| 1 | | ᠴᠠᠭᠠᠨ ᠳᠡᠷᠡᠰᠦ ᠨᠣᠭᠤᠭᠠᠷᠠᠭᠰᠠᠨ ᠵᠣᠨ ᠤ ᠡᠬᠢᠨ ᠰᠠᠷᠠ ᠶᠢᠨ ᠲᠣᠭᠲᠠᠭᠤᠬᠠᠨ ᠨᠢᠭᠡᠨ ᠥᠷᠯᠥᠭᠡ | ᠠᠮᠤᠷᠰᠠᠨᠠᠭᠠ ᠶᠢᠨ ᠬᠢ ᠠᠮᠤ ᠬᠠᠭᠤᠷᠤᠨ ᠪᠤᠵᠢᠭᠢᠨᠠᠯᠳᠤᠵᠤ ᠪᠠᠶᠢᠪᠠ᠃ ᠨᠢᠭᠡ ᠨᠢ ᠲᠤᠯᠭᠠ ᠶᠢᠨ ᠠᠮᠠᠨ ᠳᠤ ᠵᠠᠪᠢᠯᠠᠨ | ᠰᠠᠭᠤᠵᠤ ᠭᠠᠯ ᠥᠷᠳᠡᠬᠦ ᠪᠥᠭᠡᠳ ᠪᠦᠰᠡᠭᠦᠢ ᠰᠠᠷᠠᠨᠲᠤᠶᠠᠭᠠ ᠡᠯᠡᠰᠦ ᠨᠢ ᠬᠠᠷᠠᠯᠠᠵᠤ ᠬᠦᠷᠡᠩ ᠤᠯᠠᠭᠠᠨ ᠪᠣᠯᠤᠭᠰᠠᠨ | ᠲᠣᠭᠤᠭᠠ ᠤᠷᠤᠭᠤ ᠪᠠᠨ ᠲᠣᠮᠣ ᠰᠢᠷᠠ ᠭᠠᠤᠯᠢᠨ ᠰᠢᠨᠠᠭᠠ ᠪᠠᠷ ᠳᠡᠷᠭᠡᠳᠡ ᠨᠢ ᠠᠮᠠ ᠶᠢ ᠨᠢ ᠡᠷᠭᠢᠭᠦᠯᠵᠦ ᠲᠠᠯᠪᠢᠭᠰᠠᠨ | ᠲᠠᠭᠠᠷᠴᠤᠭ ᠲᠠᠢ ᠳᠡᠪᠲᠦᠭᠡᠭᠰᠡᠨ ᠬᠠᠷᠠ ᠪᠤᠳᠠᠭᠠᠨ ᠠᠴᠠ ᠤᠳᠬᠤ ᠤᠳᠬᠤ ᠠᠪᠴᠤ ᠳᠡᠭᠡᠷᠡ ᠠᠴᠠ ᠭᠤᠭᠤᠵᠢᠭᠤᠯᠤᠨ | ᠬᠢᠬᠦ ᠶᠢᠨ ᠳᠠᠭᠠᠤ ᠬᠤᠳᠬᠤᠭᠤᠷ ᠮᠣᠳᠣ ᠪᠠᠷ ᠢᠶᠠᠨ ᠳᠠᠰᠤᠷᠠᠯᠲᠠ ᠦᠭᠡᠢ ᠬᠥᠳᠡᠯᠭᠡᠬᠦ ᠳᠤ ᠴᠠᠭᠠᠨ ᠠᠭᠤᠷ ᠪᠤᠲᠠᠷᠠᠨ | ᠲᠡᠷᠡᠬᠡᠨ ᠬᠠᠪᠢ ᠪᠠᠷ ᠶᠠᠭᠤ ᠴᠤ ᠦᠯᠦ ᠦᠵᠡᠭᠳᠡᠨ ᠴᠠᠭᠠᠨ ᠮᠠᠯᠠᠭᠠᠢ ᠠᠳᠡ ᠲᠡᠨᠳᠡ ᠦᠭᠡᠢ ᠦᠰᠦᠴᠢᠨ ᠳᠠᠬᠲᠠᠭᠠ | ᠰᠢᠪᠠᠭᠤ ᠴᠥᠯᠮᠦᠵᠦ ᠶᠠᠭᠠᠷᠠᠬᠤ ᠨᠢ ᠰᠠᠶᠢᠬᠠᠨ᠃ | | ︽ᠬᠡᠦᠬᠡᠳ ᠤᠳ ᠬᠠᠮᠢᠭᠠ ᠪᠠᠶᠢᠨᠠ︖︾ | | ︽ᠤᠷᠢᠳᠤ ᠵᠦᠯᠭᠡᠨ ᠳᠡᠭᠡᠷᠡ ᠨᠠᠭᠠᠳᠴᠤ ᠪᠠᠶᠢᠨᠠ᠃ ᠭᠠᠯ ᠲᠣᠭᠤᠭᠠᠨ ᠳᠤ ᠣᠷᠣᠴᠢᠬᠠᠬᠤ ᠭᠡᠳ᠂ ᠨᠠᠳᠠ ᠳᠤ | ᠨᠢᠭᠡ ᠬᠡᠯᠡᠭᠳᠡᠵᠦ ᠠᠪᠤᠭᠠᠳ ᠯᠠ ᠶᠠᠪᠤᠭᠰᠠᠨ ᠳ᠋ᠠ︾ | | | ᠡᠨᠡ ᠦᠶᠡ ᠳᠤ ᠬᠡᠦᠬᠡᠳ ᠤᠳ ᠤᠨ ᠬᠥᠭᠵᠢᠯᠳᠦᠨ ᠪᠠᠷᠬᠢᠷᠠᠯᠳᠤᠬᠤ ᠴᠢᠮᠡᠭᠡ ᠲᠣᠭᠤᠯᠳᠠᠯᠠ᠃ ᠰᠠᠷᠠᠨᠲᠤᠶᠠᠭᠠ | ᠮᠠᠩᠨᠠᠢ ᠶᠢᠨ ᠢᠶᠠᠨ ᠬᠥᠯᠥᠰᠦ ᠶᠢ ᠪᠠᠷᠠᠭᠤᠨ ᠭᠠᠷ ᠤᠨ ᠢᠶᠠᠨ ᠠᠷᠤ ᠪᠠᠷ ᠠᠷᠴᠢᠭᠰᠠᠨ ᠢᠶᠠᠨ ᠨᠠᠷᠠᠨ ᠰᠥᠷᠬᠦ | ᠪᠠᠷᠬᠢᠷᠠᠯᠳᠤᠬᠤ ᠵᠦᠭ ᠲᠤ ᠰᠠᠷᠠᠪᠴᠢᠯᠠᠨ ᠬᠠᠷᠠᠭᠠᠳ ᠬᠠᠴᠠᠷ ᠳᠡᠭᠡᠷᠡ ᠪᠠᠨ ᠢᠨᠢᠶᠡᠮᠰᠦᠭᠯᠡᠯ ᠲᠣᠭᠯᠠᠭᠤᠯᠤᠨ ᠶᠠᠭᠠᠷᠠᠨᠠ᠃ | ᠡᠵᠢ ᠶᠢᠨ ᠬᠢᠨᠢ ᠪᠠᠶᠠᠷ ᠵᠢᠷᠭᠠᠯ ᠢ ᠲᠠᠯᠠ ᠶᠢᠨ ᠵᠢᠪᠠᠷ ᠬᠡᠦᠬᠡᠳ ᠤᠳ ᠤᠨ ᠬᠢᠨᠢ ᠰᠡᠳᠬᠢᠯ ᠳᠤ ᠬᠦᠷᠭᠡᠨ ᠣᠴᠢᠯᠠ᠃ | ᠬᠡᠦᠬᠡᠳ ᠤᠳ ᠬᠥᠭᠵᠢᠯᠳᠦᠨ ᠶᠠᠭᠤ ᠨᠢᠭᠡ ᠶᠢ ᠬᠥᠭᠡᠭᠡᠴᠡᠯᠳᠦᠨ ᠪᠤᠵᠢᠭᠢᠨᠠᠯᠳᠤᠵᠤ᠂ ᠨᠢᠭᠡ ᠳᠠᠭᠤ ᠲᠡᠭᠷᠢ ᠳᠤ᠂ ᠨᠢᠭᠡ | ᠳᠠᠭᠤ ᠭᠠᠵᠠᠷ ᠲᠤ ᠬᠠᠳᠠᠨ᠂ ᠴᠤᠤᠷᠢᠶᠠ ᠪᠦᠭᠦᠨ ᠠᠪᠤ ᠡᠵᠢ ᠶᠢᠨ ᠬᠢᠨᠢ ᠵᠢᠷᠦᠬᠡᠨ ᠳᠤ ᠬᠤᠨᠣᠭᠰᠢᠬᠤ ᠠᠵᠢ᠃ | | | ︽ᠪᠠᠷᠢ᠂ ᠪᠠᠷᠢ᠂ ᠠᠬᠠ︕ ᠪᠠᠷᠢ᠃ ᠶᠠᠭᠤ ᠶᠤᠮ︖︾ | | | ︽ᠬᠤᠯᠤᠭᠠᠨᠠ︕ ᠮᠠᠢ᠂ ᠡᠨᠡ ᠮᠣᠳᠣ ᠪᠠᠷ ᠬᠥᠨᠳᠡᠶᠢᠬᠡᠨ ᠳᠠᠷᠤ᠂ ᠪᠢ ᠨᠣᠭᠲᠣᠯᠠᠭᠠᠳ ᠠᠪᠤᠶᠠ︕︾ | | | ︽ᠶᠠᠭᠠᠬᠢᠭᠠᠳ ᠴᠠᠭᠠᠨ ᠪᠠᠶᠢᠳᠠᠭ ᠶᠤᠮ ᠪᠤᠢ︖︾ | | | ︽ᠪᠤᠳᠤᠴᠢᠬᠠᠬᠰᠠᠨ ᠮᠥᠨ ᠦᠦ︖︾ | | | ᠵᠢᠷᠵᠢ ᠴᠠᠭᠠᠨ ᠬᠤᠯᠤᠭᠠᠨᠠ ᠬᠡᠦᠬᠡᠳ ᠲᠤ ᠪᠠᠷᠢᠭᠳᠠᠯᠠ᠃ ︽ᠴᠢᠰ᠂ ᠴᠢᠰ︾ ᠭᠡᠵᠦ ᠳᠤᠤᠭᠠᠷᠬᠤ ᠨᠢ | ᠬᠥᠭᠡᠷᠦᠬᠦᠨ᠃ ᠠᠬᠠ ᠪᠣᠯᠤᠭᠰᠠᠨ ᠰᠢᠷᠠ ᠪᠠᠨᠳᠢ ᠭᠡᠷ ᠵᠦᠭ ᠭᠦᠶᠦᠵᠦ ᠤᠲᠠᠰᠤ ᠠᠪᠴᠢᠷᠠᠭᠠᠳ ᠨᠣᠭᠲᠣᠯᠠᠬᠤ ᠭᠡᠰᠡᠨ | ᠴᠤ ᠪᠦᠲᠦᠭᠰᠡᠨ ᠦᠭᠡᠢ᠃ ᠬᠦᠵᠦᠭᠦᠦ᠂ ᠶᠡᠭᠡ ᠪᠡᠶᠡ ᠪᠠᠷ ᠨᠢ ᠣᠷᠣᠭᠤᠯᠤᠨ ᠣᠭᠤᠰᠣᠷᠯᠠᠵᠤ ᠠᠪᠤᠭᠠᠳ ᠲᠠᠯᠪᠢᠬᠤ ᠳᠤ | ᠬᠤᠯᠤᠭᠠᠨᠠ ᠳᠤᠲᠠᠭᠠᠬᠤ ᠭᠡᠳ ᠳᠡᠭᠡᠰᠦᠨ ᠳᠡᠭᠡᠨ ᠲᠠᠲᠠᠭᠳᠠᠨ ᠤᠨᠠᠪᠠ᠃ | | | ︽ᠠᠪᠤ ᠡᠵᠢ ᠳᠤ ᠠᠪᠠᠴᠢᠵᠤ ᠦᠵᠡᠭᠦᠯᠦᠶᠡ︕︾ | | | ︽ᠲᠡᠭᠡᠶᠡ︕ ᠪᠢ ᠬᠥᠲᠥᠯᠥᠶᠡ᠂ ᠲᠠ ᠬᠤᠶᠠᠷ ᠠᠷᠤ ᠠᠴᠠ ᠨᠢ ᠲᠠᠭᠤ︕︾ | | | ᠰᠢᠷᠠ ᠪᠠᠨᠳᠢ ᠬᠤᠯᠤᠭᠠᠨᠠ ᠶᠢ ᠬᠥᠲᠥᠯᠬᠦ ᠪᠢᠰᠢ ᠴᠢᠷᠴᠦ᠂ ᠬᠥᠯ ᠳᠤ ᠠᠷᠠᠢ ᠣᠷᠣᠭᠰᠠᠨ ᠬᠤᠶᠠᠷ ᠳᠡᠭᠦᠦ ᠨᠢ | ᠠᠷᠤ ᠳᠤ ᠭᠠᠷ ᠬᠥᠯ ᠢᠶᠠᠨ ᠰᠠᠷᠪᠠᠭᠠᠨᠠᠭᠤᠯᠤᠨ ᠳᠡᠪᠬᠡᠴᠡᠨᠡ᠃ ᠠᠳᠡ ᠲᠡᠨᠳᠡ ᠦᠭᠡᠢ ᠨᠦᠬᠡ ᠣᠩᠭᠤᠶᠢᠵᠤ᠂ ᠳᠠᠭᠤ | ᠱᠣᠣ ᠳᠤ ᠪᠠᠵᠠᠭᠠᠳᠠᠬᠰᠠᠨ ᠬᠡᠭᠡᠷᠡ ᠶᠢᠨ ᠵᠢᠵᠢᠭ ᠠᠮᠢᠲᠠᠳ ᠡᠭᠦᠷ ᠡᠯᠦ ᠪᠠᠨ ᠣᠯᠵᠤ ᠶᠠᠳᠠᠨ ᠡᠶᠢᠰᠢ ᠲᠡᠶᠢᠰᠢ ᠪᠠᠨ | ᠭᠦᠶᠦᠯᠳᠦᠨᠡ᠃ ᠥᠪᠡᠷ ᠤᠨ ᠭᠡᠬᠦ ᠵᠤᠭᠠ ᠲᠠᠢ ᠪᠣᠯᠤᠭᠰᠠᠨ ᠬᠡᠦᠬᠡᠳ ᠤᠳ ᠥᠭᠡᠷᠡ ᠵᠦᠢᠯ ᠳᠤ ᠰᠣᠨᠢᠷᠬᠠᠯ ᠦᠭᠡᠢ | ᠪᠣᠯᠵᠤ᠂ ᠬᠥᠲᠥᠯᠥᠭᠰᠡᠨ ᠠᠮᠢᠳᠠᠨ ᠤ ᠪᠠᠨ ᠲᠣᠮᠤᠭᠠ ᠦᠭᠡᠢ ᠳᠤ ᠬᠥᠭᠵᠢᠨ ᠪᠠᠶᠠᠰᠤᠨᠠ᠃ ᠬᠠᠮᠠᠷ ᠠᠮᠠ ᠮᠡᠳᠡᠳᠡᠭ | ᠪᠠᠶᠢᠭᠰᠠᠨ ᠪᠣᠯ ᠬᠡᠦᠬᠡᠳ ᠤᠳ ᠬᠥᠲᠥᠯᠥᠭᠡᠳ ᠬᠠᠮᠢᠭᠠ ᠴᠤ ᠬᠦᠷᠴᠢᠬᠡᠬᠦ ᠪᠢᠵᠡ︖ | | | ᠲᠠᠭᠠᠷᠴᠤᠭ ᠲᠠᠢ ᠳᠡᠪᠲᠦᠭᠡᠭᠰᠡᠨ ᠬᠠᠷᠠ ᠪᠤᠳᠠᠭᠠ ᠬᠠᠭᠠᠰᠯᠠᠵᠤ ᠪᠠᠶᠢᠪᠠ᠃ ᠦᠶᠡ ᠦᠶᠡ ᠫᠠᠷᠴᠢᠭᠢᠨᠡᠨ᠂ ᠦᠶᠡ | ᠦᠶᠡ ᠴᠠᠭᠠᠨ ᠠᠭᠤᠷ ᠰᠠᠪᠰᠠᠵᠤ᠂ ᠢᠷᠡᠬᠦ ᠬᠡᠦᠬᠡᠳ ᠤᠨ ᠪᠠᠷᠠ ᠨᠢᠭᠡ ᠦᠶᠡ ᠳᠠᠯᠳᠠ᠂ ᠨᠢᠭᠡ ᠦᠶᠡ ᠢᠯᠡ᠃ | | | ᠠᠮᠤᠷᠰᠠᠨᠠᠭᠠ ᠬᠡᠦᠬᠡᠳ ᠤᠨ ᠢᠶᠠᠨ ᠵᠦᠭ ᠥᠨᠳᠡᠶᠢᠨ ᠬᠠᠷᠠᠭᠰᠠᠨ ᠢᠶᠠᠨ᠄ | | | ︽ᠨᠠᠭᠠᠰᠢ ᠪᠠᠨ ᠢᠷᠡᠯᠡ᠂ ᠶᠠᠭᠤ ᠠᠪᠴᠢᠬᠠᠭᠰᠠᠨ ᠶᠤᠮ︖︾ ᠭᠡᠯᠡ᠃ | | | ︽ᠨᠢᠭᠡ ᠶᠠᠭᠤᠮᠠ ᠴᠢᠷᠴᠢᠬᠡᠭᠰᠡᠨ ᠪᠠᠶᠢᠨᠠ᠂ ᠶᠠᠭᠤ ᠴᠢᠷᠴᠦ ᠪᠠᠶᠢᠬᠤ ᠶᠤᠮ︖︾ᠭᠡᠯᠴᠡᠨ ᠪᠠᠶᠢᠲᠠᠯᠠ ᠬᠡᠳᠦᠭᠦᠯᠡ | ᠳᠡᠷᠭᠡᠳᠡ ᠨᠢ ᠢᠷᠡᠯᠡ᠃ | | | ︽ᠠᠪᠤ ᠠ᠋︕ ᠡᠵᠢ ᠠ᠋︕ ᠠᠬᠠ ᠶᠠᠭᠤ ᠬᠥᠲᠥᠯᠴᠢᠬᠡᠭᠰᠡᠨ ᠪᠠᠶᠢᠨᠠ︖ ᠦᠵᠡ ᠳ᠋ᠠ︕︾ ᠭᠡᠭᠰᠡᠭᠡᠷ | ᠰᠡᠭᠰᠡᠭᠡᠷ ᠦᠰᠦᠲᠡᠢ ᠪᠢᠴᠢᠬᠠᠨ ᠥᠬᠢᠨ ᠪᠠᠶᠠᠷ ᠮᠡᠳᠡᠭᠦᠯᠵᠦ ᠢᠷᠡᠬᠦ ᠪᠠᠷ ᠠᠪᠤ ᠨᠢ ᠬᠠᠷᠠᠮᠠᠭᠴᠠ ᠭᠠᠵᠠᠷ ᠲᠤᠯᠤᠨ | ᠪᠣᠰᠴᠤ᠄ ︽ᠣᠭᠤᠲᠣᠨᠠ ᠪᠠᠶᠢᠨᠠ᠃ ᠬᠠᠮᠢᠭᠠ ᠠᠴᠠ ᠪᠠᠷᠢᠭᠰᠠᠨ ᠶᠤᠮ︖︾ ᠭᠡᠪᠡ᠃ ᠲᠣᠭᠤᠭᠠᠨ ᠠᠴᠠ ᠠᠮᠤ ᠪᠠᠨ | ᠰᠠᠯᠭᠠᠵᠤ ᠠᠪᠤᠭᠰᠠᠨ ᠰᠠᠷᠠᠨᠲᠤᠶᠠᠭᠠ ᠰᠠᠶᠢᠰᠠ ᠪᠠᠨ ᠲᠠᠯᠪᠢᠬᠤ ᠪᠠᠨ ᠪᠠᠶᠢᠵᠤ ᠪᠠᠷᠢᠭᠰᠠᠨ ᠴᠢᠭ ᠲᠡᠭᠡᠨ | ᠬᠠᠷᠠᠭᠰᠠᠨ ᠢᠶᠠᠨ᠄ ︽ᠭᠡᠮ ᠬᠤᠣᠷ ᠦᠭᠡᠢ ᠠᠮᠢᠳᠠᠨ ᠢ ᠮᠠᠭᠤᠴᠢᠯᠠᠨᠠ ᠦᠦ︖ ᠲᠠ ᠬᠡᠳᠦᠭᠦᠯᠡ᠃ ᠪᠠᠶᠢᠭᠰᠠᠨ ᠭᠠᠵᠠᠷ | ᠲᠤᠨᠢ ᠠᠪᠠᠴᠢᠵᠤ ᠲᠠᠯᠪᠢ᠃ ᠲᠠᠨᠤᠰ ᠢ ᠬᠦᠵᠦᠭᠦᠨ ᠠᠴᠠ ᠴᠢᠨᠢ ᠣᠭᠤᠰᠣᠷᠯᠠᠭᠠᠳ ᠴᠢᠷᠦᠶᠡ᠂ ᠰᠠᠶᠢᠬᠠᠨ ᠪᠠᠶᠢᠨᠠ ᠦᠦ︖ | ︾ ᠬᠡᠮᠡᠨ ᠳᠠᠩᠭᠢᠨᠠᠯᠠ᠃ | | | 2 | | | ᠲᠡᠷᠡ ᠣᠯᠠᠨ ᠣᠩᠭᠤᠶᠢᠭᠰᠠᠨ ᠨᠦᠬᠡ ᠶᠢᠨ ᠨᠢᠭᠡ ᠨᠢ ᠡᠰᠢᠨᠳᠡᠢ ᠶᠢᠨ ᠡᠭᠦᠷ ᠪᠠᠶᠢᠪᠠ᠃ ᠲᠡᠷᠡ ᠣᠯᠠᠨ | ᠳᠤᠲᠠᠭᠠᠭᠰᠠᠨ ᠵᠢᠵᠢᠭ ᠠᠮᠢᠲᠠᠳ ᠤᠨ ᠨᠢᠭᠡ ᠨᠢ ᠡᠰᠢᠨᠳᠡᠢ ᠪᠠᠶᠢᠪᠠ᠃ ᠠᠶᠤᠭᠰᠠᠨ ᠡᠰᠢᠨᠳᠡᠢ ᠡᠭᠦᠷ ᠤᠨ ᠢᠶᠠᠨ ᠠᠮᠠᠰᠠᠷ | ᠳᠡᠭᠡᠷᠡ ᠭᠦᠶᠦᠵᠦ ᠢᠷᠡᠭᠰᠡᠨ ᠢᠶᠠᠨ ᠡᠭᠦᠷ ᠤᠷᠤᠭᠤ ᠪᠠᠨᠣᠷᠣᠭᠰᠠᠨ ᠪᠢᠰᠢ᠂ ᠡᠷᠭᠢᠨ ᠬᠠᠷᠠᠯᠠ᠃ ᠲᠡᠭᠦᠨ ᠳᠤ ᠨᠢᠭᠡ | ᠤᠴᠢᠷ ᠰᠣᠨᠢᠷᠬᠠᠯᠲᠠᠢ ᠬᠠᠷᠠᠭᠳᠠᠪᠠ᠃ ᠵᠡᠭᠦᠨ ᠠᠶᠢᠯᠤᠨ ᠬᠢᠨᠢ ᠣᠭᠤᠲᠣᠨᠠ ᠬᠡᠦᠬᠡᠳᠲ᠋ᠤ ᠪᠠᠷᠢᠭᠳᠠᠵᠠᠢ᠃ ᠴᠠᠰᠤ | ᠴᠠᠭᠠᠨᠣᠭᠤᠲᠣᠨᠠ ᠪᠣᠪ ᠪᠣᠷᠣ ᠡᠰᠢᠨᠳᠡᠢ ᠶᠢᠨ ᠬᠢᠷᠢ ᠲᠣᠮᠣ ᠴᠤ ᠵᠢᠰᠦᠷᠬᠡᠭ᠃ ᠬᠡᠳᠦᠢ ᠨᠢᠭᠡ ᠲᠦᠷᠦᠯ ᠤᠨ ᠠᠮᠢᠳᠠᠨ | ᠴᠤ ᠵᠣᠪᠬᠢ ᠪᠠᠨ ᠳᠠᠭᠠᠭᠠᠳ ᠤᠯᠠᠭᠠᠨ ᠮᠥᠷᠲᠡᠭᠡᠨ ᠬᠠᠮᠠᠷ ᠠᠮᠠ ᠨᠢ ᠴᠤ ᠤᠯᠠᠭᠠᠨ᠃ ᠬᠥᠭᠡᠷᠦᠬᠦᠨ ᠠᠮᠢᠲᠠᠨ ᠳ᠋ᠠ᠃ | ᠡᠶᠢᠮᠦ ᠬᠥᠭᠡᠷᠦᠬᠦᠨ ᠠᠮᠢᠳᠠᠨ ᠳᠤ ᠠᠲᠠᠭᠠᠷᠬᠠᠳᠠᠭ ᠤᠯᠠᠨ ᠠᠮᠢᠳᠠᠨ ᠤ ᠨᠢᠭᠡ ᠨᠢ ᠡᠰᠢᠨᠳᠡᠢ᠃ ᠬᠥᠮᠥᠨ ᠳᠤ | ᠪᠠᠷᠢᠭᠳᠠᠭᠰᠠᠨ ᠬᠤᠯᠤᠭᠠᠨᠠ ᠠᠴᠠ ᠪᠤᠴᠠᠵᠤ ᠢᠷᠡᠭᠰᠡᠨ ᠨᠢ ᠠᠯᠠᠭᠠ ᠭᠡᠳᠡᠭ ᠢ ᠡᠰᠢᠨᠳᠡᠢ ᠮᠡᠳᠡᠨᠡ᠃ ᠲᠡᠭᠦᠨ ᠤ | ᠤᠳᠤᠮ ᠤᠭᠰᠠᠭᠠᠨ ᠠᠴᠠ ᠴᠤ ᠲᠡᠭᠡᠵᠦ ᠶᠠᠪᠤᠭᠰᠠᠨ ᠢ ᠠᠯᠢ ᠶᠢ ᠲᠡᠷᠡ ᠭᠡᠬᠦ ᠪᠤᠢ᠃ | | | ︽ᠣᠭᠤᠲᠣᠨᠠ ᠦᠬᠦᠴᠢᠬᠡᠯᠡ︕︾ | | | ᠡᠰᠢᠨᠳᠡᠢ ᠢᠩᠭᠢᠵᠦ ᠪᠤᠳᠤᠭᠠᠳ ᠪᠠᠶᠠᠷᠯᠠᠪᠠ᠂ ᠲᠤᠩ ᠶᠡᠭᠡ ᠪᠠᠶᠠᠷᠯᠠᠪᠠ᠃ ᠬᠡᠦᠬᠡᠳ ᠤᠨ ᠪᠠᠷᠠ ᠬᠠᠷᠠᠭᠳᠠᠬᠤ | ᠦᠭᠡᠢ ᠪᠣᠯᠣᠮᠠᠭᠴᠠ ᠣᠭᠤᠲᠣᠨᠠ ᠶᠢᠨ ᠡᠭᠦᠷ ᠤᠷᠤᠭᠤ ᠭᠦᠶᠦᠯᠡ᠃ ᠲᠡᠷᠡ᠂ ᠣᠭᠤᠲᠣᠨᠠ ᠶᠢᠨ ᠢᠳᠡᠭᠡ ᠶᠢ | ᠬᠠᠭᠤᠷᠠᠶᠢᠯᠠᠬᠤ ᠪᠠᠷ ᠮᠠᠭᠤ ᠰᠠᠨᠠᠭᠠ ᠡᠪᠦᠷᠯᠡᠪᠡ᠃ ᠬᠡᠳᠦᠨ ᠮᠠᠭᠤ ᠭᠥᠯᠴᠥᠭᠡᠢ ᠭᠡᠷ ᠤᠨ ᠢᠶᠠᠨ ᠪᠤᠯᠤᠩ ᠳᠤ | ᠳᠡᠪᠢᠰᠦᠭᠰᠡᠨ ᠵᠥᠭᠡᠯᠡᠨ ᠳᠡᠪᠢᠰᠬᠡᠷ ᠳᠡᠭᠡᠷᠡ ᠠᠮᠲᠠᠲᠠᠶᠢᠬᠠᠨ ᠨᠣᠶᠢᠷᠰᠤᠨᠠ᠃ ᠡᠰᠢᠨᠳᠡᠢ ᠲᠡᠳᠡᠭᠡᠷ ᠤᠨ ᠳᠡᠭᠡᠭᠦᠷ | ᠠᠯᠬᠤᠨ ᠭᠠᠷᠴᠤ ᠬᠤᠷᠢᠶᠠᠭᠰᠠᠨᠢᠳᠡᠰᠢ ᠬᠤᠭᠤᠯᠠᠶᠢ ᠨᠢ ᠭᠠᠳᠠᠭᠰᠢ ᠵᠥᠭᠡᠭᠡᠬᠦ ᠳᠡᠭᠡᠨ ᠤᠷᠢᠳ ᠢᠶᠠᠷ ᠴᠠᠳᠬᠤ | ᠭᠡᠵᠦ ᠠᠮᠠᠠᠮᠠ ᠪᠠᠷ ᠡᠮᠬᠦᠵᠦ ᠪᠠᠶᠢᠲᠠᠯᠠ ᠠᠷᠤ ᠳᠤᠨᠢ ᠶᠠᠭᠤᠮᠠ ᠳᠤᠤᠭᠠᠷᠬᠤ ᠰᠢᠭ᠋ ᠪᠣᠯᠵᠠᠢ᠃ ᠡᠷᠭᠢᠨ ᠬᠠᠷᠠᠲᠠᠯᠠ | ᠣᠭᠤᠲᠣᠨᠠ ᠣᠷᠣᠭᠠᠳ ᠢᠷᠡᠯᠡ᠄ | | | ︽ᠡᠰᠢᠨᠲᠡᠢ ᠲᠠ ᠶᠠᠭᠠᠬᠢᠵᠤ ᠪᠠᠶᠢᠬᠤ ᠶᠤᠮ︖︾ ᠭᠡᠪᠡ᠃ | | | ︽ᠦ᠂ ᠪᠢ ᠦᠦ︖ ᠲᠠᠨ ᠢ ᠪᠠᠷᠢᠭᠳᠠᠬᠤ ᠪᠠᠷ ᠡᠨᠡ ᠮᠠᠭᠤ ᠬᠡᠳᠦᠨ ᠠᠴᠢ ᠵᠢᠭᠡ ᠮᠢᠨᠢ ᠶᠠᠭᠠᠬᠢᠵᠤ ᠪᠠᠶᠢᠬᠤ | ᠪᠣᠯᠪᠠ ᠦᠦ︖ ᠬᠡᠮᠡᠨ ᠪᠤᠳᠤᠭᠠᠳ᠃ ᠲᠠ ᠶᠠᠭᠠᠬᠢᠭᠠᠳ ᠡᠷᠡᠭᠦᠯ ᠭᠦᠷᠦᠭᠡᠳ ᠢᠷᠡᠴᠢᠬᠡᠪᠡ︖︾ ᠭᠡᠵᠦ ᠡᠰᠢᠨᠲᠡᠢ | ᠠᠮᠢᠳᠤ ᠪᠠᠷ ᠪᠠᠷᠢᠭᠳᠠᠭᠰᠠᠨ ᠳᠠᠭᠠᠨ ᠠᠷᠭᠠ ᠠᠯᠲᠠᠷᠬᠠᠤ ᠪᠤᠰᠤ᠂ ᠰᠠᠶᠢᠨ ᠬᠥᠮᠥᠨ ᠪᠣᠯᠵᠤ ᠰᠠᠶᠢᠬᠠᠨ ᠴᠢᠷᠠᠶᠢᠯᠠᠵᠠᠢ᠃ | ᠣᠭᠤᠲᠣᠨᠠ ᠰᠢᠯᠢᠨ ᠬᠦᠵᠦᠭᠦᠦ ᠪᠠᠷ ᠬᠤᠯᠭᠤᠭᠰᠠᠨ ᠦᠰᠦ ᠬᠢᠯᠭᠠᠰᠤ ᠪᠠᠨ ᠵᠠᠰᠠᠨ ᠡᠪᠰᠢᠶᠡᠵᠦ᠄ | | | ︽ᠬᠥᠮᠥᠨ ᠳᠤ ᠪᠠᠷᠢᠭᠳᠠᠭᠠᠳ ᠶᠠᠪᠤᠭᠰᠠᠨ ᠨᠢ ᠦᠨᠡᠨ᠃ ᠣᠴᠢᠬᠤ ᠳᠤ ᠥᠭᠡᠳᠡ ᠠᠴᠠ ᠬᠠᠯᠠᠭᠤᠨ ᠴᠠᠢ᠂ | ᠴᠠᠶᠢᠭᠰᠠᠨ ᠠᠮᠤ ᠪᠠᠷ ᠳᠠᠶᠢᠯᠵᠤ᠂ ︿ᠢᠳᠡᠬᠦ ᠦᠭᠡᠢ᠂ ᠢᠳᠡᠬᠦ ᠦᠭᠡᠢ﹀ ᠭᠡᠵᠦ ᠪᠠᠶᠢᠲᠠᠯᠠ ᠬᠠᠷᠮᠠᠨ ᠡᠨᠡ ᠲᠡᠷᠡ ᠳᠤ ᠮᠢᠨᠢ | ᠴᠢᠬᠢᠭᠡᠳ᠂ ᠦᠵᠡᠬᠦ ᠦᠭᠡᠢ ᠦᠦ︖ ᠮᠢᠨᠤ ᠵᠠᠵᠢᠯᠤᠭᠤᠷ ᠲᠤ ᠴᠤ ᠳᠦᠭᠦᠷᠡᠩ ᠬᠢᠭᠡᠳ ᠥᠭᠴᠢᠬᠡᠭᠰᠡᠨ ᠰᠢᠤ ᠳ᠋ᠠ︾ | ᠭᠡᠳ ᠠᠮᠠ ᠠᠴᠠ ᠪᠠᠨ ᠬᠡᠳᠦᠨ ᠠᠮᠤ ᠶᠢᠨ ᠴᠠᠭᠠᠨ ᠮᠠᠯᠠᠭᠠᠢ ᠭᠠᠷᠭᠠᠬᠤ ᠳᠤ ᠡᠰᠢᠨᠲᠡᠢ ᠶᠢᠨ ᠨᠢᠳᠦ ᠪᠦᠯᠲᠡᠷᠡᠴᠢᠬᠡᠬᠦ | ᠰᠢᠬᠠᠪᠠ᠃ ᠡᠶᠢᠮᠦ ᠠᠮᠲᠠᠲᠠᠢ ᠢᠳᠡᠭᠡᠨ ᠢ ᠪᠠᠰᠠ ᠥᠭᠴᠦ ᠪᠠᠶᠢᠨᠠ ᠦᠦ︖ | | | ︽ᠪᠢ ᠣᠴᠢᠪᠠᠯ ᠥᠭᠭᠦᠨᠡ ᠦᠦ︖︾ | | | ︽ᠥᠭᠭᠦᠨᠡ᠂ ᠨᠠᠮᠠᠶᠢ ᠨᠠᠭᠠᠰᠢ ᠪᠠᠨ ᠬᠠᠨᠳᠤᠬᠤ ᠳᠤ ᠴᠠᠭᠠᠨ ᠮᠠᠯᠠᠭᠠᠢ ᠪᠤᠲᠠᠷᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠶᠠᠭ | ᠲᠡᠭᠦᠬᠦ ᠳᠡᠭᠡᠷᠡ ᠪᠠᠶᠢᠬᠤ ᠳ᠋ᠠ︾ | | | ᠡᠰᠢᠨᠳᠡᠢ ᠶᠠᠭᠠᠷᠠᠤ ᠭᠠᠷᠬᠤ ᠳᠤ ᠣᠭᠤᠲᠣᠨᠠ ᠬᠤᠶᠢᠨᠠ ᠠᠴᠠ ᠨᠢ ᠬᠠᠷᠠᠭᠰᠠᠭᠠᠷ ᠬᠤᠴᠣᠷᠪᠠ᠃ ᠬᠡᠳᠦᠨ | ᠤᠯᠠᠭᠠᠨ ᠨᠢᠴᠦᠭᠦᠨ ᠦᠷᠡ ᠨᠢ ᠡᠷᠡᠭᠦᠯ ᠡᠩᠬᠡ ᠪᠠᠶᠢᠬᠤ ᠳᠤ ᠰᠡᠳᠬᠢᠯ ᠨᠢ ᠠᠮᠠᠷᠠᠵᠠᠢ᠃ ᠲᠠᠯᠪᠢᠭᠳᠠᠭᠠᠳ᠂ ᠭᠡᠷ | ᠤᠷᠤᠭᠤ ᠭᠦᠶᠦᠬᠦ ᠳᠡᠭᠡᠨ ᠲᠠᠭᠠᠷᠠᠬᠰᠠᠨ ᠬᠡᠳᠦᠨ ᠮᠠᠯᠠᠭᠠᠶᠢᠯᠠᠭᠰᠠᠨ ᠠᠮᠤ ᠪᠠᠨ ᠬᠡᠦᠬᠡᠳ ᠲᠡᠭᠡᠨ ᠢᠳᠡᠭᠦᠯᠬᠦ ᠭᠡᠵᠦ | ᠲᠡᠭᠦᠵᠦ᠂ ᠳᠡᠷᠡ ᠶᠢᠨ ᠬᠢᠨᠢ ᠳᠡᠷᠭᠡᠳᠡ ᠲᠠᠯᠪᠢᠬᠤ ᠳᠠᠭᠠᠨ᠄ ︽ᠪᠠᠯᠴᠢᠷ ᠠᠮᠢᠲᠠᠳ ᠭᠡᠵᠦ ᠶᠠᠮᠠᠷ ᠬᠥᠭᠡᠷᠦᠬᠦᠢ ᠶᠤᠮ ᠳ᠋ᠠ᠃ | ᠡᠵᠢ ᠴᠢᠨᠢ ᠬᠥᠮᠥᠨ ᠳᠤ ᠪᠠᠷᠢᠭᠳᠠᠭᠠᠳ ᠵᠣᠪᠠᠵᠤ ᠵᠦᠳᠡᠵᠦ ᠶᠠᠪᠤᠬᠤ ᠳᠤ ᠲᠠ ᠬᠡᠳᠦᠭᠦᠯᠡ ᠶᠠᠭᠤ ᠴᠤ ᠮᠡᠳᠡᠬᠦ ᠦᠭᠡᠢ | ᠤᠨᠲᠠᠨᠠ᠃ ᠬᠡᠷᠪᠡ ᠡᠵᠢ ᠴᠢᠨᠢ ᠲᠡᠭᠡᠵᠦ ᠶᠠᠪᠤᠭᠠᠳ ᠦᠬᠦᠴᠢᠬᠡᠪᠡᠯ ᠲᠠ ᠬᠡᠳᠦᠭᠦᠯᠡ ᠮᠢᠨᠢ ᠶᠠᠭᠠᠬᠢᠵᠤ ᠠᠮᠢᠳᠤᠷᠠᠨᠠ︖ | ᠵᠠ ᠪᠠᠶᠢᠶᠠ᠂ ᠮᠠᠭᠤᠬᠠᠢ ᠶᠠᠭᠤᠮᠠ ᠪᠤᠳᠤᠬᠤ ᠪᠠᠨ ᠪᠠᠶᠢᠶᠠ᠃ ᠡᠷᠡᠭᠦᠯ ᠰᠠᠷᠠᠭᠤᠯ ᠪᠠᠶᠢᠵᠤ ᠪᠠᠶᠢᠭᠠᠳ ᠦᠬᠦᠯ | ᠬᠠᠭᠠᠴᠠᠯ ᠢ ᠰᠠᠨᠠᠭᠠᠳ︾ ᠭᠡᠵᠦ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠭᠠᠳ ᠦᠷᠡ ᠪᠠᠨ ᠬᠠᠷᠠᠨ ᠬᠠᠷᠠᠨ ᠢᠨᠢᠶᠡᠯᠡ᠃ | | | ᠶᠠᠭᠠᠷᠠᠪᠠᠯ ᠰᠠᠭᠠᠷᠠᠨᠠ ᠭᠡᠵᠦ᠂ ᠪᠠᠶᠠᠷᠯᠠᠭᠰᠠᠨ ᠡᠰᠢᠨᠲᠡᠢ ᠳᠠᠶᠢᠰᠤᠨ ᠮᠢᠷᠢᠶᠠᠵᠤ ᠢᠷᠡᠭᠰᠡᠨ ᠢ ᠮᠡᠳᠡᠭᠰᠡᠨ ᠦᠭᠡᠢ | ᠭᠦᠶᠦᠵᠦ ᠪᠠᠶᠢᠪᠠ᠃ ᠡᠪᠡᠰᠦ ᠤᠷᠭᠤᠮᠠᠯ ᠢᠶᠠᠷ ᠬᠠᠯᠬᠠᠪᠴᠢ ᠬᠢᠵᠦ ᠵᠠᠮ ᠢ ᠨᠢ ᠣᠳᠤᠵᠤ ᠪᠠᠶᠢᠭᠰᠠᠨ ᠮᠤᠤᠷ ᠲᠡᠭᠦᠨ ᠢ | ᠠᠮᠠᠷᠬᠠᠨ ᠪᠠᠷᠢᠵᠤ ᠠᠪᠤᠯᠠ᠃ ᠠᠮᠤ ᠶᠢᠨ ᠴᠠᠭᠠᠨ ᠮᠠᠯᠠᠭᠠᠢ ᠶᠢ ᠠᠮᠠ ᠠᠮᠠ ᠪᠠᠷ ᠡᠮᠬᠦᠵᠦ ᠢᠳᠡᠨᠡ ᠭᠡᠰᠡᠨ | ᠳᠤᠷᠠ ᠳᠠᠭᠠᠨ ᠰᠢᠯᠦᠰᠦᠨ ᠳᠡᠭᠡᠨ ᠬᠠᠭ᠋ᠠᠭᠰᠠᠨ ᠡᠰᠢᠨᠲᠡᠢ ᠴᠡᠴᠡᠷᠡᠨ ᠳᠠᠭᠵᠢᠵᠤ᠄ | | | ︽ᠠᠮᠢ ᠶᠢ ᠥᠷᠥᠰᠢᠶᠡᠨᠡ ᠦᠦ︖︾ ᠬᠡᠮᠡᠨ ᠭᠤᠶᠤᠯᠠ᠃ ᠮᠤᠤᠷ ᠤᠨ ᠬᠢᠯᠢᠩ ᠪᠠᠳᠠᠷᠠᠵᠤ ᠡᠰᠢᠨᠲᠡᠢ ᠶᠢ | ᠠᠳᠬᠤᠨ ᠳᠡᠭᠡᠷᠡ ᠡᠷᠭᠦᠭᠡᠳ᠄ | | | ︽ᠥᠷᠥᠰᠢᠶᠡᠨᠡ ᠦᠦ︖ ᠭᠡᠨᠡ᠃ ᠴᠢᠨᠦ ᠬᠤᠯᠠᠭᠠᠢ ᠵᠠᠩ ᠠᠴᠠ ᠪᠣᠯᠵᠤ ᠪᠢ ᠡᠵᠡᠨ ᠳᠡᠭᠡᠨ ᠬᠡᠴᠢᠨᠡᠨ ᠴᠤ | ᠤᠳᠠᠭᠠ ᠵᠠᠩᠨᠠᠭᠤᠯᠤᠭᠰᠠᠨ ᠶᠤᠮ ᠪᠢᠯᠡ︖ ᠲᠤᠭᠠ ᠪᠠᠶᠢᠨᠠ ᠦᠦ︖ ᠪᠢ ᠴᠢᠮᠠᠶᠢ ᠢᠳᠡᠬᠦ ᠢᠳᠡᠬᠦ ᠳᠡᠭᠡᠨ | ᠲᠠᠪᠠᠷᠲ᠋ᠠᠭᠠᠨ ᠥᠭᠴᠦ ᠨᠠᠭᠠᠳᠤᠭᠤᠯᠵᠤ ᠨᠠᠭᠠᠳᠤᠭᠤᠯᠤᠭᠠᠳ ᠰᠠᠨᠠᠭᠠ ᠨᠢ ᠬᠠᠨᠤᠬᠤ ᠳᠤ ᠲᠣᠯᠣᠭᠠᠢ ᠶᠢ ᠴᠢᠨᠢ | ᠭᠠᠭᠴᠠᠬᠠᠨ ᠢᠩᠭᠢᠭᠡᠳ ᠁︾ ᠬᠡᠮᠡᠨ ᠬᠠᠵᠠᠭᠰᠠᠨ ᠳᠦᠷᠢ ᠭᠠᠷᠭᠠᠭᠠᠳ᠄ ︽ᠣᠳᠤ ᠶᠠᠭᠠᠬᠢᠨᠠ︖ ᠪᠢᠳᠡᠨ ᠤ | ᠭᠡᠳᠡᠰᠦᠨ ᠳᠤ ᠣᠷᠣᠴᠢᠬᠠᠨᠠ ᠰᠢᠤ︾ ᠬᠡᠮᠡᠨ ︽ᠬᠠ ᠬᠠ︾ ᠢᠨᠢᠶᠡᠬᠦ ᠳᠤ ᠠᠶᠤᠭᠠᠳ᠂ ᠭᠤᠶᠤᠭᠠᠳ ᠲᠤᠰᠠᠯᠠᠮᠵᠢ | ᠦᠭᠡᠢ ᠪᠣᠯᠤᠭᠰᠠᠨ ᠢᠶᠠᠨ ᠭᠠᠳᠠᠷᠯᠠᠭᠰᠠᠨ ᠡᠰᠢᠨᠳᠡᠢ ᠶᠢᠨ ᠤᠬᠠᠭᠠ ᠴᠣᠭᠤᠷᠠᠵᠤ᠄ | | | ︽ᠮᠢᠨᠤ ᠬᠡᠳᠦᠨ ᠭᠥᠯᠴᠥᠭᠡᠢ ᠡᠭᠦᠷ ᠲᠡᠭᠡᠨ ᠪᠠᠶᠢᠬᠤ᠃ ᠪᠢ ᠲᠠᠨ ᠳᠤ ᠢᠳᠡᠭᠳᠡᠴᠢᠬᠡᠪᠡᠯ ᠲᠡᠷᠡ ᠭᠡᠳᠦ ᠮᠠᠨᠢ ᠴᠤ | ᠥᠯᠪᠡᠷᠴᠦ ᠦᠬᠦᠬᠦ ᠪᠠᠶᠢᠬᠠ᠃ ᠲᠡᠭᠡᠭᠦ ᠪᠠᠷ ᠢᠶᠠᠨ ᠪᠢ ᠶᠠᠯᠠ ᠪᠠᠨ ᠭᠠᠪᠢᠶᠠ ᠪᠠᠷ ᠲᠠᠶᠢᠯᠬᠤ ᠭᠡᠵᠦ ᠡᠭᠦᠷ ᠢᠶᠠᠷ ᠢᠶᠠᠨ | ᠲᠠᠨ ᠤ ᠨᠢᠭᠡ ᠴᠠᠭ ᠤᠨ ᠢᠳᠡᠰᠢ ᠪᠣᠯᠴᠢᠬᠠᠶᠠ᠃ ᠢᠩᠭᠢᠬᠦ ᠶᠢ ᠲᠠ ᠵᠥᠪᠰᠢᠶᠡᠷᠡᠨᠡ ᠪᠢᠵᠡ︖︾ ᠬᠡᠮᠡᠨ ᠠᠷᠭᠠᠳᠠᠯᠠ᠃ | | | ᠬᠠᠷᠠ ᠮᠤᠤᠷ ᠪᠤᠳᠤᠪᠠ᠄ ᠪᠤᠯᠬᠤ ᠴᠤ ᠶᠤᠮ ᠦᠦ︖ ᠡᠭᠦᠷ ᠢᠶᠠᠷ ᠨᠢ ᠪᠠᠷᠢᠴᠢᠬᠠᠪᠠᠯ ᠳᠠᠶᠢᠰᠤᠨ ᠴᠥᠭᠡᠳᠡᠵᠦ | ᠪᠠᠶᠢᠭᠠ ᠬᠡᠷᠡᠭ ᠪᠢᠰᠢ ᠶᠤᠮ ᠦᠦ︖ | | | ᠡᠰᠢᠨᠲᠡᠢ ᠶᠢ ᠬᠠᠷᠠ ᠮᠤᠤᠷ ᠬᠦᠵᠦᠭᠦᠨ ᠡᠷᠢᠭᠡ ᠪᠠᠷ ᠣᠭᠤᠰᠣᠷᠯᠠᠭᠠᠳ ᠲᠠᠭᠤᠵᠤ ᠶᠠᠪᠤᠯᠠ᠃ ᠡᠰᠢᠨᠳᠡᠢ | ᠡᠭᠦᠷ ᠤᠨ ᠢᠶᠠᠨ ᠵᠦᠭ ᠪᠤᠰᠤ᠂ ᠣᠭᠤᠲᠣᠨᠠ ᠶᠢᠨ ᠭᠠᠳᠠᠨᠠ ᠬᠦᠷᠴᠦ ᠢᠷᠡᠭᠡᠳ ᠨᠦᠬᠡ ᠤᠷᠤᠭᠤ ᠨᠢ ᠣᠷᠣᠬᠤ ᠭᠡᠪᠡ᠃ | ᠮᠤᠤᠷ ᠳᠡᠭᠡᠰᠦ ᠠᠴᠠ ᠨᠢ ᠲᠠᠲᠠᠵᠤ ᠵᠣᠭᠰᠣᠭᠠᠭᠠᠳ᠄ ︽ᠳᠠᠭᠤᠳᠠ︕︾ ᠭᠡᠪᠡ᠃ ᠡᠰᠢᠨᠳᠡᠢ ᠬᠤᠭᠤᠯᠠᠢ ᠪᠠᠨ ᠵᠠᠰᠠᠨ | ᠪᠠᠶᠢᠵᠤ᠄ | | | ︽ᠠᠶᠢᠯ ᠠᠶᠢᠮᠠᠭ ᠮᠢᠨᠢ ᠠ᠋︕ ᠭᠠᠷᠤᠭᠠᠳ ᠢᠷᠡ᠃ ᠪᠢ ᠣᠯᠣᠭᠰᠠᠨ ᠢᠳᠡᠰᠢ ᠪᠠᠨ ᠡᠭᠦᠷᠴᠦ ᠶᠠᠳᠠᠭᠠᠳ᠂ | ᠵᠢᠭᠠᠬᠠᠨ ᠲᠤᠰᠠᠯᠠᠭᠠᠳ ᠥᠭᠭᠦᠨᠡ ᠦᠦ︖︾ ᠬᠡᠮᠡᠨ ᠬᠠᠰᠬᠢᠷᠤᠯᠠ᠃ | | | ᠡᠰᠢᠨᠲᠡᠢ ᠶᠢ ᠬᠠᠭᠤᠷᠴᠤ ᠶᠠᠪᠤᠭᠤᠯᠤᠭᠰᠠᠨ ᠳᠠᠭᠠᠨ ᠵᠣᠪᠠᠵᠤ ᠪᠠᠶᠢᠭᠰᠠᠨ ᠣᠭᠤᠲᠣᠨᠠ ᠬᠤᠶᠢᠨᠠ ᠠᠴᠠ ᠨᠢ | ᠶᠠᠪᠤᠵᠤ ᠦᠵᠡᠬᠦ ᠴᠤ ᠶᠤᠮ ᠦᠦ ᠬᠡᠮᠡᠨ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠠᠵᠢ᠃ ᠣᠳᠤ ᠳᠠᠭᠤᠳᠠᠬᠤ ᠪᠠᠷ ᠭᠠᠶᠢᠬᠠᠨ ᠭᠠᠷᠴᠤ | ᠢᠷᠡᠬᠦ ᠳᠤ ᠮᠢᠷᠢᠶᠠᠵᠤ ᠪᠠᠶᠢᠭᠰᠠᠨ ᠮᠤᠤᠷ ᠲᠤ ᠠᠮᠠᠷᠬᠠᠨ ᠪᠠᠷᠢᠭᠳᠠᠯᠠ᠃ ᠬᠠᠷᠠ ᠮᠤᠤᠷ ᠬᠤᠶᠠᠷ ᠠᠮᠢᠳᠠᠨ ᠢ ᠬᠤᠯᠪᠣᠵᠤ | ᠤᠶᠠᠭᠠᠳ᠂ ᠭᠡᠷ ᠤᠷᠤᠭᠤ ᠪᠠᠨ ᠲᠠᠭᠤᠵᠤ ᠶᠠᠪᠤᠨᠠ᠃ | | | 3 | | | ᠪᠠᠭᠠ ᠦᠳᠡ ᠬᠠᠵᠠᠶᠢᠵᠤ᠂ ᠨᠠᠷᠠᠨ ᠤ ᠰᠢᠷᠠᠬᠤ ᠨᠢ ᠢᠯᠡᠳᠲᠡ ᠴᠢᠩᠭᠠᠷᠠᠵᠠᠢ᠃ | | | ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠲᠣᠭᠤᠭᠠ ᠪᠠᠨ ᠬᠠᠭᠤᠷᠴᠤ ᠭᠠᠷᠭᠠᠭᠰᠠᠨ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠶᠢ ᠠᠬᠤᠶᠢᠯᠠᠵᠤ | ᠴᠡᠪᠡᠷᠯᠡᠬᠦ ᠶᠢᠨ ᠶᠡᠭᠡ ᠠᠵᠢᠯ ᠬᠦᠯᠢᠶᠡᠵᠦ ᠪᠠᠶᠢᠯᠠ᠃ ᠨᠠᠭᠠᠳᠴᠤ᠂ ᠭᠡᠳᠡᠰᠦ ᠨᠢ ᠳᠤᠨᠳᠠᠷᠠᠭᠰᠠᠨ ᠬᠡᠦᠬᠡᠳ ᠤᠨ | ᠶᠠᠷᠪᠢᠭᠯᠠᠬᠤ ᠨᠢ ᠣᠯᠠᠳᠠᠬᠤ ᠳᠤ᠄ | | | ︽ᠵᠠ ᠵᠠ᠂ ᠬᠠᠷᠢᠶᠠ᠃ ᠠᠮᠢᠵᠢᠭᠤᠵᠤ ︵ᠢᠳᠡᠵᠦ ᠤᠤᠭᠤᠵᠤ︶ ᠠᠪᠤᠭᠠᠳ ᠢᠷᠡᠵᠦ ᠴᠡᠪᠡᠷᠯᠡᠶᠡ︾ ᠭᠡᠯᠴᠡᠨ | ᠡᠭᠦᠷᠳᠡᠭ ᠢ ᠨᠢ ᠡᠭᠦᠷᠴᠦ᠂ ᠬᠥᠲᠥᠯᠳᠡᠭ ᠢ ᠨᠢ ᠬᠥᠲᠥᠯᠥᠭᠡᠳ ᠭᠡᠷ ᠤᠷᠤᠭᠤ ᠪᠠᠨ ᠬᠥᠳᠡᠯᠵᠡᠢ᠃ ᠬᠡᠦᠬᠡᠳ ᠤᠨ ᠬᠢᠨᠢ | ᠶᠡᠭᠡ ᠭᠡᠰᠡᠨ ᠳᠡᠭᠡᠨ ᠰᠢᠷᠠ ᠪᠠᠨᠳᠢ ᠥᠪᠡᠷ ᠤᠨ ᠳᠠᠭᠠᠭᠠᠬᠤ ᠪᠠᠷ ᠰᠠᠶᠢᠰᠠ᠂ ᠬᠤᠳᠬᠤᠭᠤᠷ ᠮᠣᠳᠣ ᠶᠢ ᠠᠪᠴᠤ | ᠠᠪᠤ ᠶᠢᠨ ᠢᠶᠠᠨ᠄ ︽ᠨᠣᠬᠠᠢ ᠶᠢᠨ ᠭᠦᠯᠦᠭᠡ ᠠᠴᠠ ᠳᠡᠭᠡᠷᠡ ᠶᠠᠭᠤᠮᠠ ᠪᠣᠯᠵᠤ ᠳ᠋ᠠ︕︾ ᠭᠡᠰᠡᠨ ᠠᠮᠠᠨ ᠮᠠᠭᠲᠠᠭᠠᠯ ᠢ | ᠬᠦᠷᠲᠡᠵᠦ᠂ ᠬᠥᠭᠡᠷᠦᠭᠰᠡᠨ ᠳᠡᠭᠡᠨ ᠲᠣᠮᠣ ᠭᠠᠤᠯᠢᠨ ᠰᠢᠨᠠᠭᠠ ᠶᠢ ᠠᠪᠬᠤ ᠭᠡᠰᠡᠨ ᠴᠤ ᠭᠠᠷ ᠲᠤᠨᠢ ᠪᠠᠭᠲᠠᠭᠰᠠᠨ ᠦᠭᠡᠢ᠃ | | | | ︽ᠭᠦ᠋ ᠪᠣᠯᠵᠤ ᠳ᠋ᠠ᠂ ᠬᠦᠦ ᠮᠢᠨᠢ᠃ ᠬᠤᠶᠠᠷ ᠳᠡᠭᠦᠦ ᠪᠠᠨ ᠬᠠᠷᠠᠵᠤ᠂ ᠠᠮᠤ ᠰᠠᠨᠠᠭᠠ ᠠᠮᠤᠷ ᠬᠠᠭᠤᠷᠤᠭᠤᠯᠤᠯᠠ᠃ | ᠦᠭᠡᠢ ᠪᠣᠯ ᠡᠨᠡ ᠬᠤᠶᠠᠷ ᠪᠤᠯᠬᠤ ᠦᠭᠡᠢ︾ ᠭᠡᠵᠦ ᠡᠵᠢ ᠨᠢ ᠪᠠᠰᠠ ᠨᠡᠮᠡᠵᠦ ᠬᠡᠯᠡᠯᠡ᠃ ᠬᠦᠦ ᠶᠢᠨ ᠰᠡᠳᠬᠢᠯ ᠪᠠᠶᠠᠷ | ᠭᠦᠷ ᠢᠶᠠᠷ ᠪᠢᠯᠬᠠᠵᠤ᠂ ᠠᠪᠤᠭᠰᠠᠨ ᠶᠠᠭᠤᠮᠠ ᠨᠢ ᠳᠠᠩᠴᠤ ᠬᠥᠩᠭᠡᠨ ᠰᠠᠨᠠᠭᠳᠠᠨᠠ᠃ ᠪᠤᠯᠳᠠᠭ ᠰᠠᠨ ᠪᠣᠯ ᠪᠠᠰᠠ ᠨᠢᠭᠡ | ᠭᠡᠳᠦ ᠶᠢ ᠠᠪᠬᠤ ᠰᠠᠨ ᠭᠡᠵᠦ ᠪᠤᠳᠤᠨᠠ᠃ | | | ︽ᠬᠤᠯᠤᠭᠠᠨᠠ︕︾ ᠭᠡᠵᠦ ᠠᠪᠤ ᠶᠢᠨ ᠢᠶᠠᠨ ᠨᠢᠷᠤᠭᠤᠨ ᠳᠤ ᠨᠣᠶᠢᠷᠮᠣᠭᠯᠠᠵᠤ ᠪᠠᠶᠢᠭᠰᠠᠨ ᠪᠢᠴᠢᠬᠠᠨ ᠥᠬᠢᠨ | ᠬᠠᠰᠬᠢᠷᠤᠯᠠ᠃ | | | ᠬᠠᠷᠠ ᠮᠤᠤᠷ ᠡᠵᠡᠨ ᠢᠶᠠᠨ ᠦᠵᠡᠭᠡᠳ ᠬᠤᠯᠤᠭᠠᠨᠠ ᠪᠠᠷᠢᠵᠤ ᠠᠪᠤᠭᠰᠠᠨ ᠢᠶᠠᠨ ᠪᠠᠷᠳᠠᠬᠤ ᠭᠡᠵᠦ᠄ ︽ᠵᠣᠭᠰᠣ︕︾ | ᠭᠡᠵᠦ ᠬᠡᠦᠬᠡᠨ ᠠᠴᠠ ᠴᠤ ᠴᠢᠩᠭᠠ ᠳᠤᠤᠭᠠᠷᠬᠤ ᠳᠤ ᠠᠶᠤᠭᠰᠠᠨ ᠬᠤᠶᠠᠷ ᠰᠢᠭᠡᠵᠢ ᠬᠤᠷᠤᠭᠤ ᠬᠢᠷᠢ ᠪᠣᠯᠪᠠ᠃ | ᠥᠯᠥᠭᠴᠢᠨ ᠮᠤᠤᠷ ᠥᠨᠥᠬᠢ ᠬᠤᠶᠠᠷ ᠢ ᠬᠡᠳᠦᠨ ᠲᠠᠪᠠᠷ ᠲᠠᠭᠠᠨ ᠥᠭᠴᠦ ᠨᠠᠭᠠᠳᠤᠭᠤᠯᠬᠤ ᠭᠡᠵᠦ ᠠᠪᠴᠤ ᠶᠠᠪᠤᠭᠠ | ᠨᠢ ᠡᠨᠡ᠃ | | | ︽ᠠᠪᠤ ᠠ᠋︕ ᠡᠵᠢ ᠠ᠋︕ ᠡᠨᠡ ᠴᠢᠨᠢ ᠮᠠᠨᠤᠰ ᠤᠨ ᠪᠠᠷᠢᠭᠰᠠᠨ ᠣᠭᠤᠲᠣᠨᠠ ᠪᠢᠰᠢ ᠶᠤᠮ ᠦᠦ︖ ᠮᠥᠨ | ᠪᠠᠶᠢᠨᠠ︾ ᠭᠡᠵᠦ ᠬᠦᠦ ᠪᠠᠰᠠ ᠬᠠᠰᠬᠢᠷᠤᠯᠠ᠃ ᠥᠬᠢᠨ ᠳᠡᠭᠦᠦ ᠨᠢ ᠠᠪᠤ ᠶᠢᠨ ᠢᠶᠠᠨ ᠨᠢᠷᠤᠭᠤ ᠠᠴᠠ ᠱᠤᠳᠤᠷᠤᠨ | ᠪᠠᠭᠤᠪᠠ᠃ ᠲᠡᠭᠦᠨ ᠤ ᠨᠣᠶᠢᠷ ᠰᠡᠷᠭᠦᠵᠡᠢ᠃ ᠬᠠᠮᠤᠭ ᠪᠠᠭᠠ ᠳᠡᠭᠦᠦ ᠨᠢ ᠡᠵᠢ ᠶᠢᠨ ᠢᠶᠠᠨ ᠡᠪᠦᠷ ᠲᠤ ᠪᠦᠭᠡ ᠭᠡᠭᠴᠢ | ᠤᠨᠲᠠᠨᠠ᠃ | | | ︽ᠶᠠᠭ ᠮᠥᠨ ᠪᠠᠶᠢᠨᠠ᠂ ᠡᠨᠡ ᠶᠠᠭᠠᠬᠢᠭᠠᠳ ᠠᠳᠡ ᠶᠠᠪᠤᠵᠤ ᠪᠠᠶᠢᠬᠤ ᠶᠤᠮ︖ ᠪᠠᠰᠠ ᠨᠢᠭᠡ ᠡᠰᠢᠨᠲᠡᠢ | ᠪᠠᠶᠢᠨᠠ᠃ ᠬᠥᠶ᠋ᠢ᠂ ᠣᠭᠤᠲᠣᠨᠠ ᠠ᠋︕ ᠴᠢ ᠶᠠᠭᠠᠬᠢᠭᠠᠳ ᠮᠠᠨ ᠤ ᠭᠡᠷ ᠤᠨ ᠮᠤᠤᠷ ᠲᠤ ᠪᠠᠷᠢᠭᠳᠠᠴᠢᠬᠠᠪᠠ︖︾ᠭᠡᠵᠦ | ᠠᠬᠠ ᠳᠡᠭᠦᠦ ᠬᠤᠶᠠᠷ ᠲᠣᠭᠤᠷᠢᠨ ᠡᠷᠭᠢᠯᠳᠦᠨᠡ᠃ | | | ᠠᠪᠤ ᠡᠵᠢ ᠬᠤᠶᠠᠷ ᠨᠢ ᠪᠠᠰᠠ ᠬᠦᠷᠴᠦ ᠢᠷᠡᠯᠡ᠄ | | | ︽ᠪᠠᠭ᠋ᠠᠨ ᠲᠡᠶᠢᠮᠦ᠂ ᠮᠠᠭᠤ ᠮᠤᠤᠷ ᠭᠡᠷ ᠤᠷᠤᠭᠤ ᠠᠮᠢᠳᠤ ᠬᠤᠯᠤᠭᠠᠨᠠ ᠵᠥᠭᠡᠭᠡᠭᠡᠳ ᠪᠠᠶᠢᠳᠠᠭ ᠶᠤᠮ᠃ | ᠲᠠᠪᠠᠷ ᠲᠠᠭᠠᠨ ᠥᠭᠴᠦ ᠨᠠᠭᠠᠳᠤᠭᠤᠯᠳᠠᠭ ᠶᠤᠮ ᠪᠠᠶᠢᠨᠠ᠃ ᠬᠠᠶᠠ᠂ ᠬᠠᠶᠠ᠂ ᠬᠠᠷᠢᠶᠠ︾ ᠭᠡᠵᠦ ᠠᠪᠤ ᠨᠢ ᠥᠭᠦᠯᠡᠬᠦ ᠳᠤ᠄ | ︽ᠣᠭᠤᠲᠣᠨᠠ ᠬᠥᠮᠥᠨ ᠬᠠᠷᠠ ᠳᠤ ᠭᠡᠮ ᠬᠤᠣᠷ ᠦᠭᠡᠢ ᠠᠮᠢᠳᠠᠨ᠂ ᠲᠠᠯᠪᠢᠵᠤ ᠶᠠᠪᠤᠭᠤᠯ᠃ ᠡᠨᠡ ᠮᠠᠭᠤ ᠡᠰᠢᠨᠲᠡᠢ ᠴᠤ | ᠬᠡᠷᠡᠭ ᠤᠨ ᠲᠦᠷᠦᠭᠦᠣ᠃ ᠪᠠᠶᠢᠳᠠᠭ ᠤᠭᠤᠲᠠ ᠰᠠᠪᠠ ᠶᠢ ᠴᠣᠭᠤᠯᠵᠤ᠂ ᠭᠡᠷ ᠤᠨ ᠣᠷᠣᠢ ᠪᠠᠷ ᠴᠤ ᠭᠦᠶᠦᠵᠦ ᠪᠠᠶᠢᠬᠤ᠃ | ᠶᠠᠭᠠᠬᠢᠵᠤ ᠭᠠᠷᠳᠠᠭ ᠶᠤᠮ ᠪᠢᠯᠡ︖ ᠰᠦᠷᠡᠬᠡᠢ ᠠᠮᠢᠳᠠᠨ᠃ ᠬᠢᠵᠢᠭ ᠡᠨᠡ ᠲᠡᠷᠡ ᠲᠠᠷᠬᠠᠭᠠᠴᠢᠬᠠᠨᠠ︾ ᠭᠡᠵᠦ | ᠰᠠᠷᠠᠨᠲᠤᠶᠠᠭᠠ ᠵᠢᠭᠰᠢᠨ ᠥᠭᠦᠯᠡᠯᠡ᠃ | | | ᠤᠰᠤ ᠶᠢ ᠨᠢ ᠤᠤᠭᠤᠪᠠᠯ ᠶᠣᠰᠣ ᠶᠢ ᠨᠢ ᠳᠠᠭᠠᠨᠠ ᠭᠡᠵᠦ᠂ ᠬᠠᠷᠠ ᠮᠤᠤᠷ ᠣᠭᠤᠲᠣᠨᠠ ᠶᠢᠨ ᠤᠶᠠᠭᠠ ᠶᠢ | ᠲᠠᠶᠢᠯᠦᠯᠠ᠃ ᠰᠤᠯᠠᠯᠠᠭᠳᠠᠭᠰᠠᠨ ᠣᠭᠤᠲᠣᠨᠠ ᠭᠡᠷ ᠤᠷᠤᠭᠤ ᠪᠠᠨ ᠪᠦᠳᠦᠴᠢᠨ ᠭᠦᠶᠦᠬᠦ ᠳᠤ ᠡᠰᠢᠨᠲᠡᠢ | ᠬᠤᠶᠢᠨᠠ ᠠᠴᠠ ᠨᠢ ᠶᠠᠪᠤᠬᠤ ᠭᠡᠪᠡ᠃ ᠮᠤᠤᠷ ᠤᠶᠠᠭᠠ ᠠᠴᠠ ᠨᠢ ᠣᠭᠵᠣᠮ ᠲᠠᠲᠠᠵᠤ᠄ | | | ︽ᠴᠢ ᠶᠠᠮᠠᠷ ᠣᠭᠤᠲᠣᠨᠠ ᠪᠠᠶᠢᠨᠠ ᠦᠦ︖ ᠮᠠᠨ ᠤ ᠳᠤ ᠶᠠᠪᠤᠵᠤ ᠬᠡᠦᠬᠡᠳ ᠤᠳ ᠤᠨ ᠮᠢᠨᠢ ᠲᠣᠭᠯᠠᠭᠠᠮ ᠪᠣᠯ︕ | ︾ ᠭᠡᠯᠡ᠃ |