠤᠭᠤᠯᠤᠨ᠂ ᠠᠵᠢᠯ ᠦᠢᠯᠡᠰ ᠲᠡᠭᠡᠨ ᠢᠯᠭᠤᠬᠰᠠᠨ ᠠᠮᠵᠢᠯᠲᠠ ᠣᠯᠬᠤ | ᠪᠣᠯᠣᠭᠠᠰᠠᠢ︕ ᠤᠩᠰᠢᠭᠴᠢᠳ ᠮᠢᠨᠢ᠃ | | | | ᠠᠯᠤᠰ ᠤᠨ ᠪᠠᠷᠠ | | | ᠤᠳᠬᠠ ᠤᠷᠠᠯᠢᠭ ᠤᠨ ᠬᠥᠭᠵᠢᠯᠲᠡ ᠶᠢ ᠲᠠᠶᠢᠴᠢᠯᠠᠨ᠂ ᠤᠳᠬᠠ ᠤᠷᠠᠯᠢᠭᠴᠢᠳ ᠪᠠ ᠠᠷᠠᠳ ᠲᠦᠮᠡᠨ ᠳᠤ | ᠦᠢᠯᠡᠴᠢᠯᠡᠬᠦ ᠤᠭ ᠰᠠᠨᠠᠭᠠ ᠪᠠᠨ ᠪᠠᠲᠤ ᠴᠡᠭᠡᠵᠢᠯᠡᠵᠦ᠂ ᠲᠠ ᠨᠠᠷ ᠤᠨ ᠢᠶᠠᠨ ᠢᠷᠦᠭᠡᠯ ᠵᠥᠩᠨᠡᠯ᠂ ᠢᠲᠡᠭᠡᠯ ᠳᠡᠮᠵᠢᠯᠭᠡ | ᠶᠢ ᠡᠪᠦᠷᠯᠡᠨ ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ ᠬᠡᠪᠯᠡᠯ 2024 ᠣᠨ ᠤ ᠰᠢᠨᠡ ᠠᠶᠠᠨ ᠢᠶᠠᠨ ᠡᠬᠢᠯᠡᠭᠦᠯᠦᠨᠡ᠃ | | | ᠮᠠᠨ ᠤ ᠰᠢᠨᠡ ᠠᠶᠠᠨ ᠳᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠥᠭᠵᠢᠯᠲᠡ ᠶᠢᠨ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠪᠤᠢ᠂ ᠠᠯᠳᠠᠭᠠ | ᠤᠨᠤᠭᠠ ᠴᠦ ᠪᠤᠢ᠃ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠶᠢ ᠨᠢ ᠮᠠᠭᠲᠠᠨ ᠰᠠᠶᠢᠰᠢᠶᠠᠵᠤ᠂ ᠠᠯᠳᠠᠭᠠ ᠤᠨᠤᠭᠠ ᠶᠢ ᠨᠢ ᠰᠢᠭᠦᠮᠵᠢᠯᠡᠨ | ᠦᠨᠡᠯᠡᠬᠦ ᠪᠣᠯ ᠠᠬᠢᠯᠲᠠ ᠲᠠᠪᠰᠢᠯᠳᠠ ᠳᠤ ᠨᠢ ᠬᠤᠷᠳᠤ ᠨᠡᠮᠡᠬᠦ ᠶᠢᠨ ᠵᠣᠷᠢᠯ᠃ ︽ᠠᠯᠳᠠᠨ ᠵᠤᠤᠵᠠᠢ︾ ᠲᠤᠰᠬᠠᠢ | ᠬᠡᠪᠯᠡᠯ 2024 ᠣᠨ ᠳᠤ ᠮᠠᠨ ᠤ ᠣᠷᠣᠨ ᠤ ᠡᠯᠡ ᠶᠡᠭᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠪᠠ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠡᠲᠡᠭᠡᠳ ᠤᠨ ᠦᠵᠦ ᠡᠷᠳᠡᠮᠲᠡᠳ ᠢ ᠤᠷᠢᠵᠤ᠂ ᠤᠳᠬᠠ ᠵᠣᠬᠢᠶᠠᠯ ᠤᠨ ᠤᠨᠤᠯ ᠰᠢᠭᠦᠮᠵᠢ ᠶᠢᠨ ᠵᠣᠬᠢᠶᠠᠯ | ᠪᠢᠴᠢᠭᠦᠯᠦᠨ ᠨᠡᠶᠢᠲᠡᠯᠡᠭᠦᠯᠬᠦ ᠪᠠᠷ ᠲᠥᠰᠥᠪᠯᠡᠭᠡᠳ ᠪᠤᠢ᠃ | | | ᠮᠠᠨ ᠤ ᠰᠢᠨᠡ ᠠᠶᠠᠨ ᠳᠤ ᠨᠣᠮ ᠲᠠᠢ ᠬᠠᠨᠢᠯᠠᠬᠤ ᠶᠢᠨ ᠦᠨᠡ ᠴᠡᠨᠡ᠂ ᠰᠣᠩᠭᠤᠳᠠᠭ ᠪᠦᠲᠦᠭᠡᠯ ᠤᠨ ᠰᠢᠳᠢ | ᠭᠠᠶᠢᠬᠠᠮᠰᠢᠭ᠂ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠤᠨ ᠪᠢᠯᠢᠭ ᠰᠤᠷᠭᠠᠯ᠂ ᠥᠭᠡᠳᠡᠷᠬᠡᠭ ᠠᠮᠢᠳᠤᠷᠠᠯ ᠤᠨ ᠤᠷᠠ ᠤᠬᠠᠭᠠᠨ᠂ | ᠤᠷᠠᠯᠢᠭ ᠤᠨ ᠰᠢᠨᠡ ᠤᠳᠤᠨ ᠤ ᠬᠢᠴᠢᠶᠡᠯ ᠵᠢᠳᠬᠦᠯ ᠪᠤᠢ᠃ | | | 2024 ᠣᠨ ᠤ ᠰᠢᠨᠡ ᠠᠶᠠᠨ ᠤ ᠠᠯᠤᠰ ᠤᠨ ᠪᠠᠷᠠ ᠲᠣᠳᠣᠬᠠᠨ᠃ ᠪᠢᠳᠠ ᠬᠠᠮᠲᠤ ᠪᠠᠷ ᠰᠢᠨᠡ | ᠠᠶᠠᠨ ᠳᠠᠭᠠᠨ ᠮᠣᠷᠳᠠᠵᠠᠭᠠᠶᠠ︕ |