| | ᠰᠡᠳᠬᠢᠯ ᠳᠤ ᠰᠦᠨᠳᠡᠷᠯᠡᠳᠡᠭ | ᠦᠵᠡᠭᠳᠡᠳᠡᠭ ᠦᠭᠡᠢ ᠥᠨᠳᠥᠷ ᠠᠭᠤᠯᠠ ᠪᠠᠨ | ᠰᠤᠳᠤᠷ ᠤᠨ ᠣᠪᠣᠭᠠ ᠭᠡᠵᠦ ᠲᠥᠰᠥᠭᠡᠯᠡᠭᠡᠳ | ᠤᠩᠭᠤᠨ ᠲᠤᠶᠠᠭᠠ ᠰᠠᠴᠤᠷᠠᠭᠰᠠᠨ | ᠰᠤᠳᠤᠷ ᠤᠨ ᠣᠪᠣᠭᠠᠨ ᠳᠠᠭᠠᠨ ᠨᠠᠮᠠᠨᠴᠢᠯᠠᠨ ᠵᠠᠯᠪᠠᠷᠢᠬᠤᠢ ᠳᠤᠷ | ᠰᠣᠳᠣᠨ ᠰᠡᠷᠡᠯ ᠳᠤ ᠮᠢᠨᠢ ᠰᠢᠯᠦᠭ ᠤᠨ ᠳᠠᠭᠢᠨᠢᠰ ᠪᠥᠵᠢᠭᠯᠡᠭᠡᠳ | ᠨᠣᠮ ᠰᠢᠭ᠋ ᠨᠡᠪᠲᠡᠷᠬᠡᠢ ᠪᠤᠯᠳᠠᠭ | ᠨᠣᠮ - ᠰᠡᠳᠬᠢᠯ ᠭᠡᠶᠢᠭᠦᠯᠳᠡᠭ ᠰᠠᠨ | | | ᠪᠤᠳᠣᠯ ᠳᠤ ᠰᠦᠮᠡᠯᠵᠡᠳᠡᠭ ᠤᠨᠲᠠᠷᠠᠳᠠᠭ ᠦᠭᠡᠢ | ᠥᠩᠭᠡᠲᠦ ᠴᠠᠮᠬᠠᠭ ᠢ | ᠤᠬᠠᠭᠠᠨ ᠤ ᠭᠡᠭᠡ ᠭᠡᠵᠦ | ᠣᠶᠢᠯᠠᠭᠠᠭᠠᠳ ᠤᠶᠢᠳᠬᠠᠷ ᠢᠶᠠᠨ ᠰᠢᠲᠠᠭᠠᠨ | ᠤᠬᠠᠭᠠᠨ ᠤ ᠭᠡᠭᠡ ᠪᠠᠨ ᠨᠦᠮᠦᠷᠢᠨ ᠵᠡᠭᠦᠷᠮᠡᠭᠯᠡᠬᠦᠢ ᠳᠤᠷ | ᠵᠡᠭᠦᠳᠦᠨ ᠡᠴᠢᠨᠡ ᠳᠤ ᠰᠢᠯᠦᠭ ᠤᠨ ᠰᠢᠪᠠᠭᠤᠳ ᠵᠢᠷᠭᠢᠯᠳᠦᠭᠡᠳ | ᠨᠣᠮ ᠰᠢᠭ᠋ ᠭᠦᠨᠵᠡᠭᠡᠢ ᠪᠤᠯᠳᠠᠭ | ᠨᠣᠮ - ᠤᠬᠠᠭᠠᠨ ᠢᠶᠠᠷ ᠪᠢᠴᠢᠭᠳᠡᠳᠡᠭ ᠰᠠᠨ | | | ᠮᠥᠷᠥᠭᠡᠳᠦᠯ ᠳᠤ ᠵᠦᠮᠪᠦᠷᠯᠡᠳᠡᠭ | ᠴᠤᠴᠠᠳᠠᠭ ᠦᠭᠡᠢ ᠪᠠᠲᠤ ᠢᠲᠡᠭᠡᠯ ᠢᠶᠠᠨ | ᠡᠷᠳᠡᠮ ᠤᠨ ᠵᠢᠭᠦᠷ ᠭᠡᠵᠦ ᠮᠡᠳᠡᠷᠡᠭᠡᠳ | ᠡᠷᠬᠡᠯᠡᠩᠬᠡᠨ ᠳᠡᠪᠢᠭᠡᠳ ᠡᠷᠪᠡᠬᠡᠢ ᠰᠢᠭ | ᠡᠷᠳᠡᠮ ᠤᠨ ᠵᠢᠭᠦᠷ ᠢᠶᠠᠨ ᠳᠡᠯᠭᠡᠨ ᠨᠢᠰᠬᠦ ᠪᠠᠷ | ᠡᠷᠬᠡᠰ ᠤᠨ ᠭᠦᠨ ᠳᠤ ᠰᠢᠯᠦᠭ ᠤᠨ ᠠᠮᠢᠰᠬᠤᠭᠠ ᠰᠡᠩᠭᠢᠨᠡᠭᠡᠳ | ᠨᠣᠮ ᠰᠢᠭ᠋ ᠠᠭᠤᠳᠠᠮ ᠪᠤᠯᠳᠠᠭ | ᠨᠣᠮ - ᠡᠷᠳᠡᠮ ᠢᠶᠠᠷ ᠬᠥᠭᠯᠡᠳᠡᠭ ᠰᠠᠨ | | | ᠳᠤᠷᠠᠯᠠᠯ ᠳᠤ ᠨᠢᠯᠬᠠᠷᠠᠳᠠᠭ ᠬᠤᠯᠠᠳᠠᠳᠠᠭ ᠦᠭᠡᠢ | ᠬᠥᠭᠡᠷᠦᠬᠦᠨ ᠴᠢᠮᠠᠶᠢ ᠪᠠᠨ | ᠬᠠᠶᠢᠷᠠ ᠶᠢᠨ ᠤᠳᠣᠨ ᠭᠡᠵᠦ ᠮᠡᠳᠡᠷᠡᠭᠡᠳ | ᠭᠠᠭᠴᠠᠭᠠᠷᠳᠠᠯ ᠢᠶᠠᠨ ᠠᠷᠭᠠᠳᠠᠨ | ᠬᠠᠶᠢᠷᠠ ᠶᠢᠨ ᠤᠳᠤᠨ ᠢ ᠡᠪᠦᠷᠯᠡᠭᠡᠳ ᠶᠠᠪᠤᠬᠤ ᠪᠠᠷ | ᠬᠠᠨᠠᠭᠠᠷ ᠴᠡᠭᠡᠵᠢᠨ ᠳᠤ ᠰᠢᠯᠦᠭ ᠤᠨ ᠭᠦᠯᠦᠭ ᠢᠨᠴᠠᠭᠠᠭᠠᠳ | ᠨᠣᠮ ᠰᠢᠭ᠋ ᠲᠡᠭᠦᠯᠳᠡᠷ ᠪᠤᠯᠳᠠᠭ | ᠨᠣᠮ - ᠬᠠᠶᠢᠷᠠ ᠪᠠᠷ ᠢᠪᠢᠯᠳᠡᠭ ᠰᠠᠨ | | | ᠬᠢᠵᠠᠭᠠᠷ ᠦᠭᠡᠢ ᠳᠤ ᠨᠠᠮᠢᠷᠠᠳᠠᠭ | ᠭᠠᠩᠳᠠᠳᠠᠭ ᠦᠭᠡᠢ ᠴᠡᠩᠬᠡᠷ ᠥᠩᠭᠡ ᠶᠢ | ᠠᠨᠢᠷ ᠦᠭᠡᠢ ᠶᠢᠨ ᠤᠶᠠᠩᠭᠠ ᠭᠡᠵᠦ ᠮᠡᠳᠡᠷᠡᠭᠡᠳ | ᠭᠤᠨᠢᠭ ᠢᠶᠠᠨ ᠤᠮᠠᠷᠲᠠᠨ | ᠠᠨᠢᠷ ᠦᠭᠡᠢ ᠶᠢᠨ ᠤᠶᠠᠩᠭᠠ ᠳᠤ ᠰᠣᠭᠲᠣᠭᠤᠷᠠᠬᠤ ᠪᠠᠷ | ᠬᠠᠴᠠᠷ ᠤᠨ ᠮᠢᠨᠢ ᠬᠤᠨᠳᠠᠭᠠᠨ ᠳᠤ ᠰᠢᠯᠦᠭ ᠤᠨ ᠴᠣᠮᠣᠷᠯᠢᠭ ᠵᠠᠳᠠᠷᠠᠭᠠᠳ | ᠨᠣᠮ ᠰᠢᠭ᠋ ᠥᠵᠡᠰᠭᠦᠯᠡᠩ ᠪᠤᠯᠳᠠᠭ | ᠨᠣᠮ - ᠠᠨᠢᠷ ᠦᠭᠡᠢ ᠳᠤ ᠴᠡᠴᠡᠭᠯᠡᠳᠡᠭ ᠰᠠᠨ | | | ᠬᠠᠮᠤᠭ ᠮᠡᠳᠡᠷᠡᠬᠦᠢ ᠶᠢ ᠭᠡᠵᠢᠭᠡᠳᠡᠳᠡᠭ | ᠨᠣᠮ ᠤᠩᠰᠢᠳᠠᠭ ᠮᠥᠴᠡ ᠪᠦᠷᠢ ᠪᠠᠨ ᠪᠢ | ᠬᠠᠪ ᠬᠠᠯᠠᠭᠤᠨ ᠠᠮᠢ ᠮᠢᠨᠢ ᠭᠡᠵᠦ ᠲᠥᠰᠥᠭᠡᠯᠡᠭᠡᠳ | ᠬᠦᠰᠡᠯ ᠢᠶᠠᠷ ᠡᠷᠴᠢᠯᠡᠭᠰᠡᠨ | ᠬᠠᠪ ᠬᠠᠯᠠᠭᠤᠨ ᠠᠮᠢ ᠰᠤᠳᠠᠰᠤ ᠪᠠᠷ ᠮᠢᠨᠢ ᠤᠷᠤᠰᠬᠤ ᠪᠠᠷ | ᠵᠢᠷᠦᠬᠡᠨ ᠳᠤ ᠴᠢᠳᠬᠤᠭᠰᠠᠨ ᠦᠰᠦᠭ ᠪᠦᠭᠦᠨ ᠨᠢ ᠨᠡᠪᠴᠢᠭᠡᠳ | ᠠᠯᠳᠠᠩᠬᠠᠨ ᠪᠡᠶᠠᠨ ᠤ ᠮᠢᠨᠢ ᠡᠰ ᠪᠣᠯᠣᠨ ᠭᠡᠷᠡᠯᠳᠤᠳᠡᠭ |