| | ᠨᠢᠭᠡ | | | ᠬᠠᠶᠢᠷᠠ ᠰᠡᠳᠬᠢᠯ ᠤᠨ ᠬᠢᠮᠤᠷᠠᠯ ᠠᠴᠠ ᠪᠣᠯᠵᠤ ᠨᠥᠬᠦᠷ ᠠᠴᠠ ᠪᠠᠨ ᠰᠠᠯᠤᠭᠠᠳ ᠵᠢᠯ ᠭᠠᠷᠤᠢ ᠪᠣᠯᠴᠢᠬᠠᠯᠠ᠃ | | | ᠪᠠᠶᠢᠭᠤᠯᠭᠠ ᠶᠢᠨ ᠨᠡᠶᠢᠳᠡ ᠶᠢᠨ ᠪᠠᠶᠢᠷᠢ ᠳᠤ ᠭᠠᠭᠴᠠ ᠨᠢᠭᠡ ᠪᠦᠰᠡᠭᠦᠢ ᠬᠥᠮᠥᠨ ᠣᠷᠣᠩᠨᠠᠬᠤ ᠭᠡᠵᠦ ᠪᠠᠰᠠ | ᠴᠦ ᠬᠡᠴᠡᠭᠦᠦ ᠪᠣᠯᠬᠤᠷ ᠠᠷᠭᠠ ᠪᠤᠰᠤ ᠲᠠᠨᠢᠯ ᠨᠠᠶᠢᠵᠠ ᠪᠠᠷ ᠢᠶᠠᠨ ᠰᠤᠷᠠᠭᠯᠠᠭᠤᠯᠵᠤ ᠪᠠᠶᠢᠭᠠᠳ ᠪᠠᠶᠢᠭᠤᠯᠭᠠ ᠠᠴᠠ | ᠣᠶᠢᠷᠠᠬᠠᠨ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠲᠣᠭᠤᠷᠢᠭ ᠤᠨ ᠭᠤᠷᠪᠠᠳᠤᠭᠠᠷ ᠳᠠᠪᠬᠤᠷᠯᠢᠭ ᠲᠤ ᠨᠢᠭᠡ ᠤᠷᠤᠴᠠ | ᠲᠦᠷᠢᠶᠡᠰᠦᠯᠡᠪᠡ᠃ | | | ᠥᠷᠯᠥᠭᠡ ᠦᠳᠡᠰᠢ ᠠᠰᠠᠷ ᠤᠨ ᠱᠠᠲᠤ ᠪᠠᠷ ᠮᠠᠴᠤᠵᠤ ᠪᠠᠭᠤᠬᠤ ᠪᠣᠯᠭᠠᠨ ᠳᠡᠭᠡᠷᠡ ᠤᠷᠤᠴᠠ ᠶᠢᠨ ᠵᠢᠭᠠᠯ ᠲᠠᠢ | ᠳᠠᠩᠳᠠ ᠠᠭᠤᠯᠵᠠᠨᠠ᠃ ᠠᠭᠤᠯᠵᠠᠬᠤ ᠪᠣᠯᠭᠠᠨ ᠵᠢᠭᠠᠯ ᠬᠦᠦ ᠨᠠᠮᠠᠶᠢ ᠨᠢᠳᠦ ᠰᠠᠯᠭᠠᠯ ᠦᠭᠡᠢ ᠰᠢᠷᠳᠡᠨᠠ᠂ ᠬᠠᠶᠠ ᠪᠠᠰᠠ | ᠱᠠᠲᠤᠨ ᠳᠡᠭᠡᠷᠡ ᠵᠤᠭ ᠵᠣᠭᠰᠣᠵᠤ ᠮᠢᠨᠤ ᠠᠷᠤ ᠠᠴᠠ ᠤᠳᠠᠲᠠᠯᠠ ᠰᠢᠷᠳᠡᠳᠡᠭ ᠢ ᠪᠢ ᠨᠢᠳᠦᠨ ᠪᠤᠯᠤᠩ ᠢᠶᠠᠷ ᠢᠶᠠᠨ | ᠣᠯᠠᠨᠲᠠ ᠬᠠᠷᠠᠭᠰᠠᠨ ᠶᠤᠮ᠃ ᠲᠡᠷᠡ ᠵᠢᠭᠠᠯ ᠤᠨ ᠤᠷᠳᠤ ᠰᠣᠷᠮᠤᠤᠰᠤ ᠲᠠᠢ ᠳᠦᠷᠯᠡᠭᠡᠷ ᠬᠠᠷᠠ ᠨᠢᠳᠦ ᠶᠢ ᠬᠠᠷᠠᠬᠤ | ᠪᠦᠷᠢ ᠪᠢ ᠬᠦᠦ ᠪᠠᠨ ᠰᠠᠨᠠᠵᠤ ᠣᠯᠳᠠᠭ᠃ | | | ᠬᠥᠭᠡᠷᠦᠬᠦᠢ ᠬᠦᠦ ᠮᠢᠨᠢ ᠤᠳᠤ ᠬᠠᠮᠢᠭᠠᠭᠤᠷ ᠪᠠᠶᠢᠭᠠ ᠪᠣᠯ ᠳ᠋ᠠ︖ | | | ᠨᠥᠬᠦᠷ ᠲᠠᠢ ᠪᠠᠨ ᠤᠷᠤᠭ ᠰᠠᠯᠬᠤ ᠦᠶᠡ ᠳᠤ ᠬᠦᠦ ᠶᠢ ᠮᠢᠨᠢ ᠡᠪᠦᠭᠡ ᠡᠮᠡᠭᠡ ᠨᠢ ᠬᠥᠳᠡᠭᠡ ᠳᠡᠭᠡᠨ ᠠᠪᠤᠭᠠᠳ | ᠶᠠᠪᠤᠭᠰᠠᠨ ᠶᠤᠮ᠃ ᠠᠩᠬᠠ ᠠᠩᠬᠠᠨ ᠳᠠᠭᠠᠨ ᠰᠠᠷᠠ ᠳᠤ ᠨᠢᠭᠡ ᠤᠳᠠᠭᠠ ᠨᠠᠳᠠ ᠲᠠᠢ ᠠᠭᠤᠯᠵᠠᠭᠤᠯᠳᠠᠭ ᠪᠠᠶᠢᠭᠰᠠᠨ | ᠪᠣᠯ ᠰᠡᠭᠦᠯᠳᠡᠵᠦ ᠢᠷᠡᠭᠡᠳ ᠪᠦᠷ ᠠᠭᠤᠯᠵᠠᠭᠤᠯᠬᠤ ᠪᠠᠨ ᠪᠣᠯᠢᠴᠢᠬᠠᠵᠠᠢ᠃ ᠬᠤᠵᠢᠮ ᠨᠢ ᠰᠣᠨᠣᠰᠬᠤᠯᠠ ᠡᠪᠦᠭᠡ ᠡᠮᠡᠭᠡ | ᠨᠢ ᠣᠮᠪᠣᠯᠣ ᠪᠠᠨ ᠠᠪᠤᠭᠠᠳ ᠥᠭᠡᠷᠡ ᠠᠶᠢᠮᠠᠭ ᠬᠤᠳᠠ ᠳᠤ ᠨᠡᠭᠦᠵᠦ ᠶᠠᠪᠤᠯᠠ ᠭᠡᠨᠡ᠃ ᠡᠬᠡ ᠦᠷᠡ ᠶᠢᠨ ᠰᠡᠳᠬᠢᠯ | ᠭᠡᠵᠦ ᠶᠡᠷᠦᠨᠢ ᠲᠠᠲᠠᠯᠳᠤᠭᠠᠳ ᠪᠠᠶᠢᠳᠠᠭ ᠴᠦ ᠪᠣᠯᠪᠠᠤ ᠡᠳᠦᠷ ᠰᠥᠨᠢ ᠶᠢᠨ ᠬᠤᠪᠢᠨ ᠳᠤ ᠬᠦᠦ ᠮᠢᠨᠢ ᠰᠡᠳᠬᠢᠯ ᠠᠴᠠ | ᠭᠠᠷᠴᠤ ᠦᠭᠳᠡᠭ ᠦᠭᠡᠢ ᠨᠢ ᠠ᠋᠃ ᠨᠡᠩ ᠴᠦ ᠡᠨᠡ ᠬᠦ ᠰᠢᠨᠡ ᠠᠰᠠᠷ ᠲᠤ ᠨᠡᠭᠦᠵᠦ ᠢᠷᠡᠭᠡᠳ ᠵᠢᠭᠠᠯ ᠬᠦᠦ ᠲᠠᠢ | ᠤᠴᠠᠷᠠᠬᠤ ᠪᠣᠯᠭᠠᠨ ᠬᠦᠦ ᠪᠠᠨ ᠰᠠᠨᠠᠬᠤ ᠰᠡᠳᠬᠢᠯ ᠨᠡᠩ ᠬᠦᠨᠳᠦ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ | | | ᠬᠠᠶᠠ ᠪᠢ ᠪᠠᠰᠠ ᠲᠡᠷᠡ ᠵᠢᠭᠠᠯ ᠬᠦᠦ ᠳᠤ ᠡᠭᠳᠡᠭᠦᠴᠡᠬᠦ ᠰᠡᠳᠬᠢᠯ ᠲᠦᠷᠦᠨᠡ᠃ ᠨᠡᠩ ᠴᠦ ᠲᠡᠭᠦᠨ ᠤ | ᠥᠮᠥᠳᠦᠨ ᠲᠠᠯᠠᠢ ᠠᠴᠠ ᠪᠠᠨ ᠵᠡᠭᠦᠭᠰᠡᠨ ᠨᠢᠭᠡ ᠪᠠᠭᠴᠠ ᠲᠦᠯᠬᠢᠭᠦᠷ ᠠᠴᠠ᠃ | | | ᠲᠡᠷᠡ ᠡᠳᠦᠷᠵᠢᠨ ᠲᠦᠯᠬᠢᠭᠦᠷ ᠱᠠᠷᠴᠢᠭᠢᠨᠠᠭᠤᠯᠤᠨ ᠠᠰᠠᠷ ᠤᠨ ᠱᠠᠲᠤ ᠪᠠᠷ ᠪᠠᠶᠢᠰᠬᠢᠭᠡᠳ ᠪᠠᠭᠤᠨᠠ᠂ | ᠪᠠᠶᠢᠰᠬᠢᠭᠡᠳ ᠭᠠᠷᠤᠨᠠ᠃ ᠪᠢ ᠳᠣᠲᠣᠷᠠ ᠪᠠᠨ ᠳᠡᠭᠡᠷᠡ ᠤᠷᠤᠴᠠ ᠶᠢᠨ ᠡᠨᠡ ᠬᠦ ᠠᠶᠢᠯ ᠤᠨ ᠠᠯᠢᠪᠠ ᠠᠵᠢᠯ ᠢ | ᠭᠠᠭᠴᠠ ᠡᠨᠡ ᠵᠢᠭᠠᠯ ᠯᠡ ᠬᠢᠵᠦ᠂ ᠲᠣᠮᠣᠴᠤᠤᠯ ᠨᠢ ᠭᠡᠵᠦ ᠴᠣᠬᠤᠮ ᠨᠢᠭᠡ ᠰᠢᠭᠢᠷᠡ ᠪᠠᠨ ᠲᠦᠯᠡᠵᠦ ᠢᠳᠡᠭᠰᠡᠨ | ᠠᠯᠵᠠᠭᠤ ᠨᠣᠶᠠᠨ ᠪᠠᠶᠢᠵᠤ ᠳ᠋ᠠ ᠭᠡᠵᠦ ᠪᠤᠳᠤᠪᠠ᠃ | | | ᠰᠠᠭᠤᠭᠠᠯᠢ ᠲᠣᠭᠤᠷᠢᠭ ᠲᠤ ᠴᠠᠭᠢᠯᠭᠠᠨ ᠵᠣᠭᠰᠣᠭᠰᠠᠨ ᠨᠢᠭᠡ ᠦᠳᠡᠰᠢ᠂ ᠪᠢ ᠡᠷᠲᠡᠬᠡᠨ ᠰᠢᠭ ᠠᠮᠠᠷᠠᠶᠠ ᠭᠡᠵᠦ | ᠣᠷᠣᠨ ᠳᠠᠭᠠᠨ ᠰᠢᠷᠭᠤᠯᠠ᠃ ᠨᠢᠳᠦ ᠪᠠᠨ ᠠᠨᠢᠨ ᠪᠠᠭ᠋ᠠᠨ ᠵᠡᠭᠦᠷᠮᠡᠭᠯᠡᠲᠡᠯᠡ᠂ ᠵᠢᠭᠠᠯ ᠬᠦᠦ ᠲᠦᠯᠬᠢᠭᠦᠷ | ᠱᠠᠷᠴᠢᠭᠢᠨᠠᠭᠤᠯᠤᠨ ᠭᠦᠶᠦᠵᠦ ᠢᠷᠡᠭᠡᠳ ᠡᠭᠦᠳᠡᠨ ᠬᠤᠩᠬᠤ ᠶᠢ ᠵᠢᠵᠢᠭᠢᠨᠡᠭᠦᠯᠪᠡ᠃ | | | ︽ᠬᠥᠮᠥᠨ ᠢ ᠠᠮᠤᠷ ᠵᠢᠮᠤᠷ ᠪᠠᠶᠢᠯᠭᠠᠳᠠᠭ ᠦᠭᠡᠢ ᠶᠠᠮᠠᠷ ᠬᠠᠴᠢᠨ ᠲᠦᠢᠳᠬᠡᠷ ᠪᠤᠢ︾ ᠭᠡᠵᠦ ᠠᠭᠤᠷᠯᠠᠭᠰᠠᠨ | ᠬᠦᠴᠦᠨ ᠳᠡᠭᠡᠨ ᠪᠢ ᠴᠢᠷᠦᠭᠦᠯ ᠱᠠᠬᠠᠢ ᠪᠠᠨ ᠴᠦ ᠤᠭᠯᠠᠯ ᠦᠭᠡᠢ ᠭᠦᠶᠦᠨ ᠬᠦᠷᠴᠦ᠂ ᠠᠭᠤᠷᠲᠠᠢ ᠰᠢᠭ᠋ ᠡᠭᠦᠳᠡ ᠪᠠᠨ | ᠨᠡᠭᠡᠭᠡᠪᠡᠯ᠂ ᠵᠢᠭᠠᠯ ᠬᠦᠦ ᠭᠠᠷ ᠲᠠᠭᠠᠨ ᠨᠢᠭᠡᠨ ᠯᠠ ᠠᠳᠬᠤᠴᠢᠬᠠᠭᠰᠠᠨ᠄ ︽ᠠᠨᠢᠶᠠ ᠠ᠋᠂ ᠴᠠᠭᠢᠯᠭᠠᠨ ᠵᠣᠭᠰᠣᠴᠢᠬᠠᠵᠠᠢ᠂ | ᠬᠠᠷᠠᠩᠭᠤᠢ ᠳᠤ ᠲᠠᠨ ᠢ ᠠᠶᠤᠭᠤᠵᠠᠢ ᠬᠡᠮᠡᠨ ᠡᠵᠢ ᠴᠢᠮᠠ ᠳᠤ ᠬᠦᠷᠭᠡᠭᠦᠯᠦᠭᠰᠡᠨ ᠶᠤᠮ᠂ ᠮᠢᠨᠤ ᠡᠵᠢ ᠬᠡᠳᠦᠶᠢᠪᠡᠷ | ᠬᠠᠷᠠᠭᠠ ᠪᠠᠨ ᠠᠯᠳᠠᠵᠤ ᠭᠡᠷᠡᠯ ᠭᠡᠭᠡ ᠪᠠ ᠪᠦᠷᠬᠦᠭ ᠬᠠᠷᠠᠩᠭᠤᠢ ᠶᠢ ᠢᠯᠭᠠᠵᠤ ᠳᠡᠶᠢᠯᠳᠡᠭ ᠦᠭᠡᠢ ᠴᠦ ᠥᠷᠥᠪᠴᠢ | ᠵᠥᠭᠡᠯᠡᠬᠡᠨ ᠰᠡᠳᠬᠢᠯ ᠲᠠᠢ ᠬᠥᠮᠥᠨ ᠰᠢᠤ︾ ᠭᠡᠵᠦ ᠳᠦᠷᠯᠡᠭᠡᠷ ᠬᠠᠷᠠ ᠨᠢᠳᠦ ᠪᠠᠨ ᠴᠠᠪᠴᠢᠯᠠᠨ᠂ ᠬᠠᠨᠴᠤᠢ ᠪᠠᠷ ᠢᠶᠠᠨ | ᠬᠥᠯᠥᠰᠦ ᠪᠤᠷᠴᠠᠭᠯᠠᠭᠰᠠᠨ ᠬᠠᠯᠲᠠᠷ ᠮᠠᠩᠨᠠᠢ ᠪᠠᠨ ᠵᠦᠯᠭᠦᠵᠦ ᠪᠠᠶᠢᠭᠠ ᠬᠥᠭᠡᠷᠦᠬᠦᠶᠢᠯᠡᠯᠲᠡᠢ ᠠᠳᠠᠯᠠ ᠪᠠᠨ ᠠᠶᠤᠵᠤ | ᠡᠮᠢᠶᠡᠭᠰᠡᠨ ᠲᠥᠷᠬᠦ ᠨᠢ ᠭᠠᠷ ᠤᠲᠠᠰᠤᠨ ᠤ ᠪᠦᠳᠡᠭᠢᠬᠡᠨ ᠭᠡᠷᠡᠯ ᠳᠤ ᠲᠣᠳᠣᠷᠬᠠᠢ ᠬᠠᠷᠠᠭᠳᠠᠪᠠ᠃ ᠣᠷᠭᠢᠯᠤᠨ | ᠪᠤᠴᠠᠯᠤᠭᠰᠠᠨ ᠠᠭᠤᠷ ᠣᠮᠤᠭ ᠲᠡᠷᠡ ᠳᠣᠣᠷᠠ ᠪᠠᠨ ᠨᠠᠮᠬᠠᠷᠠᠵᠤ᠂ ᠶᠠᠭᠤ ᠬᠡᠯᠡᠬᠦ ᠪᠠᠨ ᠣᠯᠵᠤ ᠶᠠᠳᠠᠭᠰᠠᠨ ᠪᠢ | ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠲᠡᠷᠡᠬᠦ ᠵᠢᠭᠠᠯ ᠢ ᠡᠯᠢᠭᠡᠨ ᠳᠡᠭᠡᠨ ᠲᠡᠪᠡᠷᠢᠨ ᠠᠪᠤᠯᠠ᠃ ᠬᠡᠳᠦᠢ ᠤᠳᠠᠭᠰᠠᠨ ᠢ ᠮᠡᠳᠡᠭᠰᠡᠨ | ᠦᠭᠡᠢ᠃ ᠵᠢᠭᠠᠯ ᠬᠦᠦ ᠮᠢᠨᠤ ᠭᠠᠷ ᠠᠴᠠ ᠮᠤᠯᠲᠤᠷᠠᠨ ᠨᠠᠳᠬᠤᠭᠰᠠᠨ ᠢᠨᠵᠠᠭᠠ ᠰᠢᠭ᠋ ᠪᠠᠶᠠᠰᠤᠯᠲᠠᠢ ᠨᠢ ᠠᠷᠭᠠ ᠦᠭᠡᠢ | ᠲᠦᠯᠬᠢᠭᠦᠷ ᠢᠶᠠᠨ ᠱᠠᠷᠴᠢᠭᠢᠨᠠᠭᠤᠯᠤᠭᠰᠠᠭᠠᠷ ᠱᠠᠲᠤ ᠥᠭᠰᠥᠨ ᠦᠰᠦᠷᠬᠢᠯᠡᠨ ᠣᠳᠪᠠ ᠁ | | | ᠪᠢ ᠵᠢᠭᠠᠯ ᠬᠦᠦ ᠶᠢᠨ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠯᠠ ᠶᠢ ᠠᠳᠬᠤᠭᠰᠠᠭᠠᠷ ᠬᠠᠭᠠᠰ ᠨᠡᠭᠡᠭᠡᠯᠲᠡᠲᠡᠢ ᠬᠠᠭᠠᠯᠭᠠᠨ | ᠳᠡᠭᠡᠷᠡ ᠪᠠᠨ ᠤᠳᠠᠲᠠᠯᠠ ᠮᠡᠯᠡᠷᠡᠨ ᠵᠣᠭᠰᠣᠯᠠ᠃ | | | ᠨᠢᠭᠡ ᠮᠡᠳᠡᠬᠦ ᠳᠤ ᠲᠦᠨᠡᠷ ᠬᠠᠷᠠᠩᠭᠤᠢ ᠠᠰᠠᠷ ᠤᠨ ᠭᠤᠳᠤᠮᠵᠢ ᠪᠠ ᠮᠢᠨᠤ ᠪᠤᠳᠤᠯ ᠰᠡᠳᠬᠢᠯ ᠰᠢᠭ | ᠢᠪᠴᠤᠤᠬᠠᠨ ᠵᠢᠵᠢᠭ ᠥᠷᠥᠭᠡᠨ ᠳᠤ ᠲᠡᠷᠡᠬᠡᠨ ᠵᠠᠭᠤᠷᠠ ᠲᠦᠮᠡ ᠮᠢᠩᠭᠠᠨ ᠰᠢᠷᠬᠡᠭ ᠯᠠ ᠵᠡᠷᠭᠡ ᠳᠡᠭᠡᠨ ᠳᠤᠸᠠᠯᠠᠭᠰᠠᠨ | ᠰᠢᠭ᠋ ᠭᠡᠷᠡᠯ ᠭᠡᠭᠡ ᠲᠠᠢ ᠪᠣᠯᠪᠠ ᠁ | | | ᠬᠤᠶᠠᠷ | | | ᠠᠰᠠᠷ ᠤᠨ ᠱᠠᠲᠤ ᠪᠠᠷ ᠭᠠᠷᠴᠤ ᠪᠠᠭᠤᠬᠤ ᠪᠣᠯᠭᠠᠨ ᠵᠢᠭᠠᠯ ᠬᠦᠦ ᠲᠠᠢ ᠡᠳᠦᠷ ᠤᠨ ᠭᠡᠳᠦ ᠤᠳᠠᠭᠠ ᠤᠴᠠᠷᠠᠨᠠ᠃ | ᠲᠡᠭᠦᠨ ᠲᠠᠢ ᠤᠴᠠᠷᠠᠬᠤ ᠪᠣᠯᠭᠠᠨ ᠲᠡᠷᠡᠬᠦ ᠤᠷᠳᠤ ᠰᠣᠷᠮᠤᠤᠰᠤ ᠲᠠᠢ ᠭᠡᠷᠡᠯ ᠲᠠᠲᠠᠭᠰᠠᠨ ᠳᠦᠷᠯᠡᠭᠡᠷ ᠬᠠᠷᠠ ᠨᠢᠳᠦ | ᠨᠠᠮᠠᠶᠢ ᠰᠠᠯᠭᠠᠯ ᠦᠭᠡᠢ ᠰᠢᠷᠳᠡᠵᠦ᠂ ᠡᠳᠦᠷ ᠤᠨ ᠤᠳᠠᠭᠠᠨ ᠳᠠᠭᠠᠨ ᠲᠡᠷᠡᠬᠦ ᠳᠦᠷᠯᠡᠭᠡᠷ ᠬᠠᠷᠠ ᠨᠢᠳᠦ ᠲᠤᠩ ᠲᠠᠰᠤᠯ | ᠪᠣᠯᠴᠢᠬᠠᠵᠠᠢ᠃ | | | ᠨᠢᠭᠡ ᠤᠳᠠᠭᠠ ᠵᠢᠭᠠᠯ ᠬᠦᠦ ᠮᠥᠨ ᠯᠠ ᠲᠡᠭᠡᠵᠤ ᠨᠠᠮᠠᠶᠢ ᠨᠢᠳᠦ ᠰᠠᠯᠭᠠᠯ ᠦᠭᠡᠢ ᠰᠢᠷᠳᠡᠭᠰᠡᠭᠡᠷ ᠪᠠᠶᠢᠵᠤ | ᠬᠥᠯ ᠠᠯᠳᠠᠨ ᠠᠰᠠᠷ ᠤᠨ ᠱᠠᠲᠤᠨ ᠳᠤ ᠬᠠᠯᠲᠤ ᠭᠢᠰᠬᠢᠨ ᠪᠦᠳᠦᠷᠢᠨ ᠤᠨᠠᠪᠠ᠃ ᠵᠣᠯ ᠲᠠᠢ ᠳᠠᠭᠠᠨ ᠪᠢ ᠱᠠᠲᠤ | ᠥᠭᠰᠥᠨ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠲᠡᠭᠦᠨ ᠢ ᠲᠡᠪᠡᠷᠢᠨ ᠠᠪᠤᠪᠠ᠃ ᠵᠢᠭᠠᠯ ᠬᠦᠦ ᠬᠥᠬᠡᠷᠡᠵᠦ ᠪᠣᠷᠣᠯᠠᠭᠰᠠᠨ | ᠡᠪᠦᠳᠦᠭ ᠢᠶᠠᠨ ᠲᠡᠮᠲᠡᠷᠢᠨ ᠰᠢᠨᠠᠯᠤᠨ ᠡᠪᠡᠳᠬᠦ ᠶᠢ ᠰᠢᠳᠤ ᠵᠠᠭᠤᠨ ᠲᠡᠰᠪᠦᠷᠢᠯᠡᠬᠦ ᠪᠤᠯᠪᠠᠴᠤ ᠳᠦᠷᠯᠡᠭᠡᠷ ᠬᠠᠷᠠ | ᠨᠢᠳᠦᠨ ᠠᠴᠠ ᠪᠠᠨ ᠲᠤᠭᠤᠯᠠᠩ ᠨᠢᠯᠪᠤᠰᠤ ᠤᠨᠠᠭᠠᠪᠠ᠃ | | | ︽ᠭᠠᠶᠢᠭᠤᠢ ᠪᠠᠶᠢᠬᠠ᠂ ᠮᠢᠨᠤ ᠬᠦᠦ᠂ ᠠᠨᠢᠶᠠ ᠨᠢ ᠦᠯᠢᠶᠡᠵᠦ ᠦᠭᠭᠦᠶᠡ︾ ᠭᠡᠳ ᠡᠪᠦᠳᠦᠭ ᠢ ᠨᠢ ᠦᠯᠢᠶᠡᠨ | ᠥᠭᠬᠦ ᠳᠤ ᠬᠦᠦ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ ᠮᠡᠭᠰᠢᠭᠰᠡᠭᠡᠷ᠄ | | | ︽ᠮᠢᠨᠤ ᠡᠵᠢ ᠤᠤᠯ ᠳᠠᠭᠠᠨ ᠶᠠᠭ ᠯᠠ ᠠᠨᠢᠶᠠ ᠲᠠᠨ ᠰᠢᠭ᠋ ᠤᠷᠳᠤ ᠰᠣᠷᠮᠤᠤᠰᠤ ᠲᠠᠢ᠂ ᠰᠠᠶᠢᠬᠠᠨ ᠠᠯᠠᠭ | ᠨᠢᠳᠦ ᠲᠠᠢ ᠪᠠᠶᠢᠭᠰᠠᠨ ᠰᠢᠤ᠂ ᠡᠭᠡᠴᠢ ᠲᠠᠨ ᠤ ᠨᠢᠳᠦ ᠶᠢ ᠬᠠᠷᠠᠬᠤ ᠪᠣᠯᠭᠠᠨ ᠪᠢ ᠡᠵᠢ ᠶᠢᠨ ᠢᠶᠠᠨ ᠰᠠᠶᠢᠬᠠᠨ ᠠᠯᠠᠭ | ᠨᠢᠳᠦ ᠶᠢ ᠡᠷᠬᠡ ᠦᠭᠡᠢ ᠰᠠᠨᠠᠵᠤ ᠣᠯᠳᠠᠭ᠂ ᠡᠷᠡᠭᠦᠯ ᠰᠠᠷᠠᠭᠤᠯ ᠨᠢᠳᠦ ᠲᠠᠢ ᠬᠥᠮᠥᠨ ᠬᠡᠴᠢᠨᠡᠨ ᠰᠠᠶᠢᠬᠠᠨ ᠪᠤᠢ︕︾ | ᠭᠡᠵᠦ ᠡᠯᠢᠭᠡᠨ ᠳᠤ ᠨᠠᠭᠠᠯᠳᠤᠨ ᠡᠵᠢ ᠶᠢᠨ ᠢᠶᠠᠨ ᠨᠢᠳᠦ ᠪᠠᠨ ᠠᠯᠳᠠᠭᠰᠠᠨ ᠥᠩᠭᠡᠷᠡᠯᠲᠡ ᠶᠢ ᠨᠢ ᠨᠤ ᠦᠭᠡᠢ ᠨᠠᠳᠠᠳᠤ | ᠶᠠᠷᠢᠵᠤ ᠪᠢᠯᠡ᠄ ᠤᠤᠯ ᠨᠢ ᠲᠡᠭᠦᠨ ᠤ ᠡᠵᠢ ᠶᠠᠭᠠᠷᠮᠠᠭ ᠳᠡᠭᠡᠷᠡ ᠪᠠᠨ ᠠᠷᠰᠠᠷ ᠢᠳᠡᠭᠡᠨ ᠬᠤᠳᠠᠯᠳᠤᠵᠤ ᠪᠠᠶᠢᠭᠠᠳ | ᠰᠣᠭᠲᠣᠭᠤ ᠪᠠᠷ ᠮᠠᠰᠢᠨ ᠪᠠᠷᠢᠭᠰᠠᠨ ᠲᠡᠷᠭᠡᠨ ᠳᠤ ᠠᠳᠡᠭᠳᠡᠵᠦ᠂ ᠬᠤᠶᠠᠷ ᠨᠢᠳᠦᠨ ᠤ ᠬᠠᠷᠠᠭᠠ ᠪᠠᠨ ᠠᠯᠳᠠᠭᠰᠠᠨ | ᠪᠥᠭᠡᠳ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠵᠢᠭᠠᠯ ᠬᠦᠦ ᠶᠢᠨ ᠲᠦᠯᠬᠢᠭᠦᠷ ᠤᠨ ᠲᠠᠭᠤᠨ ᠢᠶᠠᠷ ᠬᠦᠦ ᠶᠢᠨ ᠢᠶᠠᠨ ᠢᠷᠡᠵᠤ | ᠶᠠᠪᠤᠭᠠ ᠶᠢ ᠴᠢᠩᠨᠠᠳᠠᠭ ᠪᠣᠯᠤᠭᠰᠠᠨ ᠠᠵᠢ ᠁ | | | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠵᠢᠭᠠᠯ ᠬᠦᠦ ᠶᠢ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠠᠴᠠ ᠪᠠᠨ ᠦᠷᠦᠪᠳᠦᠭᠦ ᠪᠣᠯᠤᠭᠰᠠᠨ | ᠪᠥᠭᠡᠳ ᠡᠳᠦᠷ ᠪᠣᠯᠭᠠᠨ ᠲᠡᠭᠦᠨ ᠲᠠᠢ ᠤᠴᠠᠷᠠᠬᠤ ᠦᠭᠡᠢ ᠪᠣᠯ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠪᠠᠨ ᠠᠯᠳᠠᠭᠰᠠᠨ ᠰᠢᠭ᠋ | ᠰᠡᠳᠬᠢᠯ ᠡᠵᠡᠭᠦᠶᠢᠷᠡᠳᠡᠭ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ | | | ᠭᠤᠷᠪᠠ | | | ᠵᠢᠭᠠᠯ ᠬᠦᠦ ᠶᠢᠨ ᠪᠠᠷᠠ ᠶᠢ ᠣᠯᠵᠤ ᠬᠠᠷᠠᠭᠰᠠᠨ ᠦᠭᠡᠢ ᠰᠠᠷᠠ ᠰᠢᠬᠠᠮ ᠪᠣᠯᠪᠠ᠃ ᠲᠡᠷᠡ ᠴᠣᠬᠤᠮ ᠬᠠᠮᠢᠭᠠ | ᠣᠴᠢᠭᠰᠠᠨ ᠪᠣᠯ︖ | | | ᠢᠩᠭᠢᠵᠦ ᠪᠠᠶᠢᠲᠠᠯᠠ ᠨᠢᠭᠡ ᠡᠳᠦᠷ ᠵᠢᠭᠠᠯ ᠬᠦᠦ ᠡᠵᠢ ᠪᠠᠨ ᠲᠦᠰᠢᠭᠰᠡᠭᠡᠷ ᠱᠠᠲᠤ ᠥᠭᠰᠥᠨ ᠶᠠᠪᠤᠭᠠ ᠲᠠᠢ | ᠲᠠᠭᠠᠷᠠᠯᠳᠤᠵᠠᠢ᠃ ᠪᠢ ᠰᠣᠴᠢᠵᠤ ᠠᠪᠤᠯᠠ᠃ ᠡᠵᠢ ᠬᠦᠦ ᠬᠤᠶᠠᠭᠤᠯᠠ ᠶᠢᠨ ᠥᠷᠥᠭᠡᠰᠦᠨ ᠨᠢᠳᠦ ᠴᠥᠮ ᠴᠠᠭᠠᠨ ᠱᠠ | ᠪᠦᠲᠡᠭᠡᠯᠭᠡ ᠲᠠᠢ ᠬᠠᠷᠠᠭᠳᠠᠪᠠ᠃ ᠵᠢᠭᠠᠯ ᠬᠦᠦ ᠶᠢᠨ ᠤᠷᠳᠤ ᠰᠣᠷᠮᠤᠤᠰᠤ ᠲᠠᠢ ᠳᠦᠷᠯᠡᠭᠡᠷ ᠬᠠᠷᠠ ᠥᠷᠥᠭᠡᠰᠦᠨ ᠨᠢᠳᠦ | ᠨᠢ ᠤᠤᠯ ᠤᠨ ᠰᠢᠭ᠋ ᠢᠶᠠᠨ ᠨᠠᠮᠠᠶᠢ ᠰᠠᠯᠭᠠᠯ ᠦᠭᠡᠢ ᠰᠢᠷᠳᠡᠭᠰᠡᠭᠡᠷ᠃ | | | ᠡᠵᠢ ᠶᠢᠨ ᠬᠢᠨᠢ ᠥᠷᠥᠭᠡᠰᠦᠨ ᠨᠢᠳᠦ ᠴᠦ ᠵᠢᠭᠠᠯ ᠤᠨ ᠨᠢᠳᠦ ᠰᠢᠭ ᠳᠦᠷᠯᠡᠭᠡᠷ ᠬᠠᠷᠠᠴᠠ ᠪᠠᠷ ᠨᠠᠮᠠᠶᠢ | ᠬᠠᠴᠢᠷᠬᠠᠨ ᠰᠢᠷᠳᠡᠭᠰᠡᠭᠡᠷ᠃ | | | ᠡᠵᠢ ᠬᠦᠦ ᠬᠤᠶᠠᠷ ᠤᠨ ᠬᠠᠷᠠᠴᠠ ᠠᠴᠠ ᠪᠢ ᠨᠢᠭᠡ ᠬᠤᠣᠰ ᠪᠦᠷᠢᠨ ᠪᠦᠲᠦᠨ ᠲᠠᠰᠤᠯ ᠨᠢᠳᠦ ᠶᠢ ᠣᠯᠵᠤ | ᠬᠠᠷᠠᠪᠠ᠃ | | | ᠤᠤᠯ ᠨᠢ ᠵᠢᠭᠠᠯ ᠬᠦᠦ᠂ ᠡᠵᠢ ᠳᠡᠭᠡᠨ ᠭᠡᠷᠡᠯ ᠭᠡᠭᠡ ᠦᠵᠡᠭᠦᠯᠭᠦ ᠭᠡᠵᠦ ᠥᠷᠥᠭᠡᠰᠦᠨ ᠨᠢᠳᠦ ᠪᠠᠨ ᠡᠷᠭᠦᠭᠰᠡᠨ | ᠪᠠᠶᠢᠵᠠᠢ ᠁ | | | ᠪᠢ ᠠᠰᠠᠷ ᠤᠨ ᠱᠠᠲᠤᠨ ᠳᠡᠭᠡᠷᠡ ᠮᠡᠬᠡᠶᠢᠷᠡᠨ ᠵᠣᠭᠰᠣᠭᠠᠳ ᠲᠡᠳᠡ ᠬᠤᠶᠠᠭᠤᠯᠠ ᠶᠢ ᠤᠷᠤᠴᠠᠨ ᠳᠠᠭᠠᠨ | ᠣᠷᠣᠲᠠᠯᠠ ᠬᠠᠷᠠᠵᠤ ᠵᠣᠭᠰᠣᠪᠠ᠃ | | | ᠭᠡᠷᠡᠯ ᠭᠡᠭᠡ ᠣᠯᠵᠤ ᠬᠠᠷᠠᠭᠰᠠᠨ ᠡᠬᠡ ᠪᠠ ᠭᠡᠷᠡᠯ ᠭᠡᠭᠡ ᠬᠠᠷᠠᠭᠤᠯᠬᠤ ᠶᠢᠨ ᠲᠥᠯᠥᠭᠡ ᠡᠵᠢ ᠳᠡᠭᠡᠨ | ᠥᠷᠥᠭᠡᠰᠦᠨ ᠨᠢᠳᠦ ᠪᠠᠨ ᠵᠣᠷᠢᠭᠤᠯᠤᠭᠰᠠᠨ ᠬᠦᠦ ᠶᠢᠨ ᠪᠠᠶᠠᠷᠲᠠᠢ ᠨᠢ ᠠᠷᠭᠠ ᠦᠭᠡᠢ ᠱᠠᠲᠤ ᠥᠭᠰᠥᠨ ᠶᠠᠪᠤᠭᠠ ᠶᠢ | ᠬᠠᠷᠠᠭᠠᠳ ᠨᠢᠳᠦ ᠵᠠᠶᠢᠷᠲᠤᠪᠠ ᠁ | | | ᠨᠢᠭᠡ ᠦᠳᠡᠰᠢ ᠪᠢ ᠳᠡᠯᠭᠡᠭᠦᠷ ᠤᠨ ᠡᠭᠦᠳᠡ ᠪᠠᠨ ᠪᠠᠬᠢᠯᠡᠬᠦ ᠭᠡᠵᠦ ᠪᠠᠶᠢᠲᠠᠯᠠ᠂ ᠵᠢᠭᠠᠯ ᠬᠦᠦ ᠶᠠᠭᠠᠷᠠᠤ | ᠰᠠᠨᠳᠤᠷᠤᠤ ᠠᠮᠢᠰᠬᠤᠭᠠᠳᠠᠭᠰᠠᠭᠠᠷ ᠭᠦᠶᠦᠨ ᠣᠷᠣᠵᠤ ᠢᠷᠡᠪᠡ᠃ | | | ᠲᠡᠷᠡ ᠶᠠᠮᠠᠷ ᠨᠢᠭᠡᠨ ᠨᠢᠭᠤᠴᠠ ᠪᠠᠨ ᠬᠠᠯᠬᠠᠯᠠᠬᠤ ᠭᠡᠰᠡᠨ ᠪᠤᠯᠤᠯᠳᠡᠢ ᠮᠠᠯᠠᠭᠠᠢ ᠶᠢᠨ ᠢᠶᠠᠨ ᠰᠠᠷᠠᠪᠴᠢ ᠶᠢ | ᠳᠣᠷᠣᠭᠰᠢ ᠳᠠᠷᠤᠵᠠᠢ᠃ ᠲᠡᠭᠡᠭᠡᠳ ᠯᠠᠩᠭᠦᠢ ᠳᠣᠲᠣᠷᠠᠬᠢ ᠨᠠᠷᠠᠨ ᠰᠢᠯ ᠢ ᠵᠢᠭᠠᠭᠰᠠᠭᠠᠷ᠄ | | | ︽ᠠᠨᠢᠶᠠ ᠠ᠋᠂ ᠲᠡᠷᠡ ᠨᠠᠷᠠᠨ ᠰᠢᠯ ᠴᠢᠨᠢ ᠬᠡᠳᠦᠢ ᠪᠤᠢ︖︾ | | | ︽ᠬᠤᠷᠢᠨ ᠲᠥᠭᠦᠷᠢᠭ︕︾ | | | ᠵᠢᠭᠠᠯ ᠬᠦᠦ ᠬᠤᠷᠤᠭᠤ ᠵᠤᠵᠠᠭᠠᠨ ᠤᠷᠠᠭᠳᠠᠵᠤ ᠨᠠᠪᠲᠠᠷᠠᠭᠰᠠᠨ ᠵᠣᠭᠤᠰ ᠢᠶᠠᠨ ᠨᠢᠮᠪᠠᠶᠢᠬᠠᠨ ᠲᠣᠭᠠᠯᠠᠭᠰᠠᠭᠠᠷ᠄ | | | ︽ᠠᠷᠪᠠ ᠨᠠᠢᠮᠠᠨ ᠲᠥᠭᠦᠷᠢᠭ ᠵᠢᠷᠠᠨ ᠮᠥᠩᠭᠦ︕ ᠲᠡᠷᠡ ᠨᠠᠷᠠᠨ ᠰᠢᠯ ᠢᠶᠠᠨ ᠨᠠᠳᠠ ᠳᠤ ᠬᠤᠳᠠᠯᠳᠤᠨ ᠥᠭᠴᠦ | ᠪᠤᠯᠬᠤ ᠤᠤ︖︾ ᠭᠡᠪᠡᠯ ᠪᠢ᠄ | | | ︽ᠲᠣᠮᠣ ᠬᠥᠮᠥᠨ ᠤ ᠰᠢᠯ ᠬᠡᠦᠬᠡᠳ ᠲᠤ ᠠᠷᠠᠢ ᠲᠣᠮᠣᠳᠠᠨᠠ ᠳ᠋ᠠ︾ ᠭᠡᠪᠡᠯ ᠲᠡᠷᠡ ᠪᠠᠭ᠋ᠠᠨ ᠢᠴᠢᠵᠦ | ᠰᠢᠷᠪᠡᠭᠡᠲᠦᠭᠰᠡᠨ ᠪᠤᠯᠪᠠᠴᠤ᠄ | | | ︽ᠪᠢ ᠡᠵᠢ ᠳᠡᠭᠡᠨ ᠠᠪᠤᠶᠠ ᠭᠡᠰᠡᠨ ᠶᠤᠮ᠂ ᠡᠵᠢ ᠡᠨᠡ ᠰᠢᠯ ᠢ ᠵᠡᠭᠦᠴᠢᠬᠡᠪᠡᠯ ᠬᠥᠮᠥᠰ ᠲᠡᠭᠦᠨ ᠤ ᠥᠷᠥᠭᠡᠰᠦᠨ | ᠨᠢᠳᠦ ᠬᠠᠷᠠᠭᠠ ᠵᠡᠮᠳᠡᠭ ᠭᠡᠳᠡᠭ ᠢ ᠨᠢ ᠣᠯᠵᠤ ᠬᠠᠷᠠᠬᠤ ᠦᠭᠡᠢ ᠪᠢᠰᠢᠦ︾ ᠭᠡᠯᠡ᠃ ᠵᠢᠭᠠᠯ ᠬᠦᠦ ᠶᠢᠨ ᠡᠨᠡ | ᠦᠭᠡᠨ ᠳᠤ ᠮᠢᠨᠤ ᠰᠡᠳᠬᠢᠯ ᠤᠶᠠᠷᠠᠨ᠄ | | | ︽ᠲᠣᠭᠠᠴᠠᠭᠠ ᠬᠢᠭᠰᠡᠨ ᠤ ᠬᠡᠷᠡᠭ ᠦᠭᠡᠢ᠂ ᠡᠵᠢ ᠳᠤ ᠴᠢᠨᠢ ᠬᠦᠷᠭᠡᠭᠰᠡᠨ ᠢᠶᠠᠷ ᠪᠤᠳᠤᠴᠢᠬᠠᠶᠠ︾ ᠭᠡᠵᠦ ᠬᠡᠯᠡᠵᠦ | ᠪᠠᠷᠠᠬᠤ ᠠᠴᠠ ᠡᠮᠦᠨᠡ᠂ ᠵᠢᠭᠠᠯ ᠬᠦᠦ ᠠᠯᠢ ᠬᠡᠳᠦᠶᠢᠨ ᠵᠣᠭᠤᠰ ᠢᠶᠠᠨ ᠯᠠᠩᠭᠦᠢ ᠳᠡᠭᠡᠷᠡ ᠰᠢᠳᠡᠮᠡᠭᠴᠡ ᠨᠠᠷᠠᠨ ᠰᠢᠯ ᠢ | ᠠᠪᠴᠤ ᠬᠠᠷᠢᠶᠠᠴᠠᠢ ᠰᠢᠭ᠋ ᠲᠡᠷᠪᠡᠨ ᠣᠳᠪᠠ᠃ | | | ᠦᠰᠦᠷᠬᠢᠯᠡᠨ ᠳᠡᠭᠳᠡᠭᠰᠡᠭᠡᠷ ᠬᠤᠯᠠᠳᠠᠨ ᠣᠳᠬᠤ ᠲᠡᠭᠦᠨ ᠤ ᠠᠷᠤ ᠠᠴᠠ ᠬᠠᠷᠠᠭᠰᠠᠭᠠᠷ ᠮᠢᠨᠤ ᠨᠢᠳᠦ | ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠵᠠᠶᠢᠷᠲᠤᠪᠠ ᠁ | | | ᠳᠡᠯᠭᠡᠭᠦᠷ ᠤᠨ ᠡᠭᠦᠳᠡ ᠪᠠᠨ ᠪᠠᠬᠢᠯᠡᠭᠡᠳ ᠪᠤᠴᠠᠬᠤ ᠵᠠᠮ ᠳᠤ᠂ ᠨᠠᠷᠠᠨ ᠰᠢᠯ ᠵᠡᠭᠦᠭᠰᠡᠨ ᠡᠵᠢ ᠶᠢᠨ ᠢᠶᠠᠨ | ᠭᠠᠷ ᠠᠴᠠ ᠬᠥᠲᠥᠯᠥᠭᠰᠡᠨ ᠵᠢᠭᠠᠯ ᠬᠦᠦ ᠰᠣᠯᠣᠩᠭᠠᠨ ᠳ᠋ᠧᠩ ᠳᠤᠸᠠᠯᠠᠭᠰᠠᠨ ᠠᠭᠤᠳᠠᠮ ᠲᠠᠯᠠᠪᠠᠢ ᠪᠠᠷ ᠬᠥᠭᠵᠢᠯᠲᠡᠢ ᠨᠢ | ᠠᠷᠭᠠ ᠦᠭᠡᠢ ᠶᠠᠪᠤᠭᠠ ᠨᠢ ᠬᠠᠷᠠᠭᠳᠠᠪᠠ᠃ | | | ᠡᠵᠢ ᠬᠦᠦ ᠬᠤᠶᠠᠭᠤᠯᠠ ᠶᠢ ᠬᠠᠷᠠᠭᠠ ᠵᠡᠮᠳᠡᠭ ᠬᠥᠮᠥᠨ ᠭᠡᠵᠦ ᠬᠡᠨ ᠨᠢᠭᠡ ᠨᠢ ᠴᠦ ᠦᠵᠡᠵᠦ ᠭᠠᠷᠤᠭᠰᠠᠨ | ᠦᠭᠡᠢ ᠪᠣᠯᠣᠭᠠᠰᠠᠢ ᠁ | | | ᠳᠥᠷᠪᠡ | | | ᠡᠳᠦᠷ ᠬᠤᠨᠤᠭ ᠤᠷᠤᠰᠤᠨ ᠥᠩᠭᠡᠷᠡᠭᠰᠡᠭᠡᠷ ᠠᠷᠪᠠᠭᠠᠳ ᠵᠢᠯ ᠪᠣᠯᠴᠢᠬᠠᠵᠠᠢ᠃ | | | ᠡᠷᠢᠶᠡᠨ ᠲᠠᠢ ᠪᠠᠷᠠᠭᠠᠨ ᠲᠠᠢ ᠬᠥᠮᠥᠨ ᠤ ᠶᠢᠷᠲᠢᠨᠴᠦ᠂ ᠡᠩᠬᠦᠯ ᠳᠤᠩᠬᠤᠯ ᠠᠮᠢᠳᠤᠷᠠᠯ ᠤᠨ ᠵᠠᠮ ᠳᠤ ᠶᠠᠭᠤ | ᠡᠰᠡ ᠲᠣᠬᠢᠶᠠᠯᠳᠤᠬᠤ ᠪᠤᠢ᠃ | | | ᠪᠢ ᠡᠷᠡᠭᠦᠯ ᠮᠡᠨᠲᠦ ᠶᠢᠨ ᠪᠠᠶᠢᠴᠠᠭᠠᠯᠲᠠ ᠬᠢᠬᠦ ᠭᠡᠵᠦ ᠨᠡᠶᠢᠰᠯᠡᠯ ᠬᠤᠳᠠ ᠶᠢᠨ ᠨᠢᠭᠡ ᠡᠮᠨᠡᠯᠭᠡ ᠶᠢᠨ | ᠬᠤᠷᠢᠶᠠᠨ ᠳᠤ ᠣᠴᠢᠵᠤ ᠪᠢᠯᠡ᠃ | | | ᠡᠮᠨᠡᠯᠭᠡ ᠶᠢᠨ ᠳ᠋ᠤᠭᠠᠷ ᠠᠪᠬᠤ ᠭᠡᠵᠦ ᠤᠯᠠᠨ ᠤ ᠳᠤᠮᠳᠠ ᠮᠥᠷᠯᠡᠨ ᠵᠣᠭᠰᠣᠵᠤ ᠪᠠᠶᠢᠲᠠᠯᠠ ᠭᠡᠨᠡᠳᠲᠡ | ᠬᠤᠷᠢᠭᠠᠳ ᠨᠠᠰᠤᠨ ᠤ ᠨᠢᠭᠡ ᠵᠠᠯᠠᠭᠤ ᠬᠠᠵᠠᠭᠤ ᠳᠤ ᠢᠷᠡᠭᠡᠳ᠄ | | | ︽ᠠᠨᠢᠶᠠ︕ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠲᠠ ᠨᠠᠮᠠᠶᠢ ᠲᠠᠨᠢᠵᠤ ᠪᠠᠶᠢᠭᠠ ᠪᠣᠯ ᠤᠤ︖︾ ᠭᠡᠵᠦ ᠲᠠᠨᠢᠯ ᠬᠥᠮᠥᠨ | ᠰᠢᠭ ᠮᠡᠨᠳᠦᠴᠢᠯᠡᠨ ᠠᠰᠠᠭᠤᠨᠠ᠃ ᠪᠢ ᠭᠠᠶᠢᠬᠠᠰᠢ ᠠᠯᠳᠠᠨ ᠡᠶᠢᠮᠦ ᠲᠣᠮᠣ ᠬᠤᠳᠠ ᠳᠤ ᠨᠠᠮᠠᠶᠢ ᠲᠠᠨᠢᠳᠠᠭ ᠬᠥᠮᠥᠨ | ᠭᠡᠵᠦ ᠪᠠᠰᠠ ᠪᠠᠶᠢᠨᠠᠤ ᠭᠡᠵᠦ ᠮᠡᠬᠡᠶᠢᠷᠡᠨ ᠪᠠᠶᠢᠲᠠᠯᠠ᠂ ᠵᠠᠯᠠᠭᠤ ᠡᠪ ᠦᠭᠡᠶᠢᠷᠡᠭᠰᠡᠨ ᠪᠠᠶᠢᠳᠠᠯ ᠲᠠᠢ᠄ | | | ︽ᠠᠨᠢᠶᠠ︕ ᠠᠷᠪᠠᠭᠠᠳ ᠵᠢᠯ ᠤᠨ ᠡᠮᠦᠨᠡ ᠨᠢᠭᠡ ᠠᠰᠠᠷ ᠲᠤ ᠳᠡᠭᠡᠷᠡ ᠳᠣᠣᠷᠠ ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠰᠠᠨ | ᠠᠯᠢᠶᠠ ᠲᠦᠢᠳᠬᠡᠷ ᠵᠢᠭᠠᠯ ᠬᠦᠦ ᠪᠢ ᠪᠠᠶᠢᠨᠠ ᠰᠢᠤ᠂ ᠲᠡᠷᠡ ᠤᠳᠠᠭᠠ ᠪᠢ ᠪᠣᠯᠭᠤᠮᠵᠢ ᠦᠭᠡᠢ ᠪᠠᠷ ᠱᠠᠲᠤ ᠤᠷᠤᠭᠤ | ᠪᠦᠳᠦᠷᠢᠨ ᠡᠪᠦᠳᠦᠭ ᠢᠶᠠᠨ ᠰᠢᠯᠪᠤᠯᠤᠭᠰᠠᠨ ᠳᠤ ᠠᠨᠢᠶᠠ ᠲᠠ ᠪᠠᠰᠠ ᠦᠯᠢᠶᠡᠵᠦ ᠥᠭᠭᠦᠭᠡᠳ ᠡᠪᠡᠳᠬᠦ ᠶᠢ ᠨᠠᠮᠳᠠᠭᠠᠵᠤ | ᠪᠠᠶᠢᠭᠰᠠᠨ ᠢ ᠮᠠᠷᠲᠠᠭᠠ ᠦᠭᠡᠢ ᠰᠢᠤ︕︾ ᠭᠡᠬᠦ ᠪᠠᠷ ᠲᠡᠭᠦᠨ ᠤ ᠲᠡᠷᠡᠬᠦ ᠠᠯᠳᠠᠨ ᠬᠦᠷᠢᠶᠡ ᠲᠠᠢ ᠲᠤᠩᠭᠠᠯᠠᠭ ᠨᠢᠳᠦᠨ | ᠰᠢᠯ ᠤᠨ ᠴᠠᠭᠠᠨᠠ ᠭᠢᠯᠠᠯᠵᠠᠵᠤ ᠪᠠᠶᠢᠭᠠ ᠥᠷᠥᠭᠡᠰᠦᠨ ᠨᠢᠳᠦᠨ ᠠᠴᠠ ᠠᠷᠪᠠᠭᠠᠳ ᠵᠢᠯ ᠤᠨ ᠡᠮᠦᠨᠡᠬᠢ ᠲᠠᠰᠤᠯ | ᠬᠠᠷᠠᠴᠠ ᠲᠠᠭᠢᠨ ᠬᠠᠷᠠᠭᠳᠠᠬᠤ ᠰᠢᠭ᠋ ᠪᠣᠯᠪᠠ ᠁ | | |