| | ᠡᠭᠡᠷᠡᠮᠡ ᠲᠠᠯᠠ ᠶᠢᠨ ᠢᠶᠠᠨ ᠰᠢᠷᠬᠡᠭ ᠡᠪᠡᠰᠦ ᠨᠢ ᠪᠣᠯᠵᠤ ᠪᠥᠵᠢᠬᠦ ᠭᠡᠵᠦ | ᠡᠷᠬᠡᠰ ᠲᠠᠮᠵᠢᠨ ᠨᠠᠷᠠ ᠰᠠᠷᠠ ᠲᠠᠢ ᠣᠷᠴᠢᠯᠠᠩ ᠳᠤ ᠵᠤᠯᠠᠶᠢᠯᠠᠭᠠᠳ | ᠨᠠᠮᠠᠶᠢ ᠵᠠᠶᠠᠭᠠᠬᠤ ᠳᠤ | ᠭᠦᠢ ᠶᠢ ᠮᠢᠨᠢ ᠲᠠᠰᠤᠯᠣᠬᠰᠠᠨ ᠭᠤᠪᠢ ᠶᠢᠨ ᠬᠦᠷᠡᠩ ᠴᠢᠯᠠᠭᠤᠳ | ᠰᠦᠨᠡᠰᠦ ᠶᠢ ᠮᠢᠨᠢ ᠳᠠᠯᠠᠯᠤᠭᠰᠠᠨ ᠭᠠᠵᠠᠷ ᠰᠢᠷᠣᠢ ᠮᠢᠨᠤᠬᠢ | ᠪᠤᠳᠠ ᠰᠥᠭᠡᠭ ᠲᠠᠢ ᠵᠥᠷᠢᠭ ᠢᠶᠠᠷ ᠢᠶᠠᠨ ᠬᠥᠲᠥᠯᠵᠦ | ᠨᠠᠮᠠᠶᠢ ᠬᠥᠯ ᠳᠤ ᠣᠷᠣᠭᠤᠯᠤᠭᠰᠠᠨ | ᠪᠦᠪᠡᠢ ᠶᠢᠨ ᠳᠠᠭᠤᠤ ᠪᠠᠷ ᠠᠷᠭᠠᠳᠠᠵᠤ | ᠨᠠᠮᠠᠶᠢ ᠭᠡᠯᠡ ᠳᠤ ᠣᠷᠣᠭᠤᠯᠤᠭᠰᠠᠨ | ᠪᠤᠳᠠᠩᠲᠤ ᠠᠭᠤᠯᠠ ᠶᠢᠨ ᠣᠷᠣᠢ ᠪᠠᠷ ᠪᠤᠷᠬᠠᠳ ᠥᠭᠦᠯᠡᠯᠳᠦᠨ | ᠪᠤᠳᠠᠷᠭᠠᠨᠳᠤ ᠬᠥᠨᠳᠡᠢ ᠪᠠᠷ ᠪᠣᠳᠢ ᠭᠥᠷᠥᠭᠡᠰᠦ ᠳᠣᠷᠭᠢᠯᠳᠤᠨ | ᠪᠣᠷᠤᠭᠠ ᠴᠠᠰᠤ ᠰᠠᠯᠬᠢ ᠪᠠᠷ ᠱᠠᠪᠰᠢᠭᠤᠯᠤᠨ ᠪᠠᠶᠢᠵᠤ | ᠪᠤᠯᠴᠢᠩ ᠰᠢᠷᠪᠦᠰᠦ ᠪᠠᠨ ᠴᠢᠩᠭᠠᠯᠠᠭᠰᠠᠨ | ᠪᠤᠷᠤᠭᠤ ᠵᠥᠪ ᠢ ᠤᠬᠠᠭᠠᠷᠠᠭᠤᠯᠤᠨ ᠪᠠᠶᠢᠵᠤ | ᠮᠠᠨᠠᠨᠲᠤ ᠣᠷᠴᠢᠯᠠᠩ ᠠᠴᠠ ᠥᠪᠡᠷ ᠢ ᠪᠠᠨ ᠲᠠᠨᠢᠭᠰᠠᠨ | ᠨᠤᠲᠤᠭ ᠬᠡᠮᠡᠬᠦ ᠵᠡᠭᠦᠳᠦᠨ ᠳᠤ ᠣᠷᠴᠢᠳᠠᠭ ᠣᠷᠴᠢᠯᠠᠩ | ᠨᠤᠲᠤᠭ ᠬᠡᠮᠡᠵᠦ ᠠᠮᠢᠨ ᠢ ᠪᠥᠭᠡᠴᠡᠶᠢᠯᠡᠭᠰᠡᠨ ᠮᠥᠬᠦᠯᠢᠭ ᠰᠢᠷᠣᠢ | ᠭᠠᠯᠲᠤ ᠲᠡᠷᠭᠡ ᠶᠢ ᠣᠯᠵᠤ ᠦᠵᠡᠭᠰᠡᠨ ᠦᠭᠡᠢ ᠴᠦ | ᠬᠠᠰᠠᠭ ᠤᠨ ᠬᠦᠷᠳᠦ ᠪᠠᠷ ᠨᠡᠭᠦᠳᠡᠯ ᠡᠪᠬᠡᠭᠰᠡᠨ ᠡᠪᠦᠭᠡᠳ ᠮᠢᠨᠢ | ᠬᠠᠶᠢᠷᠠ ᠶᠢᠨ ᠪᠦᠪᠡᠢ ᠲᠠᠢ ᠬᠤᠷᠸᠠ ᠳᠤ | ᠬᠤᠶᠢᠨᠠ ᠠᠴᠠ ᠨᠠᠮᠠᠨᠴᠢᠯᠠᠳᠠᠭ ᠡᠮᠡᠭᠡᠳ ᠮᠢᠨᠢ | ᠡᠯᠪᠡᠭᠡ ᠨᠢ ᠬᠡᠶᠢᠰᠦᠭᠰᠡᠨ ᠰᠢᠪᠠᠷ ᠪᠠᠶᠢᠰᠢᠩ ᠤᠨ | ᠪᠣᠷᠣᠭᠠᠨ ᠭᠤᠭᠤᠵᠢᠭᠰᠠᠨ ᠡᠳᠦᠷ ᠤᠳ | ᠡᠷᠳᠡᠨᠢ ᠰᠢᠰᠢ ᠶᠢᠨ ᠪᠣᠣᠪᠤ ᠪᠠᠨ ᠪᠠᠷᠢᠵᠤ | ᠰᠤᠷᠭᠠᠭᠤᠯᠢ ᠳᠠᠭᠠᠨ ᠶᠠᠪᠤᠳᠠᠭ ᠨᠥᠬᠦᠳ ᠲᠠᠢ | ᠰᠠᠷᠠ ᠳᠠᠭᠠᠨ ᠣᠯᠵᠤ ᠢᠳᠡᠳᠡᠭ ᠦᠭᠡᠢ | ᠥᠷᠥᠮᠡ ᠰᠢᠬᠢᠷ ᠴᠣᠣᠵᠢ ᠲᠠᠢ ᠠᠪᠳᠠᠷᠠ ᠶᠢᠨ ᠭᠤᠷᠢ | ᠰᠢᠨᠡ ᠵᠢᠯ ᠳᠡᠭᠡᠨ ᠯᠠ ᠡᠮᠦᠰᠳᠡᠭ ᠨᠢᠭᠡ ᠵᠠᠬᠠ ᠬᠤᠪᠴᠠᠰᠤ | ᠪᠠᠭᠠ ᠨᠠᠰᠤᠨ ᠤ ᠭᠤᠶᠣᠯᠠᠯ | ᠰᠢᠷᠠ ᠡᠳᠦᠷ ᠪᠣᠷᠣ ᠬᠤᠨᠤᠭ ᠡᠮᠡᠭᠡ ᠶᠢᠨ ᠲᠣᠭᠠᠯᠠᠳᠠᠭ | ᠡᠷᠢᠬᠡᠨ ᠮᠥᠬᠦᠯᠢᠭ ᠰᠢᠭ ᠪᠥᠮᠪᠥᠷᠢᠨᠡ | ᠱᠠᠯᠪᠠᠭ ᠵᠠᠳᠠᠭᠠᠢ ᠳᠠᠭᠠᠨ ᠡᠷᠪᠡᠬᠡᠢ ᠲᠤᠭᠤᠯᠴᠠᠬᠰᠠᠨ | ᠬᠡᠳᠦᠨ ᠨᠢᠴᠦᠭᠦᠨ ᠮᠣᠷᠢᠲᠠᠨ | ᠨᠤᠲᠤᠭ ᠬᠡᠮᠡᠬᠦ ᠵᠡᠭᠦᠳᠦᠨ ᠴᠡᠩᠬᠡᠷ ᠣᠷᠴᠢᠯᠠᠩ | ᠪᠠᠭᠠ ᠨᠠᠰᠤᠨ ᠤ ᠦᠯᠢᠭᠡᠷ ᠤᠷᠤᠰᠤᠭᠰᠠᠨ ᠤᠨᠠᠭᠠᠨ ᠪᠠᠭᠤᠴᠠ ᠮᠢᠨᠢ | ᠲᠡᠷᠡ ᠵᠦᠭ ᠲᠤ ᠭᠤᠨᠢᠭ ᠪᠠᠶᠠᠰᠤᠯ ᠢ ᠲᠡᠭᠡᠭᠡᠵᠦ ᠭᠤᠣᠯ ᠭᠤᠷᠤᠬᠠ | ᠨᠠᠮᠤᠭᠤᠬᠠᠨ ᠤᠷᠤᠰᠳᠠᠭ | ᠲᠡᠷᠡ ᠵᠦᠭ ᠲᠤ ᠲᠡᠭᠷᠢ ᠡᠭᠦᠯᠡ ᠪᠠᠨ ᠠᠷᠴᠢᠨ ᠴᠡᠯᠮᠡᠶᠢᠵᠦ | ᠨᠠᠷᠠ ᠤᠯᠠᠮ ᠰᠢᠷᠭᠠᠯᠲᠤᠳᠠᠭ | ᠲᠡᠷᠡ ᠵᠦᠭ ᠲᠤ ᠦᠳᠡᠰᠢ ᠪᠠᠷ ᠪᠠᠭᠤᠭᠰᠠᠨ ᠮᠠᠨᠠᠨ | ᠥᠷᠯᠥᠭᠡ ᠪᠤᠯᠬᠤ ᠳᠤ ᠪᠣᠷᠤᠭᠠ ᠪᠣᠯᠵᠤ ᠨᠠᠮᠢᠷᠠᠳᠠᠭ | ᠲᠡᠷᠡ ᠵᠦᠭ ᠲᠤ ᠦᠷ ᠢᠶᠠᠷ ᠰᠡᠷᠢᠭᠰᠡᠨ ᠪᠣᠯᠵᠣᠮᠣᠷ | ᠨᠠᠷᠠᠨ ᠵᠦᠭ ᠰᠦᠷᠦᠭ ᠲᠠᠭᠠᠵᠤ ᠵᠢᠷᠭᠢᠳᠡᠭ | ᠲᠡᠷᠡ ᠵᠦᠭ ᠲᠤ ᠠᠯᠢ ᠵᠦᠭ ᠲᠤ ᠴᠦ ᠪᠠᠶᠢᠭᠠ ᠦᠭᠡᠢ | ᠵᠢᠵᠢᠭᠬᠡᠨ ᠲᠤᠰᠬᠤᠨ - ᠮᠢᠨᠤ ᠥᠨᠥᠴᠢᠨ ᠭᠠᠷᠠᠮ ᠪᠤᠢ | ᠲᠡᠷᠡ ᠵᠦᠭ ᠲᠤ ᠪᠠᠷᠠᠯᠠᠬᠤ ᠳᠤ | ᠰᠠᠷᠢᠳᠠᠭ ᠥᠨᠳᠥᠷ ᠤᠷᠭᠢᠯ ᠤᠳ ᠲᠣᠯᠣᠭᠠᠢ ᠪᠥᠬᠦᠶᠢᠨ ᠮᠡᠬᠦᠶᠢᠳᠡᠭ | ᠲᠡᠷᠡ ᠵᠦᠭ ᠲᠤ ᠰᠠᠷᠠᠪᠴᠢᠯᠠᠬᠤ ᠳᠤ | ᠨᠤᠲᠤᠭ ᠰᠠᠨᠠᠭᠰᠠᠨ ᠨᠢᠭᠡᠨ ᠠᠶᠠᠯᠭᠤ ᠴᠢᠪᠬᠠᠳᠠᠰᠤᠨ ᠳᠠᠭᠠᠨ ᠲᠣᠷᠴᠤ ᠪᠠᠶᠢᠳᠠᠭ | ᠢᠷᠡᠬᠦ ᠮᠠᠷᠭᠠᠰᠢ ᠶᠢᠨ ᠭᠡᠭᠡᠨ ᠵᠡᠭᠦᠳᠦᠨ ᠳᠤ | ᠡᠨᠡ ᠨᠤᠲᠤᠭ ᠤᠨᠲᠠᠭᠠᠳ ᠰᠡᠷᠢᠭᠰᠡᠨ | ᠨᠠᠪᠲᠠᠭᠠᠷ ᠪᠠᠶᠢᠰᠢᠩ ᠤᠨ ᠰᠢᠷᠣᠢ ᠶᠢᠨ ᠬᠠᠨᠵᠤᠨ ᠠᠴᠠ | ᠮᠥᠯᠬᠦᠵᠦ ᠪᠣᠰᠣᠭᠠᠳ ᠬᠤᠯᠠ ᠶᠠᠪᠤᠭᠰᠠᠨ ᠤᠯᠠᠨ ᠬᠡᠦᠬᠡᠳ | ᠡᠷᠡ ᠴᠡᠷᠢᠭ ᠤᠨ ᠲᠠᠩᠭᠠᠷᠢᠭ ᠡᠷᠭᠦᠵᠦ ᠠᠯᠳᠠᠨ ᠬᠢᠯᠢ ᠪᠠᠨ ᠮᠠᠨᠠᠳᠠᠭ | ᠡᠬᠡ ᠣᠷᠣᠨ ᠤ ᠣᠳᠣᠬᠢᠴᠢᠯᠠᠭᠰᠠᠨ ᠠᠰᠠᠷ ᠲᠤ ᠲᠤᠭᠤᠰᠭ᠋ᠠ ᠦᠷᠦᠳᠡᠭ |