| ᠬᠡᠨ ᠤ ᠬᠢ ᠪᠤᠢ ᠮᠠᠨ ᠤ ᠬᠢ | ᠬᠡᠯᠡᠬᠦ ᠠᠴᠠ ᠭᠤᠶᠣ ᠬᠡᠮᠡᠷᠯᠢᠭ ᠲᠣᠷᠭᠠᠨ ᠬᠥᠳᠡᠭᠡ ᠨᠤᠲᠤᠭ | ᠬᠠᠨ ᠲᠡᠭᠷᠢ ᠠᠴᠠ ᠢᠪᠡᠭᠡᠯ ᠲᠠᠢ | ᠬᠠᠷᠠᠭᠠᠨ ᠳᠤ ᠳᠤᠯᠠᠭᠠᠬᠠᠨ ᠦᠨᠡᠨ ᠪᠠᠶᠢᠭᠠᠯᠢ | ᠵᠢᠪᠠᠷ ᠨᠢ ᠭᠦᠷᠲᠡᠯᠡ ᠵᠠᠩ ᠢᠶᠠᠷ ᠢᠶᠠᠨ ᠢᠯᠪᠢᠳᠡᠭ ᠵᠥᠪ ᠰᠠᠨᠠᠭᠠ ᠲᠠᠢ | ᠵᠠᠭᠠᠷ ᠽᠠᠨᠳᠠᠨ ᠮᠣᠳᠣᠳ ᠨᠢ ᠵᠢᠩᠭᠠᠷ ᠬᠠᠶᠢᠯᠠᠭᠰᠠᠨ ᠴᠡᠩᠭᠡᠯ ᠤᠨ ᠬᠥᠳᠡᠭᠡ | ᠬᠠᠪᠤᠷ ᠨᠢ ᠪᠤᠯᠪᠠᠴᠣ ᠬᠠᠩᠭᠢᠨᠠᠲᠠᠯᠠ ᠳᠠᠭᠤᠯᠠᠳᠠᠭ ᠬᠤᠭᠤᠯᠠᠢ ᠰᠠᠷᠠᠭᠤᠯ ᠲᠠᠢ | ᠬᠠᠰᠠᠷ ᠪᠣᠭᠳᠠ ᠶᠢᠨ ᠰᠤᠮᠤ ᠰᠣᠶᠢᠭᠰᠠᠨ ᠥᠮᠴᠢ ᠨᠤᠲᠤᠭ | ᠤᠭᠠᠯᠵᠠ ᠬᠡ ᠲᠠᠢ ᠱᠤᠤᠭᠢᠶᠠᠨ ᠣᠰᠣᠨ ᠠᠭᠤᠯᠠ ᠪᠠᠨ ᠮᠠᠭᠲᠠᠭᠠᠳ ᠤᠶᠠᠩᠭᠠᠷᠠᠬᠤ ᠨᠢ | ᠤᠷᠠᠨ ᠭᠡᠯᠡ ᠲᠠᠢ ᠰᠢᠪᠠᠭᠤᠳ ᠤᠳᠬᠠ ᠪᠠᠶᠠᠨ ᠦᠯᠢᠭᠡᠷ ᠢ | ᠦᠳᠦ ᠪᠠᠨ ᠭᠠᠶᠢᠬᠠᠭᠤᠯᠤᠭᠰᠠᠭᠠᠷ ᠬᠡᠯᠡᠬᠦ ᠨᠢ | ᠵᠢᠷᠤᠭ ᠢᠶᠠᠷ ᠪᠢᠰᠢ ᠰᠢᠯᠦᠭ ᠢᠶᠠᠷ ᠪᠢᠰᠢ | ᠵᠤᠰᠠᠭᠠᠯ ᠤᠨ ᠢᠶᠠᠨ ᠥᠷᠯᠥᠭᠡ ᠪᠠᠷ ᠢᠶᠠᠨ | ᠵᠢᠷᠦᠬᠡ ᠪᠠᠨ ᠲᠠᠨᠢᠭᠤᠯᠳᠠᠭ ᠬᠥᠳᠡᠭᠡ | ᠨᠠᠷᠠ ᠨᠢ ᠨᠠᠯᠠᠶᠢᠭᠠᠳ ᠲᠠᠯᠠ ᠨᠢ ᠲᠡᠨᠢᠢᠭᠡᠳ | ᠨᠢᠯᠬᠠ ᠲᠣᠭᠤᠯ ᠡᠬᠡ ᠳᠡᠭᠡᠨ ᠡᠷᠬᠡᠯᠡᠨ ᠲᠣᠭᠯᠠᠭᠰᠠᠨ | ᠡᠭᠦᠯᠡ ᠨᠢ ᠨᠡᠭᠦᠭᠡᠳ ᠦᠳᠡᠰᠢ ᠶᠢᠨ ᠰᠠᠷᠠᠨ ᠳᠠᠭᠠᠨ | ᠦᠨᠡᠭᠡᠲᠦ ᠶᠢᠨ ᠬᠥᠨᠳᠡᠢ ᠳᠤ | ᠠᠳᠤᠭᠤᠳ ᠢᠶᠠᠨ ᠮᠠᠨᠠᠭᠰᠠᠨ ᠨᠤᠲᠤᠭ | ᠠᠭᠢ ᠲᠠᠭᠠᠨᠠ ᠶᠢᠨ ᠦᠨᠦᠷ ᠨᠢ | ᠠᠶᠠᠨ ᠤ ᠬᠥᠮᠥᠰ ᠤᠨ ᠴᠢᠯᠡᠭᠡ ᠲᠠᠶᠢᠯᠳᠠᠭ | ᠠᠳᠬᠤᠨ ᠳᠤ ᠪᠠᠭᠤᠳᠠᠭ ᠵᠢᠮᠢᠰ ᠨᠢ | ᠠᠯᠢᠶᠠ ᠬᠡᠦᠬᠡᠳ ᠤᠨ ᠰᠢᠯᠦᠰᠦ ᠶᠢ ᠬᠤᠷᠠᠭᠤᠯᠵᠤ | ᠰᠡᠪᠡᠯᠵᠡᠬᠦ ᠰᠠᠯᠬᠢᠨ ᠨᠢ ᠰᠡᠳᠬᠢᠯ ᠠᠷᠭᠠᠳᠠᠵᠤ | ᠰᠡᠷᠢᠭᠦᠦ ᠲᠠᠲᠠᠭᠰᠠᠨ ᠠᠶᠢᠷᠠᠭ ᠲᠠᠢ | ᠦᠳᠡᠰᠢ ᠪᠠᠷ ᠵᠢᠷᠭᠠᠭᠤᠯᠳᠠᠭ ᠬᠥᠳᠡᠭᠡ ᠮᠢᠨᠢ | ᠮᠢᠩᠭᠠᠨ ᠴᠡᠴᠡᠭ ᠨᠢ | ᠮᠠᠶᠢᠯᠠᠬᠤ ᠲᠥᠯ ᠲᠠᠢ ᠪᠠᠨ ᠳᠡᠯᠭᠡᠷᠡᠭᠰᠡᠨ | ᠮᠠᠨᠲᠤᠭᠤᠷ ᠬᠡᠦᠬᠡᠳ ᠨᠢ ᠥᠯᠥᠭᠡᠢ ᠳᠤ ᠡᠷᠬᠡᠯᠡᠨ | ᠲᠣᠭᠤᠨᠣ ᠪᠠᠨ ᠰᠢᠨᠵᠢᠭᠰᠡᠨ | ᠮᠠᠨᠲᠣ ᠶᠢᠨ ᠠᠶᠠᠨ ᠤ ᠮᠠᠯᠴᠢᠨ ᠠᠶᠢᠯ ᠲᠠᠢ | ᠳᠡᠯᠡᠬᠡᠢ ᠲᠢᠪ ᠲᠡᠭᠡᠨ ᠪᠠᠭᠲᠠᠳᠠᠭ | ᠳᠡᠭᠡᠳᠦ ᠶᠢᠨ ᠮᠠᠨᠢ ᠲᠠᠢ ᠲᠣᠭᠤᠭᠠ ᠠᠴᠠ ᠨᠢ | ᠲᠡᠭᠰᠢ ᠬᠡᠰᠢᠭ ᠢ ᠭᠦᠷᠲᠡᠶᠡ ᠬᠡᠮᠡᠨ ᠭᠦᠷᠳᠡᠭ ᠨᠤᠲᠤᠭ ᠮᠢᠨᠢ | ᠨᠠᠶᠢᠷ ᠤᠨ ᠰᠢᠷᠡᠭᠡ ᠳᠤᠨᠢ ᠨᠠᠷᠠᠨ ᠵᠦᠭ ᠤᠨ ᠳᠤᠭᠤᠷᠠ | ᠨᠠᠰᠤᠲᠠᠨ ᠪᠤᠭᠤᠷᠤᠯ ᠨᠢ ᠬᠤᠲᠤᠭ ᠥᠨᠳᠥᠷ ᠲᠦᠷᠢᠯᠭᠡ ᠲᠠᠢ | ᠬᠡᠨ ᠬᠡᠨ ᠳᠡᠭᠡᠨ ᠲᠠᠭᠤ ᠪᠠᠷ ᠪᠠᠶᠠᠷᠬᠠᠨ ᠳᠠᠭᠤᠯᠠᠳᠠᠭ | ᠭᠡᠮ ᠥᠨᠳᠥᠷ ᠣᠷᠲᠣ ᠶᠢᠨ ᠳᠠᠭᠤᠤ ᠶᠢᠨ ᠥᠮᠴᠢ ᠲᠠᠢ | ᠠᠭᠤᠰᠬᠢ ᠵᠢᠷᠦᠬᠡᠨ ᠤ ᠳᠣᠲᠣᠷᠠ ᠤᠰᠤ ᠨᠢ | ᠥᠩᠭᠡ ᠬᠤᠪᠢᠯᠵᠤ ᠤᠷᠤᠰᠳᠠᠭ ᠪᠣᠯᠬᠤᠷ | ᠤᠷᠮᠠ ᠵᠣᠷᠢᠭ ᠤᠨ ᠤᠬᠠᠭᠠᠨ ᠳᠤ ᠴᠢᠯᠠᠭᠤ ᠨᠢ | ᠬᠠᠳᠠ ᠪᠣᠯᠵᠤ ᠲᠦᠷᠦᠭᠰᠡᠨ ᠪᠣᠯᠬᠤᠷ | ᠵᠡᠭᠡᠯᠢ ᠶᠢᠨ ᠪᠢᠰᠢ ᠵᠡᠭᠡᠷᠡ ᠶᠢᠨ ᠵᠢᠰᠦ ᠲᠠᠢ | ᠵᠡᠷᠭᠡᠯᠭᠡᠨ ᠣᠷᠣᠯᠲᠣᠬᠰᠠᠨ ᠬᠥᠳᠡᠭᠡ ᠳᠡᠭᠡᠨ | ᠬᠥᠮᠥᠨ ᠤ ᠬᠢ ᠪᠢᠰᠢ ᠮᠢᠨᠤ ᠭᠦᠯᠦᠭ ᠤᠨ ᠰᠢᠳᠢ ᠲᠠᠢ ᠨᠤᠲᠤᠭ ᠲᠠᠭᠠᠨ | ᠰᠠᠷᠠ ᠵᠢᠯ ᠢᠶᠠᠷ ᠬᠦᠷᠬᠦ ᠦᠭᠡᠢ ᠶᠤᠮ ᠪᠣᠯ | ᠰᠠᠨᠠᠯ ᠤᠨ ᠨᠢᠯᠪᠤᠰᠤ ᠵᠡᠭᠦᠳᠦᠨ ᠳᠤᠮᠳᠠᠭᠤᠷ ᠤᠷᠤᠰᠤᠭᠠᠳ ᠪᠠᠶᠢᠨᠠ | ᠬᠥᠳᠡᠭᠡ ᠨᠤᠲᠤᠭ᠂ ᠬᠥᠭᠡᠷᠦᠬᠦᠢ ᠪᠢ | ᠬᠦᠰᠡᠯᠡᠩ ᠤᠨ ᠬᠤᠭᠤᠷ ᠤᠨ ᠤᠲᠠᠰᠤ ᠨᠤᠮᠤ ᠰᠢᠭ᠋ ᠡᠭᠦᠷᠢ ᠬᠥᠭᠯᠡᠭᠳᠡᠨᠡ | | |